Isaías 14:4 - Biblia Dc en Mixe de Quetzaltepec

⁴ ya'atë nëjkx xy'ixy ets jëtu'un xynyëxi'ik xytyukxi'ikëty ja Babilonyë ja'ay mëti'ipë ënä'ämp yajkutujkpën: Ixtë wi'ix o'ktëy ja ënä'ämpë yajkutujkpë jyäty kyëpetyën. Ix wi'ix të jyajnë ja mëti'ipë ijty nämyëjja'aw näjyääntyjya'awëyëpën.

Biblia Mixe de Quetzaltepec

⁴ ya'atë nëjkx xy'ixy ets jëtu'un xynyëxi'ik xytyukxi'ikëty ja Babilonyë ja'ay mëti'ipë ënä'ämp yajkutujkpën: Ixtë wi'ix o'ktëy ja ënä'ämpë yajkutujkpë jyäty kyëpetyën. Ix wi'ix të jyajnë ja mëti'ipë ijty nämyëjja'aw näjyääntyjya'awëyëpën.

Isaías 14:4 ပူးပေါင်းရင်းမြစ်များ

2 Crónicas 36:18

Tëkokyë ja apëjk atu'unën mëjpë mutskpë mëti'ipë jap tsajptëkotyën, ma ja Wintsën tyëjkën, mëti'ipë jamën ma ja yajkutujkpë tyëjkën ets ma ja wintsëntëjk ja tyëjkëtyën, wa'ats tyajnëjkxtaay winë jam Babilonyë.

Isaías 13:1

Ma yajnikäjpxy yajnimëtyä'äkyën wi'ix ja Babilonyë ja'ay nëjkx jyatën kyëpätën, mëti'ipë ja Jeséas, ja Amós ja myaank, ojts ja Wintsën tyuk'ëne'emyën ets nikajpx nimëtya'akëty.

Isaías 13:19

E ja Babilonyë ja'ayëty mëti'ipë kumeenyëtyën, ja naax kajpn ma yajpaatyën winë mëti'ipë oyëtyën ets tsowëtyën, ma ja Caldeo ja'ayëty tpaatën ja jyotkujk'ajtënëty, o'ktëy nëjkx jyatë kyëpätë jëtu'un tä ja Sodomë ja'ayëty ets Gomorra ja'ayëty jyajtën kyëpäjtën koos nyajkutëkooy ja kajpn.

Isaías 14:17

mëti'ipë ja naax kajpn ijty tyuktsëëmtutypyën, mëti'ipë ja naax kajpn ijty yajkutëkoopyën, ets mëti'ipë ijty ka'ap nitu'uk ja'ay juuky y'ëxmajtsypyën.

Isaías 14:5

Tëë ja Wintsën tyajnaxy tyajkëxy ja kuttujkën, ka'apë myëtëyëtyën, piw nuuk të tuunta'ay ja yajkutujkpë ja y'ënä'ämën,

Isaías 14:6

mëti'ipë ënety tyiytyuunpyën ja naax kajpn mëët ja tsip äkë ets twopy tka'atsy ja ja'ay; mëti'ipë ja naax kajpn y'ate'empy tyukte'empyën mëët ja joot'an ets t'ixjëtity tpajëtity ja myëku'uk oy maa timpyaja'ty, ka'ap tmëët'aty ja pa'ëyo'owën najts'ëyo'owën.

Isaías 16:4

Wä'än jam ma mnaax mkajpnën tkäktso'oktë yë ja'ayëty mëti'ipë käkpëtsëëmtëpën jam Moab. Mijts jëtu'un näpyëjkta'akët yu'tstaknën ma ja'ayëtyën mëti'ipë yajpapooytyëpën.

Isaías 21:2

Mëk oy yajmëtoy mëti'ipës ja Wintsën të xytyuk'ëwaanën: Mëti'ipë ja myëku'uk kyë'ëyäjkpyën, tëë ja jëtu'un tuny; mëti'ipë yajkutëkoopyën winë, të ja jëtu'un tuny. Pëtë'ëk mijts Elám ets mijts Medë ja'ayëty, nëjkx mtsiptuntë. Ëjts ka'apës n'ëkupëkanë ets pën je'eyë nyikajpx nyimëtya'akëty.

Isaías 47:5

Amonyë naaxwääts mijts to'ox ëna'k, Caldeo ja'ay; akootstuuy tëkë, jä'ä ko ka'ap m'ëk yajtijjanë yajkutujkpë ma ja naax kajpnën.

Isaías 49:26

Ëjts atsipës ntuktsu'utsa'any ja kyë'ëm nini'kx ja ja'ay mëti'ipë ëxëëk mtuunëpën, etsës nyajmu'uka'anyë mëët ja kyë'ëm ne'pyny tä jeexyë ta'amnëë t'uukyën. Jëtu'un tëkokyë ja'ay nijawëtëty ko ëjts Wintsënajtp, ëjts mnitsokpë'ajtyp, mëti'ipë maaytyääyëpën winë ma Jacob nyaax kyajpnën.

Isaías 51:13

¿Wä'än jëtää xyjyä'äytyëkoyëty ja mWintsën mëti'ipë të myajkojyën mëti'ipë ojts yë tsajp twijtstëyën ets tyajta'tspëjkyën ja naaxwiinyëtë? ¿Tii je'eyën xëmë mtsëyuyä'änyë janaam jatsojk, ko ëxëëk mtunyë ja kumeenyjyä'äytyëjk, mëti'ipë jëjp'ixy yajpatëpën ets myaj'ooka'anyë?, ¿Maajën të nyijkxy ja m'ëwa'an'at?

Isaías 51:23

Yë'ëjës nmo'ojäämpy yë ja'ayëty mëti'ipë ëxëëk të mtunyën, mëti'ipë ijty m'ënëmaayëpën: Xii naaxkëjxy nekyo'okët, wä'änës jam nkëxye'eytyë; ets ojts mnäkyo'okyë tää myaj'ate'eny myajtukte'eny naaxwayën.

Isaías 54:14

Ja mëtëypyë ja nipaye'eyën yë'ë nëjkx myajjotmëktä'äkyë, ka'ap nëjkx ëxëëk mjaty mkëpety ets ka'ap nëjkx mtsë'ëkë mjawë, ja tsë'ëkë ets ja amay jotmay nëjkxëp mkukäkta'ayë.

Isaías 9:4

Jä'ä ko mijts të xyajjëwä'äky ja nätyiytyunë, ja ëyo'owën jotëko'oyën ets ja monyëtukyë ma ënety ja wintsëntëjkëty o'ktëy y'ëtë'ëtstën y'ëna'antën, ijxtëm jam Madián tëkok jyäjty kyëpejtyën.

Jeremias 24:9

Ëjts nyajkutukäämpy ets wiinkëtypë naax kajpn y'ëxëëk'ixëtëty mëti'ipë wiink naaxwiinyëtë yajpatëpën ets ijxpät wya'anëty ko ënety ëxëëk të jyatë, ko ënety ni pën kyatsokëtë, ko ënety ja'ay y'ëxëëk'ixëtë ets ko ënety të yajpoktë ma tu'kë'ëyë ja naax kajpnën ma awojpwä'kxy y'itën.

Jeremias 48:17

Nitëkokyë miitsëty naax kajpn jënu'un yë Moab kajpn xymyëwinkon'atën, jënu'un xynyijawëtën wi'ix yë Moab kajpn mëj'äämpy të y'ityën, nijë'ë niya'axtë, jëtu'un m'ëna'antëty: Ix ja kyutujkën mya'taaynyë, mëk ets mëj'äämpy të y'ity.

Lamentaciones 4:1

Tëë ja pu'ts pujxn yëkëtyä'äy. Ka'ap y'ëk'atë'kxnë. Xii yaa muum në'ëjoty tu'ujoty yajpatnë xit ko'oy, ja tsaa oyëtypë jëtu'unyë muum jyaak ka'tsnë

Ezequiel 5:15

Ko ënety të nyajnitukë ets ëxëëk mjatëty mkëpätëty ets mëj këjää myajtëytyunëty, aak nëjkxëp ja'ay m'ojyë ets mtukwinmëtoyë ja mpoky ets mijts je'eyë nëjkx myajjoot'anpëky ets myajtsipke'exy ma ja naax kajpnëtyën mëti'ipë na'ëwtity yajpatpën ma mkajpnën. Ëjts Wintsën, ëjts yam jëtu'un nikäjpxyp.

Daniel 2:38

ets mijts m'ënä'ämtääpy tëkokyë yë ja'ay, yë jëyujk yë joon ets wä'än timy tyiijëty, yë Dios yë'ë të mo'oyë mëk'ajtën ets mijts winë xy'ënä'ämta'ajëty, yë'ë jëtu'un të xywyin'ixy tä ja pu'ts pujxn tkëpajk'atyën.

Habacuc 2:17

Jëtu'un tä ëxëëk të xytyunyën yë Líbano ja'ayëty nëjkxëp näjyëtu'un ëxëëk mjaty mkëpety ets nëjkxëp mtsë'ëkë ko ënety ja jëyujk të xyaj'ooky. Yë'ë nëjkx jëtu'unpë ëyo'on xypyääty ko ënety ëxëëk të m'ëtë'ëtsy ets ko ënety ëxëëk ja naax kajpn të xytyuny.

Apocalipsis 17:6

Ënätës n'ijxy ko ja to'oxytyëjk myu'ukyë, yë'ë mukëp ja mëpëjkpëtëjk ja nye'pyny ets ja ja'ayëty mëti'ipë të tkajpxwa'kxtën ja Jesús ja jyä'ä. Mëkës ni'ik nja'awëy ko jëtu'un n'ijxyës.

Apocalipsis 18:16

ets ya'axtëty jyoktëty: Mëj Babilonyë kajpn ix m'ëkjaty m'ëkkëpety, mëj Babilonyë kajpn ix m'ëkjaty m'ëkkëpety. Jëtu'un mijts të m'ity ijxtëm tu'uk yë to'oxytyëjkën janty oypyë xyoxëty; janty kanaak ijxën, ja tsu'unkpë, ja tsaptspë ets aak pu'ts pujxnpë, aak perlas, aak oyëtypë tsaa ijty mnätyuk'oytyunyë.

Apocalipsis 18:20

Mijts, tsajpjotmëpë yajpaatën, xoonta'aktë mëët ko jëtu'un të jyäty tääpë kajpn; ets miitsëty wa'ats kajpnëty, ayuk kajpxnajxpëty, käjpxynyajxpëtëjkëty xoonta'aktë jä'ä ko tëë ja Dios tuny ja paye'eyën ko të tyajkutëkoy tääpë kajpn.