Isaías 13:13 - Biblia Dc en Mixe de Quetzaltepec

¹³ Ëxëëk nëjkx ja tsajp jyäty kyëpety, ets ja naaxwiinyëtë wiinktsow nëjkx nyaskëyë mëët ko ënety yajxon të njoot'anpëkyës.

Biblia Mixe de Quetzaltepec

¹³ Ëxëëk nëjkx ja tsajp jyäty kyëpety, ets ja naaxwiinyëtë wiinktsow nëjkx nyaskëyë mëët ko ënäty yajxon të njoot'anpëkyës.

Isaías 13:13 ပူးပေါင်းရင်းမြစ်များ

Job 9:6

Yë'ë yaj'yu'kxyp yë naaxwiinyëtë ets yë'ë yajtsëtyuupy ma naaxwiinyëtë kyëxmëtä'äkyën.

Salmos 18:7

Ënet ojts yë naaxwiinyëtë mëk yu'kxy. Ojts yë tun kopk yu'kxtë, kopk ëjxypyaat; ojts yajwijtsyu'kxtë mëët ja Dios ja tsyip y'äkë.

Salmos 88:16

Yë m'ëwa'an'ajtën ëjtsës të xytyukkëtakpäjta'ay, ets tëës xymyëmëtä'äky;

Isaías 2:19

Ko ënety ja Wintsën tnipëtë'ëky ja naax kajpn ets jyää'aty ja tsë'ëkë jawë naaxwiiny naaxkëjxy, nëjkxëp ja ja'ay tsyaatëkëtë jyutëkëtë ets jap nyäyu'utsëtëty, këtiipë ja Wintsën y'ixëtëty ko ënety ja myëj'ajt y'oyajtën tyaj'ixyë.

Isaías 21:1

Ma yaj'akäjpxyën mëti'ipë tunan jatanëpën jam të'ëts'itjotm, winkon ma ja mëjmejyën. Tä tu'uk mëk ënääwtuujën mëti'ipë ëpa'tkë'ëmtsow tso'onpën, jëtu'un myiny atsë'ëk ajawë mëti'ipë tunan jatanëpën.

Isaías 23:11

Yë Wintsën tëë yë myëk'ajtën tyaj'ixyë ma mejyjyotën. Tëë ja mëj naax mëj kajpn t'atsë'ëk t'ajawë, ja naax kajpn mëti'ipë ënety ta'tspëky yajpatëpën jam Canaán, wa'ats të tyajkutëkooytyä'äy.

Isaías 24:1

Ixtë wi'ix ja Wintsën ja naaxwiinyëtë tuna'anyën, yajma'ta'ajäämpy ets yajwintëkooytya'ajäämpy koonëm ja ja'ay kyääkwa'kxta'atëty.

Isaías 24:18

Mëti'ipë ja käkpën jutjoty nëjkx kyukääkë, e mëti'ipë jutjoty ja pëtsëëmpën jam nitëyë nyëjkxa'any ma të yajxokyën. Mëk komtuu jam tsajpjotm tsoonaanp ets nëjkx ja naaxwiinyëtë y'ëtëtstä'äky.

Isaías 24:19

Yajxon ja naaxwiinyëtë mëk yu'kxa'any, këëykëëynyë y'ëtë'ëtsa'any, ets piw nuuk jyajta'aja'any.

Isaías 34:4

Nëjkxëp ja mëtsa'a pyu'utakta'ay, jëtu'unyë nëjkx ja tsajp wyimpëtijtmuky tä mëj witën, nëjkxëp ja mëtsa'a pyi'tsta'atë ets nëjkx kya'ata'atë tä kepy'ääy kyä'äyën.

Isaías 47:1

Mijts to'oxy'ëna'k, Babilonyë ja'ay, jënak jam ma myajpaatyën, ma mjaaknätyu'uk'atyën ets naaxwayjoty m'u'unyëty, mijts Caldeo to'oxy'ëna'k nëwääts jam m'ënyääytyaknkëjxy ma myajkutukyën; naaxkëjxy u'unyë, jä'ä ko ka'ap m'ëk yajtijjanë yu'unk ets ëmaay.

Isaías 51:6

Pa'at'ixtë jam tsajpkëjxm ets naaxku'ixëtë: Tä jok tä yootsën yë tsajp jyajta'aja'any; tä tukwit tuktujkxyën yë naaxwiinyëtë jyata'any ets naaxwiinyëtë ja'ay jëtu'un y'ooka'antë tsatsyën. E ëjts, ja nnitsokënës xëmëkyëjxm y'ita'any, ëjts xëmës nmëta'aka'any.

Isaías 9:19

Mëët ja tsyip y'äkë ja Wintsën mëti'ipë maaytyääyëpën winë, tëë ja naax kajpn jyëënmatsyë, tam ja tyooytyëkoy; Yë'ëpaat ja y'u'unk y'ëna'k tsu'tsnëtë, ka'ap t'ëkpa'ëyoownëtë ja myëkä'äx, tam mëti'ipë yiin wään kääpyën ets ka'ap kyu'uxyë, tam ka'apë ninu'un tyimkayën.

Jeremias 51:1

Jëtu'un yë Wintsën y'ënä'äny: Nkäxäämpyës tu'uk yë mëkpoj mëti'ipë winë yajkutëkoyäämpyën ma Babilonyë kajpnën, ma caldeo ja'ay tsyëënëtën.

Lamentaciones 1:12

Mëti'ipë në'ëye'ey tu'uye'eytyëpën ets mëmay mëtajtë pën mpëjkëtëp m'ijxëtëp tääjës ëjtsën ets jëtu'un m'ëyowtë. Yë Wintsënës xy'ëyo'onmo'oy koos të xytyukjoot'anpëky.

Joel 3:16

Amuupëm jam yë Wintsën yajmëtowa'any Sión ets nojkpëm jam Jerusalén yajmëtowa'any, yu'kxaanp yë naaxwiinyëtë. E yë Wintsën yë'ë kyuwa'anäämpy yë nyaax kyajpn, jëtu'un yajpaata'any tä tu'uk yë tsaapotsyën mëti'ipë kajpn kyuwäänpyën ma Israel ja'ayëtyën.

Mateo 24:29

Ko ënety të nyäxy ja ëyo'on jotmay, jää nëjkx ja xëëw wyinkootsë ets ka'ap ja po'o y'ana'any. Ka'ata'ajaanp ja matsa'a tsajpwinm ets ja ënä'ämpëtëjk yajkutujkpëtëjk nëjkxëp yu'kxpëjkta'atë.

Mateo 24:35

Këxaanp naxaanp yë tsajp ets naaxwiinyëtë, e yë n'aaw n'ayukës nijëna'a kyakëxa'any kyanaxa'any.

2 Pedro 3:10

Ko ënety ja Wintsën myiny, jëtu'un nëjkx myiny ijxtëm ja mä'tspën tsuu koots tyëjktëkën. Ënet ja tsajp nëjkx mya'ta'ay, pëmiimpën nëjkx yajmëtoy, näjyëtu'un nëjkx tyooytyëkooytyä'äy mëët yë jëën ets ja naaxwiinyëtë mëët tu'kë'ëyë winë nëjkxëp ja Dios tpaye'eytyä'äy.

Apocalipsis 20:11

Ënet n'ijxyës tu'uk mëti'ipë u'unyääpyën ma ja poop kutujktaknën. Winëjaty tyimtëkooytyääy yë'ë wyintum wyinkujkm: ja tsajp ets ja naax, nimaa tii kya'ëkyaj'ijxnë.