Isaías 1:14 - Biblia Dc en Mixe de Quetzaltepec

¹⁴ Ëxëëkës n'ixy ko xynyixëëwtuntë ko ja po'o pyi'k'aty ets ko mmuktë mxu'umtë, je'eyës të xyajjoot'anpëktë, nkatimy'ixantëp miitsëty.

Biblia Mixe de Quetzaltepec

¹⁴ Ëxëëkës n'ixy ko xynyixëëwtuntë ko ja po'o pyi'k'aty ets ko mmuktë mxu'umtë, je'eyës të xyajjoot'anpëktë, nkatimy'ixantëp miitsëty.

Isaías 1:14 ပူးပေါင်းရင်းမြစ်များ

1 Crónicas 23:31

ets ko yajyäky ja wintsë'kën jëpom, jëpom, ma xëëw tyunyën ets ma po'kxënxëëwën ets jënu'un ja xëëw tyimtuny tyimjatyën mëti'ipë, xëmë mëpaat tmëtuntë ja Wintsën jëtu'un tä ënety yë'ë të tyuka'ajëtën.

Isaías 29:1

Janty mon janty tuk yajpaaty yë Ariel kajpn, ja kajpn ma ojts tëkok ja David pyo'kxyën. Ja kajpn ma ja xëëw, winjëmëjt tyunyën,

Isaías 29:2

jä'ä ko ntukpaatäämpyës yë amay jotmay yë Ariel kajpn, itaanp jam ja jë'ëyën yaxën. Ënätnëm nëjkx n'ixyës pën xyëëwajtypyën Ariel.

Isaías 43:24

Ka'ap të xyjyuy ja waxk mëti'ipë pa'akxu'kpën ets jeexyë të xytyukwintsë'ëkës, ka'apës të xymyo'oy yë jëyujk on mëti'ipës nwintsë'kën'atëpën. Ni'ikyënëmës yë mpoky të xytyukyajtsipke'exy; je'eyës nëkoo të xytyuk'atsipy yë m'ëxëëktu'un m'ëxëëk kajpxën.

Isaías 61:8

Jä'ä ko yë Wintsën tsyojkpy jya'ap ja oypyë nänyipaye'eyë, ets y'ëxëëk'ijxyp ja to'onën mä'tsën ets ja yajja'ay'o'kën. Yë'ë mmo'ojanëtëp ja näykyumayë, ets tyunäämpy ja käjpxytyu'unën mëët miitsëty xëmëpë y'ityën.

Isaías 66:23

Wimpo'o, winsëmaan, winpo'kxënxëëw, wintomingo, jëtu'un yaa ja'ay myina'antë ets min xywyinkoxtänëtës. Ëjts, mëti'ipë Wintsën'ajtpën, ëjts ënaanp.

Isaías 7:13

Ënet ja Jeséas y'ënäny: Miitsëty jënu'un ja David xymyëku'uk'atën, mëtoow'itë ya'atë ja aaw ayuk, miitsëty mëti'ipë David m'u'unk'ajt m'ok'ajtëtëpën. Miitsëty ka'ap yowë mtimkyu'uxëtë nijënu'un ko ja mjëëky mmëku'uk je'eyë xyajjotkëxtë ets xymyëmayëtë, yë'ëpaat yë Dios xymyëma'ayënëtë.

Oseas 2:11

Nëjkxëpës nyajkëxy nyajnaxy yë xyoontakënëty, yë xyëëwëty ets ma po'o u'unk tnixëëwtuntën, ma sapëtë xëëw tpo'kxtën ets tëkokyë xyëëwëty.

Oseas 5:7

Tëë yë Wintsën tmëtëkoytyë, jä'ä ko tam yë y'u'unk tmëëtëty mëti'ipë wiinkteety tyeety'äjtypyën. Mëët ko ja pëjkën ukën të tkawinkutsë'ëkë, tu'kpo'o je'eyë nëjkx yë nyaax kyajpn kyam y'ëyo'onpata'ay.

Amós 2:13

E oy ko jyëtu'unëty, ëjts nyaj'anokëjäämpyës yë naaxwiinyëtë ma mtekpya'tkëtyën, jëtu'un tä y'anokën yë kepy wintëkäämpë mëti'ipë ujtsën mëët yë tsajpmok.

Amós 5:21

Ëxëëkës n'ixy ko mxëëwtun mxëëwkajpxtë; ëxëëkës n'ixy ko mtu'ukmuktë ets nyätyijyë xy'ëwtatë Dios.

Zacarías 11:8

Tu'kpo'o je'eyë të nyäxy nitëkëëk jää të n'ëxwopyës yë kupixyny këwent'ajtpë mëti'ipë ënety yë nmä'kxtujkënës të tyajkëxyën ets mëti'ipë xy'ëxëëk'ijxpënës.

Malaquías 2:17

Tëë yë Wintsën y'ënu'kxënë ko je'eyë mtyäty nyä'ämtë; ets miitsëty ni'ikyë m'ëna'antë: ¿Maaxë nä'ämtës ko y'ënä'äny ko tëë y'ënu'kxënyë, ëkë wi'ixën të n'ënëëmëtës? Miitsëty jëtu'un të m'ëna'antë ko yë Wintsën yë'ë y'oyjya'ap yë ja'ay mëti'ipë winë tyuuntëkoopyën ets ko jotkujk nyäjyawëty ko jëtu'un y'ëtë'ëtstë y'ëna'antë. Miitsëty ka'ap xymyëpëktë ko yë Wintsën mëtëy winë tnipaye'ey.