Isaías 2:8 - Biblia Dc en Mixe de Quetzaltepec

⁸ May näjyëtu'un tmëët'atë ja awinax, ets ënät twinkoxtänëtë mëti'ipë kë'ëm të tyajkojtën mëët ja kyë'ë y'aawëty.

Biblia Mixe de Quetzaltepec

⁸ May näjyëtu'un tmëët'atë ja awinax, ets ënät twinkoxtänëtë mëti'ipë kë'ëm të tyajkojtën mëët ja kyë'ë y'aawëty.

Isaías 2:8 ပူးပေါင်းရင်းမြစ်များ

1 Reyes 16:7

Ya'atë aaw ayuk yë'ë ojts yajtukmëkäxë Jehú, Hananí yë myaank; ja Wintsën jä'ä ojts tnikäjpxy wi'ix ja Baasá tkumëtowëtyën ja pyoky mëët ja y'u'unk y'ëna'k y'u'unk tyo'oxytyëjk, jä'ä ko tëkatsy ojts winë tuny. Basá ojts yë Wintsën tyajjoot'anpëky, jä'ä ko ëxëëk winë tuuny jëtu'un tä ja Jeroboam mëët ja y'u'unk y'ëna'k ëxëëk winë tuuntën, mëti'ipë ojts näjyëtu'un kyutëkoytyën.

2 Reyes 17:10

Ojts ja tsaapotsy muum tpëjktaknëtë mëti'ipë y'ëmaaytyijtëpën ets ojts tyajnikojtutnëtë ja Aserá, jam muum tunkëjxm ets jam muum kepypya'tkë'ëm,

2 Reyes 17:16

Wa'ats tja'atyëkooytyääytyë ja Wintsën ja y'ënä'ämën tyiyajtën ets ojts tyajkojtë mäjtsk ja tsajpkaa aak pujxnëmpë; ojts tyajnikojtu'utë ja Aserá, ja mëtsa'a ets Baal.

2 Crónicas 27:2

Jotam oy winë tuuny ma Wintsënën, jëtu'un tä Uzías ënety winë të tunyën mëti'ipë yë'ë tyeety'ajtën. Je'eyëp ko yë'ë ka'ap jap tsajptëkoty tyëjkëy. E oy jyajëtu'unëty ja naax kajpn je'eyëm ojts winë ëxëëk tuny tkäjpxy.

Isaías 17:8

Ka'ap nëjkx jää y'ëkyajtuunë këwentë ja wintsë'këntyakn ets ja awinax mëti'ipë ja'ay kë'ëm yajkojtëpën. Ka'ap nëjkx pën y'ëk'ijxpatënë ja kepy kyopk mëti'ipë ja'ay yaj'ëmaay'ijtëpën ets yë'ëpaat ja wintsë'këntyakn ma ja tyiosëty tukwintoytyën ja poom.

Isaías 26:13

Wintsën mëti'ipës nTios'ajtëpën, wiink ja'ay ëëts të nwintsën'atë, tyam myaj'ijxkajp ko mijts mWintsënëty.

Isaías 37:19

ets ko tëë tnino'ktaayëtë tsyaamëxanëty, y'awinaxëty, mëti'ipë ënety tyijtëpën tios, jä'ä ko ka'ap tyiosëty; naaxpotsy, tsaa ets kepy të y'itë mëti'ipë naaxwiinyëtë ja'ay kë'ëm të tyaj'oyën. Paatykyëjxm të tjantyyajkutëkoytyë.

Isaías 40:19

Tu'uk ja'ay mëti'ipë pujxn y'oytyuunpyën, yajxon tyajkojy tu'uk pujxntsetsy, tääts tu'uk yë pu'ts pujxn oytyuunpë tuknikoy yë pu'ts pujxn ets t'oytyuunë yë yo'ktëy mëët yë poop pujxn.

Isaías 41:29

Nitii tkakëjxm'atë yë'ëjëty, oy jeexyë tu'ukën. Nitii kyamayëtë tuntëty; naaxpotsy yë je'eyë mëti'ipë tukwa'atsën.

Isaías 57:5

je'eyë xy'ixta'atë kepypya'tk mëjëtypë tääts jam m'ëtë'ëtstë m'ëna'antë tëkatsy, jap muum wokjoty m'u'unk mmëxu'unkpë xykyujëpijpnaxtë, jap muum tsaajutjoty xy'atijëtë.

Jeremias 1:16

Ya'atë tëytyu'unën të ntuknipëjktaakës ma tääpë pokyjyä'äytyëjkëtyën mëti'ipës të xy'ixmatstën, mëti'ipë të tukwintoytyën ja poom ets të t'ëwtatën ja wiink tios, mëti'ipë jaaypyaat jaaypyo'kxy y'ëwtajtëpën.

Jeremias 11:13

Yë Judá ja'ayëty may yë tios tmëët'atë, jëtu'un tä yë nyaax kyajpn myäy'atën; yë Jerusalén ja'ayëty may yë wyintsë'këntyakn tmëët'atë ma Baal tukwintoytyën yë poom, jëtu'un tä yë në'ë tu'u jam myäyëtyën.

Jeremias 2:28

Judá, ¿ma ënät ja mtios mëti'ipë të xyajkojyën? Mijts jëtu'un yë tios may xymyëëtëty tä maykyajpnën. Wä'än yë'ë mniminyë ets wä'än myajtso'okyë ko ëyo'on xypyaatëty.

Oseas 12:11

Jam Galaad tam wiink tios jyätyë, je'eyëp ko yë'ë mëti'ipë ka'ap myëtëyëtyën. Jam Guilgal yë'ë jam wintsë'kën'ajtp yë tsajpkaa; ets yë'ë jam wintsë'këntyakn'ajtp yë tsaanipiy ma të t'awitstën yë kam tu'u.

Oseas 13:2

Ja ja'ayëty je'eyëm pyokytyuun'ëtë'ëtstë. Yajjëëytyëëwtëp yë poop pujxn ets t'oytyuntë y'awinax jëtu'un ijxtëm wyinma'anypyaatën ets jëtu'un ijxtëm yë pujxn'oytyuunpë t'oy'ixyën ets y'ëna'antë: Mo'otë wyintsë'kën ets ja ja'ay tjanty tsyu'kxtë ja y'awinaxëty mëti'ipë jëtu'un këxë'kpën tä tsajpkaa'u'unkën.

Oseas 14:3

Yë Asiria ja'ayëty ka'ap tjëkyepy xyajtsokmëty ets ka'ap tjëkyepy kwaaykyijxy nkäkmëty. Ka'ap mëpaat n'ëkmëkäjxënë wintsën mëti'ipë kë'ëm nyajkojëmën, jämyë ma mijtsën Wintsën, jämyë yë ku'ooky u'unk tpaatë yë näpya'ëyow nänyajts'ëyowë.

Oseas 8:6

Tääpë Samaria ja'ay y'awinaxëty mëti'ipë y'ëwtajtëpën, ka'ap yë Tyiosëty, tsäjtspë ja'ay të yajkojyë ets ma'ataanp yë'ë.

Miqueas 5:12

Nyajkëxäämpyës yë kajpxpojkpëtëjk ets jëtu'unyës nyajwë'ëma'any nasja'apëtuk.

Hechos 17:16

Jam Atenas, tam ënety ja Pablo tjëjp'ixy ja Timoteo ets ja Silas. Ënet t'ijxpaty ko ujts ënety ja kajpn yajpaaty mëët ja awinax.

Deuteronomio 4:28

Jam nëjkx ja wiink wintsën xymyëtuntë, mëti'ipë yë naaxwiinyëtë ja'ay kë'ëm yajkojtëpën; tä yë kepy tsyetsyën, tsaatsetsyën, mëti'ipë ka'ap y'ixy myëtoyën; ka'apë kyäy y'uukyën ets ka'apë xyejyën.

Apocalipsis 9:20

E ja ja'ay mëti'ipë jaakwë'ëmtën mëti'ipë jaakjuukyëtyën mëët ja jëtu'unpë ëyo'on, ka'ap ja t'ëxmajtstë ja y'ëxëëk winma'anyëty, wyintsë'ëkë ëtëtstëp ja ku'oypyë, ja awinax mëti'ipë pu'ts pujxn, poop pujxn, tsuxkpujxn, tsaa ets kepy mëët y'oytyunyëtyën; mëti'ipë ka'ap myëtoyën ets mëti'ipë ka'ap ye'eyën.