Isaías 1:15 - Biblia Dc en Mixe de Quetzaltepec

¹⁵ Ko mkë'ë xyajjë'ëktë ets mkajpxta'aktë, ëjts jëkämës nnas'ixë; oy jënu'un mkajpxta'aktëty kanaak ok, ëjts ka'apës nmëtoy; jä'ä ko miitsëty ujts ja mkë'ë m'aawëty mëët ja jot ne'pyny.

Biblia Mixe de Quetzaltepec

¹⁵ Ko mkë'ë xyajjë'ëktë ets mkajpxta'aktë, ëjts jëkämës nnas'ixë; oy jënu'un mkajpxta'aktëty kanaak ok, ëjts ka'apës nmëtoy; jä'ä ko miitsëty ujts ja mkë'ë m'aawëty mëët ja jot ne'pyny.

Isaías 1:15 ပူးပေါင်းရင်းမြစ်များ

1 Reyes 8:22

Ënet ja Salomón jam wya'ak'o'oyëy ma ja Wintsën ja wyintsë'këntyaknën. Tam ënety ja naax kajpn të tyu'ukmuky, tääts ojts tyujkxajy ja kyë'ë jam tsajpwinm,

1 Reyes 8:54

Ko ja Salomón kyajpxtaay ets tyajkëjxy ja jyiiytyäky nyu'kxtakën ma ënety jam të kyoxtänën winkon ma wintsë'këntyaknën ets të xyajjë'ëky jamtsow tsajpwinm,

Esdras 9:5

Ënet ojts wäänë ja monyëtukyë xynyiwa'atyës ets tamës jëtu'un ja nwit nixox'aty koos ntëjkëy kajpxtakpë ma Wintsën Tiosën,

Job 27:20

Xëëny nëjkx tsë'ëkë tyukja'tyë, koots tuupoj nëjkx yajnëjkxyë.

Job 35:13

Dios, mëti'ipë maaytyääyëpën winë, ka'ap tuny këwentë ja'ay mëti'ipë ka'ap mëtëy tii tuny tkäjpxyën.

Salmos 134:2

Xajë'ëktë yë mkë'ëjëty jam ma tsajptëjkën ets mmëjjaw kënu'kxyjyawëtë yë Wintsën.

Salmos 55:1

Dios, mëti'ipës nTios'ajtypyën, mëtoow'ijtkës yë ntsajpkäjpxy, ets këtii jëtu'unyë xynyakumëtoownaxy mëti'ipës niwaantäkpy ninu'kxtäkpyën.

Salmos 66:18

Ko jeexyë y'ëxëëkëty yë nwinma'anyës, kajxyëp yë Wintsën të tmëtoow'ity yë n'aaw n'ayukës;

Éxodo 9:29

Ets ja Moisés y'ëtsooy: Je'eyës yaa mpëtsëmëty etsës yam yë Dios nmëpëjktsowa'any mëët mijtskyëjxm ets wä'än ja tëtsn tuu tnaxy, näjyëtu'un këtiipë y'ëkwëtsujknëty ets ënääw y'ëk'ënanëty. Jëtu'un'äämpy xynyijawëty ko yë naaxwiinyëtë Dios yë jyä'ä'ajtyp.

Proverbios 1:28

Jääts nëjkx xyjyamëkajpxtës, e ëjts ka'apës jää n'ëtsowa'any. Nëjkxëpës xyjya'ixtaaynyëtë, e ka'apës nëjkx ma xypyaatë.

Proverbios 6:17

ko ja'ay nyämyëjaw nyäjyääntyjyawëty, ko ja'ay wyin'ëëny, ko ja'ay yaja'ay'ooky nanëkookyëjxm,

Isaías 4:4

Ko ënety ja Wintsën tpaye'ey ja nëë poky, tyiytyunäämpy ja tuuntëkoopyë ets tyajjëwa'kta'aja'any mëti'ipë yajja'ay'o'kpën ets tnimä'kxa'any ja Sión ja'ayëty.

Isaías 45:15

E mijts Dios, ka'ap myaj'ixy, Dios mëti'ipë yajnitsokpyën yë Israel kajpn.

Isaías 58:4

Miitsëty ko m'ayuu'atë jää mnäy'oj mnäya'axëtë ets xynyëtij xytsyajptijtë ja mkë'ë m'aawëty ko pën xyajtsëtyuta'an xyajwintëkoya'antë. Ko jëtu'un m'ëtë'ëtstë ma m'ayuu'atën, ëjts ka'apës jëtu'unpë nyajmëjnaxy.

Isaías 58:7

ko xy'akaaytyukëty ja mmëku'uk mëti'ipë yuu'o'këpën ko xytyëjkmo'ojëty ka'ap ja jyëën tyëjkën, ko xymyo'ojëty ja ja'ay ja wyit tyujkxy mëti'ipë nikëëts ixkëëtsën ets xypyutëkëty xëmë ja mjëëky mmëku'uk.

Isaías 64:7

Ka pën mkamëkäjpxyë ets ni pën kya'ëna'any jamës näkyuwanëja'anyë ma mijtsën; paaty je'eyë të mnäyu'tsënë etsës të xy'ëxmajtsnëtë ko je'eyë ëxëëkpë ntuntë nkajpxtës.

Isaías 8:17

Oy yë Wintsën jyanäyu'utsyë ma Jacob y'u'unk y'okën, ëjts je'eyëmës yë'ë ntuk'ijxpety. Jä'ä ko ma yë'ëjën jamës yë njotkujk'ajtën npaaty.

Jeremias 11:11

Paatykyëjxm n'ëna'anyës ko ntuknikäxantëpës yë ëyo'on jotmay mëti'ipë ka'ap tjëkyepy tkukä'äktëtyën. Oy jyaya'ax jyajoktëty, ka'apës nmëtowa'any. Ëjts Wintsën, ëjts ënaanp.

Jeremias 14:12

Yë'ë oy jënu'un y'ayuu'atëty, ëjts ka'apës nmëtowanë y'aaw y'ayuk, oy jënu'un tmëminëty aaypyajk ujtspajk ëjts nwintuuyës ets wintsë'kën nino'oky nixämpyë nkatimnyi''ijxë'ëkäämpyës. Nyajkutëkoyäämpyës mëët yë tsip, mëët yuu xëëw, mëët yë pa'am ëyo'on.

Jeremias 4:31

Jëtu'unës nmëtoy ja ja'ay jyi'iy yä'äxy tä tu'uk to'oxytyëjk jyi'iy yä'äxyën mëti'ipë u'unk maay yaja'täämpyën naaxwiiny; yë'ë Sión ja'ayëty jëëytyëp yaxtëp, jyaxajë'ktëp ja kyë'ëjëty ets jya'ëna'antë: Pa'ëyoowtëkës ka'apës mëpaat xyaj'ooktë yaja'ay'o'kpë.

Ezequiel 11:6

Miitsëty tëë may myajja'ay ooktë ma naax kajpnën, tëë xyaj'ujtsta'atë në'ë tu'u mëët yë o'kpë.

Ezequiel 14:3

Ya'atë ja'ayëty yajxon yë jyot wyinma'any të timkyë'ëyaktë ma yi'iyë t'ëwtatën ka'apë tyiosëtyën ets yë'ë të tuk'ijxpätë mëti'ipë yajpokytyuunëtëpën. ¿Ets ënät y'ëna'antë mputëkëtëtyësë?

Ezequiel 39:23

Ets nëjkx yë wiinkëtypë naax kajpn tnijawëtë ko yë Israel ja'ayëty paaty ojts yajmënëjkxtë tsumy matsy wiink naax wiink kajpn jä'äkyëjxm ko ojts pyokytyuntë ets ka'apës xywyintsë'këtyë; paatyës n'ëxmajtstë ets ëxëëk ja myëtsip tyuunëtë ets ya'o'këtë tsipjoty.

Oseas 5:6

Mëët yë kyupixyny yä'äy ets tsyajpkaato'oxy nëjkx t'ixta'atë yë Wintsën, ka'ap nëjkx tpaatë jä'ä ko tëë ënety tmëjëkämkä'äktë.

Miqueas 3:4

Nëjkxëp jëna'a xymyëkajpxtë yë Wintsën e yë'ë ka'ap nëjkx m'ëtsowëtë. Nëjkxëp nyäyu'utsyë ma ënety xyjyamëkajpxtën jä'ä ko ënety je'eyë të mtuuntëkoytyë.

Zacarías 7:13

ets y'ënäny: Jëtu'un ijxtëm yë'ëjëtyën ka'ap xymyëtoow'ijtës koos ojts njamëkajpxtë, näjyëtu'unës ëjts ka'apës nmëtoow'ita'any koos ënety xyjyamëkajpxtë.

Mateo 23:13

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Ko miits xy'ëtuktë ja tsajpjotmëpë kuttujkën këtiipë jam pën tyëkëty. Ets ni miits mkatëkëtë ets ni yë'ë ja'ay xykyayajtëkëtë.

Mateo 6:7

Ko ja Dios xymyëkajpxtëty ka'ap tii xykyajpxwinpit xykyajpx'ëtëjtëty, ijxtëm ja ja'ay y'ëtë'ëtstën ka'apë ja Dios tnijawëtën, mëti'ipë winmaaytyëpën ko pën jeky ja Dios tmëkajpxtë ni'ik ja Dios myëtowa'anëtë.

Juan 9:31

Wa'ats ëëts nnija'awëmë ko yë Dios ka'ap tmëtoow'ity yë pokyjyä'äy, yë'ë y'amëtoow'ijtyp mëti'ipë wintsë'këyëpën ets mëti'ipë tyuuntëpën mëti'ipë yë'ë tsyojkpyën.

1 Timoteo 2:8

Ntsojkpyës ets ja ja'ay tja'amyätstëty ja Dios oymyaatsowëty, ets ja kyë'ë tyujkxajtëty ma ja Tiosën mëët ja oyjyot oywyinma'any ets ka'ap myëëtëty ja tsip äkë.