Isaías 18:3 - Biblia Dc en Mixe de Quetzaltepec

³ Tëkokyë miitsëty naax kajpnëty nëjkxëp xy'ixtë xymyëtowtë ja xuxn ets ja ijxpäjtën ko ja tsip ënety tyuna'anyë.

Biblia Mixe de Quetzaltepec

³ Tëkokyë miitsëty naax kajpnëty nëjkxëp xy'ixtë xymyëtowtë ja xuxn ets ja ijxpäjtën ko ja tsip ënäty tyuna'anyë.

Isaías 18:3 ပူးပေါင်းရင်းမြစ်များ

Isaías 5:26

Tëë ja Wintsën tu'uk ja wit wintëy tpëjktä'äky ets të tmëkajpxmuky ja naax kajpn ka'apë tkajpnëtyën; jëkäm të tyajtsoony ets të tyajminy. Poj'am myina'any, ka'ap pyo'oxa'any;

Isaías 26:11

Mijts Wintsën janty jëjp'ixy jam xyjyamëët'aty yë tëytyu'unën, je'eyëp ko yë ëxëëkja'aytyëjk nijënu'un mëj tkatimy'ixtë; ko ënety t'ixtë wi'ix yë mtsojkën mja'awën xyaj'ixyën ma mwa'atsja'aytyëjkën, jää nëjkx tukxi'iky ja ëxëëkja'aytyëjkëty wyë'ëmtë. Jääpëk jeexyë ja mtsip m'äkë yajkëxëtë.

Mateo 13:16

E miitsëty akujk jotkujk myajpaatë, jä'äkyëjxm ko ja mwiin xytyuk'ixtë ets ko ja mtatsk xytyukmëtowtë.

Mateo 13:9

Pën ja tyatsk mëtoop, wä'än tmëtoowkukë.

Zacarías 9:14

Yë Dios yë'ë nänyikëxë'ëkanëp ma nyaax kyajpnën; jëtu'un ti'pxë'ëka'any yë tyi'pxn wëtsukën. Dios mëti'ipë Wintsën'ajtpën yë'ë tyukxu'uxäämpy yë xyuxn ets mëët yë mëkpoj tyu'uye'eyä'äny mëti'ipë ëpa'tkë'ëytsyow tso'onpën.

Miqueas 6:9

Yë'ë yë Wintsën myëkäjpxyp yë naax kajpn, wijyajtën ënety yajmëët'ajtp ko yaj'amëtoow'itëty mëët yë winkutsë'kën. Mëtoow'itë miitsëty naax kajpn ets miitsëty näs'ë'ëw mnaskajpxëtë.

Miqueas 6:2

Mëtoow'itë miitsëty tun kopk, mëti'ipë ja naaxwiinyëtë tsyëëm'ijtëpën ta'tspëky; yë Wintsën yë'ë pyaye'eyäämpy ja tyuuntëko'oy kyajpxtëko'oyën ja nyaax kyajpn, näy'ojjanëtëp mëët ja Israel kajpn.

Jeremias 22:29

Naax, naax, naax; mëtoow'it wi'ix yë Wintsën y'ënä'änyën.

Isaías 13:4

May ja ja'ay jam kopkëjxm yajmëtoy ya'axtë jyoktë. Jëtu'un yajmëtoownë naax kajpn myuunë mëti'ipë jam të tyu'ukmuktën. Yë Wintsën mëti'ipë maaytyääyëpën winë tëë t'ixjmujkta'ay ja tsyiptuunpëtëjk mëti'ipë jëjp'ixy ijtëpën ets tsyiptuna'antë.

Isaías 13:2

Tukyaax tukjokëtë ja tsip jam tunkëjxm kopkëjxm. Tuk'ëwaanëtë ja tsiptuunpëtëjk wä'än tnipëtë'ëktë ja myëtsip. Nasxajëtë ja mkë'ë wä'än nitëkëtë ja Wintsëntëjk.

Isaías 7:18

Yë Wintsën jëtu'un tyajmina'any ja mayjyä'äy tä maypyujtpë ëkë may cerë jëyujk muum jyä'tyën, jap tyajtsoona'any Egiptë ets Asur.

Isaías 1:2

Mëtoow'it mijts tsajp, mijts naax, ko ja Wintsën y'ënä'äny: Tëës nyaj'u'unkyeeky ets koonëm të yä'ktakta'atë, je'eyëp ko yë'ëjëty, je'eyës të xykyäjpxy kumëtoownaxtë.

Salmos 50:1

Yë Wintsën mëti'ipë Tios'ajtpën ma wiinkëtypë tiosën, tëë kyäjpxy; tëë tmëkäjpxy tëkokyë ja'ayëty jënu'un tsyëënëtën naaxwiiny naaxkëjxy anajnytsyowpë, a'oytsyowpë.

Isaías 31:9

Mëët ja tsë'ëkë jawë jëtu'unyë nëjkx kyäknë pyujtnë ja yajkutujkpë, ja mëti'ipë ënety kuwanëtëpën nëjkxëp ja y'ak tnajtsjëpijpëtya'atë. Ja Wintsën jëtu'un ënaanp, ko tam Jerusalén yajpaaty jëjp'ixy ja o'ktakn ma nyitoya'antën ja myëtsiptëjk.

Isaías 49:22

Tääts ja Wintsën y'ënä'äny: Ëjts tyamës yë naax kajpn n'ënëëmëja'any ets tu'uk yë ijxpäjtën nmo'oja'anyës ets tyajmintëty ja m'u'unk m'ëna'k ye'etyëjkpë to'oxytyëjkpë, jëtu'un tä ja'ay tpatseenyën yë y'u'unk ëkë tä kejkyijxy tmëye'eyën.

Jeremias 51:27

Nikajpxtë ma naax kajpnën ko xynyitëkëja'antë. Tukxu'uxtë yë mxuxnëty ets nipëjktakëtya'atë yë naax kajpn ko xynyitëkëja'antë yë Babilonyë kajpn. Ënëëmëtë yë Ararat wä'än näjyëtu'un tnipëtë'ëktë ets Miní ets Asquenaz. Nikajpxpätë tu'uk yë ja'ay mëti'ipë nyikopk'atëpën yë tsiptuunpëtëjk. Jëtu'un yë tsiptuunpëtëjk najtskäxëtë ma ja tsipën tä mu'ujën tëëpë jyoot'anpëktën.

Miqueas 1:2

Ni'ëmukë yë naax kajpn, mëtoow'itë ya'atë; ninu'un yë ja'ay tsyëënëtën ma wiinkëtypë naax kajpnën, mëmay mëtajtë ya'atë: Yë Wintsën, yë'ë mtukwinmëtowanëp ja mtëko'oyën jam ma wa'atspë tsyajptëjkën.

Isaías 11:12

Tääts tpëjkta'aka'any tu'uk yë ijxpäjtën ma ja naax kajpnën ets tyajtu'ukmujkta'aja'any ja ja'ay mëti'ipë ënety ja myëtsip të yajnëjkxyën wiink naax wiink kajpn tsumy matsy; tyajmujkta'aja'any naaxwiinyëtë apëtsëmy ja Judá ja'ay mëti'ipë xit ko'ow yajpatëpën wiink it wiink naaxwiinyëtë.