Isaías 17:8 - Biblia Dc en Mixe de Quetzaltepec

⁸ Ka'ap nëjkx jää y'ëkyajtuunë këwentë ja wintsë'këntyakn ets ja awinax mëti'ipë ja'ay kë'ëm yajkojtëpën. Ka'ap nëjkx pën y'ëk'ijxpatënë ja kepy kyopk mëti'ipë ja'ay yaj'ëmaay'ijtëpën ets yë'ëpaat ja wintsë'këntyakn ma ja tyiosëty tukwintoytyën ja poom.

Biblia Mixe de Quetzaltepec

⁸ Ka'ap nëjkx jää y'ëkyajtuunë këwentë ja wintsë'këntyakn ets ja awinax mëti'ipë ja'ay kë'ëm yajkojtëpën. Ka'ap nëjkx pën y'ëk'ijxpatënë ja kepy kyopk mëti'ipë ja'ay yaj'ëmaay'ijtëpën ets yë'ëpaat ja wintsë'këntyakn ma ja tyiosëty tukwintoytyën ja poom.

Isaías 17:8 ပူးပေါင်းရင်းမြစ်များ

2 Samuel 22:42

Tëë oypyënëty yë putëjkën tja'amëtowtë, ka'ap pën të pyutëkëtë; ojts tjamëkajpxtë ja Wintsën, ka'ap putëjkën myooyëtë.

2 Crónicas 14:5

Maajaty ja naax kajpnën ojts tjëpëjkta'ay ja tsajptëjk ets ja wintsë'këntyakn ma ja ja'ay t'ëwtatën ka'apë Tyiosëtyën. Paaty ojts jyää'aty ja jotkujk'ajtën mapaat ojts yë'ë y'ëne'emyën.

2 Crónicas 31:1

Ko kyijxy nyäjxy ja xëëw, ja Israel ja'ayëty ojts nyëjkxta'atë kajpntum ets tjijtë'ktaaytyë ja potsy ets ja tsaa mëti'ipë ënety ja ja'ay tyijtëpën ko myëj'ajtënmëëtëty ets tukjijtëtyääytyë ja Aserá y'awinax ets tëkokyë mëti'ipë ënety wiink yaj'ijxpën, jëtu'un ja mëti'ipë jam yajpatpën ma Efraín ja kyajpnën ets ma ja Manasés ja kyajpnën. Kom'oknëm ja Israel ja'ayëty nyëjkxtaaytyë ma jyëën tyëjkëtyën.

2 Crónicas 34:4

Ojts yajijtë'ëky may ja Baal ja wyintsë'këntyakn yë'ë wyintuuy. Ojts näjyëtu'un tukjijtëtyä'äy ja poom ja nyiwintsë'këntyakn. Ojts tjijtë'kta'ay, ja Aserá y'awinax, ja awinax mëti'ipë mëët pujxn y'oytyunyëtyën; tääts tukwojpëtyääy ets naaxwayën tuuntaay ets ojts jam twëjtëy ma nyaaxtëjkëtyën ja teetytyëjkëty mëti'ipë ënety të tmo'otën ja wyintsë'kën ja ka'apë tiosëtyën.

Éxodo 34:13

Ni'ikyë xyjyijtë'kta'atëty yë wyintsë'këntyakn ets xyajma'ta'atëty yë tsyaapotsy ets kepy tyetsy.

Isaías 1:29

Nëjkxëp xytyuktsëtyuntë tääpë xoj kepy, tääpë pëjykyam mëti'ipë m'oy ijxtëpën, ma xywyintsë'ëkëtën ja tsaa ets kepy ëkë oynatii.

Isaías 10:20

Ja niwäänëpë ënety të jyaakwë'ëmtën ja Israel ja'ayëty ets ja Jacob ja y'u'unk y'ok mëti'ipë jaakyajpatëpën juuky, ka'ap nëjkx t'ëktukjotkujk'ajnëtë mëti'ipë ënety o'ktëy të tyunëtën, yë'ë nëjkx tuk'ijxpätë ja Wintsën, ja Wa'atspë, mëti'ipë yajpatpën ma Israel ja'ayëtyën.

Isaías 17:9

Jä'ä xëëw tso'onta'ajantëp ja ja'ayëty jam ma ënety ja naax kajpn këwent'aty y'ityën, ma ja Heve ja'ayëtyën ets Amor ja'ayëtyën. Anë'ëk tëëtsë'ëk nëjkx yajpatnë.

Isaías 2:8

May näjyëtu'un tmëët'atë ja awinax, ets ënät twinkoxtänëtë mëti'ipë kë'ëm të tyajkojtën mëët ja kyë'ë y'aawëty.

Isaías 27:9

Je'eyëp ko ënät tpokymyä'kxa'any yë Jacob, pën pyatuumpy mëti'ipë yaj'amëtoopën: Ko naaxwayën tuunta'ajëty yë wyintsë'këntyakn ma t'ëwtatyën ka'apë Tyiosëtyën, jëtu'un tukpu'ujëtya'ajëty tä jeexyë ja'ay tsaa twaaytyä'äkyën mëti'ipë yajaamkojpyën ets ka'ap nimaa wyë'ëmëty tu'kpuxyën yë kepy mëti'ipë y'ëwtajtypyën, yajma'ta'ajëp yë wyintsë'këntyakn ma poom tukwinjokyën yë tyiosëty.

Isaías 30:22

Nëjkxëp xy'ëxëëk'ijxnë ja m'awinax, ja mtsaapotsy ets mkepy tsyetsy mëti'ipë ja ja'ay y'oytyuuntëpën mëët yë poop pujxn ets pu'ts pujxn. Ëxëëk nëjkx xy'ijxnë ets pu'uxmën putsta'akën nëjkx xyajnajxnë.

Isaías 37:19

ets ko tëë tnino'ktaayëtë tsyaamëxanëty, y'awinaxëty, mëti'ipë ënety tyijtëpën tios, jä'ä ko ka'ap tyiosëty; naaxpotsy, tsaa ets kepy të y'itë mëti'ipë naaxwiinyëtë ja'ay kë'ëm të tyaj'oyën. Paatykyëjxm të tjantyyajkutëkoytyë.

Isaías 41:29

Nitii tkakëjxm'atë yë'ëjëty, oy jeexyë tu'ukën. Nitii kyamayëtë tuntëty; naaxpotsy yë je'eyë mëti'ipë tukwa'atsën.

Isaías 44:15

Tam mëti'ipë ja'axy'ataanpën; tam mëti'ipë jëën yajtukno'okaanpën ets ja'ay xyamëty; tam mëti'ipë tsajpkääky tyukë'ëwäämpyën; ets tam mëti'ipë awinax tyuktsätsäämpyën ets ja'ay t'ëwtatëty.

Jeremias 17:2

Yë m'u'unk m'ëna'k jyaak ja'amyäjtstëp ja wintsë'këntyakn ets kepy apujxtuky mëti'ipë ijty kënu'kxy myajnajxypyën mëti'ipë jam myaj'ijtypyën ma kepypya'tkën ets jam kopkkëjxm,

Ezequiel 36:25

Mëët yë wa'ats nëë mpuja'an njä'ätsä'äntë ets nyajwatsta'aja'anyës ja ëxëëkajtën ets ntuknipëjktuta'aja'antë mëti'ipë të xypyaye'eyë'ëktën ko të xypyanëjkxtëkëtë wiink wintsën;

Oseas 14:8

Ets Efraín nëjkx y'ënä'äny: ¿Tiijës nyajwa'anëty yë awinax? Kë'ëmës winë n'ixy ets kë'ëmës n'ijx'ity yë nnaax nkajpn. Jëtu'unës ëjts tä tu'uk yë tsiin kepyën xëmëpë tsyuxk'ityën, ma ëjtsën tpaata'any yë nnaax nkajpnës yë jyi'kxy pyiky.

Oseas 14:9

Mëti'ipë ja'ay wijyën ets këpetyën wyinja'ap ya'atë aaw ayuk: Mëti'ipë yë Wintsën tyu'u'ajtypyën tëy yë'ë, yë wa'ats ja'aytyëjkëty yë'ë jëtu'unpë pyanëjkxtëp; e yë pokyjä'äytyëjkëty ko jää jyaye'eya'antë pojën y'anäpëtë.

Sofonías 1:3

Nyajkutëkoyäämpyës yë naaxwiinyëtë ja'ay, joon jëyujk ets nëë jëyujk, npëjkta'akäämpyës mëti'ipë yë ëxëëkja'aytyëjk yajkëtaw yajkëpipëtëpën ets nyajkutëkoyä'änyës yë naaxwiinyëtë ja'ay.

Zacarías 13:2

Nyajkutëkoyäämpyës tëkokyë yë awinax mëti'ipë yajpatëpën ma naax kajpnën, këtiipë pën t'ëwtatëty. Njëpëkäämpyës näjyëtu'un yë käjpxynyajxpëtëjk ets ëxëëk poj. Ëjts Wintsën, ëjts ënaanp,

Deuteronomio 7:5

Yë'ë mtuntëp, tukjijtëtya'atë tukpu'ujëtya'atë yë wyintsë'këntyaknëty, yë tsaa, yë kepy tsyetsy ets awinaxy mëti'ipë y'ëwtajtëpën; yajkutëkooytya'atë yë tsaa, kepy mëti'ipë y'ëwtajtëpën ets nino'ktaayëtë y'awinaxëty.