Isaías 10:18 - Biblia Dc en Mixe de Quetzaltepec

¹⁸ Nëjkxëp tyajkutëkooytyä'äy ja tun kopk, oy ënety oy të jyakëxë'ëky. Jëtu'un tyaj'awinpita'any tä tu'uk pa'amja'ayën mëti'ipë tëë myëjaawkëxyën.

Biblia Mixe de Quetzaltepec

¹⁸ Nëjkxëp tyajkutëkooytyä'äy ja tun kopk, oy ënäty oy të jyakëxë'ëky. Jëtu'un tyaj'awinpita'any tä tu'uk pa'amja'ayën mëti'ipë tëë myëjaawkëxyën.

Isaías 10:18 ပူးပေါင်းရင်းမြစ်များ

2 Reyes 19:23

Mëët ja ja'ay mëti'ipë mtukmëkäjxëpën ja m'aaw m'ayuk yë'ë mëët ja Wintsën ëxaty të xy'ënëëmë. Të m'ëna'any: Mëëtës ja mmaypyujxn wintëkäämpë, mëti'ipës nmëtsiptuunpyën, ¿tiijës xykyamayëp? Ëjts oyës muum tunkëjxm kopkkëjxm mpäta'anëty, oy jënu'un tyimtsipëty jam Líbano. Xymyäyëpës yë npuxëty nka'atsëty yë kepy oyëtypë mëti'ipës ntimtsyojkpyën, tä yë tsiinën ets ajë kepyën. Ëjts jampaatës nja'ty ma ja këjxmëtypë ja kopkën, ma janty yenyëtypë kepyën mëti'ipë oyëty këxë'kpën tä yë ujtskam pëjykyamën.

2 Reyes 19:28

E jä'ä ko tëëjës nijawë wi'ix mijts ja joot'an të mtuktëkëtyën ets wi'ix nëkoo m'atoy m'apojyën, tyam jëtu'un yam mijts ntuna'any tä ja'ay jyëjp yaj'ajëëpyën mëët yë pujxn, ëkë tä jëyujk yaj'awo'onë'ëkyën këtiipë muum kyuye'eyëty ets jatëkok mwinpitëty maatsow të minyën.

Isaías 10:16

Paaty ja Wintsën mëti'ipë maaytyääyëpën winë, yajmëjaawkukëxëjäämpy ja ja'ay mëti'ipë mëk näjya'awëyëpën, yë'ë yajminäämpy mëk jëënpa'am ets toopyëm ja jyot nyini'kx tjawëtëty.

Isaías 32:19

oy ënety muum ja ja'ay tëë ja tun kopk twinpujxtutaaynyëtë ets aanë'ëk tëëtsë'ëk ja naax kajpn yajpatnë.

Isaías 37:24

Je'eyë mtuunpë të xytyuk'ëne'emy ets të tnëxi'ik të tukxi'iktë yë Wintsën. Jëtu'un ojts m'ëna'any: Ëjts may kepy wintëkäämpë nmëët'atyës, jampaat muum kopkëjxm nja'tyës, jampaatës të nja'ty ma Líbano kyopk kupi'tykyën. Etsës të npujxë'ktaayë ja y'ajë kepy mëjëtypë ets tsiin kepy oyëtypë. Tëës ntukjëtijtëtyääyë tyun kyopk mëjëtypë ets yukjot kepyjyot mëti'ipë jëtu'un këxë'kpën pëjykyamën.

Isaías 9:18

Yë ëxëëktu'un ëxëëk kajpxën mëj këjää ëyo'onpëjktä'äky, jëtu'un tä patoyë jëënën, wa'ats tno'ktëkooytyä'äy aayjyot pejyjot ets aay kepy, ko wyimpapojy jëtu'un yaj'ixy pojxujtykyën.

Jeremias 21:14

Ëjts miits ntëytyunantëp ijxtëm mpaatëtën mëët mëti'ipë të xytyuntën; nyajtooypyëkäämpyës yë yukjot ets jampaat yë jëën y'ëwtita'any ma pya'a nyuxën. Ëjts Wintsën, ëjts ënaanp.

Zacarías 12:6

Jä'ä xëëw, jëtu'un tä jëënpajkën nyaj'awinpijta'aja'anyës yë wintsëntëjkëty mëti'ipë jam Judá yajpatëpën, ëkë jëtu'un tä jëënyä'änkën mëti'ipë akëxë'këpën ajktsjoty. Anajny aka'any nëjkx tyajtooytyëkoytyë yë naax kajpn mëti'ipë mëët tyu'kmëtsëpa'an'atën, e yë Jerusalén ja'ayëty jotkujk nëjkx jam kyajpnjotm jyuuky'ajtëpë.