Isaías 1:5 - Biblia Dc en Mixe de Quetzaltepec

⁵ Yi'iyë miitsëty mmëmaay mmëtajtëp wi'ix mkäjpxykyumëtoownaxtëtyën, ma mjot mnini'kxëtyën ka'ap t'ëkjëkyäjpnë ma myajwoptëty. Aak tsëtyut ja mni'kx mkopkëty, tëë mmëjaawkëjxnëtë.

Biblia Mixe de Quetzaltepec

⁵ Yi'iyë miitsëty mmëmaay mmëtajtëp wi'ix mkäjpxykyumëtoownaxtëtyën, ma mjot mnini'kxëtyën ka'ap t'ëkjëkyäjpnë ma myajwoptëty. Aak tsëtyut ja mni'kx mkopkëty, tëë mmëjaawkëjxnëtë.

Isaías 1:5 ပူးပေါင်းရင်းမြစ်များ

2 Reyes 1:13

Ënet ja yajkutujkpë mëtëkëëk'ok tkejxy ja tsyiptuunpë wintsën mëët niwëxtyikxymyajk ja tyuunpë. E ja tsiptuunpë wintsën mëti'ipë ënety yajkäjxpën ma ja mëtëkëëk'okpën, jam ojts tyimja'ty ma ja Elías yajpaatyën ets nyäkyoxtënaaytyakë ma yë'ëjën, tmënu'kxtäky: Tun mëyajtën, käjpxynyajxpë, ijxpatkës ets ja'amyäts koos njuukyajtën tsoowpatp ets näjyëtu'un ya'atë niwëxytyikxymyajkpë ntuunpëtëjkës;

2 Crónicas 28:22

E yë'ë oy ja amay jotmay tjapaty kä'äpyëm ja jyot wyinma'any tyaj'o'oyëy ets kä'äpyëm ja Wintsën tmëjpëjktäky, jëtu'un jyä'äy'äjty ja yajkutujkpë Ahaz.

Nehemías 9:34

Ëëts yë n'ënä'ämpëty nkutujkpëtëjkëty, nkopktëjkëty, nteetyëjkëty ets ja n'ap n'okëtyës ni pën tkakuuytyuuny oy ja m'ënä'ämën mtëyajtën oy xyjyatuk'ënëmaay ets xyjyatuk'ëwa'anëy.

Isaías 1:23

Yë mkutujkpëtëjk je'eyë kyäjpxykyumëtoownaxtë, jä'ä pyutëjkëtyëp mëti'ipë yaja'ay o'ktëpën. Aak meeny je'eyë myëmaay myëtajtëp ets jëtu'un winë tuntë ets yi'iyë pyatijtëp ma tii jëtu'unyë namëyajtën tpaatëty. Ka'ap ja ku'ooky u'unk nipaye'eytyë, ka'ap tja'amyätstë mëti'ipë ja ku'ookpyë to'oxytyëjk patëpën.

Isaías 31:6

U'unk maayëty, miitsëty Israel ja'ayëty, jootwinpitë jatëkok ma Tiosën mëti'ipë të xyajjoot'anpëktën.

Isaías 33:24

Ni pën nëjkx kya'ëna'any: Pëjkëpës. Yë Wintsën nëjkx tnime'kxy ja nyëë pyoky ja Sión ja'ayëty.

Isaías 9:13

E ja naax kajpn, kajts të tmëj'ixy të tmëjpëjktä'äky ja Wintsën, oy jënu'un të jyatëytyunyë; nijënu'un të kyaja'ty wyinma'anyjoty ets jeexyë të t'ixta'ay ja näypyutëkë ma Wintsënën mëti'ipë maaytyääyëpën winë.

Isaías 9:21

Ja Manasés ja'ay nyipëtë'knëtëp ja Efraín ja'ay, ja Efraín ja'ay nän nyipëtë'knëtëp ja Manasés ja'ayëty ets yë'ëjëty tëë näjyëtu'un tnipëtë'ëktë ja Judá ja'ayëty. Ja Wintsën kä'äpyëm jyotxeemy, je'eyëm ja ëyo'on jotmay tyajkëtä'äky.

Jeremias 13:23

¿Wä'än jëtää yë yëk ja'ay nyätyëkatsëtëty poopë? ¿Wä'än jëtää yë kaa nyätyuknipëjktu'utëtëty yë kyats'ajtënë? Näyjyëtu'un miitsëty ka'ap tjëkyepy mnäyajtëkatsëtëty, miitsëty ëxëëkpë të xy'ijxwë'ëmtë, ka'ap tjëkyepy oypyë xytyuntëty.

Jeremias 17:9

Nitii jëtu'un kyawin'ëëny ets nitii jëtu'un kyayajtsojkën'aty tä yë jot winma'anyën. ¿Pën y'ëkja'akyukëp wi'ix ko jyëtu'unëty?

Jeremias 2:30

Nëkoopë ntëytyuuntës m'u'unk m'ëna'këty, ka'ap tja'akyujkëtyë mëti'ipës njatsojkën jeexyë tja'akyukëtën. Miitsëty kë'ëm, jëtu'un tä kaajën ojts xyaj'ooktë ja nkäjpxynyajxpës.

Jeremias 44:15

Ënet ja ye'etyëjkëty mëti'ipë nyija'awëtëpën ko ja tyo'oxytyëjkëty wiink tios të tmo'otë ja wyintsë'kën ets ja to'oxytyëjkëty mëti'ipë ënety jap Egiptë tsënaaytyëpën ëpa'tkë'ëytsyow mëët ja jutiiyë ja'ayëty, ojts t'ëtsoowtë ja Jeremías.

Jeremias 5:3

Wintsën, mijts yë'ë m'ixtääpy ja'ay mëti'ipë oyjyot wyinma'anyën. Ojts xyjyatëytyuny, yë'ëjëty ka'ap ojts tjawëtë; taj xit xyjyatuuny, kä'äpyëm tjajtë. Kujuun je'eyë nyäpyëjktakëtë këtiinëm yë tsaa, ka'ap tniwinpijtë ja oypyë ja në'ë tu'u.

Jeremias 5:31

Mëti'ipë käjpxynyajxpëtëjk jyanikajpxtëpën ka'ap myëtëyëty; yë teetytyëjkëty jëtu'un ja naax kajpn t'ënä'ämtë tä yë'ë kë'ëm wyinma'anypyaatën ets ja nnaax nkajpnës y'oy'ijxyp ja jëtu'unpë. E yë'ëts ënät, ¿tii miitsëty mtuunta'aktëp ko ënety ja jëtu'unpë kyixy nyäxy?

Jeremias 5:5

Yë'ëjës nmëmëtya'akäämpy yë ja'ayëty mëti'ipë mëj'äämpy ijtëpën naaxjoty kajpnjoty. Yë'ëjëty wa'ats tnijawëtë tii yë Wintsën tsyojkpyën ets tii nyi'ënä'ämëpën. E ni'ëmukë ënety të tkäjpxykyumëtoownaxtë ja Dios, ka'ap të tkupëktë ets tmëmëtowtëty.

Jeremias 9:3

Janty jëjp'ijxp tyim'itë ets wyin'ëëna'antë, jëtu'un tä ja'ay muum tyi'pxn tmë'u'unyën janty jëjp'ijxp tyim'ity. Je'eyë ja'ay wyin'ëëntë y'anta'aktë naaxjoty kajpnjoty, ni pën kyamëtyä'äky mëët ja tëyajtën; ni'ikyë mya'taaynyëtë, ëjts ka'apës pën xy'ixy'äty. Jëtu'un ja Wintsën y'ënä'äny.

Lamentaciones 5:17

Paaty ëëts ja n'aaw njotëty pyëktë y'atontë; paaty ëëtsëty ja n'ijxën myoonëtë.

Ezequiel 24:13

Mijts Jerusalén tëë njayajwa'atsa'any ma të m'ëxëëkën ko naspëkë të mjuuky'äty, je'eyëp ko ka'ap mwa'atsy. Jäänëm tëy mwa'atsëty koos ënety ntsip n'äkë nyajnaxy ma mijtsën.

Ezequiel 34:16

Nëjkxëpës n'ixta'ay ja kupixyny tëëpë tyëkoyën, mpatäämpyës ja mëti'ipë tëkoy'ijtpën, mpitäämpy nmotsäämpyës mëti'ipë tsëtyutën, mputëkëjäämpyës mëti'ipë ëmaay paki'ixën ets nkëwent'atäämpyës mëti'ipë mëkën ets ni'kxën. Jëtu'unës nkëwent'ata'any ijxtëm pyaat'atyën.

Ezequiel 34:4

Miitsëty ka'ap xypyutëkëtë kupixyny paki'ixëtypë, ka'ap xytsyooyëtë mëti'ipë pëjkëp ijxëpën, ka'ap xypyijtëtë xymyojtsëtë yë tyeky mëti'ipë tekytyëjën, ka'ap xy'ixta'atë mëti'ipë ye'eytyëkooytyëpën, mëti'ipë jyayajmëyäjtypyën ja näypyutëkë ni'ikyë ëxëëk xytyuntë.