Isaías 14:27 - Biblia Dc en Mixe de Quetzaltepec

²⁷ Yë Wintsën mëti'ipë maaytyääyëpën winë, tëë tuknipëjktaakë, ni pën tkajëkyepy y'ëtukëtëty. Yë ëyo'on mëti'ipë yajkëta'akäämpyën, ka'ap tjëkyepy pën t'akajpxtukëty.

Biblia Mixe de Quetzaltepec

²⁷ Yë Wintsën mëti'ipë maaytyääyëpën winë, tëë tuknipëjktaakë, ni pën tkajëkyepy y'ëtukëtëty. Yë ëyo'on mëti'ipë yajkëta'akäämpyën, ka'ap tjëkyepy pën t'akajpxtukëty.

Isaías 14:27 ပူးပေါင်းရင်းမြစ်များ

Isaías 43:13

Jëtu'un tyimminy tyimku'ty, ëjts jëtu'un Tios'ajtp ets ni pën kyamayëtëty tjëjpmëwa'akëty ja nmëk'ajtënës. Ni pën kyamayëtëty ets tyajma'atëty mëti'ipës tëë ntuknipëjktaakën.

Job 23:13

Ko yë'ë tuknipëjktaakë tii tuna'any, tyuunpy yë'ë; ka'ap pën tjëkyepy wyinma'anytyuktëkëtëty.

2 Crónicas 20:6

ets ja Wintsën ojts tmëkäjpxy ets y'ënäny: Wintsën ma mijts mTiosatyën, mëti'ipës ja nteety n'ap y'ëwtajtën, mijts ma m'ityën tsajpjotm, mëti'ipë ja naax kajpn y'ënä'ämtääpyën. Jam ma mijtsën jam yajpaaty ja mëk'ajtën; ni pën tkajëkyepy mjëjpkuwa'akëtëty ëkë m'awa'ktukëtëty.

Proverbios 21:30

Ma Tiosën ka'ap nimëti'ipë wijyajtën tsyowpaaty, yë'ëpaat ka'ap tsyowpaaty yë këpetyajtën ets ja ma'ayën tajën.

Job 9:12

Ko tii tjä'äniwa'anëty, ¿pën tuk'ojëtëp? ¿Pën ëkyajtëwëtëp tiijaty tyuunpy?

Romanos 8:28

Nnija'awëm ëëtsajtëm ko ja Dios yë'ë të tpëjktä'äky winë ets tuk'oy'atëty ja ja'ay mëti'ipë tsojkëpën, mëti'ipë të twoowtsoyën ijxtëm të tuknipëjktaakën.

Proverbios 19:21

Yë ja'ay kanaakpëky winë tnimay tnitajë, e yi'iyë tyuunpy mëti'ipë Dios të tyajkutukyën.

Salmos 33:11

Mëti'ipë Wintsën të tuknipëjktaakën, ijtëëp xëmë.

Romanos 8:31

¿Tii ënät njaaktimkyajpxmëp? Pën Dios mëët ëëtsajtëm, ni pën xykyamëmëtakmëty.

Jeremias 4:28

Mon tuk ja naaxwiinyëtë y'awinpita'any ets ja tsajp jëtu'un yaj'ixa'any tä jeexyë o'kën tëko'oyën të y'ityën. Ëjts tëëjës njanikäjpxy, ni pën të kyajootwinpity; tëëjës ntuknipëjktaakë tiijës ntunäämpyën ets ka'ap tjëkyepy n'ixtëkëwa'akëtyës.

Isaías 46:11

Tëës tu'uk ja'ay nikäxë jamtsow ma xëëw pyëtsimyën, jëtu'un myina'any tä tu'uk joonën mëti'ipë jëtu'un winë tyunäämpyën tääjës nmay ntajyën. Ijxtëmës të nikäjpxyën jëtu'unës ntuna'any, tëëjës yajxon nwinmay nwintajy mëti'ipës ntunäämpyën ets ntuunta'ajäämpyës mëti'ipëjaty nwinma'any'äjtypyënës.

Isaías 23:9

Yë Wintsën mëti'ipë maaytyääyëpën winë yë'ë të tyajkutuky ets tyaj'amoonta'aja'any ja ja'ay mëti'ipë näjya'awëyëpën amëj akëjxm ets o'ktëy tyajjata'any ja ja'ay mëti'ipë mëj'äämpy ijtpën.

Job 40:8

¿Mnikäjpxyp ko ëjts pokymyëëtës ets ka'apës tii oy nipaye'ey ets ko mijts mwa'atsëtyë?

Isaías 9:12

Maatsow yë xëëw pyëtsimyën, Siria ja'ayëty jam miintëp; maatsow kyëtä'äkyën, filistejë ja'ay jam miintëp. Poj'am të yajmëmëta'aktë yë Israel ja'ayëty, jëtu'un tä ja'ay poj'am jyi'kxy tkujë'ënaxyën. E yë Wintsën yë tsyip y'äkë ka'ap nyäknyäxy.

Jeremias 51:59

Ma taxk jëmëjt y'apetyën ma Sedequías tyëkën yajkutujkpë jam Judá, jää yë Jeremías ojts tuknipëky tu'uk yë tuunk yë Seraías, yë Nerías yë myaank, yë Maaseías yë y'ok'u'unk. Yë Seraías xëmë ijty yë Sedequías yajkutujkpë tpanëjkxy jam Babilonyë, yë'ë ijty y'ixtääpy ja ja'ajtakn maajaty ja yajkutujkpë nyëjkxa'anyën.

Jeremias 44:28

Tim niwäänë nëjkx kyä'äktë tsipjoty ets nëjkx jap tsyoontë Egiptë ets myintëty Judá. Jëtu'un nëjkx nijawëtë pën ënety ja y'aaw y'ayuk atëëp, pën yë'ëjëty ëkë pën ëjts.

Jeremias 49:20

Mëtoow'itë ja winma'any, wi'ixës ëjts Wintsën të ntuknipëjktaakën ntuna'any ja Edom ja'ayëty, mëtoow'itë ja winma'any mëti'ipës ntuknipëjktakëpën maajës o'ktëy ntuna'anyën ja Temán ja'ayëty: Yë'ëpaat yë kupixyny mutskpë tmënëjkxa'antë ets ja nyimëëykyam nëjkxëp y'atëkooytyä'äy.

Ezequiel 26:14

Tä të'kx tsaajën nyaj'awinpita'anyës ma tsaay tsyë'ëtsëtyën ets nijëna'a kyayaj'akojëty. Ëjts Wintsën, jëtu'unës të n'ëna'any; ëjts tyamës nikajpxë.

Job 11:10

Pën miimp yë Dios ets tsumy tmatsy yë ja'ay ets tukumëtowa'any ja tyëko'oyën, ¿pën y'ëkjëjpkuwa'akëp?

Isaías 8:10

Oy jënu'un tii xyjyatuknipëjktaakëtëty, ka'ap nëjkx wyintu'upëky; oy jënu'un tii xyatuna'antëty, ka'ap nëjkx tyunyë jyätyë, jä'ä ko ëëtsëty Tiosës mëët nyajpaatë.