Hechos 9:6 - Biblia Dc en Mixe de Quetzaltepec

⁶ Ets ja Saulo tsyëyuuypyijky ets y'ënäny: ¿Tii mtsojkpy etsës ntunëty? Ënet ja Wintsën y'ënëmaayë: Pëtë'ëk ets nëjkx kajpnjotm. Jamts myajtuk'ëwaanëty mëti'ipë mtunëpën.

Biblia Mixe de Quetzaltepec

⁶ Ets ja Saulo tsyëyuuypyijky ets y'ënäny: ¿Tii mtsojkpy etsës ntunëty? Ënät ja Wintsën y'ënëmaayë: Pëtë'ëk ets nëjkx kajpnjotm. Jamts myajtuk'ëwaanëty mëti'ipë mtunëpën.

Hechos 9:6 ပူးပေါင်းရင်းမြစ်များ

Hechos 22:10

Täätsës nyajtëëy: ¿Tiijës ntunëp, Wintsën? Tääts ja Wintsën y'ëtsooy: Pëtë'ëk, ye'ey yë mtu'u, nëjkx jam Damaskë. Jam tu'kë'ëyë myajtuk'ëwaanëja'any mëti'ipë mtunëpën.

Hechos 26:16

Pëtë'ëk, tëë mijts nwin'ixy ets xymyëtunëtyës ets xynyikajpx xynyimëtya'akëty mëti'ipë tyam të ntuk'ixyën ets mëti'ipë ntuk'ixäämpynyëmën.

Filipenses 2:12

Jëtu'un yam nëëmëtë mëku'uktëjkëty, ijxtëm xëmë të xymyëmëtowtënës, ka'ap jyääyëty koos të njam'aty ma miitsëtyën; mmëmëtoowtëkës tyam ni'ik maas jëkäm nyajpaatyën. Yajtsowpaatë mëët ja ko ëwaatsëtum myajpaatë,

Romanos 10:20

Näyjyëtu'un ja Jeséas tkajpxnajxy: Ja ja'ay mëti'ipës ijty ka'ap xy'ixta'atën, tëëjës ja xypyaatë, ets tëëjës nätyuk'ixyë mëti'ipës ijty ka'ap xyajnitëwëtën.

Romanos 10:3

Jä'ä ko ka'ap tja'akyyukëtë ko Dios yë'ë ja'ay yajnajxyp wa'ats, e yë'ëjëty kë'ëm tyäty nyäyajnaxa'anëtë wa'ats, ets jëtu'un ka'ap ja Dios tmëmëtowa'antë.

Romanos 7:9

Juuky'ajtpës ijty ko ja ënä'ämën nkanijawës; e koos nnija'awëy ja ënä'ämën, ënät ja poky ja myëk'ajtën tpëjky,

Romanos 5:20

Ko ja ënä'ämën ojts kyëjääjë ënät ojts ja poky näjyëtu'un kyëjääjë; je'eyëp ko ja poky ojts kyëjääjë, wäänëni'ik ja Dios ojts ja y'oyjyot y'oywyinma'any kyëjääjë.

Hechos 10:32

Käx yë mkukäjpxy ets nyëjkxëty jam Jope. Wä'än nëjkx twoy ja Simón, mëti'ipë yajtijpën Pedro. Tam jya'ajtä'äky ma ja yajpo'otëtspë ja tyëjkën, mëti'ipë näjyëtu'un xyëëwajtypyën Simón. Mejypyë'aay tsyëënë.

Hechos 10:22

Tää ja kukäjpxy y'ëtsoowtë: Ja tsiptuunpë wintsën Cornelio, yë'ëjës xykyäjxtëp. Oy ets mëtëy jyuuky'äty ets wyintsë'këp ja Dios, oyjya'awëyëp ets tsojkëtëp ja jutiis ja'ayëty. Tu'uk ja Dios ja y'anklës të nyë'ëmxëty ets mijts myajwowëty ets nja'amëty ma ja Cornelio ja tyëjkën ets xytyuk'ëwaanëty mëti'ipë mkajpxäämpyën.

Hechos 10:6

Jam jya'ajtä'äky ma ja tyëjkën ja wiinkpë ja Simón, po'oko'tsk tyuunk'ajtyp, jam winkon tsyëënë mejypyë'am.

Hechos 2:37

Ko jëtu'un tmëtoowtë, tää jyotmaytyëjkëtyë ets tyajtëëwtë ja Pedro ets ja wiink ijxpëjkpëtëjk: Mëku'ukëty, ¿tiijës ntuntëp?

Lucas 3:10

Tääts ja ja'ay tyajtëëwtë: ¿Tiijës ntuunta'aktëp?

Mateo 19:30

Je'eyëp ko nimay ja ja'ayëty, mëti'ipë tyam jëwyiin'ajtëpën, ix'ok wyë'ëma'antë; ets nimay, mëti'ipë tyam ix'okëtyën, jëwyiin nëjkx nyaxtë.

Habacuc 3:16

Koos të nmëtoowta'ay tu'kë'ëyë ya'atë, tëëjës ntsë'ëkë. Jëtu'unës yë n'atääm të y'ëktsëyuuypyëjknë, jëtu'unës yë nteky të njawë tëë yowë yu'unkëtyääynyë ets ka'apës oy n'ëktuktënaaynyë, ka'apës ja njot nini'kx të xy'ëkmaaynyë. E oy y'ëkjëtu'unëty ëjts je'eyëmës n'a'ixa'any njëjp'ixa'any jëna'a yë Wintsën tyaj'ëyo'onpaata'any yë mëtsip mëti'ipë yaj'ëyoopën.

Isaías 66:2

Ëjts ojts winë nyajkojta'ayës, ets jëtu'un ojts tsyo'onë'ëky tsyo'ontä'äky. Ëjts, Wintsën, ëjts ënaanp.

Isaías 57:18

Tëës n'ixy ntuny wi'ix winma'any tmëëtëtyën, je'eyëp ko tëëjës ntuknipëjktaakë koos nyajtso'oka'any etsës po'kxën ntuk'ixa'any ets y'itëty akujk jotkujk. Nyajjotkujkta'akäämpyës tëkokyë mëti'ipë mon tuk yajpatëpën,

Salmos 94:12

Wintsën, janty jotkujk yë ja'ay yajpaaty ko xytyukmëkäjpxy ënätyë ko tii oy tkatuny, jëtu'un ja ijxpëjkën ni'ikyë xymyo'oy,

Salmos 25:12

Ja ja'ay mëti'ipë ja Wintsën yajmëjnajxypën, yë'ë tukni''ijxëyëp ja në'ë tu'u mëti'ipë pyanëjkxëpën;

1 Samuel 28:5

E ko jamtsow nyajts'ijxëy ets t'ijxy ja may filistejë ja'ay, ënät ja tsë'ëkë tyuktëjkëyë, ka'ap ojts y'ëkmaayënë wi'ix jyotmëkta'akëtyën.

Santiago 4:6

Ets ka'ap yi'iyëty ya'atë, wäänëni'ik ja Dios ja mëyajtën tuny ma ëëtsajtëmën ets xypyutëjkëmë, paaty ja Dios ja y'aaw y'ayuk këxja'aypyë y'ënä'äny: Dios tyukjoot'anpëjkpy ja ja'ay mëti'ipë mëj këjxm nnäyjya'awëyëpën ets pyutëjkëp mëti'ipë yujy tëtä'äky ja'ay'ajtpën.

1 Samuel 16:3

Ënet xywyowëty ja Jesé ets mjämyëët'atëtëty ma ja wintsë'kën xyaka'anyën ets tyam njaaktuk'ëwaanëty tii mëpaat xytyunyën. Ets xykyënu'kxëty mëti'ipë ënety ntukni''ijxëpën ets yë'ë y'ënä'ämëty ma Israel kajpnën.

Ezequiel 2:1

Ënätës të nmëtoy tu'uk ja ja'ay kyäjpxy etsës të xy'ënëëmë: Mijts naaxwiinyëtë ja'ay, wa'kukë, tyam nmëmëtya'aka'any.

Ezequiel 3:22

Ënet ja Dios ojts ja kyë'ë xytyuknixajyës jämyë ets xy'ënëmaayës: Pëtë'ëk ets nëjkx jam joyjotm ma nmëmëtya'aka'anyën.

Hechos 9:5

Tääts ja Saulo tyajtëëy: ¿Mpën mijts, Wintsën? Ets y'ëtsooy: Jesusës ëjts, mëti'ipë m'ixjëtijtyp mpajëtijtypyën.