Hechos 9:15 - Biblia Dc en Mixe de Quetzaltepec

¹⁵ Tää ja Wintsën y'ënäny: Nëjkx, tëëjës ntuknipëky. Nyajtunäämpyës yë'ë ets nyëjkxëty ma ja ja'ay mëti'ipë ka'ap jyutiisëty. Jamts tnikäjpxy tnimëtya'akëty ja n'aaw n'ayukës ma ja mëti'ipë tsënaaytyëpën wiink it wiink naax ets ja yajkutujkpë mëti'ipë ënä'ämtëpën, näjyëtu'un ja Israel ja'ayëty.

Biblia Mixe de Quetzaltepec

¹⁵ Tää ja Wintsën y'ënäny: Nëjkx, tëëjës ntuknipëky. Nyajtunäämpyës yë'ë ets nyëjkxëty ma ja ja'ay mëti'ipë ka'ap jyutiisëty. Jamts tnikäjpxy tnimëtya'akëty ja n'aaw n'ayukës ma ja mëti'ipë tsënaaytyëpën wiink it wiink naax ets ja yajkutujkpë mëti'ipë ënä'ämtëpën, näjyëtu'un ja Israel ja'ayëty.

Hechos 9:15 ပူးပေါင်းရင်းမြစ်များ

Romanos 11:13

E tap miits njaakmëmëtya'aka'antë, miitsëty mëti'ipë ka'ap jyutiis'atën. Mëët ko ja Dios të xytyuknikexyës ja mëti'ipë ka'ap jyutiis ja'ay'atën, jotkujkës näjyawëty mëët ya'atë tuunk.

Romanos 1:5

Jesukristë mëyajtën të tuny etsës të xyajnaxy oy ayukkajpxwa'kxpë, jëtu'unts oymyaatsowëty ja ja'ay tmëpëktëty ja Jesukristë ets tmëmëtowtëty.

1 Timoteo 2:7

Paatyës të nyajpëjktä'äky ayuk käjpxynyajxpë etsës yë ja'ay ntuk'ijxpëkëty yë mëpëjkën ets tëyajtën mëti'ipë ka'ap jyutiis'atën. Tëyës n'ëna'any, ka'apës n'antä'äky.

Jeremias 1:5

Ka'anëm ënety juukyajtën nmo'oynyëm ko ojts nwin'ixy, ka'anëm ënety mminyëm naaxwiiny ko ëpëky npëjktäky; yë'ë ojts ntukniwë'ëmë ets m'itëty käjpxynyajxpë ma naax kajpnën.

2 Timoteo 2:4

Nitu'uk ja tsiptuunpë tkamëmay tkamëtajy ja wiink winma'any ko jam tsyiptuny, jä'ä ko oy mëët ja wyintsën wyë'ëma'any.

Hechos 22:21

Täätsës ja Wintsën xynyëmaay: Nëjkx, jam mijts nkäxa'any jëkäm ma ja ja'ay ka'apë jyutiis'atën.

Juan 15:16

Ka'ap myiits'atë të xywyinwitstës, ëjts miits të nwinwitstë ets të ntuknipëktë m'itëty ijxtëm ja tsatym xe'entyën mëti'ipë may tëëm'ajtpën ets y'itëty xëmëkyëjxm mëti'ipë mtuuntëpën. Jëtu'un ja Dios Teety mmo'oja'anëtë tëkokyë mëti'ipë m'amëtoowtëpën ëjts nxëëwkyëjxm.

2 Timoteo 1:11

Dios të xytyuknipëkyës ets ya'atë y'aaw y'ayuk nkajpxwa'kxëtyës, tëëjës xykyexy ayukkajpxwa'kxpë ets nyaj'ijxpëkëtyës ja ja'ay.

Gálatas 1:1

Ëjts Pablo, ka'apës jyä'äyëty të xykyexy, ni ja'ayës të xykyapëjktä'äky oy ayuk käjpxynyajxpë; Jesukristë mëët ja Dios Teety mëti'ipë ojts tyajjuukpyikyën ja Jesukristë, yë'ëjës të xypyëjktä'äky oy ayukkajpxwa'kxpë.

1 Corintios 15:10

E ja Dios tëë ja myëj'ajtën tuny, paatyës të xykyupëky ets ja mëyajtën mëti'ipë të tunyën ka'ap ja nyatëkë'aty. Nikë tëëjës wäänëni'ik ntuny këtiinëm ja wiink ijxpëjkpëtëjkëty; je'eyëp ko ka'ap y'ëjtsëty kë'ëm, Tiosës të xypyutëkë mëët ja y'oyjyot y'oywyinma'any.

Hechos 13:2

Tëkok, ja Wintsën ënety jam wyintsë'këtëp ets ayuu'ajtëp ënety jam ko ja Kënu'kxymyëkajtën ojts y'ënä'äny: Ëpëky yë Bernabé ets Saulo pëjkta'aktë ets tuntëty mëti'ipës të ntukniwoowtsowëtën.

Mateo 10:18

Ëjtskyëjxm nëjkx myajmënëjkxtë ma ja yajkutujkpën ets ma ja kutuunkëtyën. Jëtu'un nëjkx xyaj'ixëtë ja tëyajtën ëjtskyëjxm ma yë'ëjëtyën ets ma ja ka'apë jyutiiyësëty.

Apocalipsis 17:14

Tääts mëët tsyiptuna'antë mëti'ipë yajtijpën Kupixyny U'unk; nëjkxëp myëmëta'akëtë ja mëti'ipë yajtijpën Kupixyn U'unk, jä'ä ko wintsëntëjk Wintsën ja y'ity, ets yajkutujkpëtëjk Yajkutujkpë; mëët nëjkx y'ity mëti'ipë ja Dios të wyinwitsëtën ets mëti'ipë wintëy wiinkujk mëët ja Dios y'itën.

Hechos 27:24

Etsës të xy'ënëëmë: Këtii mtsë'ëkëty Pablo, jä'ä ko kopkpëky ko xywyinkuwa'akëja'any ja yajkutujkpë ets näjyëtu'un ja Dios të y'ënä'äny ko nitu'uk kya'ooka'any mëti'ipë mëët myajpaatyën jap kepy nëëwinye'epyëjoty.

Hechos 26:32

Ënet ja yajkutujkpë Agripa t'ënëmaay ja yajkutujkpë Festo: Tëë jeexyë yaj'ëxmatsy ko jeexyë kë'ëm të tka'amëtoy ets ja yajkutujkpë kopk nyipaye'eyëtëty.

Hechos 25:22

Tääts ja Agripa t'ënëmaay ja Festo: Ëjts nän njamëtoow'itäämpyës wi'ix tääpë ja'ay y'ënä'äny. Ets ja Festo y'ënäny: Jëpom xymyëtowëty.

Hechos 21:19

Ojts ja Pablo tkajpxpo'kxy mëti'ipë ënety japëtyën, tääts tukmëmëtyaktaay wi'ix ja Dios ojts pyutëkëtyën ko tyajmëpëjky ja ja'ay ka'apë jyutiis'atën.

Jeremias 1:7

E yë Wintsën tääjës xy'ënëmaay: Këtii jëtu'un m'ëna'any ko m'ëna'knëmëty. Mijts jam mnëjkxëty ma nkäxa'anyën, yë'ë mkajpxnaxëp mëti'ipë yam ntuk'ënëëmëjäämpyën.

Hechos 28:17

Ko ja Pablo jam jyä'äjty, kom tëkëëk xëëw twoowtsooy ja jutiis ja'ay mëti'ipë wintsën'ajtëpën jam Roma. Ko nyiye'eypyäjtë ets ja Pablo t'ënëmaay: Mëku'uktëjkëty, ëjts, ka'apës yë nja'ay'ajtëm tii të ntukmëtuuntëkoytyë ets nän ka'apës ja n'ap'ajt nteety'ajtëm ja y'ënä'ämën të nkäjpxykyutëjë. Nanëkokyëjxmës xymyajtstë jam Jerusalén ets xykyë'ëyajktës ma ja Romë ja'ayëtyën.

Hechos 22:14

Ets xyjyaak'ënëmaayës: Ja Dios, mëti'ipë ja nteety'ajt n'ap'ajtëm ijty Tyios'ajtëpën, yë'ë të mwin'ixyë ets xynyijawëty mëti'ipë yë'ë tsyojkpyën, ets xy'ixëty mëti'ipë mëtëyën ets xymyëtowëty ko mmëkajpxëtëty.

Hechos 26:1

Ënet ja yajkutujkpë Agripa t'ënëmaay ja Pablo: Oy mnäkyukajpxëtëty. Tääts ja Pablo ja kyë'ë txajjë'ky ets kyajpxtso'ony:

Hechos 28:28

Tääts ja Pablo jyaak'ënany: Yë'ë mnijawëtëp, ko tyam ets jëtu'un tyu'uye'eyä'äny yë xëëw jëmëjt, ja Dios ja nyitsokën yë'ë yajmo'ojantëp ja ja'ayëty ka'apë jyutiis'atën, jä'ä ko yë'ëjëty mëtoowtëp yë'ëjëty.

Romanos 1:1

Ëjts Pablo, Kristë Jesús myëtuunpë. Tiosës të xywoowtsoy etsës nmëtunëty, të xytyuknipëkyës ets nkajpxwa'kxëtyës ja y'aaw y'ayuk oypyë.

1 Corintios 9:16

Koos nnikäjpxy ja oy aaw oy ayuk ka'apës nnätyukmëjpëjktä'äkyë. Jëtu'unës npëjktä'äky ijxtëm ja tuunk akwanëpën mëti'ipës të xytyuknipëktën. Mon tukës jeexyë të nyajpaaty koos jeexyë ka'ap të nkajpxwä'kxy.

Efesios 3:1

Paatyës, ëjts Pablo, yap tsumy n'ity mëët yë'ëkyëjxm koos ja Kristë nmëtuny ets miits xytyuk'oy'attëty mëti'ipë ka'ap jyutiis'atën.