Isaías 14:6 - Biblia Dc en Mixe de Quetzaltepec

⁶ mëti'ipë ënety tyiytyuunpyën ja naax kajpn mëët ja tsip äkë ets twopy tka'atsy ja ja'ay; mëti'ipë ja naax kajpn y'ate'empy tyukte'empyën mëët ja joot'an ets t'ixjëtity tpajëtity ja myëku'uk oy maa timpyaja'ty, ka'ap tmëët'aty ja pa'ëyo'owën najts'ëyo'owën.

Biblia Mixe de Quetzaltepec

⁶ mëti'ipë ënäty tyiytyuunpyën ja naax kajpn mëët ja tsip äkë ets twopy tka'atsy ja ja'ay; mëti'ipë ja naax kajpn y'ate'empy tyukte'empyën mëët ja joot'an ets t'ixjëtity tpajëtity ja myëku'uk oy maa timpyaja'ty, ka'ap tmëët'aty ja pa'ëyo'owën najts'ëyo'owën.

Isaías 14:6 ပူးပေါင်းရင်းမြစ်များ

2 Crónicas 36:17

Ënet ja Wintsën tuknipëjktakëy ets ja yajkutujkpë caldeo ja'ay, tyaj'o'kta'ajëty ja ëna'ktëjk mëti'ipë jap yajpatëpën tsajptëkoty; aak tsujkn tyukyaj'o'ktë, ye'etyëjk to'oxytyëjk, mëjja'ay mutskja'ayëty ets wä'än yë'ëty mëti'ipë ka'ap y'oy'at myëk'atën. Tëkokyë ja ja'ayëty aak ojts ja Wintsën kyë'ëyajkta'ajëtë ma ja caldeo ja'ayëtyën.

Job 9:13

Ko yë Dios jyoot'anpëky, tsip ets jyoot'an xyäämëty; ko yë Rahab yë jyä'äy tii tjatuna'any jam ma Tiosën, jëtu'unyë nyaaxkëtakta'atë.

Proverbios 21:30

Ma Tiosën ka'ap nimëti'ipë wijyajtën tsyowpaaty, yë'ëpaat ka'ap tsyowpaaty yë këpetyajtën ets ja ma'ayën tajën.

Proverbios 28:15

Jëtu'un tä tu'uk yë kaajën myu'uy nyiitsyën, jëtu'un tä tu'uk yë osë yä'äxy jyokyën, jëtu'un yë ëxëëk ja'ay mëti'ipë y'ëne'empyën yë naax kajpn ma ëyoopëja'aytyëjk tsyëënëtën.

Isaías 10:14

Tëës ja wiink naax wiink kajpn ja wyit myeeny npëjkë ets ja nyaax kyam, jëtu'un tä joontsaa yajkoonpëtsëmyën ma joonpä'änën mëti'ipë tyaak të nyike'ekyën. Ka'ap pën wi'ix të y'ëti'itsy, ka'ap pën ja kyäkn të tyajyu'kxy ets ka'ap pën ja y'axokx të tyajyu'kxy.

Isaías 14:5

Tëë ja Wintsën tyajnaxy tyajkëxy ja kuttujkën, ka'apë myëtëyëtyën, piw nuuk të tuunta'ay ja yajkutujkpë ja y'ënä'ämën,

Isaías 33:1

Janty mon janty tuk mijts myajpaaty mëti'ipë naax kajpn mye'tsypyën ets mits ka'ap myajmeetsy; mëti'ipë jyiiky myëku'uk kyë'ëyäjkpyën ets mijts ka'ap pën mkë'ëyäkyë. Ko ënety tëë xyajkutëkooytyä'äy ja naax kajpn, tääts nëjkx mijts mkutëkoy, ko ënety tëë ja mmëku'uk xy'ayäky xykyë'ëyäky, tääts nëjkx mijts myajkë'ëyäky.

Jeremias 25:26

yë yajkutujkpëtëjk mëti'ipë jam anëkëjxmtsow yajpatëpën, mëti'ipë nämyëwinkon'ajtëtëpën, mëti'ipë nämyëjëkäm'ajtëtëpën; tu'kë'ëyë ja wiink naax wiink kajpn ma y'ityën ënä'ämën kuttujkën. Ets tukjëjpkëxëty yë Babilonyë yajkutujkpë.

Jeremias 25:9

yë'ëjës nmëkajpxäämpy yë naax kajpn mëti'ipë anëkëjxmtsow yajpatëpën, yë ntuunpës Nabucodonosor mëti'ipë Babilonyë yajkutujkpën tääts yaa myintëty ets tnitëkëtëty ya'atë kajpn ets jënu'un mëët nyämyëwinkon'atyën. Xit ko'ow ntuunta'aja'anyës, wa'atsës nyajkutëkooytya'aja'any. Xit ko'owës xëmë nyaj'ita'any ets je'eyë ja'ay tsyë'ëkëtëty ko t'ixtëty.

Jeremias 48:17

Nitëkokyë miitsëty naax kajpn jënu'un yë Moab kajpn xymyëwinkon'atën, jënu'un xynyijawëtën wi'ix yë Moab kajpn mëj'äämpy të y'ityën, nijë'ë niya'axtë, jëtu'un m'ëna'antëty: Ix ja kyutujkën mya'taaynyë, mëk ets mëj'äämpy të y'ity.

Jeremias 50:31

Yë Wintsën mëti'ipë maaytyääyëpën winë, jëtu'un y'ënä'äny: Naax kajpn mëti'ipë amëj akëjxm kajpn'ajtpën, tëë nmëtsiptsoony; tëë tpaaty ja xëëw jëmëjt ma xykyumëtowëtyën yë mpoky.

Lamentaciones 1:21

Njamëtoowtëp yë ja'ayës koos n'ëjy ntu'uky, je'eyëp ko ni pënës xykyaniminy mëti'ipës xyajjotkujkta'akëpën. Nyija'awëtyääytyëp yë nmëtsipës koos o'ktëy njaty nkëpety ets nmëtsipës je'eyë xyoontä'äky ko tnijawë'aty mijtsës xytyuunp. Yajmin ja xëëw po'o mëti'ipë të xynyikäjpxyën ets wä'än näjyëtu'un tjatë tkëpätë tä njaty nkëpetyën.

Daniel 4:35

Ma yë'ëjën nitu'uk yë naaxwiinyëtë ja'ay kyamëkëty. Yë'ë jëtu'un winë tuny tä të tuknipëjktaakën, tsajpjotm ets naaxkëjxy. Ka'ap pën tjëkyepy yë myëk'ajtën tjëjpkuwa'akëty ets ka'ap pën tjëkyepy tyajtëëwinpitëty tii ya'atë xi'itë jëtu'un tuny.

Habacuc 1:17

¿Jëtu'un jëtääjën yë caldeo ja'ay ënät jeky ëëts xymyëët'ata'antë tä yë ja'ay nëë jëyujk txuyën ets tjëpipyënë? ¿Jëtu'un jëtääjën je'eyë xëmë yajja'ay'ooka'antë ets ka'ap ni pën tpa'ëyowa'antë?

Habacuc 2:5

Yë ja'ayëty mëti'ipë nämyëjja'aw näjyääntyjya'awëtëpën yë'ë tyäty tsyojkën'ajtëp wi'ix y'ënä'ämtëtyën; yajxon tjanty xy'ixta'atë ets ka'ap pyo'kxtë, ni'ikyë tpa'o'kta'aktë, oy tjanijawëtë ko ëxëëk ja'ay tmëjaty tmëkëpety yë kuttujkën ets ënä'ämën. Jëtu'un yë y'aaw tyajwa'kxtë o'kpëjutën; jëtu'un ka'ap kyu'uxëtë tä o'kënën, paaty tpajëtitë ja naax kajpn ets tjä'äniwa'ana'antë.

Santiago 2:13

Pën ja myëku'uk ka'ap tpa'ëyoy, näjyëtu'un ja Dios ka'ap pya'ëyowa'anyë; pën ja myëku'uk pya'ëyoopyën, yë'ë ja oyajtën pyatäämpy ko ënety ja paye'eyën y'ity.