Isaías 19:23 - Biblia Dc en Mixe de Quetzaltepec

²³ Nëjkxëp jyää'ajnë najxtakn mëjwiin këjää ma Egiptë ja'ayëty ets Asiria ja'ayëty nyäpyaatëtën. Jyëkyejpy yë Egiptë ja'ayëty jya'tëty Asiria ets Asiria ja'ayëty jam Egiptë. Egiptë ja'ayëty Asiria ja'ayëty tu'ukyë nëjkx ja Wintsën t'ëwtajnëtë.

Biblia Mixe de Quetzaltepec

²³ Nëjkxëp jyää'ajnë najxtakn mëjwiin këjää ma Egiptë ja'ayëty ets Asiria ja'ayëty nyäpyaatëtën. Jyëkyejpy yë Egiptë ja'ayëty jya'tëty Asiria ets Asiria ja'ayëty jam Egiptë. Egiptë ja'ayëty Asiria ja'ayëty tu'ukyë nëjkx ja Wintsën t'ëwtajnëtë.

Isaías 19:23 ပူးပေါင်းရင်းမြစ်များ

Isaías 11:16

Ko ënety ja Wintsën ja nyaax kyajpn jyajtmujkta'ay ets ko ënety tëë tsyo'ontaaynyëtë jam Asiria, mëjwiin ëwaatsë nëjkx në'ë tu'u tpaatë jëtu'un tä ijty tëëyëpën ko jap Egiptë tsyo'ontë.

Isaías 27:13

Jä'ä xëëw nëjkx yajtukxu'uxy ja xuxn ets myiinta'atëty ja ja'ayëty mëti'ipë jam tsënaaytyëpën Asiria ets Egiptë, ets yaa myina'antë Wintsën ëwtajtpë, yaa Jerusalén ma yajpaatyën ja kopk wa'atspë ets kënu'kxypyë.

Salmos 87:4

Ja kajpn mëti'ipës xy'ixy'ajtëpën, jyëkyejpyës nikajpxëty Egiptë ets Babilonyë, Filistejë, Tirë ets Etiopíë; tëkokyë yë'ëjëty jam ojts myintë jya'të ma mijtsën.

Isaías 11:11

Jä'ä xëëw jä'ä jëmëjt nëjkx ja Wintsën jatëkok tyaj'ixyë ja myëj'ajtën ko tjä'äpëkëty ja nyaax kyajpn ets tyajtsoonëty jam Sirië Egiptë, Patros, Etiopíë, Elam, Sinar, Hamat ets jam ma ja naax kajpnën mëti'ipë mejy itkujkyën.

Isaías 19:24

Jä'ä xëëw yë Israel kajpn nëjkx itkujky nyäpyëjktä'äkyë ma Asiria ja'ayëtyën ets Egiptë ja'ayëtyën, kënu'kxy nëjkx nyäxy yaa naaxwiiny naaxkëjxy.

Isaías 49:7

Yë Wintsën, mëti'ipë yaj'ëwaatsëpëtsëëmpën, ja Wa'atspë yajpaatyën ma Israel kajpnën, jëtu'un t'ënëëmë ja naax kajpn mëti'ipë ëxëëk të yaj'ixyën, mëti'ipë je'eyë të myëtunyën ma ënä'ämpë yajkutujkpën wiinktsowpë tsyoontën: Ko ënety ja yajkutujkpëtëjk ets wintsëntëjk m'ixëtë, ënät nëjkx mniwä'ätsë'ëkyë ets mkajpxpo'kxëtëty mëët tu'uk ja näywyinkutsë'kën, jä'ä ko ëjts Wintsën, ja Wa'atspë ma Israel kajpnën, ëjts mijts të nwin'ixy ets npatuumpyës ja n'aaw n'ayuk ijxtëmës të nikäjpxyën.

Isaías 49:11

Nëjkxëpës yë në'ë tu'u nyaj'ëwa'atsy äämjyoty pejyjoty, ets nëjkxëpës ntaj'oyë ja tsiptuuypyë.

Isaías 62:10

Pëtsëmtë, pëtsëmtë tëjk ëkë'ëy, nipëjktaakëtë ja nyë'ë tyu'u ja nnaax nkajpnës. Oytyuntë yajxon ja në'ë aaw tu'u aaw ets xyjyëkoonta'atëty yë tsaa; Pëjkta'aktë tu'uk ijxpäjtën ets naax kajpn t'ixtëty.

Isaías 66:23

Wimpo'o, winsëmaan, winpo'kxënxëëw, wintomingo, jëtu'un yaa ja'ay myina'antë ets min xywyinkoxtänëtës. Ëjts, mëti'ipë Wintsën'ajtpën, ëjts ënaanp.

Miqueas 7:12

Miimp ja xëëw po'o ma ja ja'ay mniminëtëtyën mëti'ipë wiinktsow tso'ontëpën; minantëp ja ja'ayëty mëti'ipë Egiptë tso'ontëpën ets jampaat Asiria, mëti'ipë tsënaaytyëpën Nilë ets jampaat Éufrates, mëti'ipë tso'ontëpën ma mejy nyäpyäätyë ets ma ye'eymyukyën, mëti'ipë tso'ontëpën tunjotypë kopkjotypë.

Isaías 2:3

May ja ja'ay myina'antë ets y'ëna'ana'antë: Mintë, tsojk mpa'tëjkëmë ma ja Wintsën ja tyun kyopkën, ma yajpaatyën yë Dios yë tsyajptëjk, mëti'ipë Jacob y'ëwtajtën ets xytyukni''ijxëmëty ja në'ë'aaw tu'u'aaw mëti'ipë mëpaat nye'eyëmën. Jä'ä ko jam Jerusalén tsyoona'any ja ënä'ämën, jam Sión tsyona'any ja ijxpëjkën.