Isaías 10:27 - Biblia Dc en Mixe de Quetzaltepec

²⁷ Jä'ä xëëw nëjkx ja mtsëmy mkë'ëy myajtuknipëjktu'uty, ets nëjkx yajnëkejy ja kepy mëti'ipë mtsëëm'ijtypyën, jëtu'un tä tsajpkaa kepy tsëëm'ityën mëti'ipë tyukyuupyën.

Biblia Mixe de Quetzaltepec

²⁷ Jä'ä xëëw nëjkx ja mtsëmy mkë'ëy myajtuknipëjktu'uty, ets nëjkx yajnëkejy ja kepy mëti'ipë mtsëëm'ijtypyën, jëtu'un tä tsajpkaa kepy tsëëm'ityën mëti'ipë tyukyuupyën.

Isaías 10:27 ပူးပေါင်းရင်းမြစ်များ

2 Samuel 1:21

Nijëna'a nëjkx jam kya'ëktuu kya'ëkpojnë, nän ka'ap yë maanik jam y'ëkëtaknëty, jam ma ja tun kopk txëëwatyën Guilboa, jä'ä ko ma tääpë itjotmën o'kën yë jam të y'ity. Jam yaj'atä'än yajtukta'antë ja tsiptuunpëtëjkëty ja pyujxnëty kyu'umënëty. Jam ojts yaj'ijxtëkooynyë ja pujxn mëti'ipë ijty ja Saúl nätyuk'akëëytyujkëpën.

Salmos 105:15

Këtii nëkoo ëxaty xynyatun xynya'ënëëmëtëty ya'atë ja'ayëty mëti'ipës të nwin'ixyën, ets ijxkëm nëkoo ëxaty xytyuntë xy'ënëëmëtë yë nkäjpxynyajxpëtëjkës.

Salmos 132:10

Mëët yë'ë ko yajkutujkpë David xynyi''ijxkëtä'äky mëti'ipë mëtuunëpën oy. Këtii xyjyä'äytyëkoyëty ja yajkutujkpë David mëti'ipë ojts kë'ëm xywyin'ixyën.

Salmos 2:6

Tëës nkënu'kxy mëti'ipës nyaj'ënä'ämäämpyën ma Sión kajpnën, ma Sión kopkën wa'atspë.

Salmos 20:6

Nija'apës ko yë Wintsën yë'ë yajmëta'akäämpy yë yajkutujkpë mëti'ipë kë'ëm të twin'ixyën; jam tsajpjotm y'ëtsoowinpita'any ets tyajmëta'aka'any tsipjotm.

Salmos 45:7

Mtsojkpy mja'ap yë oyajtën ets m'ëxëëk'ijxyp yë ëxëëkajtën. Paaty mijts, Dios të mwin'ixyë, yë Dios mëti'ipë mTios'ajtypyën, ets të mmo'oyë yë xoontakën wäänëni'ik këtiinëm jyëtu'unëty ja mmëku'uktëjk.

Salmos 81:6

Tëë ntuknipëjktu'uty ja mtsëmy mkejkykyijxy, tëë nyajyu'unkëmë ja mtuunk ma ënety mëk mtuny m'ëyoyën.

Salmos 84:9

Mijts Dios, ni''ijxkëta'ak mëti'ipës xy'akëëytyujk xy'axajtujktëpën, mëti'ipë mijts kë'ëm mwin'ijxën ets yajkutukëty.

Isaías 14:25

Nyajkutëkoyäämpyës yë Asiria ja'ay maas ja nnaax nkajpnën ets maas yë ntun nkopkën; jëtu'unyës n'atääna'any ntuktääna'any. Yë y'ënä'ämën kyutujkën ka'ap tjëkyepy o'ktëy tunëty yë nnaax nkajpnës, yë myëk'ajtën ka'ap tjëkyepy ëxëëk tmë''ëtë'ëtsëty.

Isaías 30:23

Yë Wintsën mtuknikäxanëp ja nëë tuu ma ënety të mni'ipy të mkojyën, jam mkamwinm mtu'uwinm may jam xyajpëtë'ëkëty ja tsajpmok ets ja mjë'kxy mpëky. Jä'ä xëëw ja mtsajpkaa nëjkx jyë'kxtë pyëktë ku'uxyë.

Isaías 37:35

Nkuwa'anäämpyës ets nyajtso'okäänpyës ya'atë naax kajpn mëët koos njot'aty ja ntuunpës David ets mëët koos mëj näjyëkyepyë.

Isaías 52:2

Jerusalén kajpn, pëtë'ëk, näwyinxitët ets mnaaxwäätsëty ma ja kutujktaknën. Sión kajpn, ma mijts myajpaatyën tä tu'uk to'oxy ëna'kën tsumpyë matsypë, näyo'käjtu'utët, ëxmajtsnë yë mkepy mëti'ipë mtëytyuunëpën.

Isaías 55:2

¿Wi'ix ko meeny nëkoo nyajtu'unmëty ma ka'ap tjëkyepyën wi'ix nkä'ämyëty n'ukmëtyën? ¿Wi'ix ko jam nyajtu'unmëty mëti'ipë nimëjaaw yajnitu'un yajniye'eyëpën, ma winë ka'ap jyotkëtä'äkyën? Mëtoow'itë mëti'ipës yam nikäjpxypën ets oy yajxon mkaytyëty m'uuktëty, xu'kx ets jotkëtä'äky.

Isaías 9:4

Jä'ä ko mijts të xyajjëwä'äky ja nätyiytyunë, ja ëyo'owën jotëko'oyën ets ja monyëtukyë ma ënety ja wintsëntëjkëty o'ktëy y'ëtë'ëtstën y'ëna'antën, ijxtëm jam Madián tëkok jyäjty kyëpejtyën.

Jeremias 30:8

Ëjts Wintsën mëti'ipë maaytyääyëpën winë, ëjts ënaanp: Nyajpëtsëmäämpyës yë nnaax nkajpnës ma y'ëyoy myëtunyën, ka'ap nëjkx y'ëk'ëyoow y'ëkmëtuunë tä tsajpkaa tmëyu'uyën yë kyukë'ë.

Ezequiel 30:18

Koos ënety nyajkutëkoy yë Egiptë kyutujkën etsës nyajkëjxta'ay ja myëk'ajtën mëti'ipë të nyätyukyajnaxyën mëj këjxm, nëjkxëp yë xëëw kyootsë jam Tafnes ets Egiptë kajpn yoots nëjkx nyitukyë, e ja Egiptë ja'ayëty tsumy matsy nëjkx yajmënëjkxta'atë wiink naax wiink kajpn.

Lucas 4:18

Ja Dios ja Jyot jya'awën ëjts nmëët'ajtëp, etsës të xypyëjktä'äky ma ja ëyoopëja'ayën etsës ntuk'ëwaanëtëty ja oy aaw oy ayuk, tëëjës xykyexy etsës n'ëwaanëty wi'ix tu'ukyë y'itëty mëti'ipë ijtëpën ijxtëm ja ja'ay pujxn tëkotypyën, ets y'ijxë'ëktëty ja kupi'its kukootspë, ets y'ëwaatsëpëtsëmtëty mëti'ipë yajtëytyuun yajtsaatsytyuuntëpën.

Juan 1:41

Yë'ë ojts tpaaty ja myëkä'äx Simón ets t'ënëmaay: Tëës npaaty ja Mesías mëti'ipë griego ayuk niwijpën Kristë.

Hechos 4:27

Tëyajtën yë'ë, ko yë Herodes ets ja Poncio Pilato yaa të ye'eymyuktë mëët ja mayjyä'äy, ma ya'atë kajpnën, jutiis ets mëti'ipë ka'ap jyutiisëty, ets ja mWa'ats Tuumpë Jesús të yajmëtsippëky, mëti'ipë të xywyinwitsyën.

1 Juan 2:20

Tëë miits ja Dios mmo'ojëtë ja Kënu'kxymyëkajtën, paaty ja tëypyë jaantypë xynyijawëtë.

1 Juan 2:27

Mmëët'ajtëp ja Kënu'kxymyëkajtën, mëti'ipë ja Wintsën Jesukristë mëët të mkënu'kxëtën, ets ka'ap xyajmëyatë ets pën myaj'ijxpëkëtëty, jä'ä ko ja Kënu'kxymyëkajtën mëti'ipë të mmo'ojëtën yë'ë mtuk'ijxpëjkëtëp winë, ets aakjä'ä yaj'ijxpëjkpy mëti'ipë mëtëyën, yë'ë ka'ap wyin'ëëny. Tu'ukyë mëët ja Kristë yajpaatë, jëtu'un tä ja Kënu'kxymyëk'ajtën të mtukni''ixëtën.