Isaías 14:15 - Biblia Dc en Mixe de Quetzaltepec

¹⁵ Mijts ni'ikyë të mnäyajjënäkyë o'këntujp ko të mmay të mtajy wäänë këjxm mja'ta'any, jaakni'ik këk të mjëjptä'äky.

Biblia Mixe de Quetzaltepec

¹⁵ Mijts ni'ikyë të mnäyajjënäkyë o'këntujp ko të mmay të mtajy wäänë këjxm mja'ta'any, jaakni'ik këk të mjëjptä'äky.

Isaías 14:15 ပူးပေါင်းရင်းမြစ်များ

Mateo 11:23

Ets miitsëty Capernaumëtë ja'ayëty, ¿tsajpjotm miits xytyijy myajmënëjkxa'antë? Niwi'ix'äämpy. Wäänë pa'tkë'p mnëjkxtëty ëyoowtaknjoty, jä'ä ko kooxyëp jeexyë ojts jëtu'unpë ja mëj'ajtën jam y'ëktunyë ma ja Sodomë kajpnën, tääpë kajpn tam jeexyë tyampaat yajpaaty.

Ezequiel 32:23

Jam të nyaaxtëkëtë ma ja këk jutën ni'ikpë kyëkëtyën. Yë tsyiptuunpëtëjk tëë t'ëtsë'këtya'atë ja'ay mëti'ipë ënety jaakjuuky'ajtëpën, je'eyëp ko tëë näjyëtu'un y'o'kta'atë jam tsipjotm, paaty ja Asiria ja'ay yajnapikëtë ja jyut ma nyaaxtëkëja'antën.

Apocalipsis 19:20

E yajmajts ja mëj jëyujk mëët ja käjpxynyajxpë win'ë'ëmpë, mëti'ipë ënety ja mëj jëyujk ja myëj'ajtën të tyaj'ijxën yë'ë wyintuuy, ijxtëm ja Dios ja jyä'äjën ets tukwin'ëëny mëti'ipë ënety të tkupëktën ja mëj jëyujk ja tsya'a ets të twintsë'ëkëtë ja awinax. Ënet ajuukyë nimäjtsk yajkujëpijpëtyë ma ja mejy tyoyën mëët ja azufre.

Lucas 10:15

Ets mijts Capernaumëtë ja'ay, ¿jëtu'un may mtajy ko tsajpjotm myajmënëjkxa'anyë? Niwi'ix'äämpy, wäänë pa'tkë'p mijts mnëjkxa'any ëyoowtaknjoty.

Isaías 14:16

Ko ja'ay m'ixyë je'eyë mnimony mnitukyë, tu'ukyë mwintë'kxyë ets y'ëna'antë: Ya'atën jä'ä mëti'ipë ijty ëxëëk ja naax kajpn tsyë'ëkëtyën, mëti'ipë kanaak ja naax kajpn të tyajkutëkoyën,

Ezequiel 31:16

Ko ënety jap nyajjëjptä'äkyës naaxpa'tkë'p ets nëjkx tpaaty ja myëku'uktëjk mëti'ipë tëëyëp o'ktëpën, nëkooyë nëjkx y'ënanë ko ënety jap tyuknokë ets nëjkx tsyë'ëkëtë wiinkëtypë naax kajpn. Ma tääpë itjot naaxjotmën naaxpa'tkë'pë yajpaatyën nëjkxëp xyoonta'aktë yë aay kepy oyëtypë ets mëti'ipë nëëpë'aay të yajpaatën ma Líbano kopkën.

Isaías 2:11

Ja mëti'ipë ënety amëj akëjxm të nyäjyawëtën, winta'ak naaxkow yajpaata'antë; mëti'ipë mëj'äämpy të y'itën je'eyë nëjkx yaj'atään yajtuktääntë. Yë'ënëm ja Wintsën nëjkx ja myëj'ajtën tyaj'ixyë,

Isaías 2:12

jä'ä xëëw ma ënety winë tunyën yë Wintsën mëti'ipë maaytyääyëpën winë, o'ktëy nëjkx jyatë kyëpätë mëti'ipë nämyëjja'aw näjyääntyja'awëtëpën, ets tëkokyë ja'ay mëti'ipë ënety mëj jaanty të nyäyajnaxëtën, pa'tkë'p nëjkx kyëtakta'atë,

Ezequiel 31:14

Ets nimëti'ipë kepy nëjkx kya'ëkyoonë, oy ënety nëëpë'aay jyayajpaaty, oy jënu'un jyanëëpa'atye'eyëty ka'ap nëjkx nëkooyë y'ëkyujkyoonë ets ja tsajp tpaatëty. Tëë nyitujkëtya'atë ets y'o'kta'atëty ets naaxpa'tkë'p jyëjptakta'atëty ets tpuwa'akëtëty ja myëku'uk mëti'ipë tëëyëp o'ktëpën.

Abdías 1:3

Tëë mwin'ëënyë ja mmëj'ajt mkëjxm'ajtën. Mijts jam muum mjuuky'äty tsaatunkëjxm ëkë muum tsaajutjoty, paaty të mmay të mtajy ko ka'ap jam nipën mkutijnaxëtëty.