Hechos 9:35 - Biblia Dc en Mixe de Quetzaltepec

³⁵ Ko tnija'awëtyë ni'ëmukë ja ja'ayëty mëti'ipë kukajpnajtëpën jam Lida ets Sarón, ënät ja y'ëxëëk winma'any t'ëxmajtstë, ets tmëpëjktë ja Wintsën.

Biblia Mixe de Quetzaltepec

³⁵ Ko tnija'awëtyë ni'ëmukë ja ja'ayëty mëti'ipë kukajpnajtëpën jam Lida ets Sarón, ënät ja y'ëxëëk winma'any t'ëxmajtstë, ets tmëpëjktë ja Wintsën.

Hechos 9:35 ပူးပေါင်းရင်းမြစ်များ

Hechos 11:21

Mooyëtë ja Wintsën ja myëk'ajtën ets may ja ja'ay ja y'ëxëëk winma'any t'ëxmajtstë ets tmëpëjktë ja Wintsën.

Hechos 9:42

Ni'ëmukë tnija'awëtyë ja ja'ay mëti'ipë tsënaaytyëpën jam Jope. Jëtu'un ja Wintsën nimay tmëpëjktë.

1 Crónicas 5:16

Tëkokyë ya'atë ja'ayëty aakjam tsyënaaytyë Galaad, Basán ets maajaty ja nyaaxjot nitënën, jampaat ma ja kam tu'ujën mëti'ipë jëyujk tsajpkaa tsyënaaytyakn'ajtëpën ets jampaat tsëpa'an ëkë'ëm.

Isaías 35:2

wä'än jam tyony yë pëjy, lirië pëjy, wä'än tuktuky mëët yë xoontakën ets jotkujk'ajtën. Yë Wintsën oy tsuj tyaj'awinpita'any tä ja Líbano kopkën, jë'kxynyaaxjot tä ja Carmel kopk ets Sarón joyën. Ni'ëmukë nëjkx t'ijxtë ja Wintsën ja myëj'ajt y'oyajtën, mëti'ipë ja Wintsën yajmëjnajxëpën.

2 Corintios 3:16

E ko ja ja'ay tmëpëky ja Jesukristë, jënajkp ja wyinkujuuxë.

Salmos 22:27

Tu'kë'ëyë ja'ay ets ja naax kajpn, ja'ay wiinktsowpë tsyoontën, naaxwiinyëtë apëtsëmy: ja'amyätstë Wintsën ets nnimintë. Yë'ë wiinkoxtänëtë.

1 Crónicas 27:29

Sitrai ojts yajtuknipëky tnikopk'atëty ja tuunk, ma ja ja'ayëtyën mëti'ipë y'ijx'ijtëpën kyëwent'ajtëpën ja tsajpkaa jam Sarón, e ja mëti'ipë jam joyjotm yajpatëpën ja tsajpkaa yë Safat, myaank yë Adlai ets tnikopk'atëty ja tuunk ma ja'ayëtyën mëti'ipë jam tuuntëpën.

Hechos 19:20

Jëtu'un ja Wintsën ojts ja y'aaw y'ayuk myëjtëkë ets myëjëy kyëjääjëy ja kyutujkën.

Hechos 19:10

jëtu'un ojts jam tyuny mäjtsk jëmëjt, paaty ja ja'ay ojts tnija'awëtya'atë ja Wintsën ja y'aaw y'ayuk jam Asia, mëti'ipë jutiis ja'ayën ets mëti'ipë ka'ap jyutiisëty.

Hechos 15:19

Tääts ja Santiagë jyaak'ënany: Jëtu'unës nmëmay nmëtajy, ko ka'ap yowë tjëkyepy n'atsip'ajtmëty mëti'ipë ka'ap jyutiis'atën ets tëë t'ëxmatstë ja poky ets të tmëpëktë ja Dios.

Hechos 6:7

Ja Dios ja y'aaw y'ayuk ni'ikyë ënety myëjwiinë kyëjääjë ets ja mëpëjkpëtëjkëty ni'ikyë myäyëtë jam Jerusalén, yë'ëpaat ja teetytyëjkëty ojts may myëpëjknëtë.

Hechos 4:4

May ja ja'ay myëpëjktë mëti'ipë ënety të tmëtowtën ja aaw ayuk; ja mëpëjkpëtëjkëty, yi'iyë ye'etyëjktëjkëty, jä'ä nyimay'ajtë mëkoxk mil.

Oseas 14:2

Wimpitë ma Wintsënën ets jëtu'un xymyëkajpxtëty: Mä'kx yajnitëkoy ëëts yë nnëë npokyëty ets ëxajë kupëk ya'atë aaw ayuk ma mijts myajmëjjaw myajkënu'kxyjyawën.

Oseas 12:6

Paaty myaj'ënëëmë mijts Israel, niwinpit yë mTios; oy winë xytyunëty ets tëy jaanty, yë Dios yë'ë xëmë mtuk'ijxpätëp.

Lamentaciones 3:40

Tsojk nmëma'ay nmëtajëmë wi'ix nyajpatëmë ets tsojk niwinpijtëmë yë Wintsën.

Isaías 66:8

¿Pën jëtu'unpë të t'ëkmëtoopë? ¿Pën jëtu'unpë të t'ëk'ijxpë? ¿Wä'än jëtää yë naax kajpn tu'k'xëëyë kyojyë? ¿Wä'än yë kajpn poj'am nyaaxkëtä'äkyë? E ko yë Sión ojts pya'ampety pojën tyajmiiny y'u'unk myääy naaxwiiny.

Isaías 65:10

Ma ja Sarón itjotmën, mëti'ipë Joytyuuyën, nëjkxëp wyintujkta'ay mëët yë kupixyny ets tsajppax; näjyëtu'un jam ma Acor itjotmën, Joytyuuypyë, jam nëjkx y'oktë wyëtstë yë nkajpnës yë tsyajpkaa.

Isaías 33:9

Jëëytyëp yaxtëp ja ja'ayëty ko ja o'kën tëko'oyën y'ity, anë'ëk tëëtsë'ëk ja Líbano naaxjot yajpatnë, ja Sarón itjot aanë'ëk tëëtsë'ëk të y'awinpijnë, ja Basán kopk ets ja Carmel kopk tëë wyinwatstaaynyë.

Isaías 31:6

U'unk maayëty, miitsëty Israel ja'ayëty, jootwinpitë jatëkok ma Tiosën mëti'ipë të xyajjoot'anpëktën.

Salmos 110:3

Yë mnaax mkajpn mëj'äämpy mpëjkta'aka'anyë jä'ä xëëw ma ënety ja mmëtsip xymyëmëtä'äkyën jam tsipjotm. Jëtu'un xëmë mnäjyawëtëty tä jeexyë m'ëna'kën winjëpom tä yë maanik kyä'äyën jopyëp jam tunkëjxm.

Deuteronomio 4:30

Ma ënety miits xymyënax xyajnaxtën ja ëyo'on jotmay ets ja monyëtukyë ets mjootwinpitëty jatëkok xymyëmëtowtëty ja mWintsën Tiosëty.

Joel 2:13

Niwinpitë yë mWintsën Tyiosëty ets m'aaw mjot këëtstë jëtu'un tä jeexyë mwit xykyëëtstën. Jä'ä ko yë Wintsën yu'unk naxym yë y'aaw jyot ets pa'ëyoop najts'ëyo'owëp, mä'kxtujkp ets tsojkp ja'ap, xëmë jyëjp'ixy jëna'a n'ënëma'ayëmë ets këtii tyiytyunëty.

1 Crónicas 8:12

Elpaal y'u'unk y'ëna'k jä'ä xyëëwajtë Éber, Misam ets Semed, mëti'ipë yajkojën ja Onó kajpn ets Lot kajpn, mëët ja nyinaax nyikam ma ja yuutakn tuuntakn y'itëtyën;

Esdras 2:33

ja Lot, ja Hadid ets Onó y'u'unk y'okëty, jä'ä nyiwinë'ajtë wëxtujk mëko'px ja i'px mëkoxk;

Nehemías 7:37

ja Lot, ja Hadid ets ja Onó, jä'ä y'u'unk y'okëty nyiwinë'ajtë wëxtujk mëko'px ja I'px tu'uk;

Nehemías 11:35

Lot, Onó ets ma kojpëtëjk tsyënaaytyaknpëjktë jam joyjyotm.

Hechos 2:47

Xëmë ijty ja Dios tmëjjawëtë tjaantyjawëtë. Oyjya'awëtëp ni'ëmukë ja ja'ayëty ets winjëpom ja Wintsën ja ja'ay tyajmayë mëti'ipë ja pyoky yajnimä'kxtëpën.

Hechos 9:34

Tääts ja Pedro t'ënëmaay ja Eneas: Eneas, Jesukristë yam myajtsokëp. Pëtë'ëk, yajpëtë'ëk mmaapäjn. Tääts ja Eneas ënätyë pyëti'ky.