Hechos 9:29 - Biblia Dc en Mixe de Quetzaltepec

²⁹ ets kyäjpxy myëtyäky mëët ja jutiis ja'ayëty mëti'ipë griego ayuk kyajpxtëpën; e yë'ëjëty yaj'ookantëp ënety ja Saulo.

Biblia Mixe de Quetzaltepec

²⁹ ets kyäjpxy myëtyäky mëët ja jutiis ja'ayëty mëti'ipë griego ayuk kyajpxtëpën; e yë'ëjëty yaj'ookantëp ënäty ja Saulo.

Hechos 9:29 ပူးပေါင်းရင်းမြစ်များ

Hechos 6:1

Näy jä'ä xëës jä'ä jëmëjt, ma ënety ni'ikyë nyimayëtën mëti'ipë myëpëjktëpën ja Jesús; ja ja'ayëty mëti'ipë ja griego ayuk kyajpxtëpën, ojts tukjoot'anpëktë ja myëku'ukëty mëti'ipë kyajpxtëpën ja hebreo ayuk ets y'ëna'antë ko ja ku'ooky tyo'oxytyëjkëty mëti'ipë griegë ja'ayëtyën ka'ap oy yajputëkëtë ma winë wyä'kxyën.

Judas 1:9

Yë'ëpaat ja Dios ja tyuunpë mëti'ipë xyëëwajtypyën Miguel, ko tsyiptuuny mëët ja mëjku'u ma ja Moisés ja nyi'kx kyopk tnitsiptuunyën, ka'ap ojts ëxëëkjaty t'ënëëmë, je'eyë t'ënëmaay: Wä'än ja Dios mwinkukajpxëty.

2 Corintios 11:26

Tëë xii yaa njëtityës. Nija'apës ja ëyo'on ma mëj nëëkomën, näjyëtu'un ma ja mä'tspëtyën, maas ja nmëkukajpnën, näjyëtu'un xynyë'ëtän xytyu'utänëtës mëti'ipë ka'ap jyutiis'atën. Tëës n'ixy ja ëyo'on ma ja mëjëtypë kajpnën ets näjyëtu'un aayjyotm pejyjotm ets ma ja mejyën; tëëjës n'ixy ja ëyo'on jotmay ma ja mëti'ipë nätyijëtëpën mëpëjkpëtëjk.

Hechos 11:20

E tam ja mëpëjkpëtëjkëty mëti'ipë kukajpn'ajtëp jam Chipre ets Cirenë, jä'ä ojts nyëjkxtë Antioquía ets tkajpxwa'kxtë ja oy aaw oy ayuk ma ja ja'ayëtyën mëti'ipë ka'ap jyutiis'atën.

Hechos 19:8

Tëkëëk po'o ja Pablo jam y'ijty ets xëmë ijty nyijkxy ma ja tsajptëjkën jam Éfeso, tukmëmëtyä'äky ja ja'ay ja Dios ja y'aaw y'ayuk amëk jotmëk, ets ja ja'ay tjatukmëpëka'any wi'ix ja Dios ja kyutujkënën.

Hechos 18:19

Ko jyajtë jam Éfeso, jam ja Pablo ojts tyajwë'ëmy ja Priscila ets ja Aquila ets ojts nyijkxy jam tsajptëkotm tääts tyëjkëy kajpxpë mëtyakpë mëët ja jutiis ja'ayëty.

Hechos 17:17

Paaty jam tsajptëkotm nikajpx nimëtyaktë mëët ja jutiis ja'ayëty ets ka'apë jyutiis'atën mëti'ipë ja Dios y'ëwtajtëpën ets xëmë winjëpom ijty tnimëtya'aktë ko ye'eymyuktë.

Hechos 9:27

Ënet ja Bernabé ojts twoownëjkxy ja Saulo jam, ets tukwinkuwo'owëy ja ijxpëjkpëtëjk. Tääts ja Bernabé tnimëtyäky wi'ix ënety ja Saulo të t'ixyën ja Wintsën tu'ujotm ets wi'ix myëkajpxën ja Wintsën ets näjyëtu'un wi'ix ënety amëk jotmëk të tnikäjpxy të tnimëtyä'äkyën ja Jesús jam Damaskë.

Judas 1:3

Mëku'uktëjkëty, janty jotkujkës näjyawëty ko miits ya'atë noky ntuknijayëtë, jä'ä ko yë'ëjës jap nnikäjpxy nimëtyäkpy ja nitsokën mëti'ipë nmëët'ajtëmën; e paaty ya'atë noky yam ntuknijayëtë ets nmënu'kxta'aktë ko tu'ukyë xyaj'itëty ja mëpëjkën mëti'ipë ja Dios të mo'ojëtën.

Hechos 9:28

Tääts ja Saulo ojts jam wyi'im Jerusalén mëët ja ijxpëjkpëtëjk ets yë'ë mëët jyëtijnëtë. Amëk jotmëk ja Dios ja y'aaw y'ayuk tnikäjpxy tnimëtyakëtë,

Hechos 22:18

N'ijxyës ja Wintsën ets xynyëmaayës: Jotëkoy ets mpëtsëmëty yaa Jerusalén. Ka'ap yë ja'ay tmëpëka'antë koos mijts xyjyanikäjpxy xyjyanimëtya'akëty.