Isaías 17:14 - Biblia Dc en Mixe de Quetzaltepec

¹⁴ Ko jyopy'äty janty'oy yaj'ixy y'ujts'aty, e ko tsyu'ujënyë tëë nyaxo'tstaaynyë. Jëtu'un jyatë ja ja'ayëty mëti'ipë je'eyë një'kxy'ajtëmë myëkäk myëpujtëpën, jëtu'un jyatë ja ja'ayëty mëti'ipë xit ko'ow të xyajwë'ëmëmën.

Biblia Mixe de Quetzaltepec

¹⁴ Ko jyopy'äty janty'oy yaj'ixy y'ujts'aty, e ko tsyu'ujënyë tëë nyaxo'tstaaynyë. Jëtu'un jyatë ja ja'ayëty mëti'ipë je'eyë një'kxy'ajtëmë myëkäk myëpujtëpën, jëtu'un jyatë ja ja'ayëty mëti'ipë xit ko'ow të xyajwë'ëmëmën.

Isaías 17:14 ပူးပေါင်းရင်းမြစ်များ

2 Reyes 19:35

Jä'ä tsu'um ja Wintsën ja kyukäjpxy ojts tyaj'o'kta'ay ja Asiria ja'ayëty ma ënety jam jyajta'aktën, mëko'px ja tëkë'px mëkoxk mil ja Asiria tsyiptuunpëja'ayëty y'o'ktë, komjëpom may o'kpë ojts kyuxëënyë.

Proverbios 22:23

jä'ä ko Dios yë'ë kuwanëp yë ëyoopëja'ay ets ëxëëk tuna'any ja mëti'ipë ënety ja ëyoopëja'ay ëxëëk tyuunpyën.

Ezequiel 39:10

Ka'ap nëjkx kopkpëky kamjoty jya'axtë ets yukjoty jyä'äxypyuxtë, jä'ä ko tu'kë'ëyë tääpë mëtsiptu'unën yë'ë nëjkx tja'axy'atë. Jëtu'un nëjkx tyajpëtsëëmta'atë winë ma ja kajpnën mëti'ipë winë të yajpëtsë'ëmxëtën ets nëjkx tpëjkëtya'atë winë ja naax kajpn mëti'ipë ënety winë të pyëjkxëtën. Ëjts Wintsën, ëjts ënaanp.

Jeremias 13:25

Mijts Israel jëtu'un mjata'any mkëpäta'any, mnitëjkëyëp jëtu'un mjatëty. Ëjts Wintsën, ëjts ënaanp. Mijts ojtsës xyjyä'äytyëkoy, ja awinax mëti'ipë ka'ap myëtëyëtyën yë'ë të xytyuk'ijxpety.

Jeremias 2:3

Israel wa'ats ijty yajpaaty ma ëjtsën, jëtu'unës ijty njawë tä ni'ik oypyë npëjktä'äkyënës. Ko ijty pën wi'ix tyunyë, pojënës ntukumëtoy ja pyoky mëti'ipë ëxaty tuunëpën ets ntuknikexyës ja ëyo'on jotmay. Ëjts Wintsën, ëjts ënaanp.

Isaías 33:1

Janty mon janty tuk mijts myajpaaty mëti'ipë naax kajpn mye'tsypyën ets mits ka'ap myajmeetsy; mëti'ipë jyiiky myëku'uk kyë'ëyäjkpyën ets mijts ka'ap pën mkë'ëyäkyë. Ko ënety tëë xyajkutëkooytyä'äy ja naax kajpn, tääts nëjkx mijts mkutëkoy, ko ënety tëë ja mmëku'uk xy'ayäky xykyë'ëyäky, tääts nëjkx mijts myajkë'ëyäky.

Salmos 37:36

e tëë ja jyëwa'knë, ka'ap ma y'ëkyajpatnë; tëës njajaak'ixta'ay, ka'apës ma të n'ëkpatnë.

Job 20:29

Yë'ë ya'atë Dios të tuknipëjktaakë yë ëxëëkja'aytyëjk; jëtu'un jyata'any kyëpäta'any.

2 Reyes 19:3

ets ja yajkutujkpë ja y'aaw y'ayuk tukmëtowa'antë: Tyam o'ktëy ëëts njatë nkëpätë, ja tëytyu'unën jä'äs yam nmënajx nyajnajxtëp ets jëtu'un ëëts näjyawëtë naaxkutij naaxkumatsëpë, tä tu'uk yë to'oxytyëjkën mëti'ipë tëë myëjaawkëxyën ets u'unk maay yajminäämpy naaxwiiny.

Jueces 5:31

Jëtu'un mëpaat kyutëkooytya'atë mijts yë mmëtsip Wintsën, e ja ja'ay mëti'ipë mtsojkëpën mja'awëpën wä'än jëtu'un të'kxtë tjajtë tä xyëëw'anyën. Ko ya'atë tsip nyäjxy, jä'ä ojts yë Israel kajpn jotkujk yajpaaty wëxtyikxy jyëmëjt.

Isaías 10:25

Jä'ä ko wiinkoonp ja xëëw jëmëjt ma ja ëyo'on jotmay t'ixa'antën yë ntsip n'äkës yë'ë yajkutëkoyanëtëp.

Isaías 29:5

E ajotkumonë nëjkx yë mmëtsiptëjk o'ktëy jyajta'atë, ja Wintsën mëti'ipë maaytyääyëpën winë yë'ë nëjkx tëytyuny ja mmëtsip mëët ja poj ënääw, nëë tuu ets jëën. Nëjkxëp ja mëtsip naax wayën jyajta'atë, ets tä tu'uk pu'uxm wyimpapojyën, jëtu'un nëjkx kyëxë'knëtë.

Isaías 29:7

Tëkokyë ja naax kajpn mëti'ipë mëët tsyiptuntën ja Ariel kajpn, mëti'ipë mëët të tnitëkëtën ja naax kajpn ta'tspëkyëtypë, mëti'ipë o'ktëy ja jyiiky myëku'uk të tuntën, jëtu'un nëjkx y'awinpitë tä ja'ay wyinkuma'ayën, ëkë tä ja'ay tii t'ijxma'atyën koots.

Isaías 33:18

Ko ënety jëna'a xyjyä'äymyetsy wi'ix ojts ja atsë'ëk ajawëpë xyajnaxyën, ënät nëjkx m'ëna'any: ¿Ma ënät tyam ja ja'ay mëti'ipë ijty yajkëpäjtpën? ¿Ma ënät tyam ja mëti'ipë ijty y'ijxyp tyuunpyën wi'ix ja meeny yaj'yäkyën ets wi'ix tyunyën? ¿Ma ënät tyam ja mëti'ipë ijty myëtyoowtääpyën ja mëjëtypë këjxmëtypë ja potsy?

Isaías 34:17

Nitu'ukjaty tëë tmooytyä'äy y'ijtakn ets tëë tukni''ijxëtyä'äy maajaty y'itëtyën, ets jam yajpaata'antë winë xëëw winë kyëjxm.

Isaías 41:12

Nëjkxëp ja mmëtsip xyjya'ijxta'ay, ka'ap maa xypyaata'any; mëti'ipë tsiptunaanpën mëët mijts jëtu'un nëjkx nyäxy ijxtëm jeexyë tii kyatimkyä'tyën.

Jeremias 49:10

E ëjts tëëjës yë Esaú winë npëjkëtyä'äy, tëëjës npatë nyäyu'tstakn ets ka'ap tjëkyepy tii xy'ëktukwinkuyu'tsnëtyës. Wa'ats të kyutëkooytya'atë y'u'unk y'ëna'këty, jyiiky myëku'ukëty ets myëjëën myëtëjkëty, ni pën të kyawë'ëmy mëti'ipë jeexyë ënaanpën:

Isaías 21:12

Ets ja këwent'ajtpë y'ëtsoy: Tää xyiinyëjanë ets tää kyootsëjanë. Pën tii myajtëwantëp jyëkyejpy xyajtëwtëty, mmintëp jatëkok.

Isaías 29:2

jä'ä ko ntukpaatäämpyës yë amay jotmay yë Ariel kajpn, itaanp jam ja jë'ëyën yaxën. Ënätnëm nëjkx n'ixyës pën xyëëwajtypyën Ariel.

Isaías 30:28

Ko xyejy jëtu'un yajmëtoy nëëkomën; tä nëëkomën mëti'ipë yo'kntuuy ku'utpën. Yë'ë nyimiinp yë naax kajpn ets tyajnëjkxa'any ëyo'ontum tä ja'ay tsajpkaa tkepymyëtsumën mëti'ipë tyukyuupyën, Yë'ë nyimiinp ja naax kajpn ets tyaj'ëmona'any jëtu'un tä ja'ay yë jëyujk t'ajäänë'ëkyën ets twoowtëkoy.

Zacarías 2:12

Nëjkxëp ja Wintsën jatëkok tjä'äpëky yë Judá kajpn ets nëjkx wa'ats tyajnaxy yë Jerusalén kajpn, mëti'ipë të twin'ixyën.