Isaías 17:5 - Biblia Dc en Mixe de Quetzaltepec

⁵ Jëtu'un nëjkx jyäty tä tu'uk naaxtuunpë ja'ay tyajpëtë'ëkyën yë tsajpmok ets tpëjkmuky kë'ë'am ja ajkts, ma të myukyën yë tsajpmokpajk jam joyjyotm ma txëëwatyën Refaim;

Biblia Mixe de Quetzaltepec

⁵ Jëtu'un nëjkx jyäty tä tu'uk naaxtuunpë ja'ay tyajpëtë'ëkyën yë tsajpmok ets tpëjkmuky kë'ë'am ja ajkts, ma të myukyën yë tsajpmokpajk jam joyjyotm ma txëëwatyën Refaim;

Isaías 17:5 ပူးပေါင်းရင်းမြစ်များ

2 Samuel 5:18

Yë filistejë ja'ayëty, ojts tsyoontë ets jam nyäpyëjktakëtë ma tu'uk ja itjot txëëwatyën Refaim.

2 Samuel 5:22

Yë filistejë ja'ayëty kä'äpyëm tyimjotkujk'atë, ënät jatëkok ojts jam nyäpyëjktakojënëtëpë Refaim,

Proverbios 27:25

Ko mëëy pyëtsëmëty ets tsuxk ujts myuxëty, ets yajpëjkmukëty yë ujts jam tunkëjxm,

Isaías 17:11

yajxon xykyëwent'aty ko xypyeny xykyojy, jëtu'un xy'a'ijx xyjyëjp'ijxnë jëna'a pyëjja'any. E jääts ko ënety ja nyipa'am jyä'ty, wa'ats pyutstëkooytya'aja'any.

Jeremias 51:33

Jä'ä ko yë Wintsën mëti'ipë maaytyääyëpën winë, yë Israel yë Tyios, jëtu'un y'ënä'äny: Yë Babilonyë kajpn jëtu'un të yajwinteeny tä yë tsajpmokën ko tëë myëjay, tim wiinkoonp ja xëëw jëmëjt ma ja pëjktä'äky pyëtë'ëka'anyën.

Jeremias 9:22

Ja ye'etyëjktëjk mëti'ipë të y'ooktën, jëtu'un ja jyot nyini'kx yaj'ixtë kamjoty pyiny jyety të'ënyën, tä ja tsajpmok kyä'äyën ko nyäxy mëti'ipë yajmujkpyën ets tääpë tsajpmok ka'ap pën tpëjkë'ëky. Yë Wintsën jëtu'un ënaanp.

Oseas 6:11

Mijts Judá, tëë yam ntuk'ëwaanë ja xëëw jëmëjt jëna'a ntëytyuna'anyën. Koos ënety ntsojkën'aty, nyajwinpita'anyës ja nnaax nkajpnës Israel, ma kyë'ëm naax kyë'ëmkajpnën,

Joel 3:13

Jä'ä ko yë'ëjëty ëxëëk jyä'äy'atë. Kupujxta'atë tä tsajpmok majën, jä'ä ko tëë tpatnë jëna'a pyëtë'ëktëtyën; jëtu'un tä'änakëtya'atë tä ja'ay tä'ännakën yë tsatsymtsya'am, jä'ä ko tëë tpatnë jëna'a y'uukykyojëtyën.

Mateo 13:30

Nikë oy ko n'ëxmajtsmëty, wä'än mëët tu'ukyë tyony ja pëjktä'äky. Jäänëm yajwixëty ko ja pëjktä'äky pyëtë'ëkëty. Ënätës ni'ënä'ämëty ets jëwyiin ëpëky tpëjkta'aktëty ja ëxëëk ujts atsuumtä'äkyäty ets yajnino'okëty, ok yajpëjkë'ëkëty jap tëkoty ja tsajpmok.

Josue 15:8

Ya'atë tsëpa'an jam ijty nyäxy ma Ben-hinom joyjyotmën, e jam ëpa'tkë'ëmtsow jam nyäxy ma txëëwatyën Jebús, jä'ä ja kajpn mëti'ipë yajtijpën Jerusalén ets pyäjtë'ëky jam kopkëjxm mëti'ipë wintuuytsyow yajpatpën ma ja Hinom joyjyotën ets jam anëkëjxy'äämpy nyäxy ma ja Refaim joyjotmën,

Josue 18:16

ets jam jyënajkë'ëky kopk'ëjxm mëti'ipë mëët nyäwyinku'ixëtyën ja Ben-hinom joyjyot, anëkëjxytsyow wyi'imy ma ja Refaim joyjyotmën. Jamts jatëkok jyënajkë'ëky ets jyëjptä'äky ma ja Hinom jyoyjyotmën; nyäxy jam ëpa'tkë'ëmtsow yä'äpwinm ma txëëwatyën Jebús ets tyimnëjkxy, jyä'ty ma tu'uk ja nëëwookyën jam En-roguel.