Hechos 8:37 - Biblia Dc en Mixe de Quetzaltepec

³⁷ Tää ja Felipe y'ëtsooy: Pën mmëpëjkpy yë Jesús ëmuumtu'ukjot, oy mnëëpätëty. Tää y'ëtsoowinpijty: Nmëpëjkpës ko Jesús Dios y'u'unk'atyë.

Biblia Mixe de Quetzaltepec

³⁷ Tää ja Felipe y'ëtsooy: Pën mmëpëjkpy yë Jesús ëmuumtu'ukjot, oy mnëëpätëty. Tää y'ëtsoowinpijty: Nmëpëjkpës ko Jesús Tios y'u'unk'atyë.

Hechos 8:37 ပူးပေါင်းရင်းမြစ်များ

Mateo 16:16

Tääts ja Simón Pedro y'ëtsooy: MKristë mijts, ja juuky Dios ja y'U'unk.

Mateo 28:19

Nëjkxtë naaxwiinyëtë apëtsëmy ets xyaj'awinpitëty yë ja'ay ëjts n'ijxpëjkpë; yajnëëpätë mëët yë Dios yë xyëëw, Dios U'unk ets mëët yë Kënu'kxymyëkajtën yë xyëëw,

Marcos 16:16

Pën myëpëjkpy ets nyëëpety, yë'ë nëjkx nyitso'oky; e pën kamëpëjkp, yë'ë nëjkx yajkpoky'ixy.

Juan 11:27

Ënet ja Marta y'ëtsooy: Jëtu'un Wintsën, nmëpëjkpyës ko mijts mKristë, Dios U'unk, mëti'ipë ënety minaanpën.

Juan 20:31

Paaty ya'atë të yajkëjxja'ay ets miits xymyëpëktëty ko ja Jesús yë'ë Kristë, Dios U'unk ets yë'ë xymyëpëktëty, ets jëtu'un xypaatëty ja juukyajtën xëmëkyëjxmëpë.

Juan 6:68

Ënet ja Simón Pedro y'ëtsooy: Wintsën, ¿Pën n'ëkninëjkxtëpës? mijts yë'ë mnimëtyäkpy ja juukyajtën xëmëkyëjxmëpë.

Juan 9:35

Ojts ja Jesús tnijawë ko ënety ja wiints të t'ixkäxtë jap tsajptëkoty; ko tpaty, ënät tyajtëëy: ¿Mmëpëjkpy mijts ja naaxwiinyëtë ja'ay ja y'U'unkë?

Hechos 2:38

Tää ja Pedro y'ëtsooy: Ixmatstë ja m'ëxëëk winma'anyëty, jootwinpitë ets mnëëpätëty tu'ukjaty Jesús xyëëwkyëjxm ets ja mpoky yajmä'kxtëty, ets näjyëtu'un ja Kënu'kxymyëkajtën myajmo'otëty.

Hechos 8:12

Ko ja Felipe ojts nimëtyä'äky ja aaw ayuk oypyë mëti'ipë ja Dios kyutujkën'ajtypyën ets näjyëtu'un nimëtyäky ja Jesús ja jyä'ä, tääts tmëpëjktë mëti'ipë ja Felipe kyäjpxypën ets nyëëpäjtë ye'etyëjk to'oxytyëjk.

Hechos 8:21

Ka'ap ya'atë tuunk mpaatyë, jä'ä ko ka'ap yë m'aaw mjot y'oyëty ma Tiosën.

Hechos 8:36

Jëtu'un tyu'uye'eytyë, ënät ja nëë tpatë ets ja Etiopíë ja'ay y'ënäny: Tyaa nëë, ¿ka'ap jëtää y'oyëty koos nnëëpätëtyë?

Hechos 8:38

Ko jëtu'un y'ënäny, tää ja kepy wintëkäämpë tyajwa'ak'o'oyëtë ets nimäjtsk ojts nyëjkxtë nëëjotm. Jamts nyëëpejty ja Etiopíë ja'ay.

Hechos 9:20

Tääts ënätyë ja Saulo tkajpxtso'ontäky ja Dios ja y'aaw y'ayuk jam tsajptëkotm ets y'ënäny ko ja Jesús yë'ë ja Dios ja Y'u'unk.

Romanos 10:10

jä'ä ko aawjoty jootjoty tsyoony ets nmëpëjkmëty ko npata'anëm ja mëtëypyë ja nipaye'eyën, ets mëët ja aaw ayuk yajnikäjpxy ko Jesukristë yë'ë mëët yajpaata'any ja nitsokën.

1 Corintios 12:3

Paaty miits tyam ntuk'ëwaanëtë ko pën y'ëna'anëty: Kajpxpoky ja Jesús y'ity, ka'ap ënety ja Dios yë'ëjëty ja Jya'awënëty yajkäjpxyë ets näjyëtu'un ka'ap pën y'ëna'anëty: Jesús yë'ë Wintsën, pën ka'ap ja Dios yëë ja myëjaaw myëk'ajtën yajkäjpxyë.

1 Pedro 3:21

Ya'atë nëë, jëtu'un ja nyäxy ijxtëm ja nëëpäjtënën, mëti'ipë ëëtsajtëm tyam ntuk'oy'ajtëmën. Ka'ap yë'ëjëty ja nëëpäjtën mëti'ipë ja ni'kx kopk yajwatsypyën, yë'ë mëti'ipë ja jot winma'any wa'ats yaj'itëpën Dios wyintum, jëtu'unts ja nitsokën npatmëty ko ja Jesukristë jyuukpyijky ma ënety të y'ookyën,

1 Juan 4:15

Pën nyikäjpxyp ko ja Jesús Dios y'U'unk'atyë, yë'ë mëët ja Dios jyuuky'äty ets Dios jam yajpaaty ma yë'ëjën.

1 Juan 5:1

Pën myëpëjkpy ko ja Jesús yë'ë mëti'ipë ënety yajjëjp'ijxpën, Dios ja u'unk'ajtëp; ets pën ja Dios Teety tsyojkpy, näjyëtu'un tsokëty ja Dios u'unk.

1 Juan 5:10

Pën myëpëjkpy ja Dios U'unk, jyotjoy wyinma'anyjoty ja y'ity ko ja Jesús Tyios y'U'unk'atyë. Pën ka'ap tmëpëky, jëtu'un ja Dios tyajnaxy ijxtëm jeexyë wyin'ëënyën; jä'ä ko ka'ap ja y'aaw y'ayuk tmëpëjkë ijxtëm ja y'U'unk tnimëtyä'äkyën.

1 Juan 5:5

Pën myëpëjkpy ko ja Jesús Dios y'U'unk'atyë, jä'ä myëmëtäkpy ja naaxwiinyëtë winma'any.