Isaías 13:20 - Biblia Dc en Mixe de Quetzaltepec

²⁰ Nijëna'a nëjkx jam pën kya'ëktsënaaynyë, ni pën jam kya'ëkwinpijnëty tsënääpyë. Yë árabe ja'ayëty ka'ap nëjkx jam y'ëktu'umaanëtë, yë'ëpaat mëti'ipë kupixyny këwent'ajtëpën ka'ap nëjkx jam t'ëkyajtënaaynyëtë jyëyujkëty.

Biblia Mixe de Quetzaltepec

²⁰ Nijëna'a nëjkx jam pën kya'ëktsënaaynyë, ni pën jam kya'ëkwinpijnëty tsënääpyë. Yë árabe ja'ayëty ka'ap nëjkx jam y'ëktu'umaanëtë, yë'ëpaat mëti'ipë kupixyny këwent'ajtëpën ka'ap nëjkx jam t'ëkyajtënaaynyëtë jyëyujkëty.

Isaías 13:20 ပူးပေါင်းရင်းမြစ်များ

2 Crónicas 17:11

Ni'ikyënëm ja filistejë ja'ayëty tmëmiintë winë tä apëjk atu'unënyën, tä pu'ts pujxnën, poop pujxnën ets näynyamo'ojë. Näyjyëtu'un ja Árabe ja'ayëty ojts tmëmintë wëxtujk mil ja wëxtujk mëko'px yë kupixyny ets näjyëtu'un ja tsajppax.

Job 3:7

Nikë oy'ajt ko jeexyë jä'ä xëëw, ka'ap pën myëxu'unk'ajty, nikë oy jeexyë jää pën kyaxoontäky.

Cantares 1:7

Nëmaaykyës, mëti'ipë tsyojkpyën yë njuukyajtënës, ¿ma mkupixyny xyajtänë? ¿Maa xyajpo'kxy ko kyujkyxyëëwënë? ¿wi'ix koos jëtu'un njëtijnë tä to'oxytyëjkën ka'apë tsyënaaytyaknën ets tu'ujoty muum myaanë pyo'kxnë, ma mmëku'uktëjk tkëwent'atën yë kyupixynyëty?

Isaías 14:23

Nëë mo'ontsjot nyaj'awinpita'anyës, ju'k, wääk'oo, nëjkx jam tsyëënëtë. Jëtu'unës nyajkutëkoyä'äny tä ja'ay pyätë'ëkyën. Yë Wintsën mëti'ipë maaytyääyëpën winë, yë'ë kë'ëm jëtu'un ënaanp.

Isaías 21:1

Ma yaj'akäjpxyën mëti'ipë tunan jatanëpën jam të'ëts'itjotm, winkon ma ja mëjmejyën. Tä tu'uk mëk ënääwtuujën mëti'ipë ëpa'tkë'ëmtsow tso'onpën, jëtu'un myiny atsë'ëk ajawë mëti'ipë tunan jatanëpën.

Isaías 25:2

Tä tsaapajkjotmën ja naax kajpn të xytyuunta'ay, ets xit ko'ow ja naax kajpn të y'awinpity ma ijty ja'ay nyäkyëwent'atëtën; ojts ja mëtsip ja kyumoontëjk xyjyijtaayë, ets ka'ap ojts pën t'ëk'akojënë.

Isaías 34:17

Nitu'ukjaty tëë tmooytyä'äy y'ijtakn ets tëë tukni''ijxëtyä'äy maajaty y'itëtyën, ets jam yajpaata'antë winë xëëw winë kyëjxm.

Jeremias 49:33

Aanë'ëk tëëtsë'ëk nëjkx wyë'ëmnë yë Hasor kajpn, wax nëjkx jam xëmë yä'äxy jyoky. Ka'ap jam nëjkx ni pën y'ëktsënaaynyë, oy jeexyë je'eyë pën tyu'uma'ay.

Jeremias 50:13

Jä'ä ko ntukjoot'anpëkäämpyës yë'ë ets nitu'uk yë nyija'ay nkayajwë'ëma'anyës. Ko ënety jam pën nyäxy, je'eyë tsyë'ëkëty mëët ko ënety t'ixy wi'ix ja tëytyu'unën të t'ëxajën tääpë kajpn.

Jeremias 50:21

Nitëkëtë yë Merataim yë nyaaxjot ets Pecod ja'ayëty, papo'otë ma nyëjkxtën, koonëm xyajkutëkoytyëty. Jëtu'un xytyuntëty tääjës ni'ënä'ämën. Ëjts Wintsën, ëjts ënaanp.

Jeremias 50:3

Jam anëkëjxmtsow tu'uk ja naax kajpn tsyoona'any mëti'ipë nëjkx tyaj'awinpityën ja kajpn aanë'ëk tëëtsë'ëk. Nitu'uk yë ja'ay nëjkx jam kya'ëktsënaaynyë, yë'ëpaat aayjëyujk ujtsjëyujk ka'ap nëjkx jam y'ëkyajpatnë, ni'ikyë ja ja'ay kyäkta'aja'antë.

Jeremias 50:39

Paaty ja Babilonyë jä'ä y'awinpita'any jëyujk tsënaaytyakn; miitsëty, waxëty yë'ë jam ya'axan jokantëp, wojnyëty patutkëty yë'ë jam yajpaatantëp. Nijëna'a nëjkx jam pën kya'ëktsënaaynyë.

Jeremias 50:45

Mëtoow'itë ja winma'any mëti'ipës ëjts Wintsën të ntuknipëjktaakën, tëëjës nnimay nitajë wi'ixës ntëytyuna'anyën yë Babilonyë kajpn, ja winma'any mëti'ipës të nmä'kxyën wi'ixës yë Caldeo ja'ayëty nyajata'antën: Yë'ëpaat yë kupixyny u'unk tmënëjkxa'antë, yë'ëpaat yë tun wiin kopk wiin tyajma'ta'aja'antë.

Jeremias 51:25

Ëjts mëtsipës nnaxy ma mijtsën. Jëtu'un mijts tä yë tun kopkën mëti'ipë yajkutëkoopyën, mëti'ipë tu'kë'ëyë yë naaxwiinyëtë yajkutëkoopyën. Ëjts Wintsën, ëjts ënaanp. Nxajtëwäämpyës yë nkë'ë ets mijts ntëytyuna'any, nyajwinkëpipäämpy tsaakäätswiiny ets nyaj'awinpita'any tä kopkën tëëpë nyitooytyu'utyën.

Jeremias 51:29

Yu'kxp ets tsëtyuupy yë naaxwiinyëtë, jä'ä ko yë Wintsën yë'ë pyatunäämpy mëti'ipë të tuknipëjktaakën ko yë Babilonyë kajpn tyaj'awinpita'any aanë'ëk tëëtsë'ëk.

Jeremias 51:37

jëtu'un jyata'any tä ja'ay naaxmaj muum tniko'owpetyën, wax jam ya'axaanp jokaanp, ni pën jam kyatsëënëja'any, aak tsë'ëkëjaanp jam yë ja'ay.

Jeremias 51:43

Aanë'ëk tëëtsë'ëk të y'awinpity yë nyaax kyajpn, jëtu'un yaj'ijxnë tëë yowë wyintooynyë yajxon ets ni pën jam kya'ëktsënaaynyë ma yë'ëjën, ni pën jam kya'ëktëjkënë.