Isaías 14:1 - Biblia Dc en Mixe de Quetzaltepec

¹ Ja Wintsën nëjkxëp jatëkok nijootwinpity ja Jacob ja y'u'unk y'ok ets nëjkx jatëkok t'u'unkniwa'any. Ja Israel ja'ayëty nëjkxëp jatëkok jam tsyënaaytyaknpëktë ma ja nyaax kyajpnëtyën. Ja jaaypyaat jaaypyo'kxy nëjkxëp nyimin nyija'tëtë ets nëjkx jam tsyëënëtë ma yë'ëjëtyën.

Biblia Mixe de Quetzaltepec

¹ Ja Wintsën nëjkxëp jatëkok nijootwinpity ja Jacob ja y'u'unk y'ok ets nëjkx jatëkok t'u'unkniwa'any. Ja Israel ja'ayëty nëjkxëp jatëkok jam tsyënaaytyaknpëktë ma ja nyaax kyajpnëtyën. Ja jaaypyaat jaaypyo'kxy nëjkxëp nyimin nyija'tëtë ets nëjkx jam tsyëënëtë ma yë'ëjëtyën.

Isaías 14:1 ပူးပေါင်းရင်းမြစ်များ

Ester 8:17

Maajaty ja kajpnën mëjpë mutskpë, ma jyä'äjtyën ya'atë ënä'ämën mëti'ipë ja yajkutujkpë ojts tkäjxwä'kxyën, ja Jutiiyë ja'ayëty yajxon tukxoontaktë, ojts may tnixëëwtuntë ets may kyääytyë y'uktë. Ëpëky ojts ja ja'ay ja jampë kyukajpn'atën may tpuwa'akëtë ja Jutiiyë ja'ayëty ets jëtu'un nyäyajnajxëtë Jutiiyë ja'ayën, jä'ä ko t'ijxnëtë aak kutsë'ëkë ja Jutiiyë ja'aynyë.

Salmos 102:13

Pëtë'ëk ets pa'ëyow yë ja'ay mëti'ipë jam tsënaaytyëpën ma Jerusalén kajpnën, tëë yë xëëw jëmëjt kya'pxnë; tëë xëëw tpatnë ets xypyokymyä'kxëty.

Salmos 102:14

Yë mtuunpëtëjk janty'oy nyäyjyawëtë ko t'ixtë ja tsaapotsy, e tyam je'eyë tjaakpa'ëyowtë ko t'ijxnëtë kujy ka'atsy ja tsaanë.

Salmos 143:12

Jä'ä ko mijts Wintsën, aak'oy winë xytyuny xykyäjpxy, yajkutëkooytya'a yë nmëtsipës, jä'ä ko mijtsës xytyuunpë'ajtp.

Salmos 98:3

tëë tyajnikëxë'ëky ko tmëëtëty yë oyjyot oywyinma'any, ets tëë tuny mëti'ipë të tuknipëjktaakën ma Israel kajpnën, Mapaat yë naaxwiinyëtë y'ëwtityën të yajnijawë ko Tëyajtën ko tëë tmëmëtakta'ay yë myëtsip.

Isaías 19:18

Jä'ä xëëw nëjkx nyaaxkëtä'äky mëkoxk yë kajpn mëti'ipë hebreo ayuk kyajpxantëpën ets nëjkx nikajpxtë mëët Dios xyëëwkëjxm ko yë'ë tmëjjawëja'antë yë Wintsën mëti'ipë maaytyääyëpën winë. Tu'uk ja kajpn txëëwata'any, Xëëw Kajpn.

Isaías 21:1

Ma yaj'akäjpxyën mëti'ipë tunan jatanëpën jam të'ëts'itjotm, winkon ma ja mëjmejyën. Tä tu'uk mëk ënääwtuujën mëti'ipë ëpa'tkë'ëmtsow tso'onpën, jëtu'un myiny atsë'ëk ajawë mëti'ipë tunan jatanëpën.

Isaías 27:6

Ko xëëw jëmëjt tpaatëty, nëjkxëp ja tyikts y'aats tpëktë yë Jacob y'u'unk y'okëty, nëjkxëp yë Israel ja'ayëty xye'enty tpëjkta'aktë ets nëjkxëp oy yaj'ixtë nyaax kyajpnëty tä pëjyën, nëjkxëp tyajtuktuktë ja it naaxwiinyëtë.

Isaías 41:8

Mëtoow'itë ya'atë aaw ayuk, miitsëty Israel ja'ayëty, mëti'ipë Jacob nyaax'ajtyp kyajpn'ajtypyën, ja ntuunpës mëti'ipës të nwin'ixyën, ja naax kajpn ma tsyëënëtën ja nmëku'ukës Abraham ja y'u'unk y'ok.

Isaías 41:9

Ëjts mijts të nyajtsoony ma naaxwiinyëtë jyëjpkëxyën, jëkäm ënety myajpaaty ko ojts nyaxtsoy ets t'ënëmaay: Mijts ntuunpë'ajtyp. Ëjts mijts të nwin'ixy ets ka'ap nijëna'a të n'ixtijy.

Isaías 44:1

Mëtoow'ijtkës miitsëty Israel ja'ayëty, Jacob yë kyajpn, mëti'ipës ntuunpë'ajtypyën, mëti'ipës të nwin'ixyën.

Isaías 45:14

Jëtu'un ja Wintsën t'ënëmaay ja Israel ja'ay: Ja naaxtuunpë ja'ayëty japë Egiptë yajpaatën, ja ajuupyëtëjk ets ato'kpëtëjk mëti'ipë tso'ontëpën Etiopíë, ja yenyjyä'äytyëjk mëti'ipë Sabá itjotm yajpatëpën, jam nëjkx nyäkyuwa'anëtë ma mijtsën ets nëjkxëp jam myëtuntë; tsumy matsy nëjkx xymyënëjkx mëët pujxntejpxy, nëjkxëp mwinkoxtänëty ets nëjkxëp mënu'kxtä'äkyë: Tëyajtën yë'ë ko yë Wintsën tam yajpaaty ma miitsëtyën. Ka'ap maa wiinkpë ijxtëm yë'ëjën ets ka'ap maa wiinkpë tios.

Isaías 47:1

Mijts to'oxy'ëna'k, Babilonyë ja'ay, jënak jam ma myajpaatyën, ma mjaaknätyu'uk'atyën ets naaxwayjoty m'u'unyëty, mijts Caldeo to'oxy'ëna'k nëwääts jam m'ënyääytyaknkëjxy ma myajkutukyën; naaxkëjxy u'unyë, jä'ä ko ka'ap m'ëk yajtijjanë yu'unk ets ëmaay.

Isaías 49:10

Ka'ap nëjkx yuu nëëtëtsë xymyëët'atë, oy mëk y'anëty, miitsëty ka'ap mni'ana'antë, jä'ä ko ntsojktëp nja'awëtyëp ets nwoownëjkxantëp ma ja nëë myuutyën.

Isaías 49:13

Janty xoontaktëp, janty ëëw janty yaxtëp jam tsajpjotm, näjyëtu'un naaxwiiny naaxkëjxy, jää'ajtp ja akujkajtën jotkujk'ajtën. Jam tunkëjxm kopkkëjxm wä'än jam t'ëwtë tya'axtë, jä'ä ko tëë ja Wintsën ja nyaax kyajpn tyajtso'oky ets të tyajjotkujkë, tëë tuknipëjktaakë ko tpa'ëyowa'any ja ëyoopëja'ay.

Isaías 49:15

¿Wä'än jëtää tu'uk u'unktaak tja'atyëkoyëty yë y'u'unkë ëkë ka'ap t'ëktsojknëtyë? Pën jyä'äytyëkoopy ëjts ka'apës mijts nja'atyëkoyä'äny.

Isaías 49:25

Yë Wintsën jëtu'un y'ënä'äny ko jyëkyejpy yë'ë: Ja ja'ay mëti'ipë jotmëk näjya'awëyëpën, yajpëjkëjaanp mëti'ipë ënety të tjapaatyën jam tsipjotm, ja tsiptuunpë ja'ay mëti'ipë ënä'ämpën yajpëjkëjaanp mëti'ipë ënety të tjanitsiptunyën. Ëjts nëjkx nwinkuwa'akë ja'ay mëti'ipë myajjotkëjxëpën ets je'eyë mtsip ixta'ayën; ja m'u'unk m'ëna'k ëjts nyajtso'okäämpy ko ënety muum wi'ix jyata'antë.

Isaías 49:7

Yë Wintsën, mëti'ipë yaj'ëwaatsëpëtsëëmpën, ja Wa'atspë yajpaatyën ma Israel kajpnën, jëtu'un t'ënëëmë ja naax kajpn mëti'ipë ëxëëk të yaj'ixyën, mëti'ipë je'eyë të myëtunyën ma ënä'ämpë yajkutujkpën wiinktsowpë tsyoontën: Ko ënety ja yajkutujkpëtëjk ets wintsëntëjk m'ixëtë, ënät nëjkx mniwä'ätsë'ëkyë ets mkajpxpo'kxëtëty mëët tu'uk ja näywyinkutsë'kën, jä'ä ko ëjts Wintsën, ja Wa'atspë ma Israel kajpnën, ëjts mijts të nwin'ixy ets npatuumpyës ja n'aaw n'ayuk ijxtëmës të nikäjpxyën.

Isaías 54:3

jä'ä ko mijts anajny aka'any mkëjääjëja'any; yë m'u'unk m'ok nëjkxëp ja naax kajpn may tniwa'aktë ets nëjkxëp twintsëna'ayëtya'atë yë it naaxwiinyëtë mëti'ipë tyam aanë'ëk tëëtsë'ëk yajpatpën.

Isaías 55:7

Ja ëxëëk ja'ay wä'än ja ëxëëk në'ë ëxëëk tu'u t'ëxmatsy, mëti'ipë je'eyë ëxëëkpë myëmääpy myëtäjpyën, wä'än t'ëxmatsy; ijxkaptë pën Wintsën'ajtp, ets mpa'ëyow mnajts'ëyowëtëty; yë'ë Wintsën mëjwa'kpätë, mëti'ipë yäjkpyën winë ets mpokymyä'kxëtëty.

Isaías 56:3

Pën tu'uk jaaypyo'kxyjyä'äy näkyë'ëyajkëp ma Wintsënën, ka'ap tjëkyepy y'ëna'anëty: Ëjts ëpëkyës yë Wintsën xypyëjktä'äky ma nyaax kyajpnën. Ets ja'ay mëti'ipë të yaj'ixtsyaapëkyën, ka'ap tjëkyepy y'ëna'anëty: Ëjts jëtu'unës tä tu'uk të'ëts kepyën.

Isaías 60:10

Wiink ja'ay nëjkx ja mkajpn nnapotstë, ets wiink yajkutujkpë nëjkx mmëtunyë; oy yë Wintsën të m'ëk tukjoot'anpëkyë, tyam mtsojkëp ets mpa'ëyoowëp jatëkok.

Isaías 60:14

Ja ja'ay ja y'u'unk y'ëna'këty mëti'ipë ëxëëk të mtunyën, nëjkxëp mniminyë ets mwintsë'ëkëja'anyë; tëkokyë mëti'ipë ka'ap të mëj ixyën nëjkxëp mniminyë ets mwinkoxtänëja'anyë, ets nëjkx mtijyë ja Wintsën ja kyajpn, ja Sión mëti'ipë ja Wintsën jyä'ä'ajtypyën, ja wa'ats Dios mëti'ipë jam yajpatpën ma Israel ja'ayëtyën.

Isaías 66:20

Nëjkxëp tyajmiinta'atë nitëkokyë yë mjëëky mmëku'ukëty mëti'ipë ënety wiink naax wiink kajpn yajpatëpën. Tam mëti'ipë nëjkx myinyën kwaaykyijxy, kepy wyintëkäämpëkëjxy, kepykyijxy, mulëkëjxy ets jëyujk jëku'uxkëjxy. Jëtu'un nëjkx n'ixyës tä jeexyë pën tii xytyukwintsë'ëkënës jam Jerusalén, tä yë Israel ja'ayëty tmëmintën yë wintsë'kën a'ukënjoty mëti'ipë wa'atsën, mëti'ipë jam yajktëpën maas yë ntsajptëjkën ets maas ja nkopkën wa'atspë. Ëjts, Wintsën, ëjts ënaanp.

Jeremias 16:15

jä'ä nëjkx y'ëna'antë: Mëët ja Wintsën ja jyuukyajtën, mëti'ipë yajpëtsëëmën ja Israel kajpn ma ja myëtsipën anëkëjxmtsowpë yajpaatyën ets maajaty ja it naaxwiinyëtën ma të kyääkwa'kta'atën. Ëjts nëjkx ntuknipëjktaakë jëna'a mwinpitëty ma mnaax mkajpnëtyën, ma it naaxwiinyëtën mëti'ipës nmooytyën ja y'ap y'okëty.

Jeremias 29:14

N'a'ixëjäämpyës ets miits xypyaatëtyës ets nyajkutukäämpyës ets y'oyëtëty ja mjuukyajtënëty: nëjkxëp nyajtsoontë muum wiink kë'ëy wiink kajpn ets oymyaajëty ma ojts nnajtswopëtën ets jatëkok nyajwinpita'antë ma ya'atë naax kajpnën ma mtso'ontën. Ëjts Wintsën, ëjts ënaanp.

Jeremias 30:8

Ëjts Wintsën mëti'ipë maaytyääyëpën winë, ëjts ënaanp: Nyajpëtsëmäämpyës yë nnaax nkajpnës ma y'ëyoy myëtunyën, ka'ap nëjkx y'ëk'ëyoow y'ëkmëtuunë tä tsajpkaa tmëyu'uyën yë kyukë'ë.

Jeremias 31:4

Tëë jatëkok nyaj'oyës ja mnaax mkajpn. Ets mminëty jatëkok akujk jotkujk mëët ja xuxn, ak ets äjtspë pujtpë.

Jeremias 50:33

Yë Wintsën mëti'ipë maaytyääyëpën winë, jëtu'un y'ënä'äny: Yë Israel kajpn ets Judá kajpn mëk y'ëyowtë ko yajtëytyuntë. Tsumy matsy ja myëtsip yaj'itëtë ets ka'ap nyajtsmatsëtë.

Jeremias 51:51

Jëtu'un miitsëty m'ëna'antë: Ja tsëtyuuntëpës koos ja'ay xy'ojtë xya'axtë. Ëxëëkës nja jawëtë ko ja'ay jëkäm të xynyitsoontës ets të tyëkëtë nkajpnjotyëtyës ets të tyaj'ëxëëkëtë ja wa'atspë kënu'kxypyë tsajptëkoty.

Ezequiel 16:60

Ëjts tëy wa'atsës nja'amyätsa'any ja käjpxytyu'unën mëti'ipës ntuunën mëët mijts ma m'ëna'k'ajtyën ets ntunäämpyës yë käjpxytyu'unën mëti'ipë xëmë ijtëwaanpën.

Ezequiel 47:22

Yë'ë nëjkx xykyuma'ayën'atë ets yë'ë nëjkx näjyëtu'un tkuma'ayën'atë jaaypyaat jaaypyo'kxy mëti'ipë y'u'unk myääy myëët'ajtëpën ma miitsëtyën. Yë jaaypyaat jaaypyo'kxy jëtu'un xyjyawëtëty tä jeexyë y'Israel ja'ay'atën. Ko ënety xypyëjkwa'kxtë yë naax kam nëjkxëp näjyëtu'un yë jaaypyaat jaaypyo'kxy xymyo'otë yë jyä'äjëty mëti'ipë tsënaaytyëpën ma miitsëtyën.

Zacarías 1:17

Ojtsës näjyëtu'un ja tsajpjotmëtë kukäjpxy xy'ënëëmë: Nikajpx ya'atë aaw ayuk: Yë Wintsën mëti'ipë maaytyääyëpën winë, jëtu'un y'ënä'äny: Ëjts nyajkutukäämpyës ets nnaax nkajpnës jyotkujkta'akëty jatëkok; njotmëkmo'ojäämpyës jatëkok yë Sión kajpn etsës nikajpxa'any ma ja naax kajpnën ko yë Jerusalén kajpn yë'ëjës jatëkok të nwin'ixy.

Malaquías 1:11

Oymyaanaax myaakajpnëty aakyë'ë oypyë xymyooytyëpës yë wintsë'kën ets aak'oy tyaktë yë pyoomëty mëti'ipës xytyukwintooytyëpën.

Lucas 1:54

Tëë ja Israel ja'ay tputëkë, mëti'ipë tyuunpë'ajtypyën ets ka'ap të tja'atyëkoy ja pya'ëyo'owën,

Lucas 2:32

jëtu'unts y'itëty ijxtëm ja kutë'kxnën mëti'ipë kyujaj kyutë'kxëpën ja naax kajpn, mëti'ipë yajnaxëpën ja Israel ja'ay mëj'äämpy.