Isaías 11:11 - Biblia Dc en Mixe de Quetzaltepec

¹¹ Jä'ä xëëw jä'ä jëmëjt nëjkx ja Wintsën jatëkok tyaj'ixyë ja myëj'ajtën ko tjä'äpëkëty ja nyaax kyajpn ets tyajtsoonëty jam Sirië Egiptë, Patros, Etiopíë, Elam, Sinar, Hamat ets jam ma ja naax kajpnën mëti'ipë mejy itkujkyën.

Biblia Mixe de Quetzaltepec

¹¹ Jä'ä xëëw jä'ä jëmëjt nëjkx ja Wintsën jatëkok tyaj'ixyë ja myëj'ajtën ko tjä'äpëkëty ja nyaax kyajpn ets tyajtsoonëty jam Sirië Egiptë, Patros, Etiopíë, Elam, Sinar, Hamat ets jam ma ja naax kajpnën mëti'ipë mejy itkujkyën.

Isaías 11:11 ပူးပေါင်းရင်းမြစ်များ

Génesis 10:10

Ya'atë kyajpn'ajt yë Nimrod ma ojts y'ëne'emyën: Babel, Erec, Acad ets Calné, mëti'ipë jam yajpatpën Sinar nyaaxjoty.

Génesis 10:22

Ya'atë ojts t'u'unk'aty yë Sem, Elám, Asur, Arfaxad, Lud ets Aram.

Génesis 11:2

Ko ja ja'ayëty tsyo'ontë jamtsow ma ja xëëw pyëtsimyën, ënät ojts tpaatë tu'uk ja joy'it jam ma ja it naaxwiinyëtë txëëwatyën Sinar. Tä jam tsyënaaytyaknpëjktë.

Génesis 14:1

Jä'ä xëëw jä'ä jëmëjt yë Amrafel mëti'ipë yajkutujkpën jam Sinar, yë Arioc jampë yajkutukyën Elásar, Quedorlaomer jampë yajkutukyën Elám ets Tidal jampë yajkutukyën Goím.

Génesis 2:13

Ja mëmäjtskpë ja mëjnëë jä'ä txëëwaty Guihón, yë'ë jam ëwtijtp ma ja Cus nyaaxjotmën.

2 Reyes 17:24

Ja yajkutujkpë jampë y'ëne'emyën Asiria, ojts tyajnëjkxy yë ja'ay mëti'ipë kukajpnajtëpën Babilonyë, Cuta, Avá, Hamat ets Sefarvaim, yë'ë jam kyukäjxëy ma ja Samaria kajpnën, ijxtëm jeexyë jam yë Israel ja'ayëty y'itën ets jam tsyënaaytyaknpëjktë.

Ester 10:1

Yë yajkutujkpë Asuero ojts tuknipëky ja naax kajpn mëti'ipë yajpatëpën wintë'ëtstuuy ets mëti'ipë yajpatëpë mejy itkujky ets tyaktëty ja ayajk ako'onën.

Salmos 68:22

Jëtu'un yë Wintsën të y'ënä'äny: Nyajtsoonäämpy jam Basán; njuutäämpy jam ma ëxëëk mjaty mkëpetyën,

Isaías 1:9

Kooxyëp yë Wintsën, mëti'ipë maaytyääyëpën winë ka'ap ni pën të tyajwë'ëmy juuky ma ëëtsajtëmën, jëtu'un jeexyë të njajtëm tä yë Sodomë kajpnën ets Gomorra kajpnën.

Isaías 10:20

Ja niwäänëpë ënety të jyaakwë'ëmtën ja Israel ja'ayëty ets ja Jacob ja y'u'unk y'ok mëti'ipë jaakyajpatëpën juuky, ka'ap nëjkx t'ëktukjotkujk'ajnëtë mëti'ipë ënety o'ktëy të tyunëtën, yë'ë nëjkx tuk'ijxpätë ja Wintsën, ja Wa'atspë, mëti'ipë yajpatpën ma Israel ja'ayëtyën.

Isaías 10:9

Ëjts aak tu'knaxës n'ixy myëjëty naax kajpn yë Calnó ets Carquemis, yë Hamat ets Arfad, yë Samaria ets Damaskë.

Isaías 11:16

Ko ënety ja Wintsën ja nyaax kyajpn jyajtmujkta'ay ets ko ënety tëë tsyo'ontaaynyëtë jam Asiria, mëjwiin ëwaatsë nëjkx në'ë tu'u tpaatë jëtu'un tä ijty tëëyëpën ko jap Egiptë tsyo'ontë.

Isaías 19:21

Nëjkxëp ja Wintsën nyänyikëxë'ëkyë jam ma Egiptë ja'ayëtyën, ets ja Egiptë ja'ayëty nëjkxëp nijawëtë pën Wintsën'ajtpën, nëjkxëp tmo'otë ja wintsë'kën ets ja ayajk ako'onën. Nëjkxëp ja wyaantakën tuntë ets nëjkx tkuuytyuntë.

Isaías 19:22

Oy nëjkx ja Wintsën t'ëkyajtsëtyuty ja Egiptë kajpn, nyijootwinpitäämpy jatëkok, pya'ëyoowäämpy ets yajtso'okäämpy.

Isaías 21:2

Mëk oy yajmëtoy mëti'ipës ja Wintsën të xytyuk'ëwaanën: Mëti'ipë ja myëku'uk kyë'ëyäjkpyën, tëë ja jëtu'un tuny; mëti'ipë yajkutëkoopyën winë, të ja jëtu'un tuny. Pëtë'ëk mijts Elám ets mijts Medë ja'ayëty, nëjkx mtsiptuntë. Ëjts ka'apës n'ëkupëkanë ets pën je'eyë nyikajpx nyimëtya'akëty.

Isaías 22:6

Yë Elám ja'ayëty jëjp'ixy jam yajpatnëtë ets tsyiptuna'antë; tëë ja kyepy wintëkäämpë ets ja kyëwaayëty tukwä'tspäjnëtë; yë Quir ja'ayëty tëë ja tkëëyë'ktaaynyëtë ja pujxn mëti'ipë nätyukuwanëtëpën.

Isaías 24:15

Jampaat ma ja xëëw pyëtsimyën ets ma ja mejypya'ajën, nëjkxëp ja Wintsën xymyëjpëjkta'aktë, mëti'ipë Tyios'ajtëpën yë Israel ja'ayëty.

Isaías 37:31

Ja Judá ja'ayëty mëti'ipë jaakwë'ëmtëpën, jëtu'un nëjkx yontë jyiitstë tä aay ujtsën. Nëjkxëp tyiktskä'äktë ets nëjkxëp tyëëmpätë,

Isaías 42:10

Tukwin'ëwtë ja Wintsën jemyjyätyëtypë ëy; jampaat muum jëkäm wiink it wiink naaxwiinyëtë; oy yë'ëjëty mëti'ipë yajpatëpën nëëwiinkëjxy mëjpëjkta'aktë yë Wintsën, ets oy yë'ëjëty aayjëyujk ujtsjëyujk, tëkokyë ja'ay mëti'ipë yajpatëpën ma ja naax kajpn mejy ëkë'ëypyë.

Isaías 42:12

Wä'än ja Wintsën ja myëj'ajt y'oyajtën tnikajpx tnimëtyakëtë ets wä'än tukyaax tukjokëtë ma ja naax kajpnën mejypyë'aaypyë yajpaatën ets Wintsën yajmëjpëjkta'akëty.

Isaías 42:4

Ka'ap nëjkx pyo'kxy ets ka'ap nëjkx y'ënu'kxë, koonëm tyajnaaxkëta'akëty ja oypyë ja nipaye'eyën naaxwiiny naaxkëjxy. Ja naax kajpn nëjkxëp t'amëtoow'itë ja y'ijxpëjkën.

Isaías 45:14

Jëtu'un ja Wintsën t'ënëmaay ja Israel ja'ay: Ja naaxtuunpë ja'ayëty japë Egiptë yajpaatën, ja ajuupyëtëjk ets ato'kpëtëjk mëti'ipë tso'ontëpën Etiopíë, ja yenyjyä'äytyëjk mëti'ipë Sabá itjotm yajpatëpën, jam nëjkx nyäkyuwa'anëtë ma mijtsën ets nëjkxëp jam myëtuntë; tsumy matsy nëjkx xymyënëjkx mëët pujxntejpxy, nëjkxëp mwinkoxtänëty ets nëjkxëp mënu'kxtä'äkyë: Tëyajtën yë'ë ko yë Wintsën tam yajpaaty ma miitsëtyën. Ka'ap maa wiinkpë ijxtëm yë'ëjën ets ka'ap maa wiinkpë tios.

Isaías 49:12

Ëk'ixtë. Tää ja'ay myiintë mëti'ipë jëkäm tso'ontëpën: tam mëti'ipë tso'ontëpën anajnytsyow, a'oytsyow, xëëwpëtsëmy ets xëëwkëtä'äkytsyow.

Isaías 66:19

Ëjts nëjkx ntuknijawëtë: Ets nitu'uk nimäjtsk kyä'äktëty, tam mëti'ipë nëjkxaanpën Tarsis, Libië, Lidia, Grecië, Tubal ets jampaat ma ja naax kajpnën mejypyë'aaypyë; ma ka'ap pën tmëtoynyëmën ëjts yë nxëëw ets ka'ap pën t'ixynyënëm yë nmëj'ajt n'oyajtënës; yë'ë nëjkx tnikajpx tnimëtya'aktë ja nmëj'ajt n'oyajtënës. Jam Lidia aak tyukjajtyp ijty yë ja'ay tyajtunëty yë ti'pxn.

Jeremias 25:25

yë yajkutujkpëtëjk mëti'ipë jamëtyën Zimri, Elám ets jam Media,

Jeremias 31:10

Naax kajpnëty, mëtoow'itë yë Wintsën yë y'aaw y'ayuk ets näjyëtu'un xynyikajpx xynyimëtya'aktëty ma wiinkëtypë kajpnën mëti'ipë jëkäm yajpatëpën: Yë Wintsën yë'ë ojts t'awojpwä'kxy yë Israel kajpn, je'eyëp ko nän yë'ë jatëkok yajtu'ukmukäämpy ets tkëwent'ata'any jëtu'un tä tu'uk yë kupixyny këwent'ajtpë tkëwent'atyën yë jyëyujk.

Jeremias 44:1

Ja aaw ayuk mëti'ipë Jeremías y'ëxajëyën ets yajtuknikäjxtë yë jutiiyë ja'ayëty mëti'ipë ënety jap tsënaaytyëpën Egiptë ma ja kajpn txëëwatyën Migdol, Tafnes, Menfis ets jamtsow a'oytsyow:

Jeremias 49:23

Ma yajnikäjpxyën wi'ix yë Damaskë kajpn jyata'anyën. Tsëtyu'un mëët të wyë'ëmtë ja Hamat kajpn ets ja Arpad kajpn ko të yajtuknijawëtë ja ëyo'on jotmay mëti'ipë nimiinëtëpën; je'eyë tyam tsyë'ëkëtë ets ka'ap jyotkujk'atë.

Ezequiel 27:6

ja kepy mëti'ipë myajtuka'pën ets nëëwiinkëjxy mye'ey yë'ë ja nuez kepy mëti'ipë Basán tso'onpën; yë mniwop'ajtyp yë'ë ciprés kepy jampë Chipre tsyoonyën ets yë'ë mëët të yaj'awojpmuky yë elefantë y'apajk.

Ezequiel 29:14

Nyajwinpitäämpyës jatëkok yë ja'ayëty mëti'ipë tsumy matsy të y'itën wiink kë'ëy wiink kajpn ets jam tsyënaaytyaknpëktëty ëpa'tkë'ëmtsow ma Egiptë nyaaxjotmën, ma kyunaax'at kyukajpn'atën, ma nëjkx tyajkojtën tu'uk yë ënä'ämtakn ka'apë nëjkx mëj'äämpy nyäxyën.

Ezequiel 30:14

Xit ko'ow nyajjajta'aja'anyës yë ëpa'tkë'ëytsyowpë Egiptë kajpn, nino'okäämpyës yë Soan kajpn ets nyajnitukëjäämpyës yë Tebas kajpn.

Ezequiel 32:24

Xim ja Elám, mëët ja tsyiptuunpëtëjkëty, yë'ë nyapikëtyëp yë jyutëty. Aakjam të y'o'kta'atë tsipjotm, mëti'ipë ka'ap yë Wintsën të t'ëwtatën jap naaxpa'tkë'p të kyëtakta'atë. Tëë t'ëtsë'ëkëtë ja'ay mëti'ipë ënety juuky jaakyajpatëpën, je'eyëp ko tyam ka'ap pën y'ëkmëj'ijxënëtë jap o'kpë akujky ma të kyëtakta'atën.

Ezequiel 38:8

Pyatäämpy ja xëëw jëmëjt ets nëjkx myajtuk'ëne'emy ma ja naax kajpn xynyitëkëtyën mëti'ipë jeky të tsyiptunyën, mëti'ipë tëë jyotkujkën; ja kajpn mëti'ipë wiink naax wiink kajpn yajpatpën najtswop najtskäpë ets ojts yaj'ëxwoptë xëmëkyëjxm, je'eyëp ko tëë jatëkok wyimpitë ma ja Israel ja it naaxwiinyëtë tmëët'atyën. Yë'ëjëty tëë ye'eymyujkta'atë jatëkok oy jeky muum wiink naax wiink kajpn të yajpaatë ets yë'ëjëty jotkujk jatëkok nyäyjyawëtë.

Daniel 1:2

Wintsën ojts kë'ëm tyajkutuky ets Nabucodonosor tmatsëty yë Joaquim ets yë'ë ojts näjyëtu'un tyajkutuky ets Nabucodonosor tyajpëtsëëmta'ajëty jap tsajptëkoty ja apëjk atu'unën mëti'ipë ja Dios jyä'ä'ajtypyën ets jap tpëjktaktaay ja Dios ja y'apëjk y'atu'unën ma ja kyë'ëm tsajptëjkën ma jap y'ityën kanaak ja tios mëti'ipë y'ëwtajtypyën;

Daniel 11:18

Nëjkxëp tnitëkë yë naax kajpn mëti'ipë mejypyë'aay yajpatëpën ets may nëjkx tyajkutëkoy; e tu'uk yë tsiptuunpë wintsën nëjkx tyajjëjpkëxy ya'atë tsëtyu'un ets nëjkx tyajtsëtyu'unpaaty näjyëtu'un ja yajkutujkpë anëkëjxytsyowpë.

Daniel 8:2

Maas ënety jam nwinkuma'ayën, jamës näywyin'ixë ma ja Susa kajpnën, ma ja kutujktakn yajpaatyën, yë'ë y'itjot yë Elám, Ulai nëëpë'aay.

Oseas 1:11

Ënet nëjkx tyu'ukmuktë yë Judá ja'ayëty ets Israel ja'ayëty, tu'uk nëjkx tpëjkta'aktë mëti'ipë tu'uwinwotëpën ets jam Jerusalén nyëjkxta'aja'antë. Ja Jezreel mëj'äämpy nëjkx y'awinpity.

Oseas 11:10

Yë'ëjëty pyajnëjkxantëp yë Wintsën ets Wintsën tä kaajën myu'uja'any. Mu'ujaanp ets nimina'any matsow yë xëëw pyëtsimyën mëti'ipë jyä'ä'ajtypyën.

Oseas 11:11

Tä joonën tsyoona'antë jap Egiptë ets myina'antë maas ëjtsën mëët ja; tä pakën tsyona'antë jam Asiria; ets nyajtsëënëja'antës jatëkok ma jyëën tyëjkëtyën. Ëjts, mëti'ipë Wintsën'ajtpën, ëjts yam jëtu'un ënaanpës.

Miqueas 7:12

Miimp ja xëëw po'o ma ja ja'ay mniminëtëtyën mëti'ipë wiinktsow tso'ontëpën; minantëp ja ja'ayëty mëti'ipë Egiptë tso'ontëpën ets jampaat Asiria, mëti'ipë tsënaaytyëpën Nilë ets jampaat Éufrates, mëti'ipë tso'ontëpën ma mejy nyäpyäätyë ets ma ye'eymyukyën, mëti'ipë tso'ontëpën tunjotypë kopkjotypë.

Sofonías 2:11

Atsë'ëk ajawë yë Dios tyuna'anëtë. Yajkutëkooytya'ajäämpyë yë tios mëti'ipë ja'ay y'ëwtajtëpën ets yë'ë nëjkx tu'ukyë yaj'ëwtaty oymyaajëty.

Zacarías 5:11

Ets xy'ëtsooyës: Jam Babilonyë nyëjkxtë ets jam tkojanëtë tu'uk yë nyitsajp tëjk. Ko ënety ja nyitsajp tëjk tkoj'apaatëtë, tääts jap tpëjkta'aka'antë ma ënety të yajnipotsën.

Zacarías 8:7

Nyaj'ëwaatsëpëtsëmäämpyës yë nnaax nkajpn ma ënety yajpaatën tsumy matsy jamtsow ma xëëw pyëtsimyën ets jamtsow ma xëëw kyëtä'äkyën,

Zacarías 9:2

Näyjyëtu'un yë Hamat kajpn, mëti'ipë mëët nyäpyaatëtën, yë Tirë kajpn ets Sidón kajpn mëët tu'kë'ëyë mëti'ipë tyukjuuky'ajtëpën ets wyinma'any'ajtëpën.

Romanos 11:15

Mëët ko ja jutiis ja'ayëty ka'ap të tsojkën'atë ja Dios ja y'oyajtën, ënät ja wiink ja'ay të tpaatë ja nimä'kxën ma ja Tiosën; ¿tii ënät jyaak tunäämpy? yë'ë myo'ojäämpy ja juukyajtën mëti'ipë të y'ooktën.

Romanos 11:26

Ko ya'atë tyunëtëty jyatëtëty, ni'ëmukë ja jutiis ja'ay tpaata'antë ja nitsokën. Ijxtëm ja Dios ja y'aaw y'ayuk këxja'ay myinyën: Jerusalén myina'any tu'uk ja jutiis ja'ay yajnitsokpë ets tyajnitso'oka'any ja pokyjä'äytyëjk mëti'ipë ja Jacob tyëëmp'ajtyp y'aats'ajtypyën.

2 Corintios 3:16

E ko ja ja'ay tmëpëky ja Jesukristë, jënajkp ja wyinkujuuxë.

Deuteronomio 9:29

E mijts Wintsën wa'ats xynyijawë, ko ya'atë naax kajpn, mijts mkajpn'ajtyp, mijts kë'ëm të xyjyuuty jap Egiptë mëët yë mmëjajtën ets mkutujkën.