Isaías 1:7 - Biblia Dc en Mixe de Quetzaltepec

⁷ Anë'ëk tëëtsë'ëk ja mnaax mkajpn të wyë'ëmnë, aak tooy aak jäämnëp je'eyë ja naax kajpn. Ma mjëën mtëjkëtyën ja mmëtsip jap winë jyë'kxtëp mëti'ipë miitsëty të xynyitunëtën.

Biblia Mixe de Quetzaltepec

⁷ Anë'ëk tëëtsë'ëk ja mnaax mkajpn të wyë'ëmnë, aak tooy aak jäämnëp je'eyë ja naax kajpn. Ma mjëën mtëjkëtyën ja mmëtsip jap winë jyë'kxtëp mëti'ipë miitsëty të xynyitunëtën.

Isaías 1:7 ပူးပေါင်းရင်းမြစ်များ

2 Crónicas 28:5

Paatykyëjxm ja Wintsën kyë'ëyajkë ets ja Siria ja'ayëty myëmëtakë, may ojts ja Siria ja'ayëty tyajnëjkxtë ja ja'ay tsumy matsy jam Damaskë. Ojts kyë'ëyäkyë näjyëtu'un ja Wintsën ma ja Israel ja'ayëtyën, mëti'ipë ëxëëk tuunën ets ka'ap yajmëtakë.

Salmos 107:34

yaj'awinpijtyp yë naax kaanmëxëpinëpë ma ënety winë të y'ity të wyintëyën, ko ja naaxwiinyëtë ja'ay ka'ap tukjaty wi'ix jyä'äy'atëtyën;

Salmos 107:39

Ko y'ooktë ets nyiwäänëtë ko ëxëëk yajtun yaj'ënëëmëtë, ëkë ko jyotmaypyaatë ets pyëkëtë y'ixëtë.

Salmos 109:11

Wä'än yë yajnu'kxpë tmënëjkxta'ay mëti'ipë jyä'ä'ajtypyën, wä'än yë wiink ja'ay tjä'ä'ajta'ay mëti'ipë të tnitunën.

Isaías 1:8

Yi'iyë yë Sión të jyaak wë'ëmy jëtu'un tä tu'uk kamtëjkën, nätyu'uk jyaak yajpaaty ma tsatym kyamën. Tä tu'uk këtseytyëjkën ma melón kamën, Tä tu'uk kajpnën tëëpë myëtsip yajnatukyën.

Isaías 3:8

Mëtëy jëtu'un ko yë Jerusalén ja'ayëty o'ktëy tyam jyatë kyëpätë, ets Judá ja'ayëty taj xit yajpaatë mëëtkyëjxm ko të tmëtëkoytyë yë Dios ets ko të tyajjoot'anpëktë mëti'ipë ënä'ämp yajkutujkpën.

Isaías 34:9

Ja wokjot mëti'ipë jam ma Edom y'itjotmën, o'tsnën jyajta'aja'any ja naax, yë naaxway tsääpyëm toopyëm jyajta'aja'any; ja naax kam jëtu'un nëjkx jyajta'ay tëë yowë tyooynyë, jëtu'un nëjkx jyäty kyëpety tä jam Sodomë ets Gomorra jyäjtyën.

Isaías 49:19

O'ktëy ja mnaax mkajpn të yajpaaty, tëë ja ja'ay ëxëëk y'ëti'itsy y'ënä'äny ma mijtsën; e tyam mayjyä'äy jam yajpaataanp ma mnaax mkajpnën, kamëta'akëp ënät ja m'it mnaaxwinyëtë mëët ja m'u'unk m'ëna'k. Mëti'ipë ëxëëk të mtunyën, jëkäm të nyëjkxta'atë.

Isaías 5:17

Nëjkxëp ja naax kajpn kyutëkooytya'atë. Jëyujk tënaaytyakn nëjkx y'awinpity ja kajpn. Yë'ë nëjkx jam y'ujts'oktë tsajppax ets kupixyny.

Isaías 5:9

Tëës xy'ënëëmë ja Wintsën mëti'ipë maaytyääyëpën winë: Kanaak ja jëën tëjk y'atëkoyä'äny; oy jënu'un oytyuny jyakëxë'ëky, ni pën nëjkx jap kyatsëënë.

Isaías 6:11

Ënätës ja Wintsën të n'ënëëmë: Wintsën, ya'atë yam xynyikäjpxyën, ¿jekyën jëtu'un y'ita'anyë? Täätsës të xy'ëtsoy: Koonëm ja naax kajpn kyutëkooytya'atëty ets jäänëm ma ënety ka'ap nitu'uk ja ja'aynyën; tëë ënety ja jëën tëjk tyukwatsta'ay, ets tëë ënety ja kam tu'u y'awinpijta'ay anë'ëk tëëtsë'ëk,

Isaías 60:15

Ka'ap nëjkx naspëk nastunë m'ëk ijnë ets ka'ap nëjkx pën m'ëk ëxëëk'ijxënë; nän ka'ap nëjkx nätyu'uk m'ëkmoon m'ëktujknë, ëjts mijts nyaj'itäämpy xëmë, tsuj xoontä'äky ets jotkujk nëjkx y'itë ja m'u'unk m'ok.

Isaías 62:8

Tëë yë Wintsën xyëëw tukajpxpety ets y'a'oykyë'ë të txajjë'ëky mëti'ipë maayëpën winë ets të y'ënä'äny: Nijëna'ajës nka'ëkyajkutujknë ets mmëtsip yë'ë tjë'kxtëty tkaytyëty yë mtsajpmok ëkë jaaypyo'kxyjyä'äy yë'ë t'uuktëty yë mtsatsym nyëë mëti'ipë të xynyitunën;

Isaías 64:10

Ix ja mnaax nkajpn aak aanë'ëk aak tëëtsë'ëk yajpatnëtë, ets ja Jerusalén kajpn tëë xit ko'ow jyajtaaynyë.

Isaías 9:18

Yë ëxëëktu'un ëxëëk kajpxën mëj këjää ëyo'onpëjktä'äky, jëtu'un tä patoyë jëënën, wa'ats tno'ktëkooytyä'äy aayjyot pejyjot ets aay kepy, ko wyimpapojy jëtu'un yaj'ixy pojxujtykyën.

Isaías 9:5

Ja kë'ëk mëti'ipë të tukye'eytyën ja tsiptuunpëtëjkëty, mëti'ipë të yajja'ay'ooktën, jëënjoty të yajkujëpijpëtya'atë ets jap të nyitoytyë.

Jeremias 2:15

¿Wi'ix ko jëtu'un myëtsip nyipëtë'ëkyë kaajën ets jëtu'un yaj'ixy ni'tsëp yowë? Xit ko'ow ja nyaax kyajpn të tyu'unxëtë; tëë nyino'kxta'ayxyëtë ja nyaax kyajpnëty ets ni pën juuky të kyawë'ëmy.

Jeremias 4:7

Jëtu'un ja mmëtsip të mnitsoonyë tä kaa pyëtsimyën ma myä'äy pyo'kxyën, tää ja wyinkony mëti'ipë yajkutëkoyäämpyën ja naax kajpn; tëë ja nyaax kyajpn t'ëxmatsy ets tyajkutëkoyä'äny ja mnaax mkajpn ets xit ko'ow tuunta'aja'any.

Jeremias 44:6

Ënet njoot'anpëjkyës ets n'ëwa'antäkyës, jëtu'un tä jeexyë yë jëën tsyooypyijkyën jam Jerusalén ets jam Judá ets të mya'taay ja naax kajpn, xit ko'ow të jya'ajtaay tyampaat je'eyëm jam.

Jeremias 6:8

Yaj'oyë mjot mwinma'any mijts Jerusalén, pën ka'ap, ëjts tim jëwa'akaanpës ma mijtsën; aanë'ëk tëëtsë'ëk nyaj'awinpita'anyës, ni pën jam nkayajtsëënëja'anyës ma mkajpnën.

Jeremias 7:34

Nyaj'atëkoyäämpyës yë ëëpë yaxpë ets äjtsën pujtën ma Judá kajpnën ets ma Jerusalén kajpnën, yë pëjkpë ukpë ka'ap nëjkx pën wyin'etsyë; tu'kë'ëyë naax kajpn aanë'ëk tëëtsë'ëk nëjkx y'awinpijta'ay.

Lamentaciones 5:2

Aak wiink naax wiink kajpn yajpaaty mëti'ipë ijty ëëts njä'ä'ajtëpën; ja njëën ntëjkëtyës wiink ja'ay ja tyam jyä'ä'ajnëtëp.

Ezequiel 25:4

E oy ko jyëtu'unëty, miitsëty jam nkë'ëyaka'antë ma ja naax kajpnën mëti'ipë yajpatpën xëëwpëtsëmtsyow, yë'ë nëjkx tjä'äniwa'antë yë mnaax mkamëty, nëjkxëp tpëjkta'aktë yë këwent'ajtpë ets nëjkx tkojtë jyëën tyëjkëty. Nëjkxëp tjë'kxta'atë mëti'ipë të xynyitunëtën ets t'ukta'atëty ja mtsi'tsk nëëjëty.

Ezequiel 30:12

Nyajkutukäämpyës ets Nilë mëjnëë tsyë'ëtsëty, yë'ëjës naax kajpn ntukë'ëtëkëjäämpy yë ëxëëkja'aytyëjk; jaaypyaat jaaypyo'kxy nëjkx ja naax kajpn tyajwë'ëmy xit ko'ow ets nëjkxëp mya'ta'ay winë mëti'ipë ënety yajpatpën ma naax kajpnën. Ëjts Wintsën ëjtsës jëtu'un të n'ëna'any.

Oseas 7:9

Wiink ja'ay të pyëjkëty yë jyot myëjaaw ets ka'ap të tjawë. Yë'ëpaat yë kyuwaay të pyoopëtyä'äy ets ka'ap të t'ixy.

Oseas 8:7

Ojts tni'iptë poj ets yë'ë yajpëtë'ëkantëp tuupoj; ka'ap nëjkx tyajpëtë'ëktë pyëjktä'äkyëty ma kyam tyu'ujëtyën, ka'ap nëjkx tmëët'atë yë tsyajpmokëty; e ko tjapaatëty wiink ja'ay nëjkx tjë'kxtë tpëktë.

Miqueas 5:11

Aak potsykyutukës nyajwë'ëmäämpy ma mnaax mkajpnën ets nyajijta'aja'anyës yë mnaax mkajpn mëti'ipë këwent'aty ets ta'tspëky yajpatpën.

Miqueas 6:13

Paaty të ntuknipëjktaakës ets ntëytyuna'any ets njo'otsa'any mëët ko të mpokytyuny.

Deuteronomio 28:33

Ja pëjktä'äky ets ja aaytyëëm ujtstëëm mëti'ipë ënety të xynyitunën, wiink ja'ay nëjkx tjë'kxy tpëky, mëti'ipë nikajëna'a të xy'ixyën. Ëxëëk nëjkx yë ja'ay xëmë mtunyë ets nijëna'a pën mkawinkutsë'ëkëtëty.

Deuteronomio 28:43

Yë jaaypyaat jaaypyo'kxyëty nëjkxëp myëkta'aktë ma mnaax mkajpnën, e mijts ni'ikyë ja mkutujkën kyujënakëty.

Deuteronomio 29:23

Ets t'ixtëty ko ja naaxwiinyëtë je'eyë ënety të y'awinpijnë naaxwayën, naaxtooyën ets kaanën. Ka'ap nëjkx tjëkyepy wi'ix pën nyi'ipëtyën ets nitii'aay nitii'ujts nëjkx kyayony, jëtu'un jyata'any tä jam Sodomë ets Gomorra jyäjty kyëpejtyën ets jam Admá ets Seboím mëti'ipë ja Wintsën yajkutëkooyën ko tukjoot'anpëjky.