Isaías 14:23 - Biblia Dc en Mixe de Quetzaltepec

²³ Nëë mo'ontsjot nyaj'awinpita'anyës, ju'k, wääk'oo, nëjkx jam tsyëënëtë. Jëtu'unës nyajkutëkoyä'äny tä ja'ay pyätë'ëkyën. Yë Wintsën mëti'ipë maaytyääyëpën winë, yë'ë kë'ëm jëtu'un ënaanp.

Biblia Mixe de Quetzaltepec

²³ Nëë mo'ontsjot nyaj'awinpita'anyës, ju'k, wääk'oo, nëjkx jam tsyëënëtë. Jëtu'unës nyajkutëkoyä'äny tä ja'ay pyätë'ëkyën. Yë Wintsën mëti'ipë maaytyääyëpën winë, yë'ë kë'ëm jëtu'un ënaanp.

Isaías 14:23 ပူးပေါင်းရင်းမြစ်များ

Sofonías 2:14

Yë kyepytyëjkëty wa'ats nëjkx pyëtë'kta'ay ets nëjkx jam yaj'awopë yë kupixynyëty ets aayjëyujk ujtsjëyujk mëti'ipë ëwa'anëtyën. Ju'k ets wääk'oo nëjkx jam xenykyëjxm mya'atë, e yë jooky nëjkx jam y'iy ma tyëjk'aawën ets ma tëjkwiinën.

Apocalipsis 14:8

Tääts ja mëmäjtskpë ja tsajpjotmëtë kukäjpxy pyamiinë mëti'ipë ënaanpën: Tëënëm, tëënëm ja mëj kajpn Babilonyë kyuka'anaxy, mëti'ipë tu'kë'ëyë ja naaxwiinyëtë ja'ay të twin'ëënyën ets të tuktuny ja ëxëëk tuunk.

1 Reyes 14:10

Paaty ëjts, nyajkëta'akäämpyës ja ëyo'on jotmay ma ja m'u'unk m'okën; nyaj'o'kta'ajäämpyës ja ye'etyëjktëjk ma ja mja'ayën mëti'ipë yajpatëpën ma ja Israel kajpnën; nitu'uk nëjkx kyawë'ëmy juuky. Pe'ety jaaxyës nyajnaxa'any, jëtu'un ja ja'ay twinpätmukyën yë putsta'ak.

Apocalipsis 18:2

Mëk yyä'äxy jyoky: Tëë kyuka'anaxy, të kyuka'anaxy ja mëj Babilonyë kajpn. Tëë y'awinpity ku'oypyë tsënaaytyakn ets jëyujk tsënaaytyakn; ja jëyujk mëti'ipë ka'ap wya'atsëtyën, ja ëxëëkpë yaj'ixyën.

2 Reyes 21:13

Tin jëtu'unës ja Jerusalén kajpn ntuna'any o'ktëy tä ja Samaria kajpn të ntunyësën, maas të nyajkëjxta'ayën ja Ahab ja y'u'unk y'ëna'k ets ja jyä'äy; jëtu'unës nyajwë'ëma'any ja naax kajpn pe'ety jaaxy, tä ja'ay yë texy tukpo'otyën wa'ats ets tjupy.

Isaías 13:6

Jë'ëtë ya'axtë, jä'ä ko miimp wiinkoonp ja ëyo'on jotmay, jëtu'un myiny tä kyoxy tsyiikyën ja Wintsën mëti'ipë maaytyääyëpën winë.

Isaías 13:20

Nijëna'a nëjkx jam pën kya'ëktsënaaynyë, ni pën jam kya'ëkwinpijnëty tsënääpyë. Yë árabe ja'ayëty ka'ap nëjkx jam y'ëktu'umaanëtë, yë'ëpaat mëti'ipë kupixyny këwent'ajtëpën ka'ap nëjkx jam t'ëkyajtënaaynyëtë jyëyujkëty.

Isaías 21:1

Ma yaj'akäjpxyën mëti'ipë tunan jatanëpën jam të'ëts'itjotm, winkon ma ja mëjmejyën. Tä tu'uk mëk ënääwtuujën mëti'ipë ëpa'tkë'ëmtsow tso'onpën, jëtu'un myiny atsë'ëk ajawë mëti'ipë tunan jatanëpën.

Jeremias 50:3

Jam anëkëjxmtsow tu'uk ja naax kajpn tsyoona'any mëti'ipë nëjkx tyaj'awinpityën ja kajpn aanë'ëk tëëtsë'ëk. Nitu'uk yë ja'ay nëjkx jam kya'ëktsënaaynyë, yë'ëpaat aayjëyujk ujtsjëyujk ka'ap nëjkx jam y'ëkyajpatnë, ni'ikyë ja ja'ay kyäkta'aja'antë.

Jeremias 50:26

Nipëtë'ëktë oy maa xytyimpaatëty. Yajjujtaayëtë yë tyëjkëty ma pëjkë'ëky tyaj'itën yë tsyajpmokëty. Niwoowpätë ja'ayëty ets xyaj'ooktëty. Nitu'uk mëpaat ja'ay juuky xykyayajwë'ëmtë.

Jeremias 51:62

E ko xykyajpxta'ajëty, tääts m'ëna'anëty: Wintsën mijts jëtu'un të m'ëna'any ko ya'atë naax kajpn xyajkutëkoyä'äny, ka'ap nëjkx yaa pën jyuuky'äty yë ja'ay ets jëyujk, aanë'ëk tëëtsë'ëk xyaj'awinpita'any.