Hechos 9:39 - Biblia Dc en Mixe de Quetzaltepec

³⁹ Tääts ja Pedro tpatso'ony. Ko jam jyä'äjty ets ojts yajwoownëjkxy ma ja o'kpën. Ënet ja Pedro ja ku'ooktyo'oxy tyukye'eymyujkëtë ets tyuk'ijxëtë ja wit mëti'ipë ënety ja Dorcas të txuyën ko ënety mëët të jyaak juuky'atë.

Biblia Mixe de Quetzaltepec

³⁹ Tääts ja Pedro tpatso'ony. Ko jam jyä'äjty ets ojts yajwoownëjkxy ma ja o'kpën. Ënät ja Pedro ja ku'ooktyo'oxy tyukye'eymyujkëtë ets tyuk'ijxëtë ja wit mëti'ipë ënäty ja Dorcas të txuyën ko ënäty mëët të jyaak juuky'atë.

Hechos 9:39 ပူးပေါင်းရင်းမြစ်များ

1 Tesalonicenses 1:3

Xëmës miits nja'amyätstë nTeety'ajtëm Dios nmëpëjktsoy ko mtuntë mëët ja mëpëjkën ets ko xyjyëjp'ixtë ja Wintsën Jesukristë ets ko të mputëkëtë ets xymyënax xyajnaxtë amëk jotmëk ja ëyo'on jotmay.

Efesios 4:28

Pën ijty mä'tspën, ka'ap y'ëkmä'tsnëty wä'än je'eyë tnitunë tii tsyojkpyën, wä'än tyajtuny ja kyë'ë ets tii tpaatëty mëti'ipë myo'ojëpën ja ëyoopëja'aytyëjk.

Proverbios 10:7

Ja'ay mëti'ipë oy tsuj të jyuuky'ätyën, xëmë yaja'amyetsy oy të y'o'knë; e mëti'ipë ëxëëk të jyuuky'ätyën, ¿pën ëkja'amyätsanëp?

1 Juan 3:18

Miitsëty, u'unk maayëty, yaj'ixëtë ja nätsyok näjyawë, këtii je'eyë nëkoo m'ëna'antëty ko ja mmëku'uk xytsyoktë.

1 Tesalonicenses 4:13

Mëku'uktëjkëty, ka'apës ntsoky ets miits xykyanijawëtëty wi'ix ja o'kpëtëjk jyatën, këtiipë mjotmay'ooktëty ijxtëm ja ja'ayëtyën mëti'ipë ka'ap tii tjëjp'ixtën.

2 Corintios 8:12

E pën winë aaw winëjot yoxäämpy ja myeeny, kyëwentëpëkäämpy ja Dios wi'ix pën myëtä'äkyën, Dios ka'ap pën t'amëtoy mëti'ipë ka'ap tii tmëëtëtyën.

Hechos 20:35

Xëmë të ntuk'ijxpëktë ko jëtu'un winë xytyuntëty, ets ja mmëku'uk xypyutëkëtëty mëti'ipë tii yajmëyajtëpën. Ja'amyätstë ja Wintsën Jesús ja y'aaw y'ayuk ko jëtu'un y'ënäny: Wäänë jotkujk mëti'ipë ja ja'ay putëjkëpën ets këtiinëm mëti'ipë yajputëjkëpën.

Hechos 9:41

Tä ja Pedro tmajtsy ma kyë'ëjën ets tyajtënaaykyujkëy; tä tkumëkajpxëy ja mëpëjkpëtëjk ets tuk'ijxy ko ënety tëë ja Dorcas jyuukpyiky.

Hechos 8:2

Tam jënaakën mëti'ipë ja Dios myëpëjktëpën, yë'ë yajnaaxtëjkëtyë ja Esteban ets tnijëëy tniyaxtë.

Hechos 6:1

Näy jä'ä xëës jä'ä jëmëjt, ma ënety ni'ikyë nyimayëtën mëti'ipë myëpëjktëpën ja Jesús; ja ja'ayëty mëti'ipë ja griego ayuk kyajpxtëpën, ojts tukjoot'anpëktë ja myëku'ukëty mëti'ipë kyajpxtëpën ja hebreo ayuk ets y'ëna'antë ko ja ku'ooky tyo'oxytyëjkëty mëti'ipë griegë ja'ayëtyën ka'ap oy yajputëkëtë ma winë wyä'kxyën.

Juan 17:12

Koos ijty nyajpaaty mëët yë'ëjëty naaxwiiny, n'ijx'ijtëp nkëwent'ajtëpës ijty mëët ja mmëkajtën mëti'ipës xymyooyën. E nitu'uk të kyatëkoy, yi'iyë tu'uk mëti'ipë ënety jëtu'unyëm tëkoy'ajtpën, ets y'atëwëty ja m'aaw m'ayuk mëti'ipë kuja'ay miinpën.

Juan 12:8

Yë ëyoopëja'ay xëmë yaa mëët m'ita'antë, e ëjts ka'apës.

Lucas 24:44

Tääts y'ënëmaayëtë: Mëti'ipës të xyäty të xykyëpetyën, yë'ë mëti'ipë ojts ntuk'ëwaanëtën ko ënety jää mëët miitsëty njaak'ityës, ko kopkpëky ko jëtu'un njata'anyës ijxtëm xynyimëtya'aktësën ja Moisés ja y'ënä'ämën, ja Dios ja kyäjpxynyajxpë ets ja Salmos.

Marcos 14:8

Ya'atë to'oxytyëjk yë'ë të tuny mëti'ipë të myäyën tunëty, tëëjës xytyukkuutsy yë pa'akxu'kpë nëë ets jëtu'un nipëjktaakë koos naaxtëkëja'any.

Mateo 26:11

Xëmë miits yë ëyoopëja'ay xymyëët'ata'antë; ëjts ka'apës xëmë nyajpaata'any ma miitsëtyën.

Mateo 17:17

Tääts ja Jesús y'ëtsooy: Miitsëty jä'ä mja'ay'atë mëpëjkëntuk ets je'eyë ja m'ëxëëkjot m'ëxëëk winma'anyëty. ¿Jëna'a jëtu'un xyä'äkyukëja'antë koos nyajpaaty ma miitsëtyën? ¿Maapaat jëtu'un mëk näpyëjkta'akëtëtyës ko miitsëty ka'ap mja'akyukëtë? Yaa yajmintë ja yujkyeeky ëna'k.

Eclesiastés 9:10

Mëti'ipë jyëkyejpyën mëpaat xytyunyën tun ets winë aaw winëjot xytyunëty; jä'ä ko jap o'kpëjutjoty ma mnëjkxa'anyën ka'ap jap tii yajtuny yajkäjpxy, ka'ap jap tii yajmëmay yajmëtajy ets ni ijxpëjkën ets ni wijyajtën jap kyä'ty.

2 Samuel 1:24

Miitsëty to'oxytyëjkëty mëti'ipë jam yajpatëpën ma Israel kajpnën, nijë'ë niya'axtë yë Saúl mëti'ipë ijty mxojxtëpën mëët yë oyëtypë wit, mëti'ipë ijty nitëy nixëmäm myaj'ijtëpën mëët yë pu'ts pujxn.

Hechos 1:13

Ko jyajtë jam kajpnjotm, tääts pyäjtë tëjkëjxm ma jyajta'aktën. Tap ja Pedro, Juan, Santiagë, Andrés, Felipe, Tomás, Bartolomé, Mateo; Santiagë, mëti'ipë Alfeo y'u'unk'ajtypyën; Simón, mëti'ipë ja zelotë winma'any tyuk'ijtëpën ets ja Santiagë, mëti'ipë Judas y'u'unk'ajtypyën.

1 Timoteo 5:3

Putëkë ja ku'ooky tyo'oxytyëjk mëti'ipë ka'ap tmëët'atyën maa nyëjkxëtyën.

1 Timoteo 5:5

Ja ku'ooky tyo'oxytyëjk mëti'ipë nätyu'uk të wyi'imyën, Dios ja yi'iyë tyuk'ijxpejtyp. Ka'ap t'ëxmatsy ja jëëytyak nu'kxtaak, ijtp ja xëëny koots ja Dios tja'amyetsy.