Isaías 18:1 - Biblia Dc en Mixe de Quetzaltepec

¹ Janty mon janty tuk yajpaaty ja naax kajpn ma yajmëtoyën y'amu'uy ja uux, ma ja kajpnën jampë yajpaatyën Etiopíë nëë awinaxy,

Biblia Mixe de Quetzaltepec

¹ Janty mon janty tuk yajpaaty ja naax kajpn ma yajmëtoyën y'amu'uy ja uux, ma ja kajpnën jampë yajpaatyën Etiopíë nëë awinaxy,

Isaías 18:1 ပူးပေါင်းရင်းမြစ်များ

2 Reyes 19:9

Jam ojts ja Asiria yajkutujkpë pyäätyë ja ayuk, ko yë yajkutujkpë mëti'ipë jap tso'onpën Etiopíë tëë mëët tsyoony ja myäytsyiptuunpë ets tnipëtë'ëka'any ja Asiria yajkutujkpë. Tääts jatëkok ja Asiria ja'ay yajkutujkpë tkäjpxynyikejxy ja Ezequías mëti'ipë jam yajkutujkpën Judá,

Salmos 17:8

Këwent'ajtkës ijxtëm yë mwiin xykyëwent'atyën; ets tuknikëëykyës yë mkäkn

Salmos 36:7

Oytyukxootaknë yë mtsojkën mja'awën, Wintsën. Yë naaxwiinyëtë ja'ay jëtu'un jam myintë ma mijtsën tä këtsey u'unkën ma tyaak kyäknpa'tkën.

Salmos 57:1

Dios, mëti'ipës nTios'ajtypyën, mëët'at pa'ëyo'owën najts'ëyo'owën mëët ëjts, jam ma mijtsën jamës n'ixta'ay yë kuwa'anën. Jamës nnäyutsa'anyë ma mijts mkëwent'atyën koonëm ja ëyo'on jotmay nyaxëty.

Salmos 61:4

Tsëënëjaanpës ma mtsajptëjkën xëmëkyëjxm, ets mijts xy'ijx'it xykyëwent'atëpës.

Salmos 63:7

jä'ä ko mijts xypyutëjkëpës. Jotkujkës nnäjyawëty mkäknpa'tkë'p.

Salmos 91:4

yë'ë mnikë'ëjan mnixajanëp mëët yë kyäkn, ets ko jam myajpaatëty ma yë'ëjën, akujk jotkujk m'ita'any. Yë tyiyajtën ets wya'atsajtën yë'ë m'axajtukanëp tä tu'uk yë pujxn y'akëëytyukyën.

Isaías 31:1

Ëxëëk ja naax kajpn jyata'an kyëpäta'antë mëti'ipë ja näypyutëkë y'amëtoowtëpën jap Egiptë, mëti'ipë tyuk'ijxpäjtëpën ja kwaay, mëti'ipë tyukjotkujk'ajtëpën ko may tmëëtëty ja kepy wintëkäämpë, ets ka'ap t'ijxpaatë ja Wintsën Wa'atspë mëti'ipë ja Israel ja'ay y'ëwtajtëpën ets ka'ap yë'ë t'amëtowtë ja näypyutëkë.

Isaías 37:9

Ja Asiria yajkutujkpë ojts nijawë ko ja Tirhacá yajkutujkpë mëti'ipë Etiopíë ënä'ämpën, tëë ënety tuknipëjktaakë ko mëët ja tsyiptuunpëtëjk nyipëtë'ëka'anyë. Ënet jatëkok tkäjpxynyikejxy ja Ezequías yajkutujkpë mëti'ipë Judá ënä'ämpën ets t'ënëmaay:

Isaías 45:14

Jëtu'un ja Wintsën t'ënëmaay ja Israel ja'ay: Ja naaxtuunpë ja'ayëty japë Egiptë yajpaatën, ja ajuupyëtëjk ets ato'kpëtëjk mëti'ipë tso'ontëpën Etiopíë, ja yenyjyä'äytyëjk mëti'ipë Sabá itjotm yajpatëpën, jam nëjkx nyäkyuwa'anëtë ma mijtsën ets nëjkxëp jam myëtuntë; tsumy matsy nëjkx xymyënëjkx mëët pujxntejpxy, nëjkxëp mwinkoxtänëty ets nëjkxëp mënu'kxtä'äkyë: Tëyajtën yë'ë ko yë Wintsën tam yajpaaty ma miitsëtyën. Ka'ap maa wiinkpë ijxtëm yë'ëjën ets ka'ap maa wiinkpë tios.

Ezequiel 30:9

Ko ënety tpaaty ja xëëw po'o ma ja Egiptë kajpn yajtëytyunyën, nkäjxwa'kxäämpyës yë kukäjpxy mëti'ipë mejywyinkëjxy jëtitantëpën ets tuknijawëtëty yë Etiopíë kajpn ma jotkujk yajpaatyën ko tsë'ëkë jawë jyata'any, tëë timpyääty ja xëëw po'o ma ëxëëk jyata'anyën.

Sofonías 2:12

Näyjyëtu'un miitsëty Etiopíë ja'ayëty nän nëjkxëp yë mëj Wintsën myajtsëtyutëtë mëët yë tëypyujxn.

Sofonías 3:10

Jam Etiopíë winnaxy jam yë nkajpnës xynyitsoona'any etsës xytyuknimina'any ja wyaantakën mëët ja nu'kxtakën.

Mateo 23:37

Jerusalenkëtë kajpn, Jerusalenkëtë kajpn, mëkës njajawë ko të xyaj'ooktë ja käjpxynyajxpëtëjk ets të xykyuka'atstë mëti'ipë ja Dios të tjakexyën ets jeexyë ja y'aaw y'ayuk mtukmëmëtya'akëtë. Kanaak okës miits të njawoowmuka'antë ijxtëm ja këtseytyaak ja y'u'unk tyajmukyën ets tmu'uxy, e miitsëty ka'ap jëtu'un të xykyupëktë.

Rut 2:12

Dios yë'ë nëjkx jëna'a mëjuyë. Ets Wintsën mëti'ipë y'ëwtajtëpën yë Israel ja'ayëty ma të xy'ixta'ayën yë näypyutëkë, yë'ë mkumayanëp mëjwiin këjää mëët ja m'oyjot m'oywyinma'any mëti'ipë të xyajnikëxë'ëkyën.