Isaías 14:7 - Biblia Dc en Mixe de Quetzaltepec

⁷ Jotkujk ets xoontä'äky ja naaxwiinyëtë ja'ay yajpaatë, jotkujk xyi'iktë y'ëwë'ëktë mëët ko oy nyäyjyawëtë.

Biblia Mixe de Quetzaltepec

⁷ Jotkujk ets xoontä'äky ja naaxwiinyëtë ja'ay yajpaatë, jotkujk xyi'iktë y'ëwë'ëktë mëët ko oy nyäyjyawëtë.

Isaías 14:7 ပူးပေါင်းရင်းမြစ်များ

Isaías 49:13

Janty xoontaktëp, janty ëëw janty yaxtëp jam tsajpjotm, näjyëtu'un naaxwiiny naaxkëjxy, jää'ajtp ja akujkajtën jotkujk'ajtën. Jam tunkëjxm kopkkëjxm wä'än jam t'ëwtë tya'axtë, jä'ä ko tëë ja Wintsën ja nyaax kyajpn tyajtso'oky ets të tyajjotkujkë, tëë tuknipëjktaakë ko tpa'ëyowa'any ja ëyoopëja'ay.

Apocalipsis 18:20

Mijts, tsajpjotmëpë yajpaatën, xoonta'aktë mëët ko jëtu'un të jyäty tääpë kajpn; ets miitsëty wa'ats kajpnëty, ayuk kajpxnajxpëty, käjpxynyajxpëtëjkëty xoonta'aktë jä'ä ko tëë ja Dios tuny ja paye'eyën ko të tyajkutëkoy tääpë kajpn.

Jeremias 51:48

Yë tsajp ets naaxwiinyëtë ets tëkokyë jënu'un winë yajpaatyën ma yë'ëjëtyën, nëjkxëp tukxoonta'aktë ko ënety ja Babilonyë kajpn të kyuka'anaxy, ko ënety myintë jam anëkëjxmtsow mëti'ipë yajkutëkoyanëpën. Ëjts Wintsën, ëjts ënaanp.

Proverbios 11:10

Ko yë wa'ats ja'aytyëjk jyotkujkta'aktë, yë naax kajpn jotkujk näjyëtu'un yajpaaty; ko yë ëxëëkja'aytyëjk y'ooktë, xoontakp yë naax kajpn.

Salmos 98:1

Tukwin'ëwtë ja Wintsën ja ëy yä'äxy jempyë, jä'ä ko mëj këjää myëj'ajtën të tyaj'ixyë. Tëë myëtä'äky jam tsipjotm mëët ja myëk'ajtën ets ja kyutujkën wa'atspë.

Salmos 47:1

Tukë'ë'apo'kxmuktë, miitsëty naax kajpn; mëk yë Dios mmëkajpxtë mëët yë xoontakën.

Zacarías 1:11

Ja ja'ayëty mëti'ipë ja kwaay tyuk'u'unyääytyëpën, mëti'ipë jam ujtsjotmëtyën, ënät t'ënëmaaytyë ja tsajpjotmëtë kukäjpxy: Tëës ntukjëtijtëtya'atë ja naaxwiinyëtë, jotkujk ja'ay yajpaatë ets ka'ap tiijotmay tmëët'atë.

Isaías 21:2

Mëk oy yajmëtoy mëti'ipës ja Wintsën të xytyuk'ëwaanën: Mëti'ipë ja myëku'uk kyë'ëyäjkpyën, tëë ja jëtu'un tuny; mëti'ipë yajkutëkoopyën winë, të ja jëtu'un tuny. Pëtë'ëk mijts Elám ets mijts Medë ja'ayëty, nëjkx mtsiptuntë. Ëjts ka'apës n'ëkupëkanë ets pën je'eyë nyikajpx nyimëtya'akëty.

Ezequiel 35:14

Paatyës n'ëna'any, ëjts Wintsën: Tëkokyë naaxwiinyëtë xyoonta'aka'any ko mijts nyajkutëkoyëty.