Isaías 1:21 - Biblia Dc en Mixe de Quetzaltepec

²¹ Mijts Jerusalén kajpn mëti'ipë wa'ats kajpn yajtijpën, jëtu'un të m'awinpity tä tu'uk to'oxytyëjkën mëti'ipë xim yam ye'etyëjk yeempyën ets myëët'atëtëty. Tëëyëp aak'oy ijty ja'ay jyuuky'atë ets aak mëtëy winë tuntë, e tyam aak yajja'ay'o'knëtëp.

Biblia Mixe de Quetzaltepec

²¹ Mijts Jerusalén kajpn mëti'ipë wa'ats kajpn yajtijpën, jëtu'un të m'awinpity tä tu'uk to'oxytyëjkën mëti'ipë xim yam ye'etyëjk yeempyën ets myëët'atëtëty. Tëëyëp aak'oy ijty ja'ay jyuuky'atë ets aak mëtëy winë tuntë, e tyam aak yajja'ay'o'knëtëp.

Isaías 1:21 ပူးပေါင်းရင်းမြစ်များ

2 Samuel 8:15

Yë David oy ojts y'ëne'emy ets yajkutuky, jä'ä ko aak mëtëy winë tuuny jam ma Israel kajpnën.

2 Crónicas 19:9

Ets tuk'ënëmaay ya'atë tu'uwinwo'ow tu'uwinwijtsën: Miitsëty xëmë winë oy xytyuntëty, mëët ja tëyajtën ets oyjyot oywyinma'any ma Wintsënën.

Nehemías 11:1

Ja kutuunktëjkëty ojts jam jya'të Jerusalén; ja naax kajpn ojts twin'ixtë ja ja'ay pënjaty nëjkxëpën jam Jerusalén, ets tu'ukjaty yajwinju'të ma tu'ukja'aypyën ets nëjkx jam tsyënaaytyaknpëky Jerusalén, ma ja kajpnën mëti'ipë kënu'kxyën ets wa'atsën, e ja nitaxtujkpëty jam ywë'ëmtëty kajpntum ma ja kajpn mutskëtypyën.

Salmos 46:4

Jää tu'uk yë mëjnëë mëti'ipë jëtu'un xajwa'kxpën tä ja'ayën, yajxoontäkpy yë Dios yë nyaax kyajpn, tääpë naax kajpn këjää wya'atsëty, yë'ë kyajpn ja ni'ik Këjxmëpë.

Salmos 48:1

Yë Wintsën myëët'ajtyp mëj'ajtën; yë nTios'ajtëm patëp ets nwin'ë'ëw nwinyaxmëty ma kyajpnën ets ma tyun kyopkën wa'atspë.

Salmos 48:8

Jam ma ja Dios ja nyaax kyajpnën, yë Wintsën mëti'ipë maaytyääyëpën winë, tëës mëët yë nwiin ntimy'ixtë, mëti'ipës ënety tëë nyajtukmëmëtya'aktën: Dios yë'ë xëmë oy yaj'itëp yë Jerusalén kajpn.

Isaías 1:22

Jëtu'un ijty mijts tä poop pujxnën, tyam pu'uxmën të m'awinpijnë; jëtu'un ijty mijts tä oypyë tsatym nyëëjën, tyam ëxëëk nëë të m'awinpijnë.

Isaías 26:10

Mijts oy jënu'un xypya'ëyowëty yë ëxëëkja'aytyëjk, yë'ëjëty ka'ap nijëna'a oypyë tja'akyukëtëty; yë'ëjëty ëxëëk yë jyot wyinma'any tyaj'ixëtë ma nyaaxjotmën yë oyjyä'äytyëjkëty ets ka'ap nijënu'un myäytyë tyajtë ets tmëjjaw tkënu'kxyjyawëtëty yë Wintsën.

Isaías 48:2

Mëti'ipë nätyijëtëpën kënu'kxykyajpn, ets jam nyäkyuwanëtë ma Tiosën, mëti'ipë Israel ja'ay Tyios'ajtëpën, ja Wintsën mëti'ipë maaytyääyëpën winë.

Isaías 5:7

Ja tsatsymkyam, mëti'ipë ja Wintsën jyä'ä'ajtypyën, mëti'ipë maaytyääyëpën winë; yë'ë ja Israel kajpn, ja Judá kajpn. Yë'ë ja Wintsën të tjajëjp'ixy ma yë'ëjëtyën jeexyë tpatuntë ja ënä'ämën tëyajtën, e yë'ëjëty je'eyë yajja'ay'ooktë; ja nipaye'eyën të tjajëjp'ixy ma yë'ëjëtyën, yë'ë të tpaaty ma ja'ay je'eyë jyë'ëtën ya'axtën mëët ja pëjkën ijxën.

Isaías 59:14

Ja mëtëypyë ja tu'unën kajpxën, ka'ap të yajtsoky, ja tëyajtënpë jëkäm të yajnajtspëkë, ja jaantypë ja käjpxy mëtyä'äky ka'ap ja mayjyä'äy të tkupëktë, ets oytyuunk oykyäjpxy nimaa të kyatsoowpaaty.

Isaías 59:15

Ja jaantypë ja käjpxy mëtyä'äky, jëtu'unyë të pyojtëkoy; ja mëti'ipë jyakukekpyën ja ëxëëkpë tëë yajmä'tsta'ay. Tëë ja Wintsën jyoot'anpëky ko të t'ixy ko ka'ap jyää'aty ja oypyë nipaye'eyën.

Isaías 59:3

Miitsëty ujts ja mkë'ë m'aawëty mëët ja jot ne'pyny ja mkë'ëwa'axyëty tëë yajja'ay'ooktë; aak je'eyë mwin'ëëntë, aakjä'ä mnikajpx mnimëtyaktëp wi'ix tii xytyuuntëkoytyën.

Jeremias 3:1

Jëtu'un yë Wintsën y'ënä'äny: Ko tu'uk yë to'oxytyëjk nyäy'ëxmatsyë mëët yë nyiye'etyëjk, yë to'oxytyëjk ko pyëjktëkatsy, ka'ap t'ëkjëkyäjpnë nän yë'ë mëët jatëkok pyëkëty mëti'ipë ënety mëët të nyäy'ëxmatsyën. Yë naax kajpn wiink nëjkx t'ixy. E mijts Israel, jëtu'un të m'ëtë'ëtsy tä tu'uk to'oxytyëjk kanaak yë ye'etyëjk mëët y'ityën ets ënät m'ëna'any ko ëjts xynyiwinpita'any. Ëjts Wintsën, ëjts ënaanp.

Oseas 11:12

Yë Efraín je'eyës xywin'ëëny; je'eyë y'antä'äky yë Israel kajpn maas ëjtsën. Yë Judá ja'ayëty tëë jyëwa'knëtë maas ëjtsën, tyam yë'ë oy myëtuunëp yë awinax.

Oseas 2:5

Tëë yë tyaak jyot nyini'kx tooky; tëë tyajtëkoy yë y'oyajtën, ko të y'ënä'äny: Yë'ëjës nëjkx n'ixta'aja'any yë mëti'ipës mëët nätsyokyën, mëti'ipës xymyoopyën yë nkääky n'uukyës ets nnëëjës, mëti'ipës yë mpixyny ets linë wit xymyoopyën, mëti'ipës yë on ets n'uuky xymyoopyën.

Habacuc 1:4

Ka'ap ja ënä'ämën tëyajtën tyuny, ka'ap tii mëtëy yajnipaye'ey, ja ëxëëk ja'ay y'ixjëtijtyp pyajëtijtyp ja oyjyä'äy ets ma'tnëp ja tëyajtën.

Zacarías 8:3

Wimpitaanpës jam Jerusalén, etsës jam ntsëënëja'any. Ënet nëjkx yë Jerusalén kajpn yajtijy kajpn mëti'ipë wyintsë'këpën ja Dios, e ja kopk mëti'ipë jyä'ä'ajtypyën ja Wintsën mëti'ipë maaytyääyëpën winë, jä'ä nëjkx txëëwaty wa'ats kopk.

Lucas 13:34

Ets ja Jesús jyaak'ënany: Miits, Jerusalenkëtë ja'ayëty, Jerusalenkëtë ja'ayëty, myaj'o'ktëp ja Dios ja kyäjpxynyajxpë ets tëë xykyuka'atstë mëti'ipë të myajtuknikäxtën. Kanaak'okës miits të njawoowmuka'antë ijxtëm ja këtseytyaak y'u'unk tmu'uxyën ets ka'ap të xykyupëktë.

Hechos 7:52

Ja m'aptëjkëty ojts tpajëtijta'aktë ja Dios ja kyäjpxynyajxpë ets tyaj'o'ktë mëti'ipë nyikajpxtën ko myina'any mëti'ipë ka'ap pyokymyëëtëtyën. Ko të myiny, miits të xyaj'ooktë.

Hebreos 12:22

E miitsëty tëë xymyëwinkontë ja Sión kopk, ma ja Jerusalén tsajpjotmëpën, ja Dios Juukpyë myëjkajpn, ma kanaak mil ja tsajpjotmëtë kukäjpxy nyämyukyën jotkujk ets ja Dios tyajmëjnaxtë.

Apocalipsis 11:2

Je'eyëp ko këtii xykijpxëty ja Dios ja tyëjk tëja'aw, jä'ä ko tëë yë ja'ay yajkë'ëmo'otë mëti'ipë ka'ap jyutiis'atën, mëti'ipë y'ëxëëktunantëpën wëxtyikxy mäjtsk po'o ja wa'ats kajpn.

Apocalipsis 11:8

Tu'ujotm ja nyi'kx kyopk wyë'ëmta'aja'antë wijtstëy jam mëj kajpnjotm, ja kajpn ma ja Wintsën kyëruutspejtyën, yë'ë yajtijp yë Sodomë ets Egiptë kajpn.

Apocalipsis 17:1

Tu'uk ja niwëxtujkpë ja tsajpjotmëtë kukäjpxy mëti'ipë ënety myëët'ajtypyën ja wëxtujkpë ja a'ukën, ojts xynyiminyës ets xynyëmaayës: Min ets ntuk'ixëty wi'ix y'ëyo'onpaata'anyën ja mëj ku'into'oxy mëti'ipë u'unyääpyën mejy wiinkëjxm.