Isaías 13:14 - Biblia Dc en Mixe de Quetzaltepec

¹⁴ Jëtu'un ja ja'ay kyä'äka'any pyuta'any tä kye'eky pyutyën yë wojny ëkë witsn, ëkë tä y'aye'eyëtyä'äyën yë kupixyny ets ka'ap pën wyoowmukyë. Nitu'ukjaty ja ja'ayëty nëjkxëp tniye'eyëtya'atë ja nyaax kyajpnëty, xim yam nëjkx kyukäkëtya'atë ma nyaax kyajpnëtyën.

Biblia Mixe de Quetzaltepec

¹⁴ Jëtu'un ja ja'ay kyä'äka'any pyuta'any tä kye'eky pyutyën yë wojny ëkë witsn, ëkë tä y'aye'eyëtyä'äyën yë kupixyny ets ka'ap pën wyoowmukyë. Nitu'ukjaty ja ja'ayëty nëjkxëp tniye'eyëtya'atë ja nyaax kyajpnëty, xim yam nëjkx kyukäkëtya'atë ma nyaax kyajpnëtyën.

Isaías 13:14 ပူးပေါင်းရင်းမြစ်များ

1 Reyes 22:17

Ënet ja Micaías y'ënäny: Tëës n'ixy wi'ix axit ako'owë yajpaatën yë Israel ja'ayëty jam tunkëjxm kopkkëjxm, jëtu'un tä yë kupixynyën ka'apë pën nyiwintsënën. Ets Wintsën të y'ënä'äny: Ya'atë ka'ap pën nyitu'uwinwoopë; nikë oy ko tyimwinpijta'atëty akujk jotkujk ma jyëën tyëjkëtyën.

1 Reyes 22:36

Tam ënety ja xëëw kyëtaknë ko ja aaw ayuk ojts pyaatëtë ja tsiptuunpëtëjkëty mëti'ipë Israel ja'ayëtyën: Wä'än tnëjkxta'atë ma nyaax kyajpnëtyën ets wä'än tpaatë tyëjkëty,

Isaías 17:13

Ko ja Wintsën y'ojëtë, ënätyë kyääkjoktë ets jëkäm nyëjkxtë, jëtu'un tä pu'uxm wyimpapojyën tunkëjxm, jëtu'un tä äpnytyë'ëts pyojë'ëkyën ko mëktuupoj myiny.

Isaías 21:15

Jä'ä ko yë'ëjëty yë'ë kyukäk kyupujtëp ko pën kyupuxëtëty mëët ja tëypyujxn jëjpme'epyë, ko pën kyuti'pxëtëty ets ko jam tsipjotm myëtsip yajtëkoyëtëty.

Isaías 47:15

Jëtu'un të kyëxtë ja mpatooy mpanajxpëty, mëti'ipë janty'oy të xyjyawën ko të mjuuky'äty. Nitu'ukjaty aak këëk tu'u të tpëjknëtë, ets ni pën të kyawë'ëmy mëti'ipë jeexyë myajtsokëpën.

Jeremias 25:12

Ko ënety kyä'pxy tëkë'px majk jëmëjt, jääjës yë Babilonyë yajkutujkpë yë nyaax kyajpn mpatëkëjanë yë tyëko'oyën, yë Caldeo ja'ayëty wa'atsës mpaye'eyä'äny yë nyëë pyoky ets nëjkxëpës xëmëkyëjxm nyajkutëkoy. Ëjts Wintsën, ëjts ënaanp.

Jeremias 50:16

Ni pën jam Babilonyë xykyayajwë'ëmtëty mëti'ipë ni'ipëpën kojëpën ets tyajpëtë'ëkëty ja pëjktä'äky. Ko ënety ja ja'ayëty t'ixtë wi'ix ja ëyo'on myëkëtyën, nëjkxëp wyimpijta'atë kyajpntum. May nëjkx kyä'äktë ets nëjkx tja'amyätstë yë nyaax kyajpnëty.

Jeremias 51:9

Tëës njapëjkta'aktë yë tsyooy yë Babilonyë, ka'ap të tsyo'oky. Ixmatstë. Tsojk yaa ntimtsyo'onëmë, tsojk nixim niyam ntimjya'amëmë ma nnaax'ajt nkajpn'ajtëmën. Jampaat tsajpjotm të jyä'ty yë tyuuntëko'oy kyajpxtëko'oyën, jëtu'un yaj'ixy yë nyëë pyokyëty tä yoots nëma'ajën.

Nahúm 3:18

Nëkooyë myaanëtë mëti'ipë myajkupixyny kyëwent'ajtypyën, mijts Asiria yajkutujkpë mijts n'ënëmääpy. Yë mtsiptuunpë wintsëntëjk tam tyam pyo'kxtë, yë mtsiptuunpëtëjk yë'ë jam jëtijtëp kopkkëjxm tä jeexyë ka'ap tmëët'atën pën yajtu'ukmukëtëpën.

Mateo 9:36

Ko ja Jesús t'ijxy ja mayjyä'äy, tääts tpa'ëyooy ko tëë y'ënu'kxëtë ets ka'ap ja mëtakën t'ëkmëët'ajnëtë, jëtu'un tä may kupixynyën mëti'ipë ka'ap ja nyi''ijxpë nyikëwent'ajtpë.

Marcos 6:34

Ko ja Jesús mëët ja y'ijxpëjkpëtëjk jam jyajtë, tääts ja Jesús pyëtsiimy kepy nëëwinye'epyëjoty. Ënet t'ijxy ja mayjyä'äy ets ojts tpa'ëyoy ko jam tyänëtë ijxtëm ja kupixynyën mëti'ipë ka'ap tii nyikëwent'ajtpën. Ënet tyaj'ijxpëjktso'ony kanaakjëjp.

1 Pedro 2:25

Jëtu'un miits të m'itë ijxtëm ja kupixyny tyëkoy'ityën, je'eyëp ko tëë jatëkok xynyiwinpitë ja Kristë, ets yë'ë mkëwent'atëtëty ijxtëm ja kupixyny këwent'ajtpën.