Hechos 9:20 - Biblia Dc en Mixe de Quetzaltepec

²⁰ Tääts ënätyë ja Saulo tkajpxtso'ontäky ja Dios ja y'aaw y'ayuk jam tsajptëkotm ets y'ënäny ko ja Jesús yë'ë ja Dios ja Y'u'unk.

Biblia Mixe de Quetzaltepec

²⁰ Tääts ënätyë ja Saulo tkajpxtso'ontäky ja Tios ja y'aaw y'ayuk jam tsajptëkotm ets y'ënäny ko ja Jesús yë'ë ja Tios ja Y'u'unk.

Hechos 9:20 ပူးပေါင်းရင်းမြစ်များ

Salmos 2:7

Yë'ëjës nikajpxäämpy nimëtya'akäämpy mëti'ipë yë Wintsën të tuknipëjktaakën; yë'ëjës të xy'ënëëmë: Mijts n'U'unk'ajtyp, ëjts yë njot ne'pny mmëët'ajtyp.

Mateo 27:43

Tëë jyot wyinma'any tpëjktä'äky ma Tiosën, wä'än Dios yë'ë tyam yajnitso'okyë pën tsojkëp, jä'ä ko yë'ë jëtu'un të y'ënä'äny ko Dios y'U'unk'atyë.

Mateo 27:54

Ko ja tsiptuunpë wintsën jëtu'un t'ijxtë, mëti'ipë ënety jam kyëwent'ajtëpën ja Jesús, ko nëkoo ja naaxwiinyëtë y'ëkyu'kxnë, ënät tsyë'këtyë ets y'ënantë: Tëytyëm ko tääpë ja'ay Tiostëm ijty U'unk'ajtëp.

Mateo 4:3

Ënet ja mëjku'u nyimiinë ets wyinma'any ixa'anyë, ets y'ënëmaayë: Pën Dios mijts mU'unk'ajtëp, t'ënëëmë ya'atë tsaa ets y'awinpitëty tsajpkääky.

Juan 1:49

Ënet ja Natanael y'ënëmaayë: Wintsën, mijts ja Dios m'u'unk'ajtëp, mijts ja Israel ja'ay yajkutujkpë.

Juan 19:7

Ets ja jutiis ja'ayëty y'ëtsoowtë: Tap ëëts tu'uk ja n'ënä'ämën nmëët'atë mëti'ipë ënaanpën ko y'ookëty ja ja'ay mëti'ipë nätyijëpën Dios U'unk.

Juan 20:28

Ënet ja Tomás y'ëtsooy: Mijts nteety'äjtyp, mijts nTios'ajtyp.

Juan 20:31

Paaty ya'atë të yajkëjxja'ay ets miits xymyëpëktëty ko ja Jesús yë'ë Kristë, Dios U'unk ets yë'ë xymyëpëktëty, ets jëtu'un xypaatëty ja juukyajtën xëmëkyëjxmëpë.

Hechos 13:14

Jam Perge tsyo'ontë ets jyajtë Antioquía, Pisidia y'itjotm. Po'kxënxëëw ënety ko tyëjkëtyë jap tsajptëkoty ets nyaaxwä'tstë.

Hechos 13:33

Ets të tkuuytyuny ets ntuk'oy'ajtmëty ko të tyajjuukpyijky ja Jesús jatëkok. Jëtu'un ijxtëm y'ënä'änyën ja mëmäjtskpë ja salmos: Mijts n'u'unk'ajtyp. Ëjts mijts të nyajkojy.

Hechos 13:46

Ënet ja Pablo ets ja Bernabé ojts ja ja'ay amëk jotmëk tmëkajpxtë ets t'ënëmaaytyë: Israel ja'ayëty, kopkpëky ets miits ja Dios ja y'aaw y'ayuk jëwyiin myajtuk'ëwaanëtëty, jä'ä ko miits mjutiis'atë; e miitsëty ka'ap xykyupëktë ets ka'ap mnätyukmë'a'ixëtë ja juukyajtën xëmëkyëjxmëpë. Nikë oy ëëts nëjkxëty wiink kajpn ma ja ja'ayëtyën ka'apë jyutiis'atën.

Hechos 13:5

Ko jyajtë mejypyë'am ma txëëwatyën Salamina, ënät tkajpxwa'kxtso'ontë ja Dios ja y'aaw y'ayuk ma ja jutiis ja'ayëty ja tsyajptëjkëtyën. Tam ënety mëëtëty ja Juan, jä'ä ojts pyutëkëtë.

Hechos 14:1

Ko ja Pablo ets ja Bernabé jyajtë jam Iconio, ënät tyëjkëtyë ma ja jutiis ja'ayëty ja tsyajptëjkëtyën ets nimëtyaktë ja Dios ja y'aaw y'ayuk, may ja ja'ay myëpëjktë, wä'än tjutiis tkajutiisëty.

Hechos 16:13

Po'kxënxëëw ënety koos ojts nnëjkxtë jam mëjnëë ëkë'ëm, maas ënety të nijawëtën ko jam ja jutiis ja'ay nyëjkxtë Dios mëkajpxpë. Etsës jam naaxwä'tstë, ntuk'ëwaanëtës ja oy aaw oy ayuk ja to'oxytyëjkëty mëti'ipë ënety jam të nyiye'eypyätën.

Hechos 17:10

Ko kyootsëy, ënätyë ja mëpëjkpëtëjk tnajtskäjxëtë ja Pablo ets ja Silas jam Berea. Ko jam jyajtë, ënät ojts nyëjkxtë ma ja jutiis ja'ayëty ja tsyajptëjkëtyën.

Hechos 17:17

Paaty jam tsajptëkotm nikajpx nimëtyaktë mëët ja jutiis ja'ayëty ets ka'apë jyutiis'atën mëti'ipë ja Dios y'ëwtajtëpën ets xëmë winjëpom ijty tnimëtya'aktë ko ye'eymyuktë.

Hechos 17:2

Ënet ja Pablo tyëjkëy tsajptëkoty, ijxtëm xëmë tuny'ätyën ets tnimëtyäky ja Dios ja y'aaw y'ayuk. Tëkëëk sëmaan ja ja'ay mëët nimëtyaktë ja Dios ja y'aaw y'ayuk.

Hechos 18:19

Ko jyajtë jam Éfeso, jam ja Pablo ojts tyajwë'ëmy ja Priscila ets ja Aquila ets ojts nyijkxy jam tsajptëkotm tääts tyëjkëy kajpxpë mëtyakpë mëët ja jutiis ja'ayëty.

Hechos 18:4

Winsábëdë ijty nyijkx tsajptëkotm, ets ja ja'ay mëët kyäjpxy myëtyä'äky, jëtu'un ja ja'ay tjayajmëpëka'any, wä'än tjutiisëty ets tkajutiisëty.

Hechos 19:8

Tëkëëk po'o ja Pablo jam y'ijty ets xëmë ijty nyijkxy ma ja tsajptëjkën jam Éfeso, tukmëmëtyä'äky ja ja'ay ja Dios ja y'aaw y'ayuk amëk jotmëk, ets ja ja'ay tjatukmëpëka'any wi'ix ja Dios ja kyutujkënën.

Hechos 8:36

Jëtu'un tyu'uye'eytyë, ënät ja nëë tpatë ets ja Etiopíë ja'ay y'ënäny: Tyaa nëë, ¿ka'ap jëtää y'oyëty koos nnëëpätëtyë?

Hechos 8:37

Tää ja Felipe y'ëtsooy: Pën mmëpëjkpy yë Jesús ëmuumtu'ukjot, oy mnëëpätëty. Tää y'ëtsoowinpijty: Nmëpëjkpës ko Jesús Dios y'u'unk'atyë.

Hechos 9:22

Ënet ja Saulo ni'ikyë amëk jotmëk kyajpx'ëtëtsy, wa'ats ja ja'ay tuknija'awëy ko Jesús, yë'ë janty Kristë. Ja jutiis ja'ayëty jëtu'unyë myoonkëtak tyujkëtaktë mëti'ipë ënety tsënaaytyëpën jam Damaskë.

Romanos 1:4

je'eyëp ko jyuukpyijky o'kpë akujky jää ojts y'awinpity Dios u'unk, mëët ja kuttujkën, ets mëët ja mëk'ajtën mëti'ipë yajwatspën.

Gálatas 1:16

ets ojts xytyuk'ixy xytyuknijawës ja y'u'unk Jesús etsës nkajpxwa'kxëty ja Jesús ja jyä'ä ma ja ja'ayëtyën ka'apë jyutiis'atën. Ka'apës pën ja'ay nyajtëëy nyajtëtäky,

Gálatas 2:20

ka'ap y'ëjtsëty n'ëkjuuky'ajnë, Kristë juuky'ajnëp maas ja njot nwinma'anyën. Ja juukyajtën mëti'ipës ja nnini'kx tyuk'oy'äjtypyën, paaty jyuuky'äty jä'äs ko nmëpëky ja Dios ja y'U'unk, mëti'ipës të xytsyokyën etsës të xykyu'oo'kë.

Apocalipsis 2:18

Nnijayë yë tsajpjotmëtë kukäjpxy jampë yajpaatyën Tiatira: Jëtu'un y'ënä'äny ja Dios U'unk, mëti'ipë ja wyiin jëtu'un këxë'kpën tä jëënyä'änkën ets ja tyeky tä ja tsuxkpujxnën mëti'ipë ajajpën.