Isaías 10:4 - Biblia Dc en Mixe de Quetzaltepec

⁴ Oy ënety miitsëty ka'ap të mnëjkxtë tsumy matsy wiink naax wiink kajpn, jam nëjkx mkëxtë ma ja ja'ay y'ooktën. Ja Wintsën ka'ap ja jyoot'an xyääma'any, ni'ikyë ja ëyo'on jotmay tyajmina'any.

Biblia Mixe de Quetzaltepec

⁴ Oy ënäty miitsëty ka'ap të mnëjkxtë tsumy matsy wiink naax wiink kajpn, jam nëjkx mkëxtë ma ja ja'ay y'ooktën. Ja Wintsën ka'ap ja jyoot'an xyääma'any, ni'ikyë ja ëyo'on jotmay tyajmina'any.

Isaías 10:4 ပူးပေါင်းရင်းမြစ်များ

Isaías 22:2

Ma ja kajpnën, ma ja'ay y'akujk'at jyotkujk'atën, ma ja ja'ay y'ëyë'ëktën kyëyätën. Ja mja'ay mëti'ipë të y'ooktën ka'ap jyamëty të y'ooktë tsipjotm ets ka'ap jyä'äyëty të yo'kpuxëtë;

Isaías 24:22

wa'ats tpëjkmujkta'aja'any ets jutjoty t'apëkëja'any. Jap tsum matsy tyaj'ita'any, ok tmo'oja'any tëytyu'unën.

Isaías 34:3

Xii yaa muum ja o'kpë jyëpijpnëja'any, aakyë'ë xyuuka'any jyoka'any oymyaajëty, aak ne'pny muum yaj'ixaanp nëë wok käätswok, tunjot kopkjot.

Isaías 5:25

Paatykyëjxm yë Wintsën të tukjoot'anpëky yë nyaax kyajpn, tëë tnipëtë'ëky ets tëytyuny. Tëë ja ëyo'on jotmay y'ity mëjwiin këjää jam tunjotm, xii yaa muum ja o'kpë të kyä'äy në'ëjoty tu'ujoty tä pu'uxmën. E ja Wintsën ja y'äkë tyoyë ka'ap xyeemnyëm, je'eyëm ja ëyo'on jotmay tyaj'ity.

Isaías 66:16

Yë Wintsën, jëën yajtunäämpy ko ënety tuny ja nipaye'eyën ets tukwinmëtoowa'any ja naax kajpn ja nyëë pyoky, tëypyujxn nëjkx tyajtuny ets tkupujxa'any may ja ja'ay.

Isaías 9:11

Yë Wintsën të tuknipëjktaakë ets mmëtsip ëxëëk mtunëtëty ets myaj'ook myajtëkoyëtëty.

Isaías 9:12

Maatsow yë xëëw pyëtsimyën, Siria ja'ayëty jam miintëp; maatsow kyëtä'äkyën, filistejë ja'ay jam miintëp. Poj'am të yajmëmëta'aktë yë Israel ja'ayëty, jëtu'un tä ja'ay poj'am jyi'kxy tkujë'ënaxyën. E yë Wintsën yë tsyip y'äkë ka'ap nyäknyäxy.

Isaías 9:16

Ja tu'uwinye'eypyëtëjk tëë ja naax kajpn twoowtëkoytyë, ja naax kajpn mëti'ipë ënety yajmëyäjtypyën ja tu'uwinye'epyë, tëë ja tyu'utëkoytyë.

Isaías 9:17

Paatykyëjxm ja Wintsën ka'ap të tpa'ëyoy ja ëna'ktëjk, ja ku'ooky u'unktëjk ets ja ku'ookytyo'oxy. Jä'ä ko aak ëxëëk ja ja'ay ja jyot wyinma'anyëty, aakyë'ë myääytyëp tyajtëp ka'apë mëpaat tuntën, ko kyajpxpëtsëmtë tsaatsy ma'atëty yajmëtoy. Paatykyëjxm ka'ap ja Wintsën ja jyoot'an xyeemy ets ka'ap tyajjëwä'äky ja tsyip y'äkë.

Isaías 9:20

Nitu'ukjaty yë ja'ay aak ëxëëkëm ja myëku'uk t'ijxnë mëti'ipë pa'atënaayëpën, janty jëtu'un tjajë'kxy tjapo'otsy mëti'ipë pyätypyën anajnytsyow, je'eyëp ko kä'äpyëm kyu'uxyë. Aak kyutsu'tsnëp ja ja'ay ja y'u'unk y'ëna'k:

Isaías 9:21

Ja Manasés ja'ay nyipëtë'knëtëp ja Efraín ja'ay, ja Efraín ja'ay nän nyipëtë'knëtëp ja Manasés ja'ayëty ets yë'ëjëty tëë näjyëtu'un tnipëtë'ëktë ja Judá ja'ayëty. Ja Wintsën kä'äpyëm jyotxeemy, je'eyëm ja ëyo'on jotmay tyajkëtä'äky.

Jeremias 15:2

Ets ko myajtëwëtëty maaxën nyëjkxtëty, jëtu'un xy'ënëëmëty ko ëjts ënaanp: Mëti'ipë të yajtuknipëjktaakën ets y'ookëty mëët ja pa'am ëyo'on, pa'am ëyo'on nëjkx yaj'ookyë; mëti'ipë të yajtuknipëjktaakën ets tsipjotm y'ookëty, tsipjotm nëjkx y'ooky; mëti'ipë të yajtuknipëjktaakën ets yuu yaj'ookëtëty, yuu nëjkx yaj'ookyë; mëti'ipë të yajtuknipëjktaakën ets tsumy matsy yajmënëjkxëty wiink naax wiink kajpn, tsumy matsyë nëjkx yajmënëjkxy.

Jeremias 37:10

Oy jeexyë miitsëty mjatimmyëtaktëpë ets jeexyë Caldeo ja'ayëty may xyjyayaj'o'ktëpë, ja mëti'ipë wë'ëmtëpën juuky, mëti'ipë je'eyë tsëtyujtëpën jam tsipjotm, yë'ë pëtë'ëkantëp ets ëxëëk mtuna'anëtë ets tjëënmo'oja'antë ja naax kajpn.

Jeremias 4:8

Paaty miitsëty, tuktëkëtë ja mwit mëti'ipë kuumpën u'kxpën ets jë'ëtë ya'axtë tä jeexyë mpëkëtën, jä'ä ko yë Wintsën yë y'äkë ka'ap tu'ukyë të xytyim'ëxmajtsëmë.

Oseas 9:12

Oy ënety jya'u'unk ijxtëpë, mpëjkëjantëpës yë'ëjëty këtiipë nitu'uk tmëwë'ëmtëty. Mon tuk tääpë ja'ay yajpaata'antë koos ënety n'ëxmatstë.

Deuteronomio 32:30

Tu'uk je'eyë ja myëtsip mëti'ipë nitu'kmil yajkekpyën ja myëtsip. ¿Wi'ix jëtää ko jyëtu'unëty? E ja mäjtskpë ja myëtsip majk mil tyajke'eky. ¿Näy wi'ix ko jyëtu'unëty? E ¿tiikyëjxm ko jëtu'un jyajnëtë kyëpäjnëtë? Yë'ë ko Wintsën jëtu'un të tuknipëjktaakë, mëti'ipë ijty këwent'ajtëtëpën. E tyam jä'ä ko tëë y'ëxmajtsënëtë, paaty o'ktëy jyajnëtë kyëpäjnëtë ma ja myëtsipëtyën.