Isaías 12:4 - Biblia Dc en Mixe de Quetzaltepec

⁴ nëjkxëp m'ëna'antë: Kukajpxëtë ja'awëkyëta'aktë yë Wintsën ets mëkajpxtë, nikajpx nimëtya'aktë ma ja naax kajpnën mëti'ipë yë'ë të tuny të tkäjpxyën, tuk'ëwaanëtë ko yë'ë maaytyääyëp winë ets ko ni pën kyajëtu'unëty tä yë'ëjën.

Biblia Mixe de Quetzaltepec

⁴ nëjkxëp m'ëna'antë: Kukajpxëtë ja'awëkyëta'aktë yë Wintsën ets mëkajpxtë, nikajpx nimëtya'aktë ma ja naax kajpnën mëti'ipë yë'ë të tuny të tkäjpxyën, tuk'ëwaanëtë ko yë'ë maaytyääyëp winë ets ko ni pën kyajëtu'unëty tä yë'ëjën.

Isaías 12:4 ပူးပေါင်းရင်းမြစ်များ

1 Crónicas 16:8

Kukajpxëtë ja'awëkyëta'aktë ja Wintsën. Nikajpxtë ja xyëëw. Tuk'ëwaanëtë ja naax kajpn wi'ix winë tuny tkäjpxyën.

1 Crónicas 29:11

Wintsën, mijts mjä'ä'ajtyp ja mëj'ajtën kuttujkën, ja mëj'ajt oyajtën, ja ënä'ämën kuttujkën ets ja mëjwinma'anypë këjääwinma'anypë. Jä'ä ko tëkokyë jënu'un winë y'ityën ets yajpaatyën tsajpjotm ets naaxwiiny mijts mjä'ä'ajtääpy, näjyëtu'un tëkokyë ja ënä'ämtakn kutujktakn mijts yë mjä'ä, jä'ä ko mijts ni'ik mëj'ajtën kuttujkën xymyëëtëty këtiinëm oy pën naaxwiinyëtë ja'ay yaapë y'ëne'emy yajkutukyën.

Nehemías 9:5

ets y'ënantë ja Leví ja'ayëty mëti'ipë xyëëwajtëpën Josué, Cadmiel, Binuy, Hasabnías, Serebías, Hodías, Sebanías ets Petahías: Pëtë'kta'atë ni'ämukëty ets win'ëw winya'axtë ja mWintsënëty xëmë. Kënu'kxy, mëjjawë mëpaat yë'ë nyäxy, ets mëpaat'ajtp yajwin'ëy yajwinyä'äxy yë kyënu'kxy mëj xëëw.

Salmos 105:1

Kukajpxëtë yë Dios. Tukyaax tukjokëtë yë xyëëw ets nikajpx nimëtya'aktë ma kajpnën wi'ix winë oy tuny tkäjpxyën.

Salmos 107:22

Tukmëyoxtë ets tukwintsë'ëkëtë yë kukkajpxën ja'awëkyëtakkën, ets nimëtya'aktë mëët yë xoontakën ko janty'oy winë tuny tkäjpxy.

Salmos 113:5

Ni pën tkamëpaaty yë nwintsën'ajtëm Dios, mëti'ipë jam këjxm ënä'ämpën.

Salmos 148:13

Mmëjpëjkta'aktë ni'ëmukë Wintsën yë xyëëw, jä'ä ko yi'iyë tu'uk ijtp mëj'äämpy. Yë y'oyajtën ets xyoontakën jam yajpaaty tsajpkëjxm ets naaxwiiny.

Salmos 18:46

Juuky yë Dios. Kënu'kxy yë xyëëw y'ity mëti'ipës xykyuwaanp xynyixajpën. Wä'än mëj'äämpy tyajpëjktä'äky yë Dios mëti'ipës xyajkäktsokpën.

Salmos 21:13

Paaty mijts Wintsën, amëjaaw pëtë'ëk mëët yë mëk'ajtën. Tsojk nixëëwtu'unëm mëët yë ëy yä'äxy ko mijts të mëtä'äky.

Salmos 22:31

Mëti'ipë ënety ok mëxu'unk'ajtëpën, nëjkxëp yajtukmëmëtya'aktë wi'ix winë të tunyën oy ets mëtëy.

Salmos 34:3

Mëjpëjkta'aktë yë Wintsën mëët ëjts, yajmëjnaxtë xyëëw.

Salmos 40:5

Wintsën mëti'ipës nTios'ajtypyën, mëj këjää winë të xytyuny të xykyäjpxy ma ëëtsëtyën koos xyajmëj'atë. Ni pën kyajëtu'unëty tä mijtsën. Ëjts njanikajpxäämpyës tëkokyë mëti'ipë të xytyunyën, je'eyëp ko may oy, ka'apës xymyäyëty nikajpxta'ajëty.

Salmos 46:10

Näkyë'ëyakëtë. Ijxkajptëkës koos ëjts nTiosëty. Ëjts mëj'äämpy ijtp ma mëjëtypë naax kajpnën, Mëj'äämpyës n'ity ma naaxwiinyëtë y'ëwtityën.

Salmos 57:5

Dios, mëti'ipës nTios'ajtypyën, mijts jam tsajpkëjxm myajpaaty. Mijts myajwintujkpy yë naaxwiinyëtë mëët yë mmëj'ajt m'oyajtën.

Salmos 68:5

Dios, mëti'ipë ijtpën ma tsyajptëjkën, yë'ë nyiteety'äjtyp yë ku'ooky u'unk ets yë'ë näjyëtu'un pyutëjk pyupejtyp yë ku'ookytyo'oxy.

Salmos 73:28

E ëjts ni'ikyës yë Dios nmëwinkona'any, jä'ä ko maas ëjtsën, yë'ë tu'uk n'oyjya'apës. Mijts, Wintsën, mijts ntsoktakn'ajtyp, e ëjts kopkpëkyës koos nnikäjpxy mëti'ipë të xytyuny të xykyäjpxyën.

Salmos 9:11

Win'ëw winya'axtë yë Wintsën, mëti'ipë ënä'ämpën jam Sión; tuk'ëwaanëtë yë naax kajpn mëti'ipë të tunyën.

Salmos 96:3

Nimëtya'aktë wi'ix yë mëj'ajt oyajtën ets xoontakën tmëëtëty maajaty yë naax kajpnën mëjpë mutskpë.

Salmos 97:9

jä'ä ko mijts Wintsën këjxmëpë, mijts tëkokyë m'ijxtääpy mtuuntääpy yë naaxwiinyëtë ets jaakwäänë këjxm mijts myajpaaty këtiinëm jyëtu'unëty wiinkëtypë tios.

Éxodo 15:2

Ëjts nwin'ëëpy nwinyäxypyës yë Wintsën, jä'ä ko yë'ëjës xymyëkmoopy xymyëjaawmoopy ets yë'ëjës xyajnitsokp. Yë'ëjës nTios'ajtyp paatyës nwin'ëy nwinya'axy. Yë'ë näjyëtu'un yë nteetyës ojts tTios'aty, paatyës nmëjjaw nkënu'kxyjawë.

Éxodo 33:19

E yë Dios tyaa y'ëtsooy: Tëkokyës yë n'oyjot n'oywyinma'any mijts yam nmo'ojäämpy ets mijts mwintuuy nikajpxa'anyës yë nxëëwës. Npa'ëyowëpës pën ënety npa'ëyowäämpyës ets nnajts'ëyowëpës pën ënety nnajts'ëyowëjäämpyës.

Isaías 12:1

Jä'ä xëëw, nëjkxëp jää m'ëna'any: Wintsën, tyamës nkukajpxë; oyës wäänë të xytyukjoot'anpëjkojy, tëë ja nyäxy. Tyam tëëjës jatëkok ja jotkujk'ajtën xymyo'oy.

Isaías 2:11

Ja mëti'ipë ënety amëj akëjxm të nyäjyawëtën, winta'ak naaxkow yajpaata'antë; mëti'ipë mëj'äämpy të y'itën je'eyë nëjkx yaj'atään yajtuktääntë. Yë'ënëm ja Wintsën nëjkx ja myëj'ajtën tyaj'ixyë,

Isaías 2:17

Ja ja'ayëty mëti'ipë nämyëjja'aw näjyääntyja'awëtëpën ets mëti'ipë amëj akëjxm ja'ay'ajtëpën je'eyë nëjkx yaj'atään yajtuktääntë. Yi'iyë yë Wintsën yë myëj'ajtën nëjkx yaj'ixy jä'ä xëëw,

Isaías 24:15

Jampaat ma ja xëëw pyëtsimyën ets ma ja mejypya'ajën, nëjkxëp ja Wintsën xymyëjpëjkta'aktë, mëti'ipë Tyios'ajtëpën yë Israel ja'ayëty.

Isaías 25:1

Wintsën, mijts nTios'ajtyp; mijts nyajmëjnajxyp ets nmëjja'aw nkënu'kxyjya'apës yë mxëëw, jä'ä ko tëë xytyuny mëjwiin këjää winë ijxtëm ojts xynyikäjpxyën, jëtu'un tyimtso'ontäky tëëyëp.

Isaías 26:8

Ëëtsëty akujk jotkujkës näjyawëtë koos yë'ë npanëjkxtë ja në'ë tu'u mëti'ipë ja ënä'ämën tëyajtën nyi'ënä'ämëpën. Yë njot nwinma'anyëtyës jam xëmë myäy tyäjy ma mijtsën.

Isaías 33:5

Yë Wintsën myëët'ajtyp ja mëj'ajtën jä'ä ko jam tsajpkëjxm jyuuky'äty; yë'ë Sión kajpn të tyaj'utsy mëët ja mëtëypyë nipaye'eyën ets ja tëyajtën.

Isaías 42:12

Wä'än ja Wintsën ja myëj'ajt y'oyajtën tnikajpx tnimëtyakëtë ets wä'än tukyaax tukjokëtë ma ja naax kajpnën mejypyë'aaypyë yajpaatën ets Wintsën yajmëjpëjkta'akëty.

Isaías 48:20

Käkpëtsëmtë jam Babilonyë, kukä'äktë yë Babilonyë ja'ayëty. Mëk tukyaax tukjokëtë mëët ja jotkujk'ajtën, tuk'ëwaanëtë wä'än timpyënëty naaxwiinyëtë apëtsëmy: Ënëëmëtë ko ja Wintsën tëë tyaj'ëwaatsëpëtsëmy ja Jacob mëti'ipë tyuunpë'ajtypyën.

Isaías 66:19

Ëjts nëjkx ntuknijawëtë: Ets nitu'uk nimäjtsk kyä'äktëty, tam mëti'ipë nëjkxaanpën Tarsis, Libië, Lidia, Grecië, Tubal ets jampaat ma ja naax kajpnën mejypyë'aaypyë; ma ka'ap pën tmëtoynyëmën ëjts yë nxëëw ets ka'ap pën t'ixynyënëm yë nmëj'ajt n'oyajtënës; yë'ë nëjkx tnikajpx tnimëtya'aktë ja nmëj'ajt n'oyajtënës. Jam Lidia aak tyukjajtyp ijty yë ja'ay tyajtunëty yë ti'pxn.

Jeremias 50:2

Nimëtya'aktë ya'atë aaw ayuk, tukmëtoowta'atë ja naax kajpn. Mëj'ijxëntyuuy xynyikajpxtëty; këtii nitii xykyuyu'utstëty. Jëtu'un m'ëna'antëty. Tëë ja Babilonyë kajpn yajtukja'ty ets të yajmëmëtä'äky. Nëxi'iky tukxi'iky të wyi'imy ja Bel mëti'ipë y'ëwtajtëpën.

Malaquías 1:11

Oymyaanaax myaakajpnëty aakyë'ë oypyë xymyooytyëpës yë wintsë'kën ets aak'oy tyaktë yë pyoomëty mëti'ipës xytyukwintooytyëpën.

Juan 17:26

Tëës ntuk'ëwaanëtë mpën mijts ets njaaktuk'ëwanëjantëpës, ets ja tsojkën ja'awën tmëët'atëty mëti'ipës mijts të xymye'eyën ets nyajpaatëtyës ma yë'ëjëtyën.