Isaías 10:5 - Biblia Dc en Mixe de Quetzaltepec

⁵ Yë Asiria kajpn yë'ëjës nyajtunäämpy tä jeexyë tu'uk kepy nkajpë'ëkyënës mëti'ipës ntukwopantëpën koos të xyajjoot'anpëktë.

Biblia Mixe de Quetzaltepec

⁵ Yë Asiria kajpn yë'ëjës nyajtunäämpy tä jeexyë tu'uk kepy nkajpë'ëkyënës mëti'ipës ntukwopantëpën koos të xyajjoot'anpëktë.

Isaías 10:5 ပူးပေါင်းရင်းမြစ်များ

Génesis 10:11

Ma ya'atë it naaxwiinyëtën ojts tsyoony ets ojts nyijkxy Asur, jam ojts tyajkojy yë Nínive kajpn, Rehobot ets Quélah,

2 Reyes 18:25

Ëkë mijts jä'äjën may mtajyë, ¿ko ka'apës Wyintsënëty të xykyexyë ets tyaapë naax kajpn nyajkutëkoyëtyësë? Tyam yajxon ntuk'ëwaanëty ko yë'ëjës të xykyexy etsës ya'atë kajpn nitëkëty etsës nyajkutëkoyëty.

2 Reyes 19:25

¿E mijts ka'ap xynyijawë, ko ëjts jëtu'un mëti'ipë të tyajkutukyën ets mmëta'akëty ets xytyunëty tëkokyë mëti'ipë të xytyunyën? Ëjts tëëyëpës ntuknipëjktaakë ets tëëjës jëtu'un nyajtuny nyajjatyë; paatykyëjxm mijts may ja naax kajpn të xyaj'atëkoy mëti'ipë ënety mëk ets ta'tspëky të nyätyijyën, tä të y'awinpijta'atë je'eyë potsykyopkën.

Salmos 125:3

Tu'uk yë yajkutujkpë mëti'ipë ka'ap tukjatyën oy y'ënä'ämëty, ka'ap tjëkyepy jeky yajkutukëty ma naaxwiinyëtën mëti'ipë ja Dios të tmo'oyën ja nyaax kyajpn, jä'ä ko pën jëtu'un, tsojk ja'ay tii tuntëkoytyëty.

Salmos 17:14

Mëët yë mëk'ajtën, Wintsën, yajpëtsëëmkës jap ma yë'ëjëtyën. Wä'än yaa tyajpaatë naaxwiiny ma kyuma'ayën të yajmo'otën. Wä'än näyajkumeenytya'akëtë ets wä'än yë y'u'unk tkaytyë t'uuktë ku'uxyë koonëm pyëjwa'kxtëty ets jyaak natëkëty mëti'ipë y'ok'u'unk y'ok'ëna'k tyukjë'kxëpën.

Isaías 10:15

¿E yaats ënät nnäyajtë'ëwëmëty: Wä'än jëtää kë'ëm yë jatyë kyepypyuxëtyë ets ka'ap tyajmëyatëty mëti'ipë yajyu'kxëtëpën, ëkë ja jë'tn mëj'äämpy nyäyajnaxëtëty oy kyajam'atëty ja mëti'ipë yajtuunëpën? Ijxtëm tu'uk yë tajkën, kepy yë je'eyë, pën ka'ap pën yajtunyë wi'ixën txëëwatëty tajk.

Isaías 10:25

Jä'ä ko wiinkoonp ja xëëw jëmëjt ma ja ëyo'on jotmay t'ixa'antën yë ntsip n'äkës yë'ë yajkutëkoyanëtëp.

Isaías 13:5

Jëkäm tsyoontë, nëë awinaxy. Yë'ë Wintsën mëët yë tyuunpäjn, mëti'ipë yajkutëkooyäämpyën tëkokyë ja naaxwiinyëtë.

Isaías 14:24

Yë Wintsën mëti'ipë maaytyääyëpën winë, jëtu'un y'ënä'äny: Jëtu'un ijxtëmës të ntuknipëjktaakën, jëtu'un tyuna'any jyata'anyë; jëtu'un tääjës të nyaj'oyën, jëtu'un y'atëwa'any.

Isaías 14:25

Nyajkutëkoyäämpyës yë Asiria ja'ay maas ja nnaax nkajpnën ets maas yë ntun nkopkën; jëtu'unyës n'atääna'any ntuktääna'any. Yë y'ënä'ämën kyutujkën ka'ap tjëkyepy o'ktëy tunëty yë nnaax nkajpnës, yë myëk'ajtën ka'ap tjëkyepy ëxëëk tmë''ëtë'ëtsëty.

Isaías 23:13

Ixtë wi'ix të jyätyën ya'atë it naaxwiinyëtë, ma të tsyoony të jyä'tyën ja kepy nëëwinye'epyë. Ojts yë Caldeo ja'ayëty mëjjëty tëjk tkojtë, yajkutëkooytyë ja akujktëjk jam Sidón, xit ko'ow tuuntaaytyë. Yë'ë ojts poky tmëët'atë, ka'ap yë'ëjëty Asiria kajpn.

Isaías 26:20

Paaty myaj'ënëëmëtë miitsëty naax kajpnëty, tëkëtë ma mjëën mtëjkëtyën ets ko ënety jap tëkoty myajpaatë tääts xyaj'ëtuktëty ja mtëjk. Jap wäänë mnäyu'utsëtëty koonëm ja Wintsën ja tsyip y'äkë nyaxëty.

Isaías 29:2

jä'ä ko ntukpaatäämpyës yë amay jotmay yë Ariel kajpn, itaanp jam ja jë'ëyën yaxën. Ënätnëm nëjkx n'ixyës pën xyëëwajtypyën Ariel.

Isaías 30:27

Ëk'ixtë, yë Wintsën jëtu'un kë'ëm tyimminy tä ja'ayën mëti'ipë jëkäm tso'onpën; Ja jyoot'an yëkëm je'eyë wyinjojknë, ko kyäjpxy, aakjä'ä nyikäjpxyp ja o'kën tëko'oyën.

Isaías 30:30

Yë Wintsën yajmëtowanëp ja y'aaw y'ayuk mëët ja mëj'ajtën kuttujkën ets tyaj'ixa'anyë ja myëk'ajtën, atsë'ëk ajawë winë tuna'any; yë'ë yajtunäämpy jëën, ënääw, tuu ets tëtsn tuu.

Isaías 30:9

Ya'atë naax kajpn je'eyë kyäjpxykyutëjy, ka'ap wyintsë'ëkë, ka'ap nijënu'un tmëtowa'any ja Wintsën ja y'ijxpëjkën.

Isaías 34:2

Jä'ä ko yë Wintsën tëë tukjoot'anpëjkta'ay ja naax kajpn ets tëkokyë ja ja'ay, jëtu'un të y'ënä'äny ko tyajkutëkootya'aja'any ets tyaj'o'kta'aja'any wä'än timpyënëty.

Isaías 66:14

Ko ënety jëtu'un xy'ixtë, oy nëjkx xyjyawëtë; jempyën nëjkx ja mni'kx mkopk xyjyawëtë. Yë Wintsën yë'ë nëjkx yë myëj'ajtën tyaj'ixyë ma tyuunpëtëjkën, ets tsyip y'äkë ma myëtsiptëjkën.

Isaías 7:17

Yë Wintsën yajminäämpy ja xëëw jëmëjt mëti'ipë ka'ap nijëna'a yaj'ixynyëmën maju'unëm yë Efraín nyäpyuwa'ktu'utyën mëët yë Judá.

Isaías 7:20

Nëjkxëp ja Wintsën tyajtuunkpaaty ja Sirië yajkutujkpë, jëtu'un tyajtuna'any tä tu'uk yë tsujknën mëti'ipë jëkäm tso'onpën, jamtsow y'ëwtita'any Éufrates ets yajnijäpa'antë yë Israel ja'ayëty, yajjäjpta'ajaanp yë kyëpajkëty, y'awaayëty ets o'ktëy yajpëjkta'aka'antë.

Isaías 8:4

Jä'ä ko ka'anëm ënety kyajpxë'ëkynyëm ko nëjkx yajnitëkë yë Damaskë kajpn ets Samaria kajpn; tëkokyë mëti'ipë ënety jap kajpnjoty yajpatpën, ja Sirië yajkutujkpë nëjkx tmënëjkxta'ay.

Isaías 8:7

Yajnikoompätäämpy yë Wintsën tääpë kajpn mëët yë komnëë mëti'ipë jam tso'onpën Éufrates. Yë'ë y'antijpy yë Asiria yajkutujkpë mëët tu'kë'ëyë myëk'ajtën. Nyijä'tstëkoyäämpy ja nëëtu'u ets jëtu'unyë ja nëë ye'eywya'kxa'any.

Ezequiel 22:31

Paatykyëjxmës të nyajkëtä'äky yë ëyo'on ma yë'ëjëtyën etsës të nyajtooytyëkoytyë mëët ja ntsip n'äkës, etsës të ntukëpätë mëët ko të tyuuntëkoytyë. Ëjts Wintsën, ëjts ënaanp.

Ezequiel 7:10

Tyaa ja xëëw. Tëë ja jyä'ty. Tëë myiny ja ëyo'on jotmay. Ja ëxëëkajtën jä'ä mëtakp oymyaajëty, nëkooyë kyëjääjënyë ja ëxëëk tu'unën.

Daniel 11:36

Ja yajkutujkpë ja anëkëjxytsyowpë. Mëj këjxm nëjkx ni'ik nyäyajnaxyë këtiinëm ja tiostëjkëty ets nëjkx nëkooyë tni'ojënë ja Dios mëtëypyë; ets aak'oy nëjkx winë wyimpëtsë'ëmxëty, koonëm nëjkx ja Dios tyuknikexyë ja tëytyu'unën; jä'ä ko mëti'ipë yë Dios të tuknipëjktaakën tyunäämpy yë'ë.

Nahúm 1:1

Ya'atë noky yë'ë jyääy yë Nahúm, mëti'ipë jam Elcos kukajpn'ajtpën, mëti'ipë ojts yajtuk'ëwaanën ma wyinkumaayën. Nínive ja'ay yajtuknija'ayëtyë ya'atë aaw ayuk.

Habacuc 1:12

Mijts Wintsën, xëmëkyëjxm mjuuky'äty ets wa'ats mTios'aty ¿këtiijë? Wintsën, mëti'ipës xykyuwaanp xynyixajpën, mijts të xymyo'oy mëk'ajtën yë caldeo ja'ayëty ets yë'ë tuntëty ja paye'eyën.

Sofonías 2:13

Nyixajë'ëkäämpy yë Asiria ja'ayëty mëti'ipë jam anëkëxmtsow yajpatëpën, mon tuk tyajwë'ëma'any yë Nínive kajpn ets nëjkx anë'ëk tëëtsë'ëk tyaj'awinpity.