Isaías 1:9 - Biblia Dc en Mixe de Quetzaltepec

⁹ Kooxyëp yë Wintsën, mëti'ipë maaytyääyëpën winë ka'ap ni pën të tyajwë'ëmy juuky ma ëëtsajtëmën, jëtu'un jeexyë të njajtëm tä yë Sodomë kajpnën ets Gomorra kajpnën.

Biblia Mixe de Quetzaltepec

⁹ Kooxyëp yë Wintsën, mëti'ipë maaytyääyëpën winë ka'ap ni pën të tyajwë'ëmy juuky ma ëëtsajtëmën, jëtu'un jeexyë të njajtëm tä yë Sodomë kajpnën ets Gomorra kajpnën.

Isaías 1:9 ပူးပေါင်းရင်းမြစ်များ

Génesis 18:26

Ënet yë Dios y'ëtsooy: Pën npatypyës niwëxtyikxymyajk yë wa'ats ja'aytyëjk ma Sodomë kajpnën, mëët kyëjxmëpë yë niwëxytyikxymyajkpë wa'ats ja'aytyëjk npokymyä'kxtëpës yë'ëjëty.

Génesis 18:32

Ënet ja Abraham y'ënaankojnëpë: Tunë mëyajtën Wintsën, këtii m'äkëtëty mëët ëjts. Yi'iyës tyaapë njaakajpxäämpy ets täätsës n'ëmonëty. ¿Tii mtunäämpy ko xypyaatëty je'eyë nimajk yë wa'ats ja'aytyëjk? Ënet yë Dios y'ëtsooy: Koojës nimajk mpaatëty ka'apës yë naax kajpn nyajkutëkoyëty.

Génesis 19:24

Tä yë Dios tyajjëëntu'uy atsë'ëk ajawë jam Sodomë ets Gomorra.

1 Reyes 19:18

E kajts ënät ntimy ëna'anmëty ja'ay tyim o'kta'aja'antë, nyajwë'ëmäämpyës jam ma Israel kajpnën niwëxtujk mil yë ja'ay mëti'ipë ka'ap të twinkoxtänëtën yë Baal ets nän ka'ap të tsu'kxtë.

2 Reyes 19:4

Jääpëk yë mWintsën jeexyë të tmëtoy, wi'ixjaty të y'ënä'änyën yë Asiria ja'ay, tsiptuunpë wintsën, mëti'ipë je'eyë të myinyën ets ëxëëkjaty të tijy ja Wintsën juukpyë ets tkumëtowëty mëti'ipë yë Wintsën kë'ëm të tmëtoyën. E tyamts myajpëjktsoy ets xymyëkajpxëty ja Wintsën ets xykyukajpxta'akëty ja ja'ay mëti'ipë të jyaakwë'ëmtën juuky.

Isaías 1:8

Yi'iyë yë Sión të jyaak wë'ëmy jëtu'un tä tu'uk kamtëjkën, nätyu'uk jyaak yajpaaty ma tsatym kyamën. Tä tu'uk këtseytyëjkën ma melón kamën, Tä tu'uk kajpnën tëëpë myëtsip yajnatukyën.

Isaías 11:11

Jä'ä xëëw jä'ä jëmëjt nëjkx ja Wintsën jatëkok tyaj'ixyë ja myëj'ajtën ko tjä'äpëkëty ja nyaax kyajpn ets tyajtsoonëty jam Sirië Egiptë, Patros, Etiopíë, Elam, Sinar, Hamat ets jam ma ja naax kajpnën mëti'ipë mejy itkujkyën.

Isaías 11:16

Ko ënety ja Wintsën ja nyaax kyajpn jyajtmujkta'ay ets ko ënety tëë tsyo'ontaaynyëtë jam Asiria, mëjwiin ëwaatsë nëjkx në'ë tu'u tpaatë jëtu'un tä ijty tëëyëpën ko jap Egiptë tsyo'ontë.

Isaías 17:6

je'eyë jyaak yaja'amyetsy; jëtu'unyë jyaak yaj'ixy je'eyë tä tu'uk mäjtsk jyaakwë'ëmyën muum ujtstëëm ko yajwinxity, ëkë taxk mëkoxk je'eyë muum jyaakkëxë'ëky kepykyëjxm. Jëtu'un y'ënä'äny ja Israel ja Wyintsën Dios.

Isaías 24:13

Aakjëtu'un oy myaa'ajnë naaxwiinyëtë apëtsëmy, jëtu'un të jyäty tä ja'ay aceitunas twinwopyën, ëkë tä yajwin'ixyën yë tsatymtyëëm ko të yajpëjkmujkta'ay ja pëjktä'äky.

Isaías 24:6

Poky yë naaxwiinyëtë të y'ity, paaty o'ktëy të jyäty, Ja ja'ay mëti'ipë jam kukajpnajtëpën yë'ë ëyoowtëp paaty të nyiwäänëtë, ka'ap ja ja'ay y'ëknimay'ajnëtë.

Isaías 37:4

Jääpëk jeexyë yë mWintsën të tmëtoy wi'ix të y'ënä'änyën tääpë Asiria ja'ay mëti'ipë tsiptuunpëtëjk nyiwintsën'ajtypyën, ma ëxëëkjaty të tnikäjpxyën yë Dios juukpyë ets tëytyunëty ijxtëm pyaat'atyën, yë'ë Wintsën, Dios mëti'ipë mTios'ajtypyën tëë tmëtoy wi'ix të nyikäjpxyën. Paaty tyam yajnax wäänë ayuk ma Wintsënën ets tputëkëty mëti'ipë juuky jaakwë'ëmtëpën.

Isaías 46:3

Mëtoow'itë ya'atë aaw ayuk, miitsëty Jacob yë y'u'unk y'okëty mëti'ipë të wyë'ëmtën ma ja Israel kyajpnën: Tëë miitsëty ntsëëmjëtitë ka'anëm ënety mintënëm naaxwiiny naaxkëjxy; tëë ntsääntë nkontë,

Isaías 6:13

Oy ja ja'ay ënety jyaak wë'ëmtë jam kajpntum, nëjkxëp ja kyutëkoytyë näjyëtu'un, nëjkxëp jëtu'un jyäty tä tu'uk ja kepy yajwinpujxta'ayën yë y'ääy xye'enty tääts yi'iyë kepy kyopk jyaak wë'ëmy. E ma tääpë kepykyopkën, jamts ja jyi'tsk ok pyëtsëma'any.

Isaías 65:8

Yë Wintsën jëtu'un y'ënä'äny: Ko yë tsatsymtsya'am tëë yajxon tsyä'ämy ets tap yë nyëë jyätyë, ka'ap pën tyajma'aty yë tsatym nyëë. E näjyëtu'unës ntuknipëjktaakë ntuna'a mëët koos ntsoky njawë ja ntuunpëtëjkës, ja naax kajpn ka'apës nyajkutëkoyä'äny.

Jeremias 23:14

Tëës n'ixy wi'ix yë käjpxynyajxpëtëjk mëti'ipë Jerusalén kukajpnajtëpën, mëj këjää të tyuuntëkoytyë: Wiink ye'etyëjk wiink to'oxytyëjk mëët të y'ijt të tsyënaaynyëtë, je'eyë wyin'ëëntë y'anta'aktë; ni'ikyë tjotmëkmo'otë mëti'ipë tuuntëkooy kajpxtëkooytyëpën. Tääpë ja'ayëty jëtu'un tä yë Sodomë ja'ay, Gomorra ja'ayëtyën.

Jeremias 42:2

ets tnimiintë ja Jeremías käjpxynyajxpë ets t'ënëmaaytyë: Mëyajtën ëëts n'amëtowantëp ma mijtsën, niwaantso'ow nipëjktso'owëtëkës ma mWintsën Tiosën, këtii m'ëna'anëty ko ka'ap, maas niwäänë të nwë'ëmtën. Nimay ijty ëëtsëty tëëyëp, tyam niwäänë njaakyajpaatës, jëtu'un tä xy'ixyën.

Jeremias 50:20

Ëjts, Wintsën, jëtu'unës n'ëna'any: Jä'ä xëëw jä'ä jëmëjt yë Israel ja'ayëty ets ja Judá ja'ayëty ëwaatsëtum wyë'ëma'antë ma nyëë pyokyëtyën, jä'ä ko npokymyä'kxäämpyës mëti'ipës juuky të nyajwë'ëmtën.

Lamentaciones 3:22

E yë Wintsën, ijxtëm yajnijawën ka'ap yë tsyojkën jya'awën kyixy nyäxy ets y'oy jot y'oywyinma'any ka'ap kyukëxë.

Lamentaciones 4:6

Yë nnaax nkajpnës yë y'ëxëëktu'un y'ëxëëk kajpxënëty nëkooyë të kyëjääjënë këtiinëm jyëtu'un'ajtë yë Sodomë kajpn, mëti'ipë ojts poj'am kyutëkoyën ets mëti'ipë ka'ap pën nyitëkëtyën.

Ezequiel 14:22

Niwäänë nëjkx wyë'ëmtë mëti'ipë y'u'unk y'ëna'k jyaak mëkä'äktëpën. Ko ënety jam nyëjkxtë ma miitsëtyën, ënät nëjkx xy'ixtë wi'ix ënety winë tuntë ets tiijaty ënety të tuntën ets jëtu'un nëjkx mjotkujkmo'ojëtë ma ënety ja ëyo'on jam Jerusalén të nyajkëtä'äkyënës.

Ezequiel 6:8

Nyajtso'okäänpyës ja'ay nitu'uk nimäjtsk mëti'ipë ënety të kyäktso'oktën wiink naax wiink kajpn.

Joel 2:32

E tu'kë'ëyë mëti'ipë yë Wintsën y'ëwtajtëpën, nëjkxëp tsyo'oktë o'këntuuy; jä'ä ko jam ma Sión kopkën ets ma Jerusalén kajpnën, jam'ataanp ja nitsokën tä yë Wintsën të twinwanën. Mëti'ipë të twin'ixyën nëjkxëp jyuuky'atë.

Amós 4:11

Ojts ntukyajkutëkoytyë ëyo'on jotmay tä jam tyuunën jyajtën Sodomë ets Gomorra; jëtu'un yaj'ijxy tä ja'ay jëëntyuk tkajppëtsëmyën jëënjoty; e miitsëty kä'äpyëm ojts xynyiwinpitës. Jëtu'un yë Wintsën y'ënä'äny.

Habacuc 3:2

Tëkokyë yë m'aaw m'ayuk mëti'ipës të nmëtoyën, Wintsën ets mëti'ipë të xytyunyën, nmëjja'ap nkënu'kxyjya'apës mëjwiin këjää. Näyjyëtu'un ënät tyam winë tun maas yë njuukyajtënëtyën, jëtu'un tä tëëyëp winë xytyuunyën ets nijawëtëtyës. Tuk'ijxtëk ëëtsëty ko mijts mëët'ajtyp yë pa'ëyo'owën najts'ëyo'owën oy jënu'un mjajoot'anpëky.

Mateo 7:14

Temë ja najxtakn ets ja tu'u mëti'ipë nëjkxpën ma ja juukyajtën xëmëkyëjxmëpë, xu'uts jä'ä ets wäänë ja ja'ay tpaatë ets jap tyëkëtë.

Romanos 9:27

Mëëtpë ja jutiis ja'ayëty, jëtu'un ja Isaías y'ënäny: Oy ja jutiis ja'ay jyamay'atë ja y'u'unk y'okëty, ijxtëm ja jinën mëti'ipë mejypyë'aayën, niwäänë nëjkx tpaatë ja nitsokën,

Romanos 9:29

Ijxtëm ja Jeséas ënety të y'ënä'änyën: Ko jeexyë ja Wintsën mëti'ipë maaytyääyëpën winë të tkayajwë'ëmy ja u'unk ok, jëtu'un jeexyë tyam nyajpatëmë ijxtëm ja Sodomë kajpn ets Gomorra kajpnën.

Deuteronomio 29:23

Ets t'ixtëty ko ja naaxwiinyëtë je'eyë ënety të y'awinpijnë naaxwayën, naaxtooyën ets kaanën. Ka'ap nëjkx tjëkyepy wi'ix pën nyi'ipëtyën ets nitii'aay nitii'ujts nëjkx kyayony, jëtu'un jyata'any tä jam Sodomë ets Gomorra jyäjty kyëpejtyën ets jam Admá ets Seboím mëti'ipë ja Wintsën yajkutëkooyën ko tukjoot'anpëjky.

2 Pedro 2:6

Näyjyëtu'un ja Dios tyajkutëkooy jëënmëët ja Sodomë kajpn ets ja Gomorra kajpn, koonëm tyaj'awinpijtaay kuyjaam ets jä'ä t'ijxpajn'atëty ja ëxëëkja'aytyëjkëty mëti'ipë ënety juuky'atantëpnëm.

Apocalipsis 11:8

Tu'ujotm ja nyi'kx kyopk wyë'ëmta'aja'antë wijtstëy jam mëj kajpnjotm, ja kajpn ma ja Wintsën kyëruutspejtyën, yë'ë yajtijp yë Sodomë ets Egiptë kajpn.