Hechos 9:23 - Biblia Dc en Mixe de Quetzaltepec

²³ Komjekynyëm ja jutiis ja'ayëty ojts tkäjpxy'atë ko ja Saulo tyaj'ooka'antë,

Biblia Mixe de Quetzaltepec

²³ Komjekynyëm ja jutiis ja'ayëty ojts tkäjpxy'atë ko ja Saulo tyaj'ooka'antë,

Hechos 9:23 ပူးပေါင်းရင်းမြစ်များ

Hechos 14:19

Ënet ja jutiis ja'ayëty jyajtë mëti'ipë tso'ontëpën Antioquía ets Iconio, mëti'ipë ojts t'akajpxëtën ja ja'ay ets tyajwinmaaytyëkajtstë. Tääts ja Pablo tka'tstë, jëtu'un tjëjp'ijxtë tëë yowë tyaj'ooktë, tää tjëtujttso'ontë ets kajpnpë'am tnajtsjëtutëtë.

Hechos 13:50

E ja jutiis ja'ayëty ojts t'akajpxëtë ja to'oxytyëjkëty mëti'ipë wintsë'ëkë ijtëpën ets mëti'ipë oy juuky'ajtëpën; näjyëtu'un t'akajpxëtyë ja ye'etyëjkëty mëti'ipë mëj'äämpy ijtëpën ma ja kajpnën ets yë'ëjëty tyajjotma'atëty ja ja'ayëty ets yaj'ëxwojppëtsëmtëty ja Pablo ets ja Bernabé.

2 Corintios 11:26

Tëë xii yaa njëtityës. Nija'apës ja ëyo'on ma mëj nëëkomën, näjyëtu'un ma ja mä'tspëtyën, maas ja nmëkukajpnën, näjyëtu'un xynyë'ëtän xytyu'utänëtës mëti'ipë ka'ap jyutiis'atën. Tëës n'ixy ja ëyo'on ma ja mëjëtypë kajpnën ets näjyëtu'un aayjyotm pejyjotm ets ma ja mejyën; tëëjës n'ixy ja ëyo'on jotmay ma ja mëti'ipë nätyijëtëpën mëpëjkpëtëjk.

Hechos 14:2

Ja jutiis ja'ayëty mëti'ipë ka'ap myëpëktën ojts t'akajpxëtë ja ja'ay mëti'ipë ka'ap jyutiis'atën ets tyajwinmaaytyëkajtstë ets tmëtsiptsoontëty ja mëti'ipë ënety të myëpëktën.

Hechos 9:16

Ntuk'ix ntuknijawëpës wi'ixës xykyu'ëyowëtyën.

Hechos 9:22

Ënet ja Saulo ni'ikyë amëk jotmëk kyajpx'ëtëtsy, wa'ats ja ja'ay tuknija'awëy ko Jesús, yë'ë janty Kristë. Ja jutiis ja'ayëty jëtu'unyë myoonkëtak tyujkëtaktë mëti'ipë ënety tsënaaytyëpën jam Damaskë.

Hechos 15:26

mëti'ipë ja jyuukyajtën kutsë'ëkëtuuy të tpëjkta'aktën ko tmëpëktë ja Wintsën Jesukristë.

Hechos 20:3

Jam ojts wyi'imy tëkëëk po'o. Tam ënety tyimtëkëjanë kepy nëëwinye'epyëjoty ets nyëjkxa'any Sirië ko tnija'awëy tëë ja jutiis ja'ayëty tuknipëjktaakëtë ko tyaj'ooka'antë ja Pablo. Paaty ojts jatëkok tyimwinpity ye'epy, jäätsow nyäjxy Macedonia.

Hechos 23:12

Komjopy ja jutiis ja'ay tkäjpxy'ajtë ets ja Pablo y'ookëty, mëk'äämpy ojts tuknipëjktaakëtë ets ja Dios tyajkajpxtë ets ojts timkyu'ëyuu'atëtë koonëm ja Pablo y'ookëty.