Hechos 9:3 - Biblia Dc en Mixe de Quetzaltepec

³ Ko ënety jam jya'tanë Damaskë, ënät ojts ajotkumonë t'ijxpaaty tu'uk ja jëën mëk y'ajajy y'atë'kxy wyintuuy pyë'aay mëti'ipë tso'onpën tsajpjotm.

Biblia Mixe de Quetzaltepec

³ Ko ënäty jam jya'tanë Damaskë, ënät ojts ajotkumonë t'ijxpaaty tu'uk ja jëën mëk y'ajajy y'atë'kxy wyintuuy pyë'aay mëti'ipë tso'onpën tsajpjotm.

Hechos 9:3 ပူးပေါင်းရင်းမြစ်များ

Salmos 104:2

yë mtë'kxën mjajën këjääpaat tukjajëtyä'äy winë. Jëtu'un yë tsajp të xypyëjktä'äky tä ja'ay wit tyä'ptëyën.

Hechos 22:6

Ets ko ënety jam ntu'uye'eyës, tamës ënety nja'tanë Damaskë, kujkyxyëëwën; ënätës ojts ajotkumonë n'ijxpaaty ja ajajk atë'kxk na'ëwtityë mëti'ipë janty mëk ajajpën. N'ixyës ko tsajpjotm tsyoony.

Hechos 9:17

Tääts ja Ananías ojts tninëjkxy ja Saulo. Ko tëkoty tyëjkëy, tää ojts tkë'ënixajy ets t'ënëmaay: Mëku'uk Saulo, Wintsën Jesúsës të xykyexy, mëti'ipë ojts xy'ixyën tu'ujotm. Të xykyexyës ets mijts jatëkok m'ijxpëkëty ets ja Kënu'kxymyëkajtën xy'ëxajëty.

Hechos 9:27

Ënet ja Bernabé ojts twoownëjkxy ja Saulo jam, ets tukwinkuwo'owëy ja ijxpëjkpëtëjk. Tääts ja Bernabé tnimëtyäky wi'ix ënety ja Saulo të t'ixyën ja Wintsën tu'ujotm ets wi'ix myëkajpxën ja Wintsën ets näjyëtu'un wi'ix ënety amëk jotmëk të tnikäjpxy të tnimëtyä'äkyën ja Jesús jam Damaskë.

1 Corintios 15:8

Ets ma ëjtsën tim ok ojts nyänyikëxë'kënë, jä'ä ko jëtu'unës ëjts tä pi'k ëna'kën mëti'ipë ka'ap oy të myëxu'unk'atyën.

1 Corintios 9:1

Oy ayuk kajpxwa'kxpës ëjts, ëwaatsëtumës n'ity jä'ä ko tëëjës n'ixy ja Wintsën Jesús, ets miitsëty mëët ko të mëpëktë yë'ë yajnikëxë'kpy ko tëëjës nmëtuny ja Wintsën Jesukristë.

1 Timoteo 6:16

Yë'ë tu'kpajk ka'ap ja o'kën të myëmëtä'äkyë mëti'ipë juukyajtpën të'kxëntyuuy ets ka'ap tjëkyepy pën myëwinkonëtëty. Ni pën të kya'ixyë ets ka'ap tjëkyepy pën y'ixëtëty. Yë'ë xëmëkyëjxm jyä'ä'ajtyp ja mëj'ajt oyajtën ets ja kuttujkën. Oy jyëtu'un'atëty.

Apocalipsis 21:23

Ka'ap jam myëyäty ets ja xëëw po'o y'anëty kajpnjotm, kë'ëm ja Dios ets ja Kupixyny U'unk y'ajajy y'atë'kxy.

Apocalipsis 22:5

Ka'ap ja kootspë jam y'ita'any ets mëti'ipë ënety jam tsënaaytyëpën, ka'ap ja kutë'kxn tyajmëyata'antë, ni ja xëëw'an, jä'ä ko ja Wintsën, yë'ë jam kutë'kxëtëp ets yajkutukëtëp xëmëkyëjxm.