Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isaías 13:10 - Biblia Dc en Mixe de Quetzaltepec

10 Ja matsa'a ka'ap y'ëktë'kxanëtë; ja xëëw nëjkxëp pyi'itsy, ja po'o ka'ap y'ëkyaj'ixanë.

အခန်းကိုကြည့်ပါ။ ကော်ပီ

Biblia Mixe de Quetzaltepec

10 Ja matsa'a ka'ap y'ëktë'kxanëtë; ja xëëw nëjkxëp pyi'itsy, ja po'o ka'ap y'ëkyaj'ixanë.

အခန်းကိုကြည့်ပါ။ ကော်ပီ




Isaías 13:10
22 ပူးပေါင်းရင်းမြစ်များ  

Yë'ë y'ëne'empy yë xëëw këtiipë oy jëna'a pyëtsëmëty ets mëtsa'a këtiipë tyë'kxëty.


Tyam jëtu'un mëpaat xyjyä'äymyetsy mëti'ipë winë të tyajkojy të tpëjktä'äkyën ma tyi'kxy jyäjyën ja xëëw po'o ets ja mëtsa'a ets jyää'atyën ja yoots nëma'a ko tyuuta'ay.


Jä'ä xëëw nëjkx ja Wintsën tëytyuny ja tsajpkëjxmëpë y'ënä'ämtën, ets ja naaxwiinypë yajkutuktën;


Ko ënety ja Wintsën mëti'ipë maaytyääyëpën winë yë'ë yajkutuky jam Sión; pi'itsaanp yë xëëw ets po'o ets ja wintsëntëjkëty mëti'ipë jam kukajpnajtëpën y'ixantëp ja Wintsën ja myëj'ajt y'oyajtën.


Amonyë naaxwääts mijts to'ox ëna'k, Caldeo ja'ay; akootstuuy tëkë, jä'ä ko ka'ap m'ëk yajtijjanë yajkutujkpë ma ja naax kajpnën.


Tääpë kajpn, ko ënety xëëw jëmëjt tpaaty, jëtu'un nëjkx yajmëtoy tä mëjmejyën ko ënety tukja'ty yë Israel kajpn; kootsëm nëjkx yë naaxwiinyëtë jyäty ets wa'ats nëjkx pyi'tsta'ay yë të'kxpë jajpë.


Nyajkootsëpës ja tsajp ets jë'ë ya'ax nyaj'ityës.


Yu'kxp yë naaxwiinyëtë ko myintë, moonkëtakp tujkëtakp yë tsajp, ka'ap yë xëëw po'o y'ëktë'kxnë ets mëtsa'a jëtu'unyë pyi'tskëtaknëtë.


Pi'itsäämpy yë xëëw ets po'o, ne'pnyën jyajta'aja'any; ka'anëm ënety yë Wintsën yë xyëëw tpaaty mëti'ipë mëj'äämpy ets kutsë'ëkë itaanpën.


Pi'itsaam ja xëëw po'o ets ja mëtsa'a.


Jëtu'un nëjkx jyäty, ko ënety ja Wintsën myiny nëjkxëp jää kyootsë ets ka'ap tyë'kxa'any jyaja'any; kootspuknë y'awinpita'any, nitii oy kyayaj'ixa'any.


E ko pën yajjoot'anpëkyë jëtu'un ëxëëk y'ëti'itsy y'ënä'äny tä mëj nëëkomën; yë myëtsip jëtu'unyë tyajkukootsëja'any.


Jä'ä xëëw ka'ap nëjkx tyityky'äty ets ka'ap nëjkx tip kyä'äy.


Ko ënety të nyäxy ja ëyo'on jotmay, jää nëjkx ja xëëw wyinkootsë ets ka'ap ja po'o y'ana'any. Ka'ata'ajaanp ja matsa'a tsajpwinm ets ja ënä'ämpëtëjk yajkutujkpëtëjk nëjkxëp yu'kxpëjkta'atë.


Ko ënety ja ëyo'on jotmay të nyäxy, ënät ja xëëw wyinkootsëja'any ets ka'ap ja po'o y'ana'any,


Yaj'ixaanp jam winë ma xëëwën, ma po'ojën ets ma ja matsa'ajën; ets naaxwiiny jëtu'unyë nëjkx ja naax kajpn myoonkëta'ak tyujkëta'aktë, ko y'ënaanta'akëty ja mejy ets nëë o'pky nëkooyë pyëtë'knëty, nëjkxëp tsyë'ëkëtë.


Pi'itsaanp ja xëëw, ja po'o ne'pnyën y'awinpita'any ka'anëm ënety ja Wintsën myinyëm, ets jää nëjkx yaj'ixy ja Wintsën ja myëj'ajt y'oyajtën.


Ko ja mëmajktaxkpë ja tsajpjotmëtë kukäjpxy ja xyuxn tukxuxy, ënät tu'kpëky ja tëkëëk pëkpyë ja xëëw, po'o ets ja matsa'a wyintëkooytyë. Jëtu'un ka'ap kyujajy kyutë'kxy ja xëëw, ja po'o ets ja matsa'a; taxk horë xëëny ets taxk horë koots y'ijty.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ