Isaías 19:22 - Biblia Dc en Mixe de Quetzaltepec

²² Oy nëjkx ja Wintsën t'ëkyajtsëtyuty ja Egiptë kajpn, nyijootwinpitäämpy jatëkok, pya'ëyoowäämpy ets yajtso'okäämpy.

Biblia Mixe de Quetzaltepec

²² Oy nëjkx ja Wintsën t'ëkyajtsëtyuty ja Egiptë kajpn, nyijootwinpitäämpy jatëkok, pya'ëyoowäämpy ets yajtso'okäämpy.

Isaías 19:22 ပူးပေါင်းရင်းမြစ်များ

Hebreos 12:11

Ko pën tii yajtuk'ojy ëkë yajtuk'ënëëmë ka'ap oy nyäjyawëty, ni'ikyë yajmëkjawë; e ko oy yajja'akyukë, oy ja ja'ay tukjuuky'äty ets mëtëy winë tuny.

Oseas 14:1

Israel, niwinpit yë mWintsën Dios, mijts mpoky ëxëëk të myajjatyë.

Deuteronomio 32:39

Ëjts jëtu'un tu'kpajk Tios'ajtp; ka'ap maa pën wiinkpë tios. Ëjts nyäjkpyës yë juukyajtën, etsës mpëjkpyës jatëkok. Ëjts yajtsëtyujtp yajwintëkoopyës, ets yajtsokp yaj'akëtakpës. Ni pën tkajëkyepy tkukä'äkëty ëjts yë nmëk'ajtën.

Oseas 6:2

Wäänë y'ita'any tääts xyajtso'oka'anëmë, xyajpëtë'ëka'anëmë ets nyajpatmëty ma yë'ëjën.

Oseas 5:15

Etsës jatëkok nwinpita'any maas n'ityën, koonëm yë pyoky kë'ëm tja'awëy'itëty ets xy'ixta'atëtyës. Jam ma ënety jë'ë ya'ax yajpaatën, jamës nëjkx xy'ixta'atë.

Isaías 55:7

Ja ëxëëk ja'ay wä'än ja ëxëëk në'ë ëxëëk tu'u t'ëxmatsy, mëti'ipë je'eyë ëxëëkpë myëmääpy myëtäjpyën, wä'än t'ëxmatsy; ijxkaptë pën Wintsën'ajtp, ets mpa'ëyow mnajts'ëyowëtëty; yë'ë Wintsën mëjwa'kpätë, mëti'ipë yäjkpyën winë ets mpokymyä'kxëtëty.

Isaías 45:14

Jëtu'un ja Wintsën t'ënëmaay ja Israel ja'ay: Ja naaxtuunpë ja'ayëty japë Egiptë yajpaatën, ja ajuupyëtëjk ets ato'kpëtëjk mëti'ipë tso'ontëpën Etiopíë, ja yenyjyä'äytyëjk mëti'ipë Sabá itjotm yajpatëpën, jam nëjkx nyäkyuwa'anëtë ma mijtsën ets nëjkxëp jam myëtuntë; tsumy matsy nëjkx xymyënëjkx mëët pujxntejpxy, nëjkxëp mwinkoxtänëty ets nëjkxëp mënu'kxtä'äkyë: Tëyajtën yë'ë ko yë Wintsën tam yajpaaty ma miitsëtyën. Ka'ap maa wiinkpë ijxtëm yë'ëjën ets ka'ap maa wiinkpë tios.

Isaías 6:10

Jëtu'unyë ja naax kajpn nëjkx xyajwinkumon xyajjotkumonë, wiinkutsum wiinkumotsëpën nëjkx yajpaatë ets ka'ap nëjkx jyä'äkyukë, oy tii tja'ix tjamëtowtëty, ka'ap nëjkx t'ijxkuk tja'akyukëtë.

Job 5:18

Ko pën tyajtsëtyuty, pojën jatëkok tyajtso'oky; ko pën tkoxy, pojën jatëkok tyajjotkujkë.

Job 22:23

Pën mijts yu'unk naxym mnäypyëjktä'äkyë ma yë'ëjën ets mwinpijtp ma ja mëti'ipë maaytyääyëpën winë ets myajjëwä'kpy yë ëxëëkpë ma mjëën mtëjkën,

Isaías 11:11

Jä'ä xëëw jä'ä jëmëjt nëjkx ja Wintsën jatëkok tyaj'ixyë ja myëj'ajtën ko tjä'äpëkëty ja nyaax kyajpn ets tyajtsoonëty jam Sirië Egiptë, Patros, Etiopíë, Elam, Sinar, Hamat ets jam ma ja naax kajpnën mëti'ipë mejy itkujkyën.

Isaías 27:13

Jä'ä xëëw nëjkx yajtukxu'uxy ja xuxn ets myiinta'atëty ja ja'ayëty mëti'ipë jam tsënaaytyëpën Asiria ets Egiptë, ets yaa myina'antë Wintsën ëwtajtpë, yaa Jerusalén ma yajpaatyën ja kopk wa'atspë ets kënu'kxypyë.

Isaías 30:26

Ja Wintsën yajtsooypyatäämpy ja nyaax kyajpn ja tsyëtyut ets yajxon tpita'any. Ënet ja po'o jëtu'un tyë'kxa'any tä xëëwën ets ja xëëw mëk nëjkx jyäjy tä jeexyë niwëxtujk tyë'kxtën.

Isaías 57:18

Tëës n'ixy ntuny wi'ix winma'any tmëëtëtyën, je'eyëp ko tëëjës ntuknipëjktaakë koos nyajtso'oka'any etsës po'kxën ntuk'ixa'any ets y'itëty akujk jotkujk. Nyajjotkujkta'akäämpyës tëkokyë mëti'ipë mon tuk yajpatëpën,

Ezequiel 29:13

Ëjts Wintsën, ëjts ënaanp: Ko nyaxëty wëxtyikxy jëmëjt täätsës jatëkok yë Egiptë ja'ayëty nyajtu'ukmujkta'aja'any oy ënety axit ako'owë të y'ëkyajpaatë.

Éxodo 8:4

Jëtu'unyë nëjkx mniputy mkuputyë yë maynyooty ets näjyëtu'un ja wintsëntëjk mëti'ipë mëët mtuunmukyën ets mëti'ipë mputëjkëyëpën ma mtuunk xyajtu'uye'eyën.

2 Reyes 20:5

Wimpit ets ënëëmë yë Ezequías, mëti'ipë nyiwintsën'ajtypyën yë nnaaxës nkajpnës: Yë Wintsën, mëti'ipë m'apteety David y'ëwtajtën, jëtu'un y'ënä'äny: Tëës nmëtoow'ity ja mjëëytyak mnu'kxtakën ets mjë'ëyën myaxën. Oy'atëp, tyam nyajtso'okëty, ko jyatëkëëk xëëw'atëty jyëkyäpëp mnëjkxëty ma tsajptëjkën.