Isaías 19:16 - Biblia Dc en Mixe de Quetzaltepec

¹⁶ Ja Egiptë ja'ayëty wintse'kny nëjkx y'awinpitë, tsyë'kënëtëp oytyiijëty ets tsyë'ëkëjantëp ko ja Wintsën ënety ja kyë'ë t'akojxmuky.

Biblia Mixe de Quetzaltepec

¹⁶ Ja Egiptë ja'ayëty wintse'kny nëjkx y'awinpitë, tsyë'kënëtëp oytyiijëty ets tsyë'ëkëjantëp ko ja Wintsën ënäty ja kyë'ë t'akojxmuky.

Isaías 19:16 ပူးပေါင်းရင်းမြစ်များ

Salmos 48:6

Yajxon yë tsë'ëkë nyijäämku'tsëtë: jëtu'unyë nyäwyi't nyäxya'tsënëtë mëët ja pëjkën, tä tu'uk yë to'oxytyëjkën mëti'ipë u'unk maay pyatäämpy y'ixäämpyën.

Éxodo 11:6

Mëj këjää nëjkx yë jë'ëyën yaxën y'ity ma Egiptë kajpnën, jëtu'un tä ka'ap nijëna'a tyunyënëm jyätyënëm ets ka'ap nëjkx nijëna'a y'ëktuun y'ëkjajtënë.

Isaías 10:32

Ya'atë xëëw jam ja mëtsip të wya'akwë'ëmy Nob; tëë y'ënä'äny ko yajnitëkëty ja Sión kajpn, jam tunkëjxm ma ja Jerusalén kajpn yajpaatyën.

Isaías 11:15

Nëjkxëp yë Wintsën tu'uk yë në'ë tu'u tyaj'ëwa'atsy ma mejy txëëwatyën Tsapts nëëmejy, ets jampaat jya'ta'any ja y'oyajtën ma ja Éufrates mëjnëëjën, tu'uk yë mëkpoj nëjkx tyajnäywyä'kxyë wëxtujkpëky, ets jotkujk nyaxtëty ja ja'ay kë'ëk mëët.

Isaías 13:2

Tukyaax tukjokëtë ja tsip jam tunkëjxm kopkëjxm. Tuk'ëwaanëtë ja tsiptuunpëtëjk wä'än tnipëtë'ëktë ja myëtsip. Nasxajëtë ja mkë'ë wä'än nitëkëtë ja Wintsëntëjk.

Isaías 30:17

Tu'uk ja ja'ay nëjkx je'eyë y'ity mëti'ipë nitu'kmil yajkä'äkëpën, nimëkoxk ja ja'ay nëjkx y'itë mëti'ipë myajkäkta'ajëtëpën; koonëm niwäänë mwë'ëmtëty, jëtu'un tä tu'kpajk muum yë kepy të yajkuwopën tunkëjxm mëti'ipë ja'ay ijxpäjn wyäämpyën.

Jeremias 50:37

Wä'än t'ooktë yë tsyiptuunpëtëjkëty: yajtsëyuytyë mëët ja tsë'ëkë. Wä'än t'ooktë yë këwaayëty ets wä'än tyajma'ta'atë yë pyujxnwintëkäämpëty. Wä'än t'ooktë yë tsyiptuunpëtëjkëty mëti'ipë mëjuy tsiptuuntëpën: wä'än t'awinpijta'atë to'oxytyëjkën, wä'än yë wyit myeenyëty yajmä'tsta'atë.

Jeremias 51:30

Yë Babilonyë tsiptuunpëtëjk tëë t'ëxmatstë ja tsiptuunk, jämyë të wyë'ëmtë ma kajpnën mëti'ipë ta'tspëky yajpatpën; tëë myëjaawkukëxëtë, jëtu'un tä to'oxytyëjkën. Tëë myëtsip tuktëjkëtya'atë ja naax kajpn ets tëë yë jyëën tyëjk tyooytya'atë.

Abdías 1:9

Yë tsiptuunpëtëjkëty, Temán ja'ayëty, nëjkxëp tsyëtyuuypyëktë mëët yë mëktsë'ëkë ets jam kopkjotm ma Esaú y'itjotmën ka'ap nëjkx jam pën wyi'imy juuky.

Nahúm 3:13

Yë mtsiptuunpëtëjk jëtu'un yaj'ixy aak to'oxytyëjk yowë; ma kajpn yajnitëkën ëwa'ats yajpaaty oy yë mëtsip jap tyëkëjanëtëty; jä'ä ko yë nyi'akaj tëë nyëtooytyä'äy mëët yë jëën.

Zacarías 10:11

Nëjkxëp tuknaxtë yë Egiptë juukymyejy, ko ënety ja nëë o'pky n'apëjktukyës. Nyajtë'ëtsäämpyës yë Nilë nëë këkpaat; nyajma'atäämpyës tëkokyë mëti'ipë yë Asiria ja'ayëty nätyukmëjja'awëtëpën ets nyajkutëkooytya'aja'anyës yë Egiptë kyutujkën.

Zacarías 2:13

Wä'än ni'ëmukë ja'ay t'ëmoonta'atë yë'ë wyintuuy, jä'ä ko yë'ë jam të tsyoony ma y'ijtaknën wa'atspë ets të xynyimi'inëmë yaa ëëts'ajtëmë.

1 Corintios 2:3

Yaj'ayow yaj'ama'at jam nmiinyës ma miitsëtyën ets tsë'ëkë tsë'ëkë.

2 Corintios 5:11

Paaty ko yajnijawë ko ja Dios mëpaat yajwinkutsë'ëkë, paatykyëjxm ja ja'ay jëtu'un jyayaj'ënëëmëtë. Ko ja Dios wa'ats ëëts xy'ixy'atë ets ntsojktëpës ets miits näjyëtu'un xy'ixy'attëtyës.

Hebreos 10:31

Mëj ëyo'on yë'ë ko Dios Juukpyë xytyiytyu'unmëty.