Isaías 14:2 - Biblia Dc en Mixe de Quetzaltepec

² May nëjkx ja ja'ay tpatsoontë ja Israel ja'ayëty ets nëjkx najtswowëtë ma nyaax kyajpnëtyën; ja Israel ja'ayëty wyoownëjkxantëp ja ja'ay mëti'ipë mëtuunëtëpën jam ma ja Wintsën ja it nyaaxwiinyëtë të myo'ojëtën. Ja Israel ja'ayëty tsumy matsy nëjkx tyajnëjkxtë ja ja'ay mëti'ipë ënety të tsyum të myatsëtën, nëjkxëp ëxëëk tuntë mëti'ipë ënety ëxëëk të tyunëtën.

Biblia Mixe de Quetzaltepec

² May nëjkx ja ja'ay tpatsoontë ja Israel ja'ayëty ets nëjkx najtswowëtë ma nyaax kyajpnëtyën; ja Israel ja'ayëty wyoownëjkxantëp ja ja'ay mëti'ipë mëtuunëtëpën jam ma ja Wintsën ja it nyaaxwiinyëtë të myo'ojëtën. Ja Israel ja'ayëty tsumy matsy nëjkx tyajnëjkxtë ja ja'ay mëti'ipë ënäty të tsyum të myatsëtën, nëjkxëp ëxëëk tuntë mëti'ipë ënäty ëxëëk të tyunëtën.

Isaías 14:2 ပူးပေါင်းရင်းမြစ်များ

Esdras 2:65

ka'ap yajmëtyooy ja mëtuunpëtëjkëty ye'etyëjkpë to'oxytyëjkpë, jä'ä nyiwinë'ajtë wëxtujk mil ja tëkëëk mëko'px ja i'px majkmokx mäjtsk. Nimäjtsk mëko'px ëpëky ja ëëpëty, ye'etyëjk to'oxytyëjk.

Salmos 68:18

Mijts Dios, janty këjxm ojts mpety ets xyajnëjkxy ja mtsumjyä'äy; ojts ja'ay winë mmo'oyë, yë'ëpaat ja'ay mëti'ipë käjpxy kumëtoownajxtëpën ojts mwinkoxtänëty, Wintsën.

Isaías 18:7

Jä'ä xëëw nëjkx ja ja'ayëty tuknimintë ja wintsë'kën ja Wintsën mëti'ipë maaytyääyëpën winë, ja ja'ayëty mëti'ipë yenyëtyën ets mëti'ipë wyääy kyopk të'kxtëpën jajtëpën, mëti'ipë kutsë'ëkëtyën oymyaajëty, ja jotmëk kajpn ets mëjpë, mëti'ipë nëë'itkujky yajpatpën. Nëjkxëp yajwoowmintë jam Sión. Ma yaj'ëwtatyën ja Wintsën mëti'ipë maaytyääyëpën winë.

Isaías 31:8

Jää nëjkx ja Asiria ja'ay yajkupujxta'atë, je'eyëp ko ka'ap nyaaxwiinyëtë ja'ayëty jëtu'un tyuna'anëtë. Ja tsip yë'ë yajkä'äkäämpy ja ja'ay ets ja ëna'ktëjk mëti'ipë tsiptuuntëpën mëtuunpë y'awinpita'antë;

Isaías 45:14

Jëtu'un ja Wintsën t'ënëmaay ja Israel ja'ay: Ja naaxtuunpë ja'ayëty japë Egiptë yajpaatën, ja ajuupyëtëjk ets ato'kpëtëjk mëti'ipë tso'ontëpën Etiopíë, ja yenyjyä'äytyëjk mëti'ipë Sabá itjotm yajpatëpën, jam nëjkx nyäkyuwa'anëtë ma mijtsën ets nëjkxëp jam myëtuntë; tsumy matsy nëjkx xymyënëjkx mëët pujxntejpxy, nëjkxëp mwinkoxtänëty ets nëjkxëp mënu'kxtä'äkyë: Tëyajtën yë'ë ko yë Wintsën tam yajpaaty ma miitsëtyën. Ka'ap maa wiinkpë ijxtëm yë'ëjën ets ka'ap maa wiinkpë tios.

Isaías 49:22

Tääts ja Wintsën y'ënä'äny: Ëjts tyamës yë naax kajpn n'ënëëmëja'any ets tu'uk yë ijxpäjtën nmo'oja'anyës ets tyajmintëty ja m'u'unk m'ëna'k ye'etyëjkpë to'oxytyëjkpë, jëtu'un tä ja'ay tpatseenyën yë y'u'unk ëkë tä kejkyijxy tmëye'eyën.

Isaías 49:23

Yë'ë nëjkx yë yajkutujkpëtëjk xytyeety'atë ets ja yajkutujkpë ja nyëëx nëjkx ja u'unk ëna'k xytyukkëwent'atë. Mëj'äämpy nëjkx myajnaxëtë ets nëjkxëp mwinkoxtänëty. Ënätnëm nëjkx xyjyä'äymyetsy ko ëjtsës Wintsënajtp ets mëti'ipës xytyuk'ijxpäjtpën ka'ap tsëtyu'unmëët wyë'ëma'any.

Isaías 49:25

Yë Wintsën jëtu'un y'ënä'äny ko jyëkyejpy yë'ë: Ja ja'ay mëti'ipë jotmëk näjya'awëyëpën, yajpëjkëjaanp mëti'ipë ënety të tjapaatyën jam tsipjotm, ja tsiptuunpë ja'ay mëti'ipë ënä'ämpën yajpëjkëjaanp mëti'ipë ënety të tjanitsiptunyën. Ëjts nëjkx nwinkuwa'akë ja'ay mëti'ipë myajjotkëjxëpën ets je'eyë mtsip ixta'ayën; ja m'u'unk m'ëna'k ëjts nyajtso'okäämpy ko ënety muum wi'ix jyata'antë.

Isaías 54:3

jä'ä ko mijts anajny aka'any mkëjääjëja'any; yë m'u'unk m'ok nëjkxëp ja naax kajpn may tniwa'aktë ets nëjkxëp twintsëna'ayëtya'atë yë it naaxwiinyëtë mëti'ipë tyam aanë'ëk tëëtsë'ëk yajpatpën.

Isaías 60:14

Ja ja'ay ja y'u'unk y'ëna'këty mëti'ipë ëxëëk të mtunyën, nëjkxëp mniminyë ets mwintsë'ëkëja'anyë; tëkokyë mëti'ipë ka'ap të mëj ixyën nëjkxëp mniminyë ets mwinkoxtänëja'anyë, ets nëjkx mtijyë ja Wintsën ja kyajpn, ja Sión mëti'ipë ja Wintsën jyä'ä'ajtypyën, ja wa'ats Dios mëti'ipë jam yajpatpën ma Israel ja'ayëtyën.

Isaías 60:4

Ijxë'ëk koowë'ëk ets ijx'ëwtit mwintuuy mpë'aay: Aak tu'ukmujktaaynyëtëp yë ja'ayëty ets mnimiinëtëp. Jëkämpaat muum ja m'u'unk ëna'k tsyo'onëtë; ets ja mnëëxëty jëtu'un myintë tä jeexyë yajtsään yajkontën.

Isaías 61:5

Nëjkxëp ja jaaypyo'kxyjyä'äy tkëwent'atë ja mkam mtu'u ets mjëyujk mtsajpkaa.

Isaías 66:12

Jä'ä ko ëjts Wintsën, ëjts ënaanp: Nyajminäämpyës yë jotkujk'ajtën tä mëjnëëjën, Ja naax kajpn mëjwiin këjääjës ntuk'ixa'any ja wit meeny. Yë'ë nëjkx myajkay myaj'uukëtë, yë'ë nëjkx mtsäänëtë ets mwinxon mwin'itëtë.

Jeremias 30:16

Je'eyëp tëy ko pën ëxaty mtunëtëty, ëxëëk jyata'any, tëkokyë yë mmëtsiptëjk nëjkxta'ajantëp tsumy matsy wiink naax wiink kajpn, yajpëjkëtya'ajantëp mëti'ipë të mpëjkëtyën ets yajmä'tsta'ajantë mëti'ipë të mmäätsëtën.

Jeremias 49:2

Oy ko jyëtu'unëty, ëjts, mëti'ipë Wintsën'ajtpën, jëtu'unës n'ëna'any: Jam ma Rabá kajpnën, ma Amón ja'ay tsyëënëtën, nëjkxëp tmëtowtë ko ënety ja myëtsip t'akajpxtë ja tsip; xit ko'ow jyata'antë ets nyaax kyajpnëty nëjkxëp tyooytyä'äy. Ënet nëjkx jatëkok yë Israel ja'ayëty tpaatë ja nyaax kyajpnëty. Ëjts Wintsën, ëjts ënaanp.

Ezequiel 39:10

Ka'ap nëjkx kopkpëky kamjoty jya'axtë ets yukjoty jyä'äxypyuxtë, jä'ä ko tu'kë'ëyë tääpë mëtsiptu'unën yë'ë nëjkx tja'axy'atë. Jëtu'un nëjkx tyajpëtsëëmta'atë winë ma ja kajpnën mëti'ipë winë të yajpëtsë'ëmxëtën ets nëjkx tpëjkëtya'atë winë ja naax kajpn mëti'ipë ënety winë të pyëjkxëtën. Ëjts Wintsën, ëjts ënaanp.

Daniel 7:18

Ok nëjkx yë Wintsën Ni'ik kyë'ëtëjkëtyä'äyë yë kutujkëntakn ets nëjkx yë'ë tjä'ä'aty xëmëkyëjxm.

Joel 3:8

Ntookäämpyës yam yë m'u'unk m'ëna'këty ma jutië ja'ayëtyën ets yë'ë to'knaxtëty ma sabejë ja'ayëtyën, mëti'ipë wiink naaxwiinyëtë juuky'ajtëpën. Ëjts Wintsën, ëjts ënaanp.

Abdías 1:17

E yë Sión kopk kënu'kxy y'ita'any ma ja'ay kyäktso'oka'antën. Ja Jacob ja y'u'unk y'ok nëjkxëp ja nyaax kyajpn jatëkok tpaatë,

Zacarías 2:13

Wä'än ni'ëmukë ja'ay t'ëmoonta'atë yë'ë wyintuuy, jä'ä ko yë'ë jam të tsyoony ma y'ijtaknën wa'atspë ets të xynyimi'inëmë yaa ëëts'ajtëmë.

Lucas 12:45

E pën tääpë tuunpë, mëët ko myäy tyäjy ko ja wyintsën ka'ap tsyojkmina'any, ets niwa'akëty ja tuunpëtëjk ye'etyëjkpë to'oxytyëjkpë, twopëty tka'atsëty; ets tyëjkënëty ukpë mukëpë.

Romanos 15:27

Kë'ëmwinma'any të tyajmuktë, oy n'ëna'anmëty jëtu'unyëm ënety pyaat'atëtë; jä'ä ko jëtu'un ijxtëm ja Jutiis ja'ayëtyën ojts ja myëpëjkën tpëjkwa'kxtë mëët ja mëti'ipë ka'ap jyutiis ja'ay'atën; jëtu'un tyam pyaatëtë tpukëtëty ja ka'apë jyutiis ja'ayëtyën ets tputëkëtëty mëët ja pyëjktä'äkyëty ja jutiis ja'ayëty.

2 Corintios 10:5

ets tëkokyë ja mëj këjxmëpë ja winma'any mëti'ipë y'ëtujkpyën ets ka'ap tyu'uye'eyëty ja Dios ja myëk'ajtën. Tu'kë'ëyë ja ëxëëk winma'any jamës npëjktakta'atë ma ja Kristën ets yë'ë tmëmëtowtëty,

Gálatas 5:13

Mëku'uktëjkëty, miits të myajwootsowtë ets ëwaatsëtum m'itëty. E ka'ap yë'ëjëty ets miits xytyuntëty mëti'ipë mmaay mtajtëpën ko ënety ja ëwaatsëtumpë xypyaatë, yë'ëkyëjxm ets mnäpyutëkëtëty nixim niyam mëët ja tsojkën.

Efesios 4:8

Paaty ja Dios ja y'aaw y'ayuk këxja'aypyë y'ënä'äny: Ko pya'tëjkëy tsajpjotm, ojts tyajnëjkxta'ay ja tsumpyë matsypë, ets ja naaxwiinyëtë ja'ay ja tyuunk tmooy.

Apocalipsis 3:9

Ja mëjku'u ja myëtuunpëtëjk mëti'ipë nëkoo nätyijëtëpën ko jyutiis ja'ay'atë ets je'eyë y'anta'aktë, tëëjës ntuknipëjktaakë ets mwinkoxtänëtëty ets nijawëtëty ko mijts n'oyjyawë.