Isaías 14:29 - Biblia Dc en Mixe de Quetzaltepec

²⁹ Këtii nëkoo mjotkujk'aty mijts filistejë kajpn, ko ja kepy të tyijy mëti'ipë myajtukwojpën; jä'ä ko tsa'any tu'uk pëtsëmaanp ma ja tsa'anytyaak y'ityën, tääpë tsa'any kääkë'ëkaanp yë'ë.

Biblia Mixe de Quetzaltepec

²⁹ Këtii nëkoo mjotkujk'aty mijts filistejë kajpn, ko ja kepy të tyijy mëti'ipë myajtukwojpën; jä'ä ko tsa'any tu'uk pëtsëmaanp ma ja tsa'anytyaak y'ityën, tääpë tsa'any kääkë'ëkaanp yë'ë.

Isaías 14:29 ပူးပေါင်းရင်းမြစ်များ

Isaías 30:6

Ma yaj'akäjpxyën wi'ix jyata'antën ja jëyujkëty jam Négueb: Ma ja it naaxwiinyëtën kutsë'ëkëpë, ma tsyëënëtën ja kaa ets myu'utë nyiitstë, ma tsyëënëtën ja tsa'any ets jëyujk mëjatypë mëti'ipë kääkëtijtëpën, ja krukts ets ja kwaay tyukmëjnëjkxtëp jap Egiptë ja wyit myeenyëty, ma ja kajpnën ka'apë tii tkëjxmëtyën.

Isaías 11:8

Oy ja pi'k ëna'k ja kyë'ë tkutijëja'anëty ma tsa'any myä'äy pyo'kxyën, ets oy ja kyë'ë jap tkutijëja'anëty ma tsa'any jutën, ka'ap nëjkx wi'ix tyunyë.

2 Crónicas 26:6

Uzías ojts kanaak ok mëët tsyiptuny yë filistejë ja'ayëty, ojts may tjity ja potsy, mëti'ipë ja filistejë ja'ayëty ijty tyukuwantëpën ja kyajpnëty, ma ja kajpnën mëti'ipë yajtijpën Gad, Jabnia ets Asdod. Ojts tyajkojy kanaak kajpn jam ma ja itjot tnitänëtën yë filistejë ja'ayëty, ma txëëwatyën Asdod.

Sofonías 3:11

Jä'ä xëëw mijts naax kajpn, mëti'ipës nkajpn'ajtypyën ka'ap nëjkx xy'ëkmëtsëtyuunë ja naax kajpn ma ënety mijts të xykyäjpxykyumëtoownaxyësën, jä'ä ko tëëjës ënety nyajjëwa'kta'ay ja ja'ayëty mëti'ipë amëj akëjxm ja'ay'ajtëpën ets mëti'ipë yaj'ijxtëpën këtii pën myëjëty, e mijts ka'ap nëjkx amëj akëjxm m'ëk näjya'awënë maas ja ntun nkopkën.

Miqueas 7:8

Naax kajpn mëti'ipës mëët nämyëtsip'atyën, këtii xytyukxoontä'äkyës koos o'ktëy njatëty, jä'ä ko tëëjës nkëtay je'eyëp ko pëtë'ëkaanpës jatëkok; oyës yë kootsajtën xyajnatuky, yë Wintsën yë'ëjës nkutë'kxën'ajtyp.

Abdías 1:12

Ka'ap jeexyë ojts xytyukxoontä'äky yë m'uty ko o'ktëy jyäjty kyëpejty ets ka'ap jeexyë ojts xytyukxoontä'äky yë Judá ja'ayëty ko xit ko'ow jyajtë ets ka'ap jeexyë ojts xynyëxi'iky xytyukxi'iky ma ënety jë'ë ya'ax yajpaatën.

Oseas 9:1

Israel, këtii mxoontä'äky; këtii mnëputy myujkputy tä wiinkëtypë kajpnëtyën, jä'ä ko mijts jëtu'un të m'ëtë'ëtsy tä tu'uk yë to'oxytyëjkën mëti'ipë yë jyot nyini'kx tyo'kpy yäjkpyën ko të xy'ëxmatsy ja mTios. Ma pyajk'atyën yë tsajpmok jää xyjyëjp'ixy myajmëjuyëty ko xytyooky xyäky yë mjot mnini'kx.

Ezequiel 35:15

Mijts ojts mxoontä'äky ko kyutëkooy ja it naaxwiinyëtë mëti'ipë yë Israel ja'ayëty yajmooytyën ets tjä'ä'atëty, je'eyëp ko mijts nän timjëtu'un mjata'any: Mijts Seir kopk aanë'ëk tëëtsë'ëk mkawinpita'any, mëti'ipë Edom jyä'ä'ajtypyën. Ënätnëm xynyijawëtëty ko ëjts Wintsën.

Ezequiel 26:2

Jëtu'un yë Tirë kajpn të y'ënä'äny, yë'ë y'antijpy yë Jerusalén kajpn: Ix tää ënät të mya'ta'ay ja nyitëjk'aaw ja kajpn ma ijty tëëyëp ja ja'ay y'ajuy y'atooktën, tyam ëjtsës xytyukka'ap; etsës nkumeenytya'akëty ets yë'ë wä'än axit ako'owë tjajta'ay.

Proverbios 24:17

Këtii xytyukxoonta'akëty ets ka'ap jää mxëëwtunëty ko ënety ja mmëtsip kyëtäy kyëpipy ets ëxëëk jyäty kyëpety,

2 Crónicas 28:18

Ets ja filistejë ja'ayëty nän tëë ënety tnitëkëtë ja Négueb kajpn, mëti'ipë Judá nyitënääpyën; tëë ënety näjyëtu'un tyajnatuktë yë Bet-semes, Aialón ets Guederot ets Socó, Timná ets Guimzó mëët tëkokyë ja nyaax kyamëty mëti'ipë myëët'ajtëpën ets jam të nyäpyëjktakta'ajëtë.

2 Reyes 18:8

Ko mëët tsyiptuuny yë filistejë ja'ayëty ka'ap tyajmëtäky, ëxëëk jam tuuny Gaza ets jampaat ma ënety mëët nyämëtsëpa'an'atyën; yë'ëpaat ja myëtsiptëjk ka'ap tyajmëtäky ma ënety jam kyëwent'atën potsykyëjxm ets ma ja kyajpnëtyën mëti'ipë ta'tspëkyën ets natukyën.

Josue 13:3

mëti'ipë jam najxpën ma ja Sihor mëjnëë jyënäkyën, a'oytsyow ma Egiptë naaxwiinyëtë yajpaatyën, jyä'ty jam ma Ecrón ja tsyëpa'an nyäxyën, jam anëkëjxmtsow mëti'ipë yaj'antijpën ko Canaán ja'ayëty tjä'ä'atë; ma tääpë it naaxwiinyëtën nimëkoxk jam yajpaatë yë filistejë ja'ayëty yë wyintsëntëjkëty, jä'ä mëti'ipë jam yajpaatëpën Gaza, Asdod, Ascalón, Gad ets jam Ecrón. Jaakwë'ëmp näjyëtu'un ja itjot mëti'ipë nyitënaaytyëpën ja Avejë ja'ayëty,

Isaías 2:6

Tëë ja mnaax mkajpn xy'ixmajtsnë ma tsyëënëtën ja Jacob ja jyä'äy, jä'ä ko ujts yajpaaty mëët ja najtsja'apëtëjk ets ja tsuu mëkajpxpë poj mëkajpxpë, jëtu'un tä ja filistejë ja'ayëtyën ma mëët oy nyäyaj'itëtën ja jaaypyo'kxyjyä'äyëty.

Isaías 11:14

Tu'ukmukyë nëjkx nimäjtsk nyäkyuwa'anëtë ma ja filistejë ja'ayëtyën ets ëxëëk nëjkx tuntë ja mëti'ipë jam tsënaaytyëpën maatsow yë xëëw pyëtsimyën; nëjkxëp tukupëktë ets y'ayak y'akonëtëty ja jampë ja'ay tsyëënëtën. Ja myëk'ajtën jampaat nëjkx jyä'ty ma ja Edom kajpnën ets ma ja Moab kajpnën ets nëjkxëp ja Amón ja'ayëty myëtunëtë.

Isaías 14:31

Jë'ëtë ya'axtë miitsëty filistejë ja'ayëty, më''ëna'antë yë mpëjk m'ato'onënëty, tsëtyuytyë mëët mëktsë'ëkë, jä'ä ko tam anëkëjxmtsow ja mmëtsip mniminyë tä yoots nëma'ajën, tä naaxwayën mëti'ipë myajkutëkoyanëpën ets ni pën kyajëjpkuwa'akëja'anyë.

Jeremias 47:1

Ojts yë Wintsën tukmëmëtyä'äky yë Jeremías käjpxynyajxpë wi'ix jyata'antën ja filistejë ja'ayëty ma ka'anëm ja faraón ënety tnitëkënëm ja Gaza kajpn.

Lamentaciones 2:17

Tëë yë Wintsën tuny mëti'ipë të tmay të tajyën ets jëtu'un winë të tuny tä të tnikäjpxyën. Tëë tyajkutëkoy mëti'ipë tëëyëp nyikäjpxypën ko tyajkutuka'any, yë'ë të tyajnitukë ets mëtsip mnëxi'ik mtukxi'ikëtëty ets mëtsip mëj'äämpy të tyajnaxy.

Ezequiel 25:15

Ëjts Wintsën jëtu'unës n'ëna'any: Yë filistejë ja'ayëty tëë y'äkë tuunwinpitë, tëë ëxëëk y'ëtë'ëtstë y'ëna'antë ijxtëm yë jyot wyinma'any tyim ëna'antën; tëë tyajkutëkooytya'atë winë tä të tuknipëjktaakëtën ma tmëtsip'atën xëmë yë Israel ja'ayëty.

Joel 3:4

¿Tiitën mtsojktëp ma ëjtsën? miitsëty Tirë ja'ayëty, Sidónja'ayëty ets Filistejë ja'ayëty. ¿Jam tii ëxëëk xytyuunwinpita'antë? ¿Ëkë jamës tii xytyukkëpäta'antë? Oy ko xytsyoktë, tyam nmo'otëty mëti'ipë mnitëjkëyëtëpën.

Amós 1:6

Jëtu'un yë Wintsën y'ënä'äny: Yë Gaza ja'ayëty mëj këjää nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty naax kajpn të tmatstë ets ojts tukmëtooktë yë Edom ja'ayëty tä tu'uk ja'ay yajtookyën mëti'ipë ëyoop mëtuunpën.

Amós 1:8

Nyajkutëkoyäämpyës mëti'ipë jam ënä'ämpën Asdod ets Ascalón. Tu'kë'ëyës yë njot nmëjaaw n'ijxta'aja'any etsës nyajkutëkoyä'äny yë Ecrón; nitu'uk yë Filistejë ja'ay kyawë'ëma'any juuky. Yë Wintsën jëtu'un ënaanp.

Sofonías 2:4

Aanë'ëk tëëtsë'ëk yë Gaza kajpn wyë'ëma'any ets Ascalón kajpn tukwa'ats y'awinpita'any; xëëny nëjkx yaj'ëxwojpta'atë yë ja'ayëty mëti'ipë jam Asdod tsyënaaytyëpën ets Ecrón ja'ayëty yajwo'onë'kta'ajaanp yë tyikts y'aatsëty.

Sofonías 2:5

Mon tuk miitsëty myajpaatë, Creta ja'ayëty, mejypyë'aaypyë tsyëënëtën. Tëë yë Dios myajnitukëtë: Mijts Canaán kajpn, ma filistejë ja'ay tsyëënëtën, nyajkutëkoyäämpy yam ets ni tu'ukës ja'ay nkayajwë'ëma'any ma mnaax mkajpnën.

Zacarías 9:5

Ko ënety ja Ascalón kajpn jëtu'unpë t'ixy, nëjkxëp yë tsë'ëkë tyuktëkëty. Ëxëëk y'ëyowa'any yë Gaza kajpn, mëti'ipë ënety ja Ecrón kajpn jyëjp'ijxypyën jëtu'unyë nëjkx tyëkooytyä'äy. Yë Gaza kajpn tukwa'ats nëjkx wyi'imy ets Ascalón kajpn tukwa'ats nëjkx y'awinpity, ni pën jam kyatsëënëja'any.