Isaías 1:4 - Biblia Dc en Mixe de Quetzaltepec

⁴ Mëkës njajantyjyawë ko je'eyë nëë poky tuntë tkajpxtë, ja naax kajpn mëti'ipë je'eyë ëxëëkpë myë'ijtypyën, ets ja ja'ay mëti'ipë je'eyë jyot wyinma'any yajtëkooytyëpën; ja u'unk ëna'k ka'apë nijënu'un jyä'äkyukëtën. Tëë ja Wintsën tmëjëkämkäknëtë, tëë tpuwa'ktutnëtë ja Dios mëti'ipë wa'ats yajpatpën jam ma Israel ja'ayëtyën, tëë yajxon t'ëxmajtsnëtë.

Biblia Mixe de Quetzaltepec

⁴ Mëkës njajantyjyawë ko je'eyë nëë poky tuntë tkajpxtë, ja naax kajpn mëti'ipë je'eyë ëxëëkpë myë'ijtypyën, ets ja ja'ay mëti'ipë je'eyë jyot wyinma'any yajtëkooytyëpën; ja u'unk ëna'k ka'apë nijënu'un jyä'äkyukëtën. Tëë ja Wintsën tmëjëkämkäknëtë, tëë tpuwa'ktutnëtë ja Tios mëti'ipë wa'ats yajpatpën jam ma Israel ja'ayëtyën, tëë yajxon t'ëxmajtsnëtë.

Isaías 1:4 ပူးပေါင်းရင်းမြစ်များ

Génesis 13:13

Ja ja'ayëty ja jampë tsyëënëtën Sodomë ëxëëk ënety jyä'äy'atë. Ets aakjä'ä ënety ja pokytyuuntëp, mëti'ipë Dios ka'ap ninu'un tsokyën.

2 Reyes 21:22

Jëtu'un ojts ja Wintsën ëpëky tpëjktaknë, mëti'ipë y'ëwtajtën ja y'aptëjk ets ka'ap tii oy tuuny jëtu'un tä ënety jyayajtuk'ëne'emyën.

2 Crónicas 12:1

Ko Roboam nyäjya'awëyë tëë jyotkujkë ma ja kyutujktaknën ets amëk jotmëk yajpaaty, ënät ojts ka'ap t'ëkpatuunë ja Wintsën ja y'ënä'ämën tyiyajtën ets ja Israel ja'ayëty aakjëtu'un ojts y'ëtëtstaknëtë.

2 Crónicas 27:2

Jotam oy winë tuuny ma Wintsënën, jëtu'un tä Uzías ënety winë të tunyën mëti'ipë yë'ë tyeety'ajtën. Je'eyëp ko yë'ë ka'ap jap tsajptëkoty tyëjkëy. E oy jyajëtu'unëty ja naax kajpn je'eyëm ojts winë ëxëëk tuny tkäjpxy.

Nehemías 1:7

Ja ëxëëkjatypë ëëts ja në'ë tu'u të mpanëjkxtëjkënëtë mijts mwintuuy; ja ënä'ämën tëyajtën, ja m'aaw m'ayuk ka'apës të mpatuntë tä mijts xyatsokyën, mëti'ipë ja mtuunpë Moisés mtuknipëjkën etsës xymyo'otëty.

Salmos 58:3

Yë ëxëëkja'aytyëjk jëtu'un tmëmëxu'unk'atëtë ëxëëk jot ëxëëk winma'any, yë antakpëtëjk ka'anëm myintë naaxwiiny ko yajpaatë jëkäm mëët ja tëyajtën.

Salmos 71:22

E ëjts, mëti'ipës xypyatpën, n'ëwäämpyës yë ëy ets nmëjpëjkta'aka'anyës ko winë oy xytyuny, nyaj'ëna'anäämpyës yë xijn ets kow, Dios, mëti'ipës nTios'ajtypyën, Wa'atspë mëti'ipë yë Israel ja'ay y'ëwtajtëpën.

Salmos 78:40

Kanaak ok ojts tkäjpxykyumëtoownaxtë yë Dios yë y'ënä'ämën ets ojts mëj këjää tyajmon tyajtuktë jam të'ëts'itjotm.

Salmos 78:41

E ka'ap wyinjekyëty ijty ja Dios tyajjotkëxtë, ets jëtu'un tyajmon tyajtuktë ja Wa'atspë jampë yajpaatyën Israel.

Salmos 78:57

Tä näjyëtu'un y'ëtëtstë tä ja tyeety y'apetyën, ojts t'ëxmajtsnëtë ets ka'ap ojts oy t'ëkmëmëtoownëtë, je'eyë ojts yë jyot nyini'kx twiitë tä yë kepyën ka'apë oy yaj'uuyën.

Salmos 78:8

ka'ap jëtu'un jyä'äy'atëty tä ja y'ap y'okëty y'ëtëtstën, je'eyë kyäjpxykyumëtoownajxtë ka'ap ojts tëy tëtä'äky ja jyot wyinma'any tmëët'atë, ets ka'ap ja Dios oy tmëtuuntë.

Salmos 89:18

Yë'ëjës xykyuwantëp yë Wintsën. Yë nkutujkpëtyës, yë'ë jam Israel wa'ats yajpatp.

Éxodo 32:7

Ënet ja Dios t'ënëmaay ja Moisés: Jotëkoy ets mjëjpta'akëty jap ëpa'tkë'p, jä'ä ko ja mnaax mkajpn mëti'ipë jap myajpëtsëëmën Egiptë, tëë ja nyäyajtu'utëkoyëtë.

Isaías 1:23

Yë mkutujkpëtëjk je'eyë kyäjpxykyumëtoownaxtë, jä'ä pyutëjkëtyëp mëti'ipë yaja'ay o'ktëpën. Aak meeny je'eyë myëmaay myëtajtëp ets jëtu'un winë tuntë ets yi'iyë pyatijtëp ma tii jëtu'unyë namëyajtën tpaatëty. Ka'ap ja ku'ooky u'unk nipaye'eytyë, ka'ap tja'amyätstë mëti'ipë ja ku'ookpyë to'oxytyëjk patëpën.

Isaías 1:28

Apux tukpuxës ntuna'any mëti'ipë käjpxy kyumëtoownajxtëpën, ets mëti'ipës ënety xy'ëxmajtstëpën nëjkxëp y'ooktë.

Isaías 10:6

Nkäxäämpyës tu'uk yë kajpn ëxëëkpë kyajpn'atyën ma ja kajpnën mëti'ipës të xyajjoot'anpëkyën; yë'ë myajts'ta'ajäämpy ets tpëjkëtya'aja'any mëti'ipë myëët'ajtëpën, tääpë kajpn jëtu'un nëjkx t'atään tuktääntë tä ja'ay naax tä'än'ookyën.

Isaías 12:6

Xi'iktë xontë miitsëty naax kajpnëty mëti'ipë tsënaaytyëpën jam Sión, jä'ä ko yë Wintsën, wa'atspë, mëti'ipë yajpatpën ma Israel kajpnën tam yajpaaty ma miitsëtyën mëët tu'kë'ëyë ja myëj'ajtën.

Isaías 14:20

Mijts ka'ap nëjkx mnaaxtëkë tä wiinkëtypë yajkutujkpë të nyaaxtëkëtën, jä'ä ko mijts xit ko'ow ojts mnaax mkajpn xytyuny, je'eyë mmëkunaax mmëkukajpn të xyaj'ooky të xyajtëkoy. Ja y'u'unk y'ok ja ja'ay mëti'ipë ëxëëk të y'ëti'itsy të y'ënä'änyën ka'ap nëjkx jeky jyuuky'äty.

Isaías 29:19

Ja ja'ayëty mëti'ipë yu'unk naxym yajpatëpën xoonta'akantëp jatëkok ma Wintsënën, mëti'ipë ëyoow jotëkooytyëpën jotkujk nyäjawëja'anëtë ma Tiosën mëti'ipë Israel ja'ayëty y'ëwtajtëpën.

Isaías 3:8

Mëtëy jëtu'un ko yë Jerusalén ja'ayëty o'ktëy tyam jyatë kyëpätë, ets Judá ja'ayëty taj xit yajpaatë mëëtkyëjxm ko të tmëtëkoytyë yë Dios ets ko të tyajjoot'anpëktë mëti'ipë ënä'ämp yajkutujkpën.

Isaías 30:1

Jëtu'un ja Wintsën y'ënä'äny: Janty mon janty tuk yajpaatë ja u'unk ëna'k mëti'ipë ka'ap jyä'äkyukëtën, mëti'ipë winë tyuknipëjktakëtyëpën ets ka'apës xyajtëwtë, mëti'ipë tii tyuuntëpën ets ka'apës y'ëjtsëty nwinma'anymyo'otë, jëtu'un ni'ikyë ja pyoky tyajmayëtë.

Isaías 30:15

Jëtu'un y'ënä'äny ja Wintsën, Wa'atspë yajpaatyën ma Israel ja'ayëtyën: Jootwinpitë ets mjotkujk'atëty; xeemy ets tu'uwitsy nëjkx mjuuky'atë, yë'ë mtukjotmëk'atëp. Je'eyëp ko miitsëty ka'ap oy ja jëtu'unpë xymyëtowtë,

Isaías 30:9

Ya'atë naax kajpn je'eyë kyäjpxykyutëjy, ka'ap wyintsë'ëkë, ka'ap nijënu'un tmëtowa'any ja Wintsën ja y'ijxpëjkën.

Isaías 31:2

E yë'ë nän tyukjajtyp wi'ix ja ëyo'on jotmay tpëjkta'akëtyën, ko tii tnikäjpxy ka'ap ok y'ayuk tukxi'iky. Yë'ë ëxëëk tyajjata'any tyajkëpäta'any ja mëti'ipë tuuntëkoopy kajpxtëkoopyën ets mëti'ipë ëxëëk ëtëtsp ënaanpën.

Isaías 37:23

¿Pën xyjyëjp'ixy të xynyëxi'iky të xytyukxi'iky? ¿Pën xyjyëjp'ixy wyintsë'kën të xyajtëkooyë ets mëj këjxm mnäyajnaxyë ma yë'ëjën? Yë'ë Dios, Wa'atspë yajpaatyën ma Israel kajpnën.

Isaías 41:14

Jëtu'un yë Wintsën y'ënä'äny: Mijts Israel, Jacob yë nyaax kyajpn, oy mutskëty ets mxyëëpëty, këtii mtsë'ëkëty, tyam mputëkëty. Ëjts Wintsën, wa'atspë yajpaatyën ma Israel ja'ayëtyën, ëjts mijts xynyitsokpë'ajtp.

Isaías 41:16

Ets nëjkx xywyimpojy, wä'än tpapojta'ay; wä'än yë tuupoj yë'ë yajnëjkxyë. Ets mijts akujk jotkujk yë Dios xytyukxoonta'akëty, ja Wa'atspë yajpaatyën jam ma Israel kajpnën.

Isaías 41:20

ets tëkokyë yë ja'ay nijawëtëty, tmëmay tmëtajtëty ets tja'akyukëtëty, ko Dios winë të tyajkojy, mëti'ipë jam yajpatpën ma Israel ja'ayëtyën ets yë'ë winë të tpëjktä'äky.

Isaías 5:19

Miitsëty mëti'ipë ënantëpën: Wä'än yë Dios tsojkyë tuunkojy tii tyunäämpyën ets n'ijxmëty; wä'än tsojkyë tuunkojy mëti'ipë të tuknipëjktaakën, ets nija'awëmëty.

Isaías 5:24

Paaty miitsëty, jëtu'un nëjkx mjatë mkëpätë tä aay pu'uxm nyitoyën ets tä aaykyëta'ak jaam jok jyätyën, tä yë kepypyu'utë'ëkyën ets tä yë pyijy tyëtsta'ayën ets naax y'awinpity. Mëët ko ja Wintsën mëti'ipë maaytyääyëpën winë ja y'ijxpëjkën ets ja y'ënä'ämën ka'ap të xypyatuunëtë.

Isaías 57:17

Mëët ko yë Israel pyokytyuny, ojtsës tëkok njoot'anpëky, ojtsës ntukëpety etsës ntimy'ëxmajtsy; e yë'ë ni'ikyë ojts wyinma'any mëk tpëjktä'äky ets ëxëëk y'ëtity y'ënäny.

Isaías 58:2

Xëmës xyjyajanty ixta'atës, ets janty jotkujk nyäyajnaxëtë ko t'ixy'atë ja nnë'ë ntu'ujës. Jëtu'un nyäyajnaxëtë tä tu'uk kajpnën mëti'ipë aak'oy winë tyuunpyën, ets ka'apë tkumëtoownaxyën yë n'ënä'ämënës ntëyajtënës; ja mëtëypyë ja ënä'ämën jä'äs xy'amëtoowtëp, ets janty'oy janty xoontä'äky nyäyajnaxëtë koos xymyëwinkontë,

Isaías 65:11

E miitsëty wiink të m'ëtëtsnëtë, ni'ikyë ja Wintsën të xy'ëxmajtsnëtë, ka'ap jam të m'ëkyajpatnëtë maajës ja nkopkën kënu'kxypyë, jä'ä ja ka'ayën ukën të xytyukwintsë'ëkëtë ja tios Gad ets ja tios Mení mëti'ipë ja'ay tyijtëpën yajkumeenytyakpë.

Isaías 65:3

ja naax kajpn mëti'ipë ëjts nwintuuyës të xymyëtëkoyën; mëti'ipë ja wintsë'kën të tmo'oyën ja wiink tios jam muum aayjyotm ujtsjotm; ets të tukwintoy tukwinjoky ja poom ma ja wintsë'këntyaknën mëti'ipë muutsy pyotsyën;

Isaías 9:17

Paatykyëjxm ja Wintsën ka'ap të tpa'ëyoy ja ëna'ktëjk, ja ku'ooky u'unktëjk ets ja ku'ookytyo'oxy. Jä'ä ko aak ëxëëk ja ja'ay ja jyot wyinma'anyëty, aakyë'ë myääytyëp tyajtëp ka'apë mëpaat tuntën, ko kyajpxpëtsëmtë tsaatsy ma'atëty yajmëtoy. Paatykyëjxm ka'ap ja Wintsën ja jyoot'an xyeemy ets ka'ap tyajjëwä'äky ja tsyip y'äkë.

Jeremias 15:6

Mijts tëëjës xy'ëxmatsy, mjëxkës je'eyë të xytyuk'akë'ëy. Ëjts Wintsën, ëjts ënaanp, paatykyëjxmës të n'ënu'kxënë, tëëjës yë nmä'kxtujkën kyëjxnë etsës mijts të nixajë'knë, të ntëytyuny ets tëë nyajkutëkoy.

Jeremias 2:13

Yë nnaax nkajpnës mäjtsk ok nipëtë'ëkës të xymyëtëkoy: ojtsës xy'ëxmatstë ma ënety ëjts xywya'antën nëëkopkën mëti'ipë yajjuuky'ajtpën, ojts tnitajëtë kë'ëm ja nyëë ma ja nëë tëyë nyäxyën.

Jeremias 2:17

Paaty jëtu'un të mjaty jä'äkyëjxm koos ëjts të xy'ëxmatsy, ëjts yë mWintsën Dios mëti'ipë ijty mtu'uwinwoowëpën.

Jeremias 2:19

Mkë'ëm ëxëëk winma'any o'ktëy mnätyuktunanëp, mëët ko xykyamëj'ixy ja Wintsën. Mëmay mëtaj wi'ix xykyujatëja'anyën ets wi'ix ta'amëm xyajja'awëkyëta'aka'anyën mëët koos të xy'ëxmatsy ets koos të xykyamëjpëjktä'äky ëjts yë mWintsën Dios. Ëjts Wintsën mëti'ipë maaytyääyëpën winë, ëjts ënaanp.

Jeremias 2:31

Näyjyëtu'un miitsëty mëti'ipë tyam juuky'ajtëpën, mëtoow'itë ja Wintsën ja y'aaw y'ayuk. Miitsëty Israel ja'ayëty, ¿jëna'a të n'ëk'ëxmajtstëpë të'ëts'itum, ëkë jëna'a muum akootstuuy të n'ëkyajwë'ëmtëpë? Nnaaxës nkajpnës, ¿wi'ix ko ënät m'ëna'antë: Ëwaatsëtuuy ëëts nyajpaatë, ka'ap pën m'ëk ninëjkxanënë?

Jeremias 2:33

Wa'ats yowë në'ë tu'u xynyija'awëtyääynyë ko xynyitsoony yë ye'etyëjk mëti'ipë mëët mnäpyajëtityën. Yaj'ijxpëjkpën mnajxnë ma ja pokyën.

Jeremias 2:5

Jëtu'un ja Wintsën m'ënë'ëmxëtë: ¿Tii jëtää ojts ëxëëk t'ixtë maas ëjtsën ja m'ap m'okëty koos xy'ëxmajtstë? Yë'ë ojts tpanëjkxtëkëtë wiinkëtypë tios ka'apë tii mëj'ajtën tmëëtëtyën, yë'ëjëty ka'ap tii tpatë t'ijxtë.

Jeremias 32:32

tëë tyajma'atë ja njot nwinma'anyës ko yi'iyë tyuuntëp kyajpxtëp ëxëëkpë tëkatsypë, yë Israel ja'ayëty ets Judá ja'ayëty, yajkutujkpëtëjk, kopktëjkëty, teetytyëjkëty, käjpxynyajxpëtëjkëty ets tu'kë'ëyë Judá ja'ayëty ets Jerusalén ja'ayëty.

Jeremias 50:29

Mëkajpxta'atë nitëkokyë yë ti'pxpëtëjkëty ets tnitëkëtëty yë Babilonyë kajpn. Yajnatujkta'atë yë kajpn këtiipë pën kyä'äkëty. Tukumëtowtë ijxtëm pyaatëtën. Tuunwinpitë ijxtëm ojts mtunëtën. Jä'ä ko yë'ë je'eyë të kyujuun'ooky maas ëjtsën, mëët ëjts mëti'ipë Wintsënën, mëti'ipë yë Israel ja'ayëty Tyios'ajtëpën.

Jeremias 51:5

Jä'ä ko yë Israel ja'ayëty ets Judá ja'ayëty, tëë pyokytyuntë mëjwiin këjää ma naax kajpnën, ëjts Wintsën mëti'ipë maaytyääyëpën winë, mëti'ipë yë Israel ja'ay Tyios'ajtypyën, ka'apës tu'ukyë yë Israel ja'ay nja'atyëkoytyë.

Jeremias 7:19

E kajts y'ëjtsëty y'ëxëëktuntë, kë'ëm nyäy'ëxëëktunëtë ets kë'ëm tmëxuuk tmëjoktëty. Ëjts Wintsën, ëjts ënaanp.

Jeremias 7:26

E miitsëty ka'apës xymyëmëtowtë ets ka'apës nijënu'un xytyimmëjpëjkta'aktë, ni'ikyë wiinkjaty m'ëtëtsta'aktë këtiinëm ja m'ap m'okëty.

Ezequiel 14:5

Ëjts ntuktëkëjäämpy yë jyot wyinma'any yë Israel ja'ayëty mëti'ipës të xy'ëxmatstën ko të tpanëjkxtëkëtë ka'apë tyiosëtyën.

Ezequiel 16:33

Yë kujenytyo'oxy nyipëjkpy yë jyot nyini'kx; e mijts ni'ikyë xynyayäky yë mjot mnini'kx ma ye'etyëjkëtyën ets ni'ikyë xymyëjuy ko muum wiink naaxwiinyëtë tsyoontë ets mëët mpokytyuny.

Ezequiel 16:45

Mijts yë'ë ojts xytyaak'aty tu'uk yë taak mëti'ipë ijty y'ëxëëk'ijxypyën yë nyiye'etyëjk ets y'u'unk y'ëna'k; näjyëtu'un ja mtsë'ëtëjk y'ëxëëk'ijxtëp ijty ja nyiye'etyëjk ets ja y'u'unk y'ëna'k. Miits yë mtaakëty Hit ja'ay ijty ets mteetyëty Amor ja'ay.

Daniel 9:11

Tëkokyë yë Israel ja'ayëty tëë tkäjpxykyumëtoownajxta'atë ja mtëyajtën; paaty ëëtsëty o'ktëy të njat të nkëpätë jëtu'un tä jap myinyën këxja'ay ma ja ënä'ämën tëyajtënën mëti'ipë Moisés jyääyën, mëti'ipë mtuunpëajtën, jä'ä ëëtsëty tëëjës ntëkoytyë.

Sofonías 1:6

Nyajkutëkoyäämpyës näjyëtu'un mëti'ipës xynyawa'ktutpën, mëti'ipës ka'ap xy'ixta'ayën ets mëti'ipës ka'ap tii xyajtëyën.

Mateo 11:28

Nimiintëkës ni'ëmukë mëti'ipë të y'ënu'kxëtën mëët ja tuunk ets ja tsëmy kë'ëy, ëjts miits nyajpo'kxantëp.

Mateo 23:33

Jëtu'un miitsëty tä tsa'anyën, tsa'any mteety'ajt mtaak'ajtëp, ¿wi'ix xykyukä'äka'antë ja tëytyu'unën mëti'ipë jap ëyoowtaknjoty?

Mateo 3:7

Ko ja Juan Yajnëëpäjtpë t'ijxy ko may ja fariseë ja'ayëty ets satuceë ja'ayëty nyiminyë ets tyajnëëpätëty, ënät t'ënëmaay: Tsa'any miits mteety'ajt m'ap'ajtëp, ¿pën të m'ënë'ëmxëtë ko xykyukä'äktëty ja ëyo'on mëti'ipë miimp këtakpën?

Romanos 8:7

Pën myääytyëp tyajtëp mëti'ipë ja ni'kx kopk tsyojkpyën, myëtsip'ajtëp ja Dios, jä'ä ko ka'ap ja Dios ja y'ënä'ämën tsojkëtë ets ka'ap tpatuunëtë.

1 Corintios 10:22

Ëkë ¿yë'ë Wintsën nyajjoot'anpëka'anëmë? ¿Wäänë mëj jëtää ja winma'any nmëët'ajtëm këtiinëm yë'ëjë?

Deuteronomio 29:25

Tä nëjkx yaj'ëtsowtë: Yë'ëkyëjxm ko të tkamëjpëjkta'aktë ja käjpxytyu'unën, mëti'ipë yë Wintsën yë y'aptëjk Tyios'ajtëpën, mëti'ipë jap ju'tëtë Egiptë.

Deuteronomio 31:16

Ënet yë Wintsën t'ënëmaay yë Moisés: Wäänë y'itëty tääts m'o'knëty. E ya'atë naax kajpn ënätyë yë jyot wyinma'any tyajtëkoya'antë ets wiink wintsën ënätyë pyanëjkxantëp pën jëtu'unyë y'itë, ko ja Wintsën t'ëwtatëty mëti'ipë jam yajpatëpën ma ja naax kajpnën, mëti'ipë nyiwa'akantëpën. Ëjts nëjkxëpës xyjyä'äytyëkooynyëtë ets ja käjpxytyu'unën ka'ap nëjkx t'ëktuunëtë këwentë.

Deuteronomio 32:19

Ko yë Dios jëtu'un t'ijxy ojts jyoot'anpëky ets ojts näjyëtu'un timjyä'ätyëkooynyë ja y'u'unk y'ëna'k ye'etyëjk to'oxytyëjkpë,

Deuteronomio 32:5

Miitsëty ëxëëkja'aytyëjkëty, mëti'ipë ka'ap oypyë ja jot winma'any xymyëët'atën, mëti'ipë je'eyë yajjoot'anpëjktëpën yë Dios, ets ka'apë pyaatëtë yaj'u'unkniwa'antëty.

Colosenses 1:24

Jotkujkës näjyawëty ko miits nku'ëyowëtë, jëtu'unës nyajkä'pxy ja ëyo'on maas ja njot nini'kxën, mëti'ipë ja Kristë kyayajka'pxën ma tku'ëyo'owëyën ja mëpëjkpëtëjkëty, mëti'ipë yë'ë nyi'kx'ajtyp kyopk'ajtypyën.

Apocalipsis 18:5

jä'ä ko yë pyokyëty tëë nyipäjnë tsajpwinmpaat ets nijëna'a ja Dios tkaja'atyëkoyä'äny ja pyokytyu'unënëty.

Jueces 10:10

Paatykyëjxm ojts ja putëjkën t'amëtowtë ma Tiosën ets t'ënëmaaytyë: Wintsën ëëts nja'awëtyëpës ko tëë myajmëtëkoy mëët ko të myaj'ëxmatsy etsës ja wiink tios të npanëjkxtëkëtë.