Isaías 16:12 - Biblia Dc en Mixe de Quetzaltepec

¹² Oy jënu'un yë Moab jyajëëytya'ak jyanu'kxta'akëty jam tunkëjxm kopkëjxm, oy jënu'un jyakajpxta'akëty jam tsajptëkotm, ka'ap tpaata'any mëti'ipë y'ixtääpyën.

Biblia Mixe de Quetzaltepec

¹² Oy jënu'un yë Moab jyajëëytya'ak jyanu'kxta'akëty jam tunkëjxm kopkëjxm, oy jënu'un jyakajpxta'akëty jam tsajptëkotm, ka'ap tpaata'any mëti'ipë y'ixtääpyën.

Isaías 16:12 ပူးပေါင်းရင်းမြစ်များ

Isaías 15:2

Jëëpy yaxp yë Dibón ja'ay jam nyëjkxtë kopkëjxm ma yajpaatyën ja tsyajptëjkëty. Yajxon yë Moab tmëmony tmëtuky ko yë Nebo ets Medebá të kyutëkoy. Tu'kë'ëyë ja naaxwiinyëtë ja'ayëty tëë ja wyinwaay y'awaay tjäjpta'atë.

Jeremias 48:35

Jëtu'un yë Wintsën y'ënä'äny: Ëjts nyajkutëkoyäämpyës yë Moab ja'ayëty mëti'ipë tunkëjxm kopkëjxm tsënaaytyëpën, ma ja wiink tios ja tsyajptëjk yajpaatyën, mëti'ipë tyukwinjojktëpën ja poom jok.

1 Reyes 18:29

Jëtu'un ojts ja xëëw kyujkënyë ets kyutëjkënë, yë'ëjëty tampaat ya'ax jyoktë ets jyänty nyëpujt jyänty yujkpujtë tä ja'ay mëti'ipë pojëtëpën tpatnë ja xëëw ma ja wintsë'kën jeexyë yajkë'ëyäkyën ka'ap ja ëtsoowinpijtën tpatë. Ni pën kya'ëtsoowëtë ets ni pën kyamëtoowëtë.

Jeremias 48:46

Janty mon janty tuk myajpaaty mijts Moab kajpn. Mijts Quemós kajpn tëë mkutëkoy. Ja m'u'unk m'ëna'k ye'etyëjkpë to'oxytyëjkpë tsumy matsy të yajmënëjkxtë wiink naax wiink kajpn.

Jeremias 48:13

Jää nëjkx ja Moab nyäjya'awëpyäätyë ko kajtëm ja wyintsën Quemós të pyutëkëty ijxtëm jyapaatë'atyën, jëtu'un ijxtëm yë Israel ja'ayëty ojts nyäjyawëtën ko ja tios Betel ka'ap pyutëjkëyëtë, mëti'ipë ënety xëmë të tuk'ijxpätën.

Jeremias 48:7

Miitsëty Moab ja'ayëty, yë'ë të xytyuk'ijxpätë ko të mjotmëk'atë ets ko mkumeeny'atë, e pyätyp ja xëëw jëna'a myajmëmëta'aka'antën. Yë Quemós mëti'ipë m'ëwtajtëpën, yajmënëjkxaanp wiink naax wiink kajpn, mëët ja teetytyëjkëty ets ja ja'ayëty mëti'ipë mëj'äämpy ijtëpën.

Jeremias 10:5

Yë y'awinaxëty jëtu'un yaj'ixy tä kamwintëyën ma melón ja'ay tyaj'ityën; ka'ap kyäjpxy ets ka'ap ye'ey, kë'ëm muum ja'ay tmënëjkxy.

Isaías 47:13

Tëëxë kanaak xymyëët'aty m'ëëwij mkajpxwijpë, ets mmëtsipkä'äxnëp ijty ko nyimay'ajnëtë. Wä'än ënät tyam tmëjwa'aktë ja mxëëwmääpyëtëjk, mëti'ipë nyija'awëtëpën wi'ix yë mëtsa'a tyajkajpxtëtyën, mëti'ipë winpo'ojaty mtuk'ëwa'anëyëpën tii tunan jatanëp ets jeexyë mijts mtso'oky.

Isaías 37:38

Jam ënety kyajpxtä'äky ja Senaquerib ma ja tsyajptëjkën jam Nisroc, mëti'ipë y'ëwtajtypyën, ko jam tyukmiinë nimäjtsk yë myaank, tu'uk jä'ä xyëëwajtyp Adramélec ets tu'uk Sarézer, jä'ä yaj'o'këtë. Ko yaj'o'ktaayë, tääts ojts kyakojnëtë jam Arafat. Yë'ë ojts kyutëkëty ma ja kutujktaknën yë myaank Esarhadón.

Isaías 26:16

Paatykyëjxm jëtu'un të jyäty të kyëpety, jä'ä ko ënety ëëts nyajpaatë mon tuk.

Proverbios 1:28

Jääts nëjkx xyjyamëkajpxtës, e ëjts ka'apës jää n'ëtsowa'any. Nëjkxëpës xyjya'ixtaaynyëtë, e ka'apës nëjkx ma xypyaatë.

2 Reyes 19:12

¿Tiosëm jëtää ojts tputëkë ja kajpn mëti'ipëjaty ja Asiria ja'ay nyitëjkëtyë, ëëts yë nteety n'apëty: tä yë Gozán kajpnën, Harán kajpnën, Résef kajpnën ets ja ja'ayëty jampë ijty yajpaatën Bet-edén, mëti'ipë jam tsënaaytyën Telasar?

2 Reyes 3:27

Ënet ojts tmajtsë'ëky tu'uk ja myaank mëti'ipë ënety kutëkëjanëpën ma ja kyutujktaknën ko y'ookëty ets tuktsujk tukjë'tëy ets tnino'ky jam potsykyëjxm, jëtu'un tyäjky tä tu'uk ja wintsë'kënën. Yë Israel ja'ayëty wiink ojts t'ixtë ets jyoot'anpëjktë, paatykyëjxm tsyo'ontaaytyë jam ma ja jya'ajtaknëtyën ets wyimpijtaaynyëtë ma ja nyaax kyajpnëtyën.

1 Reyes 11:7

Jä'ä xëëw jä'ä jëmëjt yë Salomón ojts tu'uk tyajkojy yë tsyajptëjk ja Quemós, jamtsow awinm ma Jerusalén kajpnën, mëti'ipë yë Moab ja'ayëty myëjja'awëtëpën, ka'apë ninu'un y'ijxnëtyën ets ja Moloc mëti'ipë yë Amón ja'ayëty myëjja'awëtëpën; jam ojts tkojy ja tsajptëjk kopkkëjxm ma ja Jerusalén kajpn pa'tkën, maatsow yë xëëw pyëtsimyën.

Isaías 16:13

Ya'atë ojts tkäjpxy yë Wintsën tëëyëp ma ojts t'akäjpxyën wi'ix ja Moab jyata'anyën.