Isaías 19:19 - Biblia Dc en Mixe de Quetzaltepec

¹⁹ Ets nëjkx tyajkojtë tu'uk ja wintsë'këntyakn jap Egiptë, jam ma ja tsëpa'anën, jam tu'uk tsaakopk tyajpëtë'ëka'antë mëti'ipë Wintsën tyukmëjjawëjantëpën.

Biblia Mixe de Quetzaltepec

¹⁹ Ets nëjkx tyajkojtë tu'uk ja wintsë'këntyakn jap Egiptë, jam ma ja tsëpa'anën, jam tu'uk tsaakopk tyajpëtë'ëka'antë mëti'ipë Wintsën tyukmëjjawëjantëpën.

Isaías 19:19 ပူးပေါင်းရင်းမြစ်များ

Génesis 28:18

Komjëpom ja Jacob ojts myä'äypyëtë'kojy tsojk ets ja tsaa tkoonë'ky mëti'ipë ënety të tukmapetyën, tääts tänë tpëjktäky tä potsyën ets ojts tkënu'kxy mëët yë on ko tukniteemy.

Josue 22:10

Ko ja Rubén, ja Gad ets nikujkwä'kxy ja Manasés ja jyä'äy jam jyajtë ma ja Jordán mëjnëëjën, Canaán y'itjotm; ënät ojts jam tyajpëtë'ëktë tu'uk yë wintsë'këntyakn.

Josue 22:26

Paaty ëëts wiinkpë yë wintsë'këntyakn të nyajkojtë, e ka'ap yë'ëkyëjxmëty ko ëëts ja Wintsën ja wyintsë'kën nmo'oja'antë ja nino'okpyë ets ja wiinkëtypë ja wintsë'kën.

Éxodo 24:4

Yë Moisés ojts tjaaypyäjta'ay tëkokyë mëti'ipë ënety ja Dios të tnikäjpxyën, ko kyomjëpom'ajty, tsojk ojts myä'äypyëtë'kojy ets t'oytyuuny tu'uk yë wintsë'këntyakn jam ma kopk'ëjxën, majkmäjtsk ojts ja tsaa tkoontä'äky jëtu'un ijxtëm ënety ja Israel ja'ayëty ja tyeety y'apetyën nimajkmäjtskpë.

Zacarías 6:15

Nëjkxëp yë ja'ay muum jëkäm tsyoontë mëti'ipë nëjkx tyuntën ma ënety ja Wintsën ja tyëjk yajkoj'oyën; jëtu'un xynyijawëtëty ko yë Wintsën mëti'ipë maaytyääyëpën winë yë'ëjës të xykyexy. Ya'atë tunan jatanëp ko ënety miitsëty xymyëtowtë ets xypyatuntë ja Wintsën ijxtëm të y'ënä'änyën.

Isaías 66:23

Wimpo'o, winsëmaan, winpo'kxënxëëw, wintomingo, jëtu'un yaa ja'ay myina'antë ets min xywyinkoxtänëtës. Ëjts, mëti'ipë Wintsën'ajtpën, ëjts ënaanp.

Génesis 12:7

Ënet ojts jam yë Dios nyänikëxë'ëky ma Abramkën ets y'ënëmaayë: Ya'atë naaxwiinyëtë yë'ëjës yë m'u'unk m'ok nmo'ojäämpy. Ënet ojts yë Abram pojën t'oytyuny tu'uk ja wintsë'këntyakn, jä'ä ko ënety jam yë Dios të nyänyikëxë'ëkyë.

Hebreos 13:10

Ëëts'ajtëm nmëët'ajtëm tu'uk ja wintsë'këntyakn, ma ka'ap ja teetytyëjkëty ka'ap ja kuttujkën tmëët'atën ets jam kyäytyëty.

Salmos 68:31

Jap Egiptë tsyoona'antë yë ja'ayëty mëti'ipë këjxmëty yë kuttujkën myëët'ajtëpën; yë Etiopíë ja'ayëty nëjkxëp t'ëwtatë yë Dios.

Isaías 56:7

nyajminantëpës jam maas yë ntun nkopkën wa'atspë, jotkujk nyaj'ita'antës maas yë ntëjkën. Nkupëkäämpyës yë wyintsë'kënëty no'okpyë xämpyë ets ja wiinkëtypë ja wintsë'kën, jä'ä ko yë ntëjkës jä'ä yajtija'any: tëjk ma Tiosmëkajpxk y'ityën mëti'ipë naax kajpn jyä'ä'ajtypyën.

Isaías 60:7

Tu'kë'ëyë tsajppaxëty kupixynyëty jampë tyänëtën Quedar, aakmijts mjä'ä'atäämpy; yë kupixyny ayääkë jampë myäytyänëtën Nebaiot, aakmijts nëjkx xyajtuny ets Wintsën xytyukwintsë'ëkëty ma ja wintsë'këntyaknën ets oy xyuukëty jyokëty, jëtu'unts yë tsyajptëjk janty'oy ni'ik kyëxë'ëkëty.

Josue 22:27

Ëëtsëty tyaajës të nmay të ntajtë ko tääpë wintsë'këntyakn të nyajkojtës yë'ë wa'anëp ijxpät ma ëëtsajtëmën ets ma n'u'unk'ajt n'ok'ajtëmën; jëtu'un tjëkyäpëty ëëts ja Wintsën näjyëtu'un ntuknimintëtyës ja wyintsë'kën ets mëët ntuntëtyës ja nay'ëëw'oy näykyajpx'oyë. Jëtu'unkyëjxm ka'ap miits ja m'u'unk m'ok jëna'a y'ëna'antëty: Miitsëty ka'ap mpaatëtë xy'ëwtatëty näjyëtu'un yë Dios.

Josue 22:28

Ëëtsëty jëtu'un të nmay të ntajtës, ko ënety pën jëna'a xy'ënëëmëtës ko ëëtsëty ets n'u'unk n'okëtyës, nëjkxëpës n'ëtsowtë: Ix, yë n'ap n'okëtyës yë'ë ojts ya'atë wintsë'këntyakn tkojtë, e kajts ojts yë'ë tuknikojëtë ets jam ja wintsë'kën yajyakëty, paatykyëjxm ojts yajkojy ets yë'ë ijxpät wya'anëty ma ëëtsajtëmën.

Josue 22:34

Yë Rubén ets Gad yë jyä'äyëty jä'ä ojts txëëwmo'otë ja wintsë'këntyakn Ijxpät, jä'ä ko y'ënantë: Ya'atë wintsë'këntyakn ijxpät wya'anëty ma ëëtsajtëmën jä'ä ko yë Wintsën yë'ë Tios'ajtp.

Jeremias 46:2

Jëtu'un ojts yë Egiptë kajpn yajnikäjpxy ets yajkutujkpë Necao mëët yë tsyiptuunpëtëjk, ma ënety mëmajktaxk jëmëjt ëka'any yajkutukyën yë Joaquim, yë Josías yë myaank mëti'ipë jam Judá ënä'ämpën; ojts tsyiptuny jam Carquemis mëët yë Nabucodonosor, yë Babilonyë yajkutujkpë, jam winkon ma ja Éufrates mëjnëëjën. Yë Carquemis ka'ap ojts myëtä'äky.

Ezequiel 29:1

Ma myajkmäjtsk anyën yë mëmajkpo'opë, ma majk jëmëjt tyu'uye'eyën, jää ojts yë Wintsën xymyëkäjpxyës ets xy'ënëmaayës:

Ezequiel 30:1

Ënet ja Wintsën ojts xymyëkäjpxyës ets xy'ënëmaayës:

Ezequiel 31:1

Ma tyu'uk anyën ja mëtëkëëk po'opë, ja majktu'uk jëmëjtpë, ënätës ja Wintsën xynyimiiny etsës xy'ënëmaay:

Ezequiel 32:1

Ma tyu'uk anyën yë majkmäjtsk po'opë, mëmajkmäjtsk jëmëjtpë, jää ojts yë Wintsën xymyëkäjpxyës ets xy'ënëmaayës: