Isaías 2:19 - Biblia Dc en Mixe de Quetzaltepec

¹⁹ Ko ënety ja Wintsën tnipëtë'ëky ja naax kajpn ets jyää'aty ja tsë'ëkë jawë naaxwiiny naaxkëjxy, nëjkxëp ja ja'ay tsyaatëkëtë jyutëkëtë ets jap nyäyu'utsëtëty, këtiipë ja Wintsën y'ixëtëty ko ënety ja myëj'ajt y'oyajtën tyaj'ixyë.

Biblia Mixe de Quetzaltepec

¹⁹ Ko ënäty ja Wintsën tnipëtë'ëky ja naax kajpn ets jyää'aty ja tsë'ëkë jawë naaxwiiny naaxkëjxy, nëjkxëp ja ja'ay tsyaatëkëtë jyutëkëtë ets jap nyäyu'utsëtëty, këtiipë ja Wintsën y'ixëtëty ko ënäty ja myëj'ajt y'oyajtën tyaj'ixyë.

Isaías 2:19 ပူးပေါင်းရင်းမြစ်များ

2 Samuel 22:46

Ja ja'ayëty mëti'ipë jëkämëty tso'ontëpën jëtu'unyë të y'akumon të jyotkumonëtë, ko muum nyätyijyë të jyanäyu'utsëtë mëët ja tsëtyu'un të pyëtsëmtë.

Job 9:6

Yë'ë yaj'yu'kxyp yë naaxwiinyëtë ets yë'ë yajtsëtyuupy ma naaxwiinyëtë kyëxmëtä'äkyën.

Salmos 7:6

Wintsën, pëtë'ëk mëët ja m'ëwa'an'ajtën. Putëjkëkës. Mijts wiinkuwa'akë ja nmëtsipës ja tsyip y'äkë, Mijts të xynyikäjpxy ko oy winë xynyipaye'eyä'äny, putëjkëkës ënät.

Isaías 13:13

Ëxëëk nëjkx ja tsajp jyäty kyëpety, ets ja naaxwiinyëtë wiinktsow nëjkx nyaskëyë mëët ko ënety yajxon të njoot'anpëkyës.

Isaías 2:10

Tsaajoty nëjkx muum kyukääkëtë; nëjkxëp yu'utsy me'ty jyaak kä'äktë ko ënety ja Wintsën ja tyiytyu'unën tyajnaxy.

Isaías 2:21

Jap muum tsaajutjoty, tsajpkëkjoty nëjkxëp ja ja'ay nyäy'atijëtë, jap nyäyu'utsëtëty ko ënety ja Wintsën ja ëyo'on tyajminy tyajkëtä'äky naaxwiiny naaxkëjxy.

Isaías 24:1

Ixtë wi'ix ja Wintsën ja naaxwiinyëtë tuna'anyën, yajma'ta'ajäämpy ets yajwintëkooytya'ajäämpy koonëm ja ja'ay kyääkwa'kxta'atëty.

Isaías 24:18

Mëti'ipë ja käkpën jutjoty nëjkx kyukääkë, e mëti'ipë jutjoty ja pëtsëëmpën jam nitëyë nyëjkxa'any ma të yajxokyën. Mëk komtuu jam tsajpjotm tsoonaanp ets nëjkx ja naaxwiinyëtë y'ëtëtstä'äky.

Isaías 24:19

Yajxon ja naaxwiinyëtë mëk yu'kxa'any, këëykëëynyë y'ëtë'ëtsa'any, ets piw nuuk jyajta'aja'any.

Isaías 30:32

Ko ënety ja Wintsën tjëwojpë'ëky ja Asiria, nëjkxëp ja ja'ay y'ëwtë kyowtë. Yë Wintsën yë'ë nyipëtë'ëkäämpy ja Asiria kajpn ets mëët tsyiptuna'any.

Isaías 33:10

Ënet ja Wintsën y'ënä'äny: Ëjts yam ntuktëkëjäämpy tääpë jotmay, tyamës nyaj'ixa'anyë ja nmëk'ajtën n'oyajtën.

Isaías 7:19

Aak jap nëjkx kyukäkëtya'atë muum wokjoty, aankjoty, ujtsjoty, äpnyoty, ets jam muum ma aayjëyujk ujtsjëyujk nyëë'uuktën.

Jeremias 16:16

Ëjts Wintsën jëtu'unës n'ëna'any: Nyajminäämpyës ja'ay mëti'ipë nëë jëyujk majtstëpën ets tmatstëty ja Israel ja'ay. Ok nyajmina'anyës nimay mëti'ipë aayjëyujk ujtsjëyujk y'ijxtaaytyëpën ets tmajtsmuktëty ja Israel ja'ayëty tunkëjxmëpë kopkëjxmëpë tsyëënëtën.

Jeremias 4:29

Jëtu'unyë ja'ay kyäkpëtsëëmta'atë ko tmëtowtë ja mëtsip myiny kwaaykyijxy ets aakmëët ja tyi'pxnëty; jam ujtsjotm kyukäkëtya'atë ets mëti'ipë jam tsaatunkëjxm. Tëë ja naax kajpn tukpëyë'ktuta'atë; ka'ap jam pën y'ëktsënaaynyë.

Jeremias 48:28

Moab ja'ayëty tim pëtsëëmta'atë jap kajpnjoty; nëjkx jam mtsëënëtë tsaakopkëjxm ets jëtu'un jam muum mnäkyukonëtëty tä joon jëyujk pyä'än t'oytyunyën tsaakäätswiiny.

Ezequiel 33:27

M'ënëëmëp näjyëtu'un: Jëtu'un yë Wintsën y'ënä'äny: Njuukyajtënës yam ntukkajpxpejtyp etsës n'ëna'any: ko yë ja'ayëty mëti'ipë tsënaaytyëpën maajaty yë naax kajpnën, xit ko'ow të jyajta'atë, nëjkxëp ja'ay yaj'ookëtë, e mëti'ipë tsënaaytyëpën kamjoty nëjkxëp tsyu'tsta'ajëtë ja jëyujk ëwa'anëtypë, e mëti'ipë aankjoty ets tsaajoty tsënaaytyëpën yuu pa'am yaj'ookanëtëp.

Oseas 10:8

Kutëkooytya'ajaanp yë awinax yë tsyajptëjk ma Israel ja'ay ijty pyokytyuntën. Jam ma y'awinaxëtyën äpny ets aay ujts nëjkx jam yony ets nëjkx yë ja'ay yë'ëpaat tjatsoktë ets jeexyë y'ujts nyiyoontëkoytyë ets nëjkxëp jya'ëna'antë ets jeexyë kopk nyija'awpätëtë.

Miqueas 7:17

Wä'än naaxmaj tkääptë tsa'anyën ets jëtu'un tä wiinkëtypë jëyujkën. Wä'än jap tpëtsëmtë ma pyä'änëtyën mëët ja tsëtyuyë ets tsë'ëkë tsë'ëkë mwinkuwa'akëty Wintsën, mëti'ipës nTios'ajtëpën.

Nahúm 3:11

Näyjyëtu'un mijts, nëjkxëp myaj'a'uukë ets muktëkoyëtëty; tsuu poj nëjkx mnäyu'utsyë, jam xy'ixta'aja'any yë tsoktakn ma mmëtsipën.

Hageo 2:6

Ëjts tsojkës nyajyu'kxa'any yë naaxwiinyëtë ets tsajp, yë mejy ets mëti'ipë ta'tspëkyën.

Hageo 2:7

Nyajyu'kxta'ajäämpyës yë naax kajpn wiinkëtypë muum yajpaatën ets tmëmintëty yë wyit myeenyëty ets jyotkujk'ajtënëty maas yë ntsajptëjkën ets ja ntsajptëjkës y'utsa'any mëët yë mëj'ajt oyajtën. Yë Wintsën mëti'ipë maaytyääyëpën winë, yë'ë jëtu'un ënaanp.

Lucas 23:30

Ënet nëëmëja'antë ja kopk: Tukkëtaawpäjtëkës ets nëëmëja'antë ja tun: Yu'tstëkës.

2 Tesalonicenses 1:9

Yajtëytyunantëp xëmëkyëjxm ets jëkäm yajpëjkta'aka'antë ma ja Wintsën ka'ap y'ixëtëty, ma ka'ap tpaatëtyën ja Wintsën ja myëj'ajtën jyääntyajtën ets myëk'ajtën.

Hebreos 11:38

Ka'ap jëtu'un jyapaat'ajtëtë ets ja ja'ay ëxëëk tyunëtëty. Jëtu'unyë kyuye'ey kyunajxëtyë të'ëts'itjotm, käätsjotm ets aankjoty tsaajoty jyuuky'ajtë.

Hebreos 12:26

Ko ja Dios ojts kyäjpxy kopkëjxm, ojts yu'kxy ja naaxwiinyëtë, e tyam jëtu'un y'ënä'äny: Nyajyu'kxäämpyës jatëkok ja naax; je'eyëp ko ka'ap yi'iyëty naax, näjyëtu'un ja tsajp.

Apocalipsis 11:13

Ënätyë ja ujx myiiny mëk ets niwëxtujk mil ja ja'ay y'o'ktë ko tu'kpëky ja majk pëkpyë kajpn kyuja'awnajxy mëët ja ujx, e ja ja'ay mëti'ipë ka'ap y'o'ktën, yajxon tsyë'ëkëtë ets tmëja'awëtyë ja Dios ja tsajpjotmëpë.

Apocalipsis 11:19

Ënet ja Dios ja tyëjk y'ëwatsy jam tsajpjotm ets n'ijxyës jap ja kaaxë mëti'ipë myë'ijtypyën ja käjpxytyu'unën, ënät ja wëtsuk të y'ëtëtstä'äky, ja aaw ayuk të yajmëtoy, ja ënääw të y'ënaantä'äky, të tyëkë ja naaxwiinyëtë yu'kxpë, të tsyëyuuypyiky ets të tyëkë mëk tëtsntuupë.

Apocalipsis 16:18

Ënet myiiny ja ënääw wëtsuk ets mëk ujx myiiny mëti'ipë ka'anëm nijëna'a yaj'ixy yajnijawënëm jënu'un ja naaxwiinyëtë ja'ay jyuuky'atën.

Apocalipsis 20:11

Ënet n'ijxyës tu'uk mëti'ipë u'unyääpyën ma ja poop kutujktaknën. Winëjaty tyimtëkooytyääy yë'ë wyintum wyinkujkm: ja tsajp ets ja naax, nimaa tii kya'ëkyaj'ijxnë.

Apocalipsis 9:6

May ja ja'ay tjatsoktëty ets jeexyë y'ooktë, je'eyëp ko ka'ap nëjkx pën y'ooky.

1 Samuel 13:6

Yë Israel ja'ayëty mëj jotmayjoty ojts nyäyjyawëtë, jä'ä ko ja filistejë ja'ayëty jëtu'unyë tyukpëtijtmujkëtë. Paatykyëjxm ojts jap muum jyaak näyu'utsëtë aankjoty, jutjoty, wokjoty ets tam mëti'ipë muum mo'ontsjoty näyu'tsëtën, tääts jyaak näyajtsokëtë.

1 Samuel 14:11

Jëtu'un ojts tjantytyuntë ojts nimäjtsk nyätyuk'ixëtë ja filistejë ja'ay. E ko yë filistejë ja'ayëty jëtu'un t'ijxtë tääts y'ënantë: Ix tamts ja ënät pyëtsëëmta'atë ja hebreo ja'ayëty ma yu'utsy të yajpaatën