Isaías 20:5 - Biblia Dc en Mixe de Quetzaltepec

⁵ Ja ja'ayëty ko nëjkx jëtu'un t'ixtë je'eyë nëjkx tsyë'ëkëtë ets tsyëtyuntë, jä'ä ko jëtu'un ënety yë Etiopíë kajpn të tjawëtë tä tu'uk mëk kajpnën ets Egiptë kajpn mëti'ipë mëj'äämpy ijtpën.

Biblia Mixe de Quetzaltepec

⁵ Ja ja'ayëty ko nëjkx jëtu'un t'ixtë je'eyë nëjkx tsyë'ëkëtë ets tsyëtyuntë, jä'ä ko jëtu'un ënäty yë Etiopíë kajpn të tjawëtë tä tu'uk mëk kajpnën ets Egiptë kajpn mëti'ipë mëj'äämpy ijtpën.

Isaías 20:5 ပူးပေါင်းရင်းမြစ်များ

2 Reyes 18:21

Ëjts jëtu'unës n'ixy ko mijts yë'ë yowë mtuk'ijxpejtyp yë Egiptë. Oy, ka'ap tääpë wyi'ixëty, je'eyëp ko yi'iyë mnijawëp, ko yë Egiptë yajkutujkpë jëtu'un yë'ë tä tu'uk yë waxk kepyën, ko nmajtsmëty ets njatajk'ata'anmëty poj'am y'u'kxy xykyë'ëtëjkëmëty. Yë faraón jëtu'un yë naax kajpn tuny mëti'ipë tuk'ijxpäjtëpën.

Isaías 2:22

Këtii yë naaxwiinyëtë ja'ay xytyuk'ijxpätëty, nitii tkakëjxmëty, wäänë jyuuky'ajtkojy.

Isaías 30:3

Je'eyëp ko ja Egiptë yajkutujkpë ka'ap nëjkx oy kyëwent'atëtë, ja tsoktakn mëti'ipë ënety të tjapaatën jap Egiptë, je'eyë nëjkx o'ktëy tmëjatë.

Isaías 30:5

je'eyë nëjkx o'ktëy tmëjatë tääpë naax kajpn, ka'ap nëjkx nitiiputëjkën ets nitii jotkëtakën myo'ojëtë; je'eyë nëjkx yajmon yajtukëtë ets yaj'ëyo'onpaatëtë.

Isaías 30:7

Ka'ap tii myäyë, ka'ap tukjaty wi'ix pyutëkëtëtyën, paatyës të nxëëwmo'oy: Mëj jëyujk mëti'ipë je'eyë ni'tspën ets ka'ap tii tuny.

Isaías 31:1

Ëxëëk ja naax kajpn jyata'an kyëpäta'antë mëti'ipë ja näypyutëkë y'amëtoowtëpën jap Egiptë, mëti'ipë tyuk'ijxpäjtëpën ja kwaay, mëti'ipë tyukjotkujk'ajtëpën ko may tmëëtëty ja kepy wintëkäämpë, ets ka'ap t'ijxpaatë ja Wintsën Wa'atspë mëti'ipë ja Israel ja'ay y'ëwtajtëpën ets ka'ap yë'ë t'amëtowtë ja näypyutëkë.

Isaías 36:6

Jëtu'unës n'ixy ko yë'ë Egiptë mtuk'ijxpejtyp. Oy, yë Egiptë ja'ayëty jëtu'un yë'ëjëty tä kepy xya'kën, ko yajmatsy tääts kyë'ëtëkë. Jëtu'un tääpë yajkutujkpë, mëti'ipë jap Egiptë ënä'ämpën ets jëtu'un tyajjaty tyajkëpety mëti'ipë tuk'ijxpäjtëpën.

Isaías 36:9

Mijts ka'ap mmayëtëty xyajkä'äkëty nitu'ukën yë Asiria ja'ay ¿wi'ixën jap Egiptë xypyaata'any ja mëti'ipë kwaay tyuk'u'unyääytyëpën?

Isaías 37:9

Ja Asiria yajkutujkpë ojts nijawë ko ja Tirhacá yajkutujkpë mëti'ipë Etiopíë ënä'ämpën, tëë ënety tuknipëjktaakë ko mëët ja tsyiptuunpëtëjk nyipëtë'ëka'anyë. Ënet jatëkok tkäjpxynyikejxy ja Ezequías yajkutujkpë mëti'ipë Judá ënä'ämpën ets t'ënëmaay:

Jeremias 17:5

Jëtu'un yë Wintsën y'ënä'äny: Poky yë ja'ay y'ity mëti'ipë yë jyot wyinma'any yajjëëwä'kpyën maas ëjtsën, mëti'ipë yë naaxwiinyëtë ja'ay tyuk'ijxpejtypyën ets yë'ë tyukjotkujk'ajtyp.

Jeremias 46:25

Yë Wintsën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'un y'ënä'äny: Ëjts ntëytyunäämpyës yë Amón, mëti'ipë yë Tebas ja'ayëty y'ëwtajtëpën, ntëytyunäämpyës yë Egiptë ja'ayëty mëët ni'ëmukë yë tyiosëty ets yajkutujkpëtëjk ets y'ënä'ämpëtëjk ets ni'ëmukë mëti'ipë tyuk'ijxpäjtëpën.

Ezequiel 29:16

yë Israel kajpn ka'ap jatëkok t'ëktuk'ijxpäjnëty yë Egiptë kajpn, nëjkxëp tja'akyukëtë ok ko ojtstëm tsyuu'atë ko näypyutëkë t'ixtaaytyë jap Egiptë. Ënet nëjkx nijawëtë ko ëjts Wintsën.

Nahúm 3:9

Yë Etiopíë ets Egiptë jëtu'un ijty mjëkyejpyë tä yë naax kajpnën ta'tspëkpyë ets kuwa'anypë; yë Fut ja'ayëty ets Libië ja'ayëty yë'ë ijty mëët tu'ukyë mnäyaj'ityë.

Sofonías 2:12

Näyjyëtu'un miitsëty Etiopíë ja'ayëty nän nëjkxëp yë mëj Wintsën myajtsëtyutëtë mëët yë tëypyujxn.

1 Corintios 3:21

Paaty ka'ap miits tii mnätyukyajmëjnaxëtëty, jä'ä ko aak miits yë'ë mjä'äjëty;