Hechos 9:31 - Biblia Dc en Mixe de Quetzaltepec

³¹ Jotkujk ja mëpëjkpëtëjk yajpaatë mëti'ipë tsënaaytyëpën jam Judea y'itjotm, Galilea ets Samaria. Wimpäjt'ëtëtstëp ja myëpëjkën, xëmë ja Wintsën twintsë'ëkëtë ets nyimayë'ëtë'ëtstë, näjyëtu'un ja Kënu'kxymyëkajtën ojts yajjotkujk'ätëtë.

Biblia Mixe de Quetzaltepec

³¹ Jotkujk ja mëpëjkpëtëjk yajpaatë mëti'ipë tsënaaytyëpën jam Judea y'itjotm, Galilea ets Samaria. Wimpäjt'ëtëtstëp ja myëpëjkën, xëmë ja Wintsën twintsë'ëkëtë ets nyimayë'ëtë'ëtstë, näjyëtu'un ja Kënu'kxymyëkajtën ojts yajjotkujk'ätëtë.

Hechos 9:31 ပူးပေါင်းရင်းမြစ်များ

1 Crónicas 22:18

Yë Wintsën, mijts ja mTiosëty yë'ë jëtu'un yajpatp ma miitsëtyën oy tyimjëna'ajëty, paaty të mo'ojëtë ja jotkujk'ajtën oymyaajëty, jä'ä ko tëë tpëjktä'äky ja naax kajpn ma ëëtsajtëmën ets niwaantä'ämyëty, yë'ëjëty, ëëts xymyëjwa'kpäjtmëty ets tmëjwa'kpätëty ja Wintsën.

1 Crónicas 22:9

E nëjkxëp tu'uk yë mmaank y'ity, mëti'ipë jotkujk yajpaatammpën ets ka'ap tiitsip tpaata'any; ëjts kë'ëm ntuknipëjktaakëjäämpy ets ka'ap nëkoo myëtsip yajjotkëxëtëty. Paatykyëjxm txëëwata'any Salomón. Ma ënety yë'ë tyunyën akujk jotkujk nëjkx ja naax kajpn yajpaaty.

Nehemías 5:15

E ja yajkutujkpëtëjk mëti'ipë ënety jëyëjp të tyuntën je'eyë ijty xëmë ja naax kajpn tuk'atsiptë ja ayajk ako'onën, xëmë ja ja'ay ijty yaj'amëtowtë ja wit meeny këëkwëxtyikxy ja poop pujxn mëti'ipë ja yajkutujkpë nyikayëp nyi'uukëpën. E xëmë ijty winjëpom ja naax kajpn winë tjanty'amëtowtë ets tjantypyëjkëtë. Ëjts ka'apës jëtu'un ja naax kajpn ntuuny jä'ä ko ja Wintsën jä'äs ntsë'këp.

Nehemías 5:9

Etsës ojts njaaktimy'ënëëmëtë: tääpë xytyuntën ninu'un kya'oypëtsëma'any. Ni'ikyënëm jeexyë miits xywinkutsë'ëkëtë ja mTiosëty, këtiipë nëkoo xyajxi'ik xyaj ëwë'ëktëty ja ja'ay mëti'ipë ka'ap nmëkunaax'ajt nmëkajpn'ajtëmën.

Job 28:28

Ets Dios t'ënëmaay yë naaxwiinyëtë ja'ay: Ko yë Dios oy yajmëtuny, yë'ë ënety yajmëët'ajtp yë ixpëkyajtën; ko yajmëjëkämke'eky yë ëxëëkpë, yë'ë ënety yajmëët'ajtp yë wijyajtën.

Salmos 111:10

Yë wijyajtën ets nija'awën, jam yaj'ixy ma ënety yë Wintsën yajwinkutsë'ëkën. Pën yë Dios wyinkutsë'këpën myëët'ajtyp yë wijyajtën. Dios mëj'äämpy y'ita'any.

Salmos 86:11

Mijts Wintsën, tukni''ijxëkës yë mnë'ë mtu'u etsës yë'ë tu'ukyë npaye'eyëty. Mijts m'a'ixëp ets njot nwinma'anyës y'ëwa'atsëty, täätsës nmëjpëjkta'akëty yë mxëëw.

Salmos 94:13

tääts jotkujk yajpaatëty, oy ëxëëk ja xëëw jëmëjt jyaminy jyakëtä'äky, ma ja ëxëëkja'aytyëjk yaj'oytyuntë ja jyutëty.

Proverbios 1:7

Yë wijyajtën yë'ë mëët tsyo'ontä'äky ko nwinkutsë'këmëty yë Dios. Yë tsuuja'aytyëjk ka'ap tuntë këwentë yë wijyajtën ets nätyu'uwinwow nätyu'uwinwitsë.

Proverbios 23:17

Këtii xy'ëxëëk ixëty yë pokyjyä'äytyëjk; nikë yë'ë xëmë Dios yajmëjnax;

Proverbios 8:13

Ko Dios yë'ë yajmëjpëjktä'äky, yë ëxëëkpë yaj'ëxëëk'ijxp. Ëjts ëxëëkës n'ixy yë nämyëjjawë näjyääntyjyawë, ets ëxëëkës n'ixy näjyëtu'un yë ëxëëk në'ë ëxëëk tu'u ets ja win'ë'ënën antakën.

Isaías 11:10

Jä'ä xëëw yë Jesé mëti'ipë jëtu'un tä kepyjyi'tskën, ijxpäjtën nëjkx wyi'imy ma wiinkëtypë naax kajpnën; nëjkxëp nyiminyë wiinkëtypë naax kajpn, ja it naaxwiinyëtë ma tääpë kajpn yajpaatyën, mëj'äämpy nëjkx y'ity.

Isaías 33:6

Ja naax kajpn xëmë tyaj'ita'any jotkujk. Yë ixpëkyajtën ets nija'awën, yë'ë mëk tsoowpatp ets yajnitsokp. Ko yë Wintsën ntsë'këmëty nja'awëmëty, mëj këjää tsyowpaaty.

Zacarías 8:20

Jëtu'un yë Wintsën y'ënä'äny mëti'ipë maaytyääyëpën winë: Jaakminaanp yë ja'ayëty mëti'ipë wiink naax wiink kajpn tsoonantëpën.

Hechos 12:24

Ja Wintsën ja y'aaw y'ayuk ni'ikyë kyëjääjë ets xii yaa muum yajnikäjpxy yajnimëtyä'äky.

Hechos 16:5

Jëtu'un ja mëpëjkpëtëjk tu'ukyë ja wyinma'any tpëjktaktë ets nyimayëtë winjëpom.

Hechos 2:47

Xëmë ijty ja Dios tmëjjawëtë tjaantyjawëtë. Oyjya'awëtëp ni'ëmukë ja ja'ayëty ets winjëpom ja Wintsën ja ja'ay tyajmayë mëti'ipë ja pyoky yajnimä'kxtëpën.

Hechos 20:32

Mëku'uktëjkëty, tyam ja Dios miits ntukë'ëtëkëtë ets ntukmëwë'ëmtë ja Dios ja tsyojkën jya'awën. Yë'ë myëët'ajtyp ja mëk'ajtën ets myajyääkëtëty mëët ja kënu'kxymyëk'ajtën ets mo'ojëtëty tëkokyë mëti'ipë ja nyaax kyajpn të tukwinwanën.

Hechos 5:11

Ënet ja mëpëjkpëtëjk tsyë'këtyääytyë, mëët ja ja'ayëty mëti'ipë y'ixtë nyija'awëtyën tii të tyuny të jyätyën.

Hechos 6:7

Ja Dios ja y'aaw y'ayuk ni'ikyë ënety myëjwiinë kyëjääjë ets ja mëpëjkpëtëjkëty ni'ikyë myäyëtë jam Jerusalén, yë'ëpaat ja teetytyëjkëty ojts may myëpëjknëtë.

Hechos 8:1

Oy ja Saulo tja'awëy ko ja Esteban tyaj'o'ktë. Jä'ä xëëw yajpajëtijtaktë ja mëpëjkpëtëjkëty, mëti'ipë ja Jesús myëpëjktëpën jampë tsyëënëtën Jerusalén. Ni'ëmukë, yi'iyë ja Jesús ja y'ijxpëjkpëtëjkëty ojts ka'ap yajpaatë, jä'ä ko ojts ënätyë ye'eywya'kxta'atë, ets nyëjkxtaaytyë maajaty ja Judea ets Samaria y'itjotmën.

Romanos 14:17

Ka'ap yë'ëkyëjxmëty jam m'itë ma Dios ja kyutujktaknën ko tii xykyäytyë xy'uuktë, jä'äkyëjxm jam m'itë ko xytyuntë xykyajpxtë mëti'ipë paat'ajtëpën, wi'ix xymyëët'attëty ja jotkujk'ajtën ets ja xoontakën mëët ja Kënukxymyëkajtën.

Romanos 14:19

Wä'än yë'ë n'ixta'ayëmë wi'ix npatmëtyën ja jotkujk'ajtën ets nnäpyutëjkëmëty nixim niyam wi'ix nwinpäjtmëtyën ma ja mëpëjkën.

Romanos 15:13

Ja Dios, mëti'ipë njëjp'ijxëmën, wä'än yë'ë ni'ëmukë mmo'ojëtë ja xoontakën ets ja jotkujk'ajtën mëët ko yë'ë xymyëpëktë ets wä'än mmo'ojëtë ja jotkujk'ajtën mëët ja myëk'ajtën ja Kënu'kxymyëkajtën.

Romanos 5:5

Ya'atë mëpëjkën ka'ap maa tëkatsy xyajwë'ëmëty, jä'ä ko yë Dios tëë xymyo'oyëm ja tsyojkën jya'awën ma njoot'ajt nwinma'any'ajtëmën mëët ja kënu'kxymyëk'ajtën.

1 Corintios 14:12

Paaty, ko miitsëty yë'ë mtsojkën'ajtëp ja tuunk mëti'ipë ja Kënu'kxymyëkajtën yäjkpyën, yë'ë mëmay mëët'ajtëp mëti'ipë mtukputëkëtëpën ja mëpëjkpëtëjkëty ets ja myëpëjkën wyimpätëty.

1 Corintios 14:26

Mëku'uktëjkëty. Ko miits mye'eymyuktëty, jyëkyejpy jam pënëty y'ëwtëty, yaj'ijxpëktëty, nimëtya'aktëty ja Dios ja y'aaw y'ayuk, tkajpxtëty ja wiink ayuk ets wiinkpë tyajniwijtëty. Je'eyëp ko yë'ë mëti'ipë ni'ëmukë yajtuk'oy'atëpën.

2 Corintios 10:8

Oyës janaam jatsojk ja n'aaw n'ayuk niwinpity ets ka'ap jëtu'un kyutukyëty, ka'apës ntuktsëtyuny; jä'äkyëjxmës ja Wintsën të xymyo'otë ja kuttujkën ets miits mwinpätëty, ka'ap yë'ëjëty ets miits nyajkutëkoytyëty.

2 Corintios 12:19

¿Wä'än jëtää miits mmaytyë mtajtë? ko mä'kxën yam mpëjktsoowtëpës ma miitsëtyën, je'eyëp ko ka'ap jyëtu'unëty. Dios wyintuuy wyinkujk ëëts nkajpxtë nmëtya'aktë ijxtëm ja Kristë të xymyo'otënës ja aaw ayuk. Mëku'uktëjkëty mëti'ipës ni'ik ntsojktëpën, tu'kë'ëyë mëti'ipës ntuuntëpën, yë'ëkyëjxm ets miits mwinpätëty ma ja mmëpëjkënëtyën.

2 Corintios 13:10

Jëtu'unts miits tyam nnijäyëtë naamka'anëmës nnëjkxy ma miitsëtyën ets këtiipë nëkoo mëk xyjyawëtëty ja kuttujkën mëti'ipës ja Wintsën të xymye'eyën. Ka'ap yë'ëjëty ets nyajkutëkoytyëty; yë'ë ets miits mwinpätëty mëpëjkënkyëjxm.

2 Corintios 7:1

Jëtu'un, mëku'uktëjkëty, yë'ë jëtu'un ya'atë waantä'äky nmëët'ajtëmë. Paaty nyaj'ijtmëty wa'ats ja ni'kx'ajt nkopk'ajtëm ets ja njoot'ajt nja'awën'ajtëmë näjyëtu'un ets ntsë'këmëty ja Dios, tsojk ntu'unëm ja oypyë ets ja wa'atspë Dios wyintuuy.

Efesios 4:12

Jëtu'un tuknipëjktakëy ets tja'akyukëtëty ja Dios ja jyä'ä ets tja'akyukëtëty wi'ix ja Dios tmëtuntëtyën ets jyotmëkpëktëty mëti'ipë mëpëjktëpën, mëti'ipë ijtëpën ijxtëm ja Kristë nyi'kx kyopkën

Efesios 4:16

Mëët ja Kristë oy y'ity ja ni'kx kopk ets tu'ukyë nyämyajts'ijta'ayë; ko aak'oy tyuunta'ay oy ni'ëmukë yääktë pyätë ets tyajmëjtëkëtë ja nätsyok näjyawë.

Efesios 4:29

Ka'ap y'ëk'ëxëëk kajpxnëty, yë'ë kyajpxëp myëtya'akëp ja oypyë ja aaw ayuk mëti'ipë tyukmëjnaxëpën ja naax kajpn ets tuk'oy'atëty ja ja'ay ko tmëtowtëty.

Efesios 5:21

Näjyä'äkyukëtë nixim niyam jä'ä ko Kristë xywyintsë'ëkëtë.

Deuteronomio 12:10

E ko ënety të xytyuknajxnëtë ja Jordán mëjnëë ets jam myajpatnëtëty ma ja it naaxwiinyëtë mëti'ipë ja Wintsën mo'ojanëtëpën ets ka'ap maa y'ëkyajpatnëtë ja mëtsipëty, nitii tsë'ëkë maa kya'ëk'ijtnëty.

Filipenses 2:1

Pën tëë mmo'ojëtë ja Kristë ja mëk'ajtën ets ja mjëëky mmëku'uk xyjyotmëkwinkajpxëtëty, xyajjotmëkta'aktëty, ets tu'ukyë ja winma'any xymyëët'atë ets xypya'ëyowtëty ja ja'ay,

Colosenses 1:10

Yë'ë miits ntukni'amëto'owëtëp ets mjuuky'attëty ijxtëm pyaat'atyën mëti'ipë myëpëjktëpën ja Wintsën; yë'ë mtuntëp mëti'ipë yë'ë tyukjotkëtäkpyën, mëti'ipë oy tsuj winpëtsëëmpën ets ja Dios oy xynyijawëtëty.

1 Tesalonicenses 5:11

Paaty, näyjyotmëkwinkajpxëtë ets näyjyotmëkmo'ojëtë nixim niyam, jëtu'un ijxtëm jam xytyuntën.

1 Timoteo 1:4

ets ka'ap tmëtoow'ittëty ja apmëtyä'äky tëëyëpë tyunyë jyätyën. Jëtu'unpë mëtyä'äky je'eyë nëkoo yajtsiptuny ets ka'ap pyutëkë ma ja Dios yajjot'atyën ko yajmëpëky.

Hebreos 4:9

Paatykyëjxm ja po'kxtakn të jyaak wë'ëmy ets ja Dios ja jyä'äy tpaatëty ma pyo'kxtëtyën.

Josue 21:44

Yë Wintsën ojts jëtu'un tuny tä ënety të twinwanën, jotkujk ja nyaax kyajpn ojts tyajwë'ëmy ma tääpë it naaxwiinyëtën. Ja myëtsiptëjkëty ka'ap ojts myäyëtë jä'ä ko ja Wintsën ojts kë'ëm tyimkuwa'anëtë.

Judas 1:20

E miits, mëku'uktëjkëty, yaj'itë tu'ukyë ja mmëpëjkënëty. Jëëytya'ak nu'kxta'aktë, jëtu'un ijxtëm ja Kënu'kxymyëkajtën mtu'uwinwowëtën.

Jueces 3:30

Jëtu'un'äämpy yë Israel ja'ayëty ojts tyajtëkoytyë yë Moab ja jyä'äy. Ko jëtu'un y'ëkjajty y'ëpëpejty, yë Israel kajpn jotkujk ojts yajpaaty majkta'px jëmëjt.