Isaías 10:14 - Biblia Dc en Mixe de Quetzaltepec

¹⁴ Tëës ja wiink naax wiink kajpn ja wyit myeeny npëjkë ets ja nyaax kyam, jëtu'un tä joontsaa yajkoonpëtsëmyën ma joonpä'änën mëti'ipë tyaak të nyike'ekyën. Ka'ap pën wi'ix të y'ëti'itsy, ka'ap pën ja kyäkn të tyajyu'kxy ets ka'ap pën ja y'axokx të tyajyu'kxy.

Biblia Mixe de Quetzaltepec

¹⁴ Tëës ja wiink naax wiink kajpn ja wyit myeeny npëjkë ets ja nyaax kyam, jëtu'un tä joontsaa yajkoonpëtsëmyën ma joonpä'änën mëti'ipë tyaak të nyike'ekyën. Ka'ap pën wi'ix të y'ëti'itsy, ka'ap pën ja kyäkn të tyajyu'kxy ets ka'ap pën ja y'axokx të tyajyu'kxy.

Isaías 10:14 ပူးပေါင်းရင်းမြစ်များ

2 Crónicas 32:13

¿Këtii xynyijawëtë wi'ix ëëtsëty ëxëëk ja naax kajpn wiinkëtypë të ntuntënë? ¿Pën muum të y'ëk'ëna'any ko jä'ä ja Wyintsënëty të yajtso'okëtë?

Job 31:25

Ka'apës të n'ëna'any ko yë wit meeny yë'ëjës ntukjotkujk'ajtyp ëkë të n'ëna'anyës ko may yë wit meeny nmëët'atëtyës.

Proverbios 18:12

Ko ja'ay nyämyëjjawëty jää nyäyajtëkoyë, e ko ja'ay yu'unk naxym nyäyaj'ityë, jää wyimpety.

Isaías 14:6

mëti'ipë ënety tyiytyuunpyën ja naax kajpn mëët ja tsip äkë ets twopy tka'atsy ja ja'ay; mëti'ipë ja naax kajpn y'ate'empy tyukte'empyën mëët ja joot'an ets t'ixjëtity tpajëtity ja myëku'uk oy maa timpyaja'ty, ka'ap tmëët'aty ja pa'ëyo'owën najts'ëyo'owën.

Isaías 37:25

Tëës muum wiink it wiink naax nyaj'oyë nëëjut ets nëë të n'uukyës koos të ntëëtsë, tëëjës yë nëë nyajtë'ëtsy jap Egiptë jëtu'un tääjës jeexyë je'eyë njä'äxëtityën.

Isaías 5:8

Janty mon janty tuk miitsëty myajpaatë, nëkoopë mjëën mtëjk xynyijuuypyätë, nëkoopë mkam mtu'u xypyëjkta'aktë, ka'ap xy'a'ixëtë ets wiinkpë nyaax tpaatëty, ets të mtsënaaytyaknpëktë, jëtu'un tä jeexyë miits nätyu'uk nkajpn'atën.

Jeremias 49:16

Tëë mnätyukwin'ëënyë ko mnämyëjjaw të mnäjyääntyjyawëty, je'eyë ijty m'ëtsë'ëk m'ajawë. Tyam jam muum mtsëënë tsaa yuukjoty tsaakäätsjoty. Jam muum m'ity tunkëjxm kopkëjxm. Oy jënu'un m'ijtakn mtsënaaytyakn këjxm xynyipëjktaakëty jëtu'un tä witsn pyä'än muum t'oytyunyën këjxm ma ka'ap npatmëtyën, nëjkxëp jam nyajjënäky. Ëjts Wintsën, ëjts ënaanp.

Ezequiel 35:13

Mijts nëkooyë ojts m'aaw xyajwä'kxy koos ojts xytsyipwinkajpxë ets wi'ix kawi'ixëty ojts xynyikäjpxy xynyimëtyä'äkyës. Ojtsës nmëtoowta'ay.

Abdías 1:4

E oy jënu'un mjatsajpätëty tä witsnën ets oy jeexyë mpä'än xyjyapëjktakpë ma mëtsa'ajën, nëjkxëp jam nyajkënaxy.

Nahúm 2:9

Mä'tsta'atë yë poop pujxn. Mä'tsta'atë yë pu'ts pujxn. Nëkooyë myäy'ajnë ja wit meeny jam Nínive.